| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੮. ਨ વਤ੍ਤਬ੍ਬਂ ਸਙ੍ਘੋ ਭੁਞ੍ਜਤੀਤਿਕਥਾવਣ੍ਣਨਾ
8. Na vattabbaṃ saṅgho bhuñjatītikathāvaṇṇanā
੭੯੫-੭੯੬. ਇਦਾਨਿ ਨ વਤ੍ਤਬ੍ਬਂ ਸਙ੍ਘੋ ਭੁਞ੍ਜਤੀਤਿਕਥਾ ਨਾਮ ਹੋਤਿ। ਤਤ੍ਰਾਪਿ ‘‘ਮਗ੍ਗਫਲਾਨੇવ ਸਙ੍ਘੋ ਨਾਮ, ਨ ਚ ਤਾਨਿ ਕਿਞ੍ਚਿ ਭੁਞ੍ਜਨ੍ਤਿ, ਤਸ੍ਮਾ ਨ વਤ੍ਤਬ੍ਬਂ ਸਙ੍ਘੋ ਭੁਞ੍ਜਤਿ, ਪਿવਤਿ, ਖਾਦਤਿ, ਸਾਯਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਤੇਸਂਯੇવ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਯਦਿ ਸਙ੍ਘੋ ਨ ਭੁਞ੍ਜੇਯ੍ਯ, ਸਙ੍ਘਭਤ੍ਤਾਦਿਕਰਣਂ ਨਿਰਤ੍ਥਕਂ ਭવੇਯ੍ਯਾ’’ਤਿ ਚੋਦੇਤੁਂ ਨਨੁ ਅਤ੍ਥਿ ਕੇਚਿ ਸਙ੍ਘਭਤ੍ਤਾਨਿ ਕਰੋਨ੍ਤੀਤਿਆਦਿਮਾਹ। ਗਣਭੋਜਨਨ੍ਤਿਆਦਿ ‘‘ਯਦਿ ਸਙ੍ਘੋ ਨ ਭੁਞ੍ਜੇਯ੍ਯ, ਕਸ੍ਸ ਗਣਭੋਜਨਾਦੀਨਿ ਸਿਯੁ’’ਨ੍ਤਿ ਚੋਦਨਤ੍ਥਂ વੁਤ੍ਤਂ। ਅਟ੍ਠ ਪਾਨਾਨੀਤਿ ਇਦਮ੍ਪਿ ‘‘ਯਦਿ ਸਙ੍ਘੋ ਨ ਪਿવੇਯ੍ਯ, ਕਸ੍ਸੇਤਾਨਿ ਪਾਨਾਨਿ ਸਤ੍ਥਾ ਅਨੁਜਾਨੇਯ੍ਯਾ’’ਤਿ ਚੋਦਨਤ੍ਥਂ વੁਤ੍ਤਂ। ਸੇਸਮਿਧਾਪਿ ਹੇਟ੍ਠਾ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
795-796. Idāni na vattabbaṃ saṅgho bhuñjatītikathā nāma hoti. Tatrāpi ‘‘maggaphalāneva saṅgho nāma, na ca tāni kiñci bhuñjanti, tasmā na vattabbaṃ saṅgho bhuñjati, pivati, khādati, sāyatī’’ti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Atha naṃ ‘‘yadi saṅgho na bhuñjeyya, saṅghabhattādikaraṇaṃ niratthakaṃ bhaveyyā’’ti codetuṃ nanu atthi keci saṅghabhattāni karontītiādimāha. Gaṇabhojanantiādi ‘‘yadi saṅgho na bhuñjeyya, kassa gaṇabhojanādīni siyu’’nti codanatthaṃ vuttaṃ. Aṭṭha pānānīti idampi ‘‘yadi saṅgho na piveyya, kassetāni pānāni satthā anujāneyyā’’ti codanatthaṃ vuttaṃ. Sesamidhāpi heṭṭhā vuttanayeneva veditabbanti.
ਨ વਤ੍ਤਬ੍ਬਂ ਸਙ੍ਘੋ ਭੁਞ੍ਜਤੀਤਿਕਥਾવਣ੍ਣਨਾ।
Na vattabbaṃ saṅgho bhuñjatītikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੭੩) ੮. ਨ વਤ੍ਤਬ੍ਬਂ ਸਙ੍ਘੋ ਭੁਞ੍ਜਤੀਤਿਕਥਾ • (173) 8. Na vattabbaṃ saṅgho bhuñjatītikathā
