| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൭. സത്തരസമവഗ്ഗോ
17. Sattarasamavaggo
(൧൭൩) ൮. ന വത്തബ്ബം സങ്ഘോ ഭുഞ്ജതീതികഥാ
(173) 8. Na vattabbaṃ saṅgho bhuñjatītikathā
൭൯൫. ന വത്തബ്ബം – ‘‘സങ്ഘോ ഭുഞ്ജതി പിവതി ഖാദതി സായതീ’’തി? ആമന്താ. നനു അത്ഥി കേചി സങ്ഘഭത്താനി കരോന്തി, ഉദ്ദേസഭത്താനി കരോന്തി, യാഗുപാനാനി കരോന്തീതി? ആമന്താ. ഹഞ്ചി അത്ഥി കേചി സങ്ഘഭത്താനി കരോന്തി, ഉദ്ദേസഭത്താനി കരോന്തി, യാഗുപാനാനി കരോന്തി, തേന വത രേ വത്തബ്ബേ – ‘‘സങ്ഘോ ഭുഞ്ജതി പിവതി ഖാദതി സായതീ’’തി.
795. Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu atthi keci saṅghabhattāni karonti, uddesabhattāni karonti, yāgupānāni karontīti? Āmantā. Hañci atthi keci saṅghabhattāni karonti, uddesabhattāni karonti, yāgupānāni karonti, tena vata re vattabbe – ‘‘saṅgho bhuñjati pivati khādati sāyatī’’ti.
ന വത്തബ്ബം – ‘‘സങ്ഘോ ഭുഞ്ജതി പിവതി ഖാദതി സായതീ’’തി? ആമന്താ. നനു വുത്തം ഭഗവതാ – ‘‘ഗണഭോജനം പരമ്പരഭോജനം അതിരിത്തഭോജനം അനതിരിത്തഭോജന’’ന്തി? ആമന്താ. ഹഞ്ചി വുത്തം ഭഗവതാ – ‘‘ഗണഭോജനം പരമ്പരഭോജനം അതിരിത്തഭോജനം അനതിരിത്തഭോജനം’’, തേന വത രേ വത്തബ്ബേ – ‘‘സങ്ഘോ ഭുഞ്ജതി പിവതി ഖാദതി സായതീ’’തി.
Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu vuttaṃ bhagavatā – ‘‘gaṇabhojanaṃ paramparabhojanaṃ atirittabhojanaṃ anatirittabhojana’’nti? Āmantā. Hañci vuttaṃ bhagavatā – ‘‘gaṇabhojanaṃ paramparabhojanaṃ atirittabhojanaṃ anatirittabhojanaṃ’’, tena vata re vattabbe – ‘‘saṅgho bhuñjati pivati khādati sāyatī’’ti.
ന വത്തബ്ബം – ‘‘സങ്ഘോ ഭുഞ്ജതി പിവതി ഖാദതി സായതീ’’തി? ആമന്താ. നനു അട്ഠ പാനാനി വുത്താനി ഭഗവതാ – അമ്ബപാനം, ജമ്ബുപാനം , ചോചപാനം, മോചപാനം, മധുകപാനം, 1 മുദ്ദികപാനം, സാലുകപാനം, ഫാരുസകപാനന്തി? ആമന്താ. ഹഞ്ചി അട്ഠ പാനാനി വുത്താനി ഭഗവതാ – അമ്ബപാനം, ജമ്ബുപാനം, ചോചപാനം, മോചപാനം, മധുകപാനം, മുദ്ദികപാനം , സാലുകപാനം, ഫാരുസകപാനം, തേന വത രേ വത്തബ്ബേ – ‘‘സങ്ഘോ ഭുഞ്ജതി പിവതി ഖാദതി സായതീ’’തി.
Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu aṭṭha pānāni vuttāni bhagavatā – ambapānaṃ, jambupānaṃ , cocapānaṃ, mocapānaṃ, madhukapānaṃ, 2 muddikapānaṃ, sālukapānaṃ, phārusakapānanti? Āmantā. Hañci aṭṭha pānāni vuttāni bhagavatā – ambapānaṃ, jambupānaṃ, cocapānaṃ, mocapānaṃ, madhukapānaṃ, muddikapānaṃ , sālukapānaṃ, phārusakapānaṃ, tena vata re vattabbe – ‘‘saṅgho bhuñjati pivati khādati sāyatī’’ti.
൭൯൬. സങ്ഘോ ഭുഞ്ജതി പിവതി ഖാദതി സായതീതി? ആമന്താ. മഗ്ഗോ ഭുഞ്ജതി പിവതി ഖാദതി സായതി, ഫലം ഭുഞ്ജതി പിവതി ഖാദതി സായതീതി? ന ഹേവം വത്തബ്ബേ…പേ॰….
796. Saṅgho bhuñjati pivati khādati sāyatīti? Āmantā. Maggo bhuñjati pivati khādati sāyati, phalaṃ bhuñjati pivati khādati sāyatīti? Na hevaṃ vattabbe…pe….
ന വത്തബ്ബം സങ്ഘോ ഭുഞ്ജതീതികഥാ നിട്ഠിതാ.
Na vattabbaṃ saṅgho bhuñjatītikathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൮. ന വത്തബ്ബം സങ്ഘോ ഭുഞ്ജതീതികഥാവണ്ണനാ • 8. Na vattabbaṃ saṅgho bhuñjatītikathāvaṇṇanā
