| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
8. ந வத்தப்³ப³ங் ஸங்கோ⁴ பு⁴ஞ்ஜதீதிகதா²வண்ணனா
8. Na vattabbaṃ saṅgho bhuñjatītikathāvaṇṇanā
795-796. இதா³னி ந வத்தப்³ப³ங் ஸங்கோ⁴ பு⁴ஞ்ஜதீதிகதா² நாம ஹோதி. தத்ராபி ‘‘மக்³க³ப²லானேவ ஸங்கோ⁴ நாம, ந ச தானி கிஞ்சி பு⁴ஞ்ஜந்தி, தஸ்மா ந வத்தப்³ப³ங் ஸங்கோ⁴ பு⁴ஞ்ஜதி, பிவதி, கா²த³தி, ஸாயதீ’’தி யேஸங் லத்³தி⁴, ஸெய்யதா²பி தேஸங்யேவ; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ ஸங்கோ⁴ ந பு⁴ஞ்ஜெய்ய, ஸங்க⁴ப⁴த்தாதி³கரணங் நிரத்த²கங் ப⁴வெய்யா’’தி சோதே³துங் நனு அத்தி² கேசி ஸங்க⁴ப⁴த்தானி கரொந்தீதிஆதி³மாஹ. க³ணபோ⁴ஜனந்திஆதி³ ‘‘யதி³ ஸங்கோ⁴ ந பு⁴ஞ்ஜெய்ய, கஸ்ஸ க³ணபோ⁴ஜனாதீ³னி ஸியு’’ந்தி சோத³னத்த²ங் வுத்தங். அட்ட² பானானீதி இத³ம்பி ‘‘யதி³ ஸங்கோ⁴ ந பிவெய்ய, கஸ்ஸேதானி பானானி ஸத்தா² அனுஜானெய்யா’’தி சோத³னத்த²ங் வுத்தங். ஸேஸமிதா⁴பி ஹெட்டா² வுத்தனயேனேவ வேதி³தப்³ப³ந்தி.
795-796. Idāni na vattabbaṃ saṅgho bhuñjatītikathā nāma hoti. Tatrāpi ‘‘maggaphalāneva saṅgho nāma, na ca tāni kiñci bhuñjanti, tasmā na vattabbaṃ saṅgho bhuñjati, pivati, khādati, sāyatī’’ti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Atha naṃ ‘‘yadi saṅgho na bhuñjeyya, saṅghabhattādikaraṇaṃ niratthakaṃ bhaveyyā’’ti codetuṃ nanu atthi keci saṅghabhattāni karontītiādimāha. Gaṇabhojanantiādi ‘‘yadi saṅgho na bhuñjeyya, kassa gaṇabhojanādīni siyu’’nti codanatthaṃ vuttaṃ. Aṭṭha pānānīti idampi ‘‘yadi saṅgho na piveyya, kassetāni pānāni satthā anujāneyyā’’ti codanatthaṃ vuttaṃ. Sesamidhāpi heṭṭhā vuttanayeneva veditabbanti.
ந வத்தப்³ப³ங் ஸங்கோ⁴ பு⁴ஞ்ஜதீதிகதா²வண்ணனா.
Na vattabbaṃ saṅgho bhuñjatītikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (173) 8. ந வத்தப்³ப³ங் ஸங்கோ⁴ பு⁴ஞ்ஜதீதிகதா² • (173) 8. Na vattabbaṃ saṅgho bhuñjatītikathā
