| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੭. ਸਤ੍ਤਰਸਮવਗ੍ਗੋ
17. Sattarasamavaggo
(੧੭੩) ੮. ਨ વਤ੍ਤਬ੍ਬਂ ਸਙ੍ਘੋ ਭੁਞ੍ਜਤੀਤਿਕਥਾ
(173) 8. Na vattabbaṃ saṅgho bhuñjatītikathā
੭੯੫. ਨ વਤ੍ਤਬ੍ਬਂ – ‘‘ਸਙ੍ਘੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤੀ’’ਤਿ? ਆਮਨ੍ਤਾ। ਨਨੁ ਅਤ੍ਥਿ ਕੇਚਿ ਸਙ੍ਘਭਤ੍ਤਾਨਿ ਕਰੋਨ੍ਤਿ, ਉਦ੍ਦੇਸਭਤ੍ਤਾਨਿ ਕਰੋਨ੍ਤਿ, ਯਾਗੁਪਾਨਾਨਿ ਕਰੋਨ੍ਤੀਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਕੇਚਿ ਸਙ੍ਘਭਤ੍ਤਾਨਿ ਕਰੋਨ੍ਤਿ, ਉਦ੍ਦੇਸਭਤ੍ਤਾਨਿ ਕਰੋਨ੍ਤਿ, ਯਾਗੁਪਾਨਾਨਿ ਕਰੋਨ੍ਤਿ, ਤੇਨ વਤ ਰੇ વਤ੍ਤਬ੍ਬੇ – ‘‘ਸਙ੍ਘੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤੀ’’ਤਿ।
795. Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu atthi keci saṅghabhattāni karonti, uddesabhattāni karonti, yāgupānāni karontīti? Āmantā. Hañci atthi keci saṅghabhattāni karonti, uddesabhattāni karonti, yāgupānāni karonti, tena vata re vattabbe – ‘‘saṅgho bhuñjati pivati khādati sāyatī’’ti.
ਨ વਤ੍ਤਬ੍ਬਂ – ‘‘ਸਙ੍ਘੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤੀ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਗਣਭੋਜਨਂ ਪਰਮ੍ਪਰਭੋਜਨਂ ਅਤਿਰਿਤ੍ਤਭੋਜਨਂ ਅਨਤਿਰਿਤ੍ਤਭੋਜਨ’’ਨ੍ਤਿ? ਆਮਨ੍ਤਾ। ਹਞ੍ਚਿ વੁਤ੍ਤਂ ਭਗવਤਾ – ‘‘ਗਣਭੋਜਨਂ ਪਰਮ੍ਪਰਭੋਜਨਂ ਅਤਿਰਿਤ੍ਤਭੋਜਨਂ ਅਨਤਿਰਿਤ੍ਤਭੋਜਨਂ’’, ਤੇਨ વਤ ਰੇ વਤ੍ਤਬ੍ਬੇ – ‘‘ਸਙ੍ਘੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤੀ’’ਤਿ।
Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu vuttaṃ bhagavatā – ‘‘gaṇabhojanaṃ paramparabhojanaṃ atirittabhojanaṃ anatirittabhojana’’nti? Āmantā. Hañci vuttaṃ bhagavatā – ‘‘gaṇabhojanaṃ paramparabhojanaṃ atirittabhojanaṃ anatirittabhojanaṃ’’, tena vata re vattabbe – ‘‘saṅgho bhuñjati pivati khādati sāyatī’’ti.
ਨ વਤ੍ਤਬ੍ਬਂ – ‘‘ਸਙ੍ਘੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤੀ’’ਤਿ? ਆਮਨ੍ਤਾ। ਨਨੁ ਅਟ੍ਠ ਪਾਨਾਨਿ વੁਤ੍ਤਾਨਿ ਭਗવਤਾ – ਅਮ੍ਬਪਾਨਂ, ਜਮ੍ਬੁਪਾਨਂ , ਚੋਚਪਾਨਂ, ਮੋਚਪਾਨਂ, ਮਧੁਕਪਾਨਂ, 1 ਮੁਦ੍ਦਿਕਪਾਨਂ, ਸਾਲੁਕਪਾਨਂ, ਫਾਰੁਸਕਪਾਨਨ੍ਤਿ? ਆਮਨ੍ਤਾ। ਹਞ੍ਚਿ ਅਟ੍ਠ ਪਾਨਾਨਿ વੁਤ੍ਤਾਨਿ ਭਗવਤਾ – ਅਮ੍ਬਪਾਨਂ, ਜਮ੍ਬੁਪਾਨਂ, ਚੋਚਪਾਨਂ, ਮੋਚਪਾਨਂ, ਮਧੁਕਪਾਨਂ, ਮੁਦ੍ਦਿਕਪਾਨਂ , ਸਾਲੁਕਪਾਨਂ, ਫਾਰੁਸਕਪਾਨਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਸਙ੍ਘੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤੀ’’ਤਿ।
Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu aṭṭha pānāni vuttāni bhagavatā – ambapānaṃ, jambupānaṃ , cocapānaṃ, mocapānaṃ, madhukapānaṃ, 2 muddikapānaṃ, sālukapānaṃ, phārusakapānanti? Āmantā. Hañci aṭṭha pānāni vuttāni bhagavatā – ambapānaṃ, jambupānaṃ, cocapānaṃ, mocapānaṃ, madhukapānaṃ, muddikapānaṃ , sālukapānaṃ, phārusakapānaṃ, tena vata re vattabbe – ‘‘saṅgho bhuñjati pivati khādati sāyatī’’ti.
੭੯੬. ਸਙ੍ਘੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤੀਤਿ? ਆਮਨ੍ਤਾ। ਮਗ੍ਗੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤਿ, ਫਲਂ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
796. Saṅgho bhuñjati pivati khādati sāyatīti? Āmantā. Maggo bhuñjati pivati khādati sāyati, phalaṃ bhuñjati pivati khādati sāyatīti? Na hevaṃ vattabbe…pe….
ਨ વਤ੍ਤਬ੍ਬਂ ਸਙ੍ਘੋ ਭੁਞ੍ਜਤੀਤਿਕਥਾ ਨਿਟ੍ਠਿਤਾ।
Na vattabbaṃ saṅgho bhuñjatītikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਨ વਤ੍ਤਬ੍ਬਂ ਸਙ੍ਘੋ ਭੁਞ੍ਜਤੀਤਿਕਥਾવਣ੍ਣਨਾ • 8. Na vattabbaṃ saṅgho bhuñjatītikathāvaṇṇanā
