| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൮. ന വത്തബ്ബം സങ്ഘോ ഭുഞ്ജതീതികഥാവണ്ണനാ
8. Na vattabbaṃ saṅgho bhuñjatītikathāvaṇṇanā
൭൯൫-൭൯൬. ഇദാനി ന വത്തബ്ബം സങ്ഘോ ഭുഞ്ജതീതികഥാ നാമ ഹോതി. തത്രാപി ‘‘മഗ്ഗഫലാനേവ സങ്ഘോ നാമ, ന ച താനി കിഞ്ചി ഭുഞ്ജന്തി, തസ്മാ ന വത്തബ്ബം സങ്ഘോ ഭുഞ്ജതി, പിവതി, ഖാദതി, സായതീ’’തി യേസം ലദ്ധി, സേയ്യഥാപി തേസംയേവ; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ‘‘യദി സങ്ഘോ ന ഭുഞ്ജേയ്യ, സങ്ഘഭത്താദികരണം നിരത്ഥകം ഭവേയ്യാ’’തി ചോദേതും നനു അത്ഥി കേചി സങ്ഘഭത്താനി കരോന്തീതിആദിമാഹ. ഗണഭോജനന്തിആദി ‘‘യദി സങ്ഘോ ന ഭുഞ്ജേയ്യ, കസ്സ ഗണഭോജനാദീനി സിയു’’ന്തി ചോദനത്ഥം വുത്തം. അട്ഠ പാനാനീതി ഇദമ്പി ‘‘യദി സങ്ഘോ ന പിവേയ്യ, കസ്സേതാനി പാനാനി സത്ഥാ അനുജാനേയ്യാ’’തി ചോദനത്ഥം വുത്തം. സേസമിധാപി ഹേട്ഠാ വുത്തനയേനേവ വേദിതബ്ബന്തി.
795-796. Idāni na vattabbaṃ saṅgho bhuñjatītikathā nāma hoti. Tatrāpi ‘‘maggaphalāneva saṅgho nāma, na ca tāni kiñci bhuñjanti, tasmā na vattabbaṃ saṅgho bhuñjati, pivati, khādati, sāyatī’’ti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Atha naṃ ‘‘yadi saṅgho na bhuñjeyya, saṅghabhattādikaraṇaṃ niratthakaṃ bhaveyyā’’ti codetuṃ nanu atthi keci saṅghabhattāni karontītiādimāha. Gaṇabhojanantiādi ‘‘yadi saṅgho na bhuñjeyya, kassa gaṇabhojanādīni siyu’’nti codanatthaṃ vuttaṃ. Aṭṭha pānānīti idampi ‘‘yadi saṅgho na piveyya, kassetāni pānāni satthā anujāneyyā’’ti codanatthaṃ vuttaṃ. Sesamidhāpi heṭṭhā vuttanayeneva veditabbanti.
ന വത്തബ്ബം സങ്ഘോ ഭുഞ്ജതീതികഥാവണ്ണനാ.
Na vattabbaṃ saṅgho bhuñjatītikathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൭൩) ൮. ന വത്തബ്ബം സങ്ഘോ ഭുഞ്ജതീതികഥാ • (173) 8. Na vattabbaṃ saṅgho bhuñjatītikathā
