| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৭. ন ৰত্তব্বং সঙ্ঘো দক্খিণং ৰিসোধেতীতিকথাৰণ্ণনা
7. Na vattabbaṃ saṅgho dakkhiṇaṃ visodhetītikathāvaṇṇanā
৭৯৩-৭৯৪. ইদানি ন ৰত্তব্বং সঙ্ঘো দক্খিণং ৰিসোধেতীতিকথা নাম হোতি। তত্থ ‘‘মগ্গফলানেৰ সঙ্ঘো নাম, ন চ তানি দক্খিণং ৰিসোধেতুং সক্কোন্তি, তস্মা ন ৰত্তব্বং সঙ্ঘো দক্খিণং ৰিসোধেতী’’তি যেসং লদ্ধি, সেয্যথাপি তেসঞ্ঞেৰ; তে সন্ধায পুচ্ছা সকৰাদিস্স, পটিঞ্ঞা ইতরস্স। আহুনেয্যোতিআদি ‘‘যদি সঙ্ঘো দক্খিণং ৰিসোধেতুং ন সক্কুণেয্য, ন নং সত্থা এৰং থোমেয্যা’’তি দস্সনত্থং ৰুত্তং। ৰিসোধেতীতি মহপ্ফলং করোতি। সঙ্ঘস্মিঞ্হি অপ্পং দিন্নং বহু হোতি, বহু দিন্নং বহুতরং। দক্খিণেয্যাতি দক্খিণারহা দক্খিণায অনুচ্ছৰিকা, দক্খিণং ৰিসোধেতুং সমত্থাতি অত্থো। দক্খিণং আরাধেন্তীতি সম্পাদেন্তি, অপ্পমত্তিকাযপি দক্খিণায মহন্তং ফলং পাপুণন্তীতি অত্থো। সেসং হেট্ঠা ৰুত্তনযমেৰাতি।
793-794. Idāni na vattabbaṃ saṅgho dakkhiṇaṃ visodhetītikathā nāma hoti. Tattha ‘‘maggaphalāneva saṅgho nāma, na ca tāni dakkhiṇaṃ visodhetuṃ sakkonti, tasmā na vattabbaṃ saṅgho dakkhiṇaṃ visodhetī’’ti yesaṃ laddhi, seyyathāpi tesaññeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅgho dakkhiṇaṃ visodhetuṃ na sakkuṇeyya, na naṃ satthā evaṃ thomeyyā’’ti dassanatthaṃ vuttaṃ. Visodhetīti mahapphalaṃ karoti. Saṅghasmiñhi appaṃ dinnaṃ bahu hoti, bahu dinnaṃ bahutaraṃ. Dakkhiṇeyyāti dakkhiṇārahā dakkhiṇāya anucchavikā, dakkhiṇaṃ visodhetuṃ samatthāti attho. Dakkhiṇaṃ ārādhentīti sampādenti, appamattikāyapi dakkhiṇāya mahantaṃ phalaṃ pāpuṇantīti attho. Sesaṃ heṭṭhā vuttanayamevāti.
ন ৰত্তব্বং সঙ্ঘো দক্খিণং ৰিসোধেতীতিকথাৰণ্ণনা।
Na vattabbaṃ saṅgho dakkhiṇaṃ visodhetītikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৭২) ৭. ন ৰত্তব্বং সঙ্ঘো দক্খিণং ৰিসোধেতীতিকথা • (172) 7. Na vattabbaṃ saṅgho dakkhiṇaṃ visodhetītikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৭. নৰত্তব্বংসঙ্ঘোদক্খিণংৰিসোধেতীতিকথাৰণ্ণনা • 7. Navattabbaṃsaṅghodakkhiṇaṃvisodhetītikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৭. নৰত্তব্বংসঙ্ঘোদক্খিণংৰিসোধেতীতিকথাৰণ্ণনা • 7. Navattabbaṃsaṅghodakkhiṇaṃvisodhetītikathāvaṇṇanā
