| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๗. สตฺตรสมวโคฺค
17. Sattarasamavaggo
(๑๗๒) ๗. น วตฺตพฺพํ สโงฺฆ ทกฺขิณํ วิโสเธตีติกถา
(172) 7. Na vattabbaṃ saṅgho dakkhiṇaṃ visodhetītikathā
๗๙๓. น วตฺตพฺพํ – ‘‘สโงฺฆ ทกฺขิณํ วิโสเธตี’’ติ? อามนฺตาฯ นนุ สโงฺฆ อาหุเนโยฺย ปาหุเนโยฺย ทกฺขิเณโยฺย อญฺชลิกรณีโย อนุตฺตรํ ปุญฺญเกฺขตฺตํ โลกสฺสาติ? อามนฺตาฯ หญฺจิ สโงฺฆ อาหุเนโยฺย…เป.… อนุตฺตรํ ปุญฺญเกฺขตฺตํ โลกสฺส, เตน วต เร วตฺตเพฺพ – ‘‘สโงฺฆ ทกฺขิณํ วิโสเธตี’’ติฯ
793. Na vattabbaṃ – ‘‘saṅgho dakkhiṇaṃ visodhetī’’ti? Āmantā. Nanu saṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassāti? Āmantā. Hañci saṅgho āhuneyyo…pe… anuttaraṃ puññakkhettaṃ lokassa, tena vata re vattabbe – ‘‘saṅgho dakkhiṇaṃ visodhetī’’ti.
น วตฺตพฺพํ – ‘‘สโงฺฆ ทกฺขิณํ วิโสเธตี’’ติ? อามนฺตาฯ นนุ จตฺตาโร ปุริสยุคา อฎฺฐ ปุริสปุคฺคลา ทกฺขิเณยฺยา วุตฺตา ภควตาติ? อามนฺตาฯ หญฺจิ จตฺตาโร ปุริสยุคา อฎฺฐ ปุริสปุคฺคลา ทกฺขิเณยฺยา วุตฺตา ภควตา, เตน วต เร วตฺตเพฺพ – ‘‘สโงฺฆ ทกฺขิณํ วิโสเธตี’’ติฯ
Na vattabbaṃ – ‘‘saṅgho dakkhiṇaṃ visodhetī’’ti? Āmantā. Nanu cattāro purisayugā aṭṭha purisapuggalā dakkhiṇeyyā vuttā bhagavatāti? Āmantā. Hañci cattāro purisayugā aṭṭha purisapuggalā dakkhiṇeyyā vuttā bhagavatā, tena vata re vattabbe – ‘‘saṅgho dakkhiṇaṃ visodhetī’’ti.
น วตฺตพฺพํ – ‘‘สโงฺฆ ทกฺขิณํ วิโสเธตี’’ติ? อามนฺตาฯ นนุ อตฺถิ เกจิ สงฺฆสฺส ทานํ ทตฺวา ทกฺขิณํ อาราเธนฺตีติ? อามนฺตาฯ หญฺจิ อตฺถิ เกจิ สงฺฆสฺส ทานํ ทตฺวา ทกฺขิณํ อาราเธนฺติ, เตน วต เร วตฺตเพฺพ – ‘‘สโงฺฆ ทกฺขิณํ วิโสเธตี’’ติฯ
Na vattabbaṃ – ‘‘saṅgho dakkhiṇaṃ visodhetī’’ti? Āmantā. Nanu atthi keci saṅghassa dānaṃ datvā dakkhiṇaṃ ārādhentīti? Āmantā. Hañci atthi keci saṅghassa dānaṃ datvā dakkhiṇaṃ ārādhenti, tena vata re vattabbe – ‘‘saṅgho dakkhiṇaṃ visodhetī’’ti.
นนุ อตฺถิ เกจิ สงฺฆสฺส จีวรํ ทตฺวา…เป.… ปิณฺฑปาตํ ทตฺวา…เป.… เสนาสนํ ทตฺวา… คิลานปจฺจยเภสชฺชปริกฺขารํ ทตฺวา… ขาทนียํ ทตฺวา… โภชนียํ ทตฺวา…เป.… ปานียํ ทตฺวา ทกฺขิณํ อาราเธนฺตีติ? อามนฺตาฯ หญฺจิ อตฺถิ เกจิ สงฺฆสฺส ปานียํ ทตฺวา ทกฺขิณํ อาราเธนฺติ, เตน วต เร วตฺตเพฺพ – ‘‘สโงฺฆ ทกฺขิณํ วิโสเธตี’’ติฯ
Nanu atthi keci saṅghassa cīvaraṃ datvā…pe… piṇḍapātaṃ datvā…pe… senāsanaṃ datvā… gilānapaccayabhesajjaparikkhāraṃ datvā… khādanīyaṃ datvā… bhojanīyaṃ datvā…pe… pānīyaṃ datvā dakkhiṇaṃ ārādhentīti? Āmantā. Hañci atthi keci saṅghassa pānīyaṃ datvā dakkhiṇaṃ ārādhenti, tena vata re vattabbe – ‘‘saṅgho dakkhiṇaṃ visodhetī’’ti.
๗๙๔. สโงฺฆ ทกฺขิณํ วิโสเธตีติ? อามนฺตาฯ มโคฺค วิโสเธติ, ผลํ วิโสเธตีติ? น เหวํ วตฺตเพฺพ…เป.…ฯ
794. Saṅgho dakkhiṇaṃ visodhetīti? Āmantā. Maggo visodheti, phalaṃ visodhetīti? Na hevaṃ vattabbe…pe….
น วตฺตพฺพํ สโงฺฆ ทกฺขิณํ วิโสเธตีติกถา นิฎฺฐิตาฯ
Na vattabbaṃ saṅgho dakkhiṇaṃ visodhetītikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๗. น วตฺตพฺพํ สโงฺฆ ทกฺขิณํ วิโสเธตีติกถาวณฺณนา • 7. Na vattabbaṃ saṅgho dakkhiṇaṃ visodhetītikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๗. นวตฺตพฺพํสโงฺฆทกฺขิณํวิโสเธตีติกถาวณฺณนา • 7. Navattabbaṃsaṅghodakkhiṇaṃvisodhetītikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๗. นวตฺตพฺพํสโงฺฆทกฺขิณํวิโสเธตีติกถาวณฺณนา • 7. Navattabbaṃsaṅghodakkhiṇaṃvisodhetītikathāvaṇṇanā
