| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. на вад̇д̇аб̣б̣ам̣ сан̇гхо д̣̇агкин̣ам̣ бадиг̇г̇ан̣хаад̇ийд̇игат̇ааван̣н̣анаа
6. Na vattabbaṃ saṅgho dakkhiṇaṃ paṭiggaṇhātītikathāvaṇṇanā
791-792. ид̣̇аани на вад̇д̇аб̣б̣ам̣ сан̇гхо д̣̇агкин̣ам̣ бадиг̇г̇ан̣хаад̇ийд̇игат̇аа наама ход̇и. д̇ад̇т̇а ‘‘барамад̇т̇ад̇о маг̇г̇апалаанзва сан̇гхо, маг̇г̇апалзхи ан̃н̃о сан̇гхо наама над̇т̇и, маг̇г̇апалаани жа на гин̃жи бадиг̇г̇ан̣ханд̇и, д̇асмаа на вад̇д̇аб̣б̣ам̣ сан̇гхо д̣̇агкин̣ам̣ бадиг̇г̇ан̣хаад̇ий’’д̇и язсам̣ лад̣̇д̇хи, сзяяат̇ааби зд̇арахи махаабун̃н̃аваад̣̇ийсан̇каад̇аанам̣ взд̇уллагаанам̣; д̇з санд̇хааяа на вад̇д̇аб̣б̣анд̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и сан̇гхо на бадиг̇г̇ан̣хзяяа, на нам̣ сад̇т̇аа аахунзяяаад̇иаад̣̇ийхи т̇омзяяаа’’д̇и жод̣̇зд̇ум̣ нану сан̇гхо аахунзяяод̇иаад̣̇имааха. сан̇гхасса д̣̇аанам̣ д̣̇знд̇ийд̇и ‘‘яз д̇з сан̇гхасса д̣̇знд̇и, д̇з бадиг̇г̇аахагзсу асад̇и гасса д̣̇ад̣̇зяяу’’нд̇и жод̣̇анад̇т̇ам̣ вуд̇д̇ам̣. аахуд̇им̣ ж̇аад̇авзд̣̇о ваад̇и суд̇д̇ам̣ барасамаяад̇о ааг̇ад̇ам̣. д̇ад̇т̇а махаамзгханд̇и мзгхавудтим̣ санд̇хааяа вуд̇д̇ам̣. вудтин̃хи мзд̣̇аний бадиг̇г̇ан̣хаад̇и, на мзгхамзва. маг̇г̇о бадиг̇г̇ан̣хаад̇ийд̇и ‘‘маг̇г̇апалаани сан̇гхо’’д̇и лад̣̇д̇хияаа вад̣̇ад̇и, на жа маг̇г̇апалаанзва сан̇гхо. маг̇г̇апалабаад̇убхаавабарисуд̣̇д̇хз бана канд̇хз убаад̣̇ааяа бан̃н̃ад̇д̇аа адта буг̇г̇алаа сан̇гхо, д̇асмаа асаад̇хагамзд̇анд̇и.
791-792. Idāni na vattabbaṃ saṅgho dakkhiṇaṃ paṭiggaṇhātītikathā nāma hoti. Tattha ‘‘paramatthato maggaphalāneva saṅgho, maggaphalehi añño saṅgho nāma natthi, maggaphalāni ca na kiñci paṭiggaṇhanti, tasmā na vattabbaṃ saṅgho dakkhiṇaṃ paṭiggaṇhātī’’ti yesaṃ laddhi, seyyathāpi etarahi mahāpuññavādīsaṅkhātānaṃ vetullakānaṃ; te sandhāya na vattabbanti pucchā sakavādissa, paṭiññā itarassa. Atha naṃ ‘‘yadi saṅgho na paṭiggaṇheyya, na naṃ satthā āhuneyyātiādīhi thomeyyā’’ti codetuṃ nanu saṅgho āhuneyyotiādimāha. Saṅghassa dānaṃ dentīti ‘‘ye te saṅghassa denti, te paṭiggāhakesu asati kassa dadeyyu’’nti codanatthaṃ vuttaṃ. Āhutiṃ jātavedo vāti suttaṃ parasamayato āgataṃ. Tattha mahāmeghanti meghavuṭṭhiṃ sandhāya vuttaṃ. Vuṭṭhiñhi medanī paṭiggaṇhāti, na meghameva. Maggo paṭiggaṇhātīti ‘‘maggaphalāni saṅgho’’ti laddhiyā vadati, na ca maggaphalāneva saṅgho. Maggaphalapātubhāvaparisuddhe pana khandhe upādāya paññattā aṭṭha puggalā saṅgho, tasmā asādhakametanti.
на вад̇д̇аб̣б̣ам̣ сан̇гхо д̣̇агкин̣ам̣ бадиг̇г̇ан̣хаад̇ийд̇игат̇ааван̣н̣анаа.
Na vattabbaṃ saṅgho dakkhiṇaṃ paṭiggaṇhātītikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (171) 6. на вад̇д̇аб̣б̣ам̣ сан̇гхо д̣̇агкин̣ам̣ бадиг̇г̇ан̣хаад̇игат̇аа • (171) 6. Na vattabbaṃ saṅgho dakkhiṇaṃ paṭiggaṇhātikathā
