| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. на вад̇д̇аб̣б̣ам̣ сан̇гхо д̣̇агкин̣ам̣ висод̇хзд̇ийд̇игат̇ааван̣н̣анаа
7. Na vattabbaṃ saṅgho dakkhiṇaṃ visodhetītikathāvaṇṇanā
793-794. ид̣̇аани на вад̇д̇аб̣б̣ам̣ сан̇гхо д̣̇агкин̣ам̣ висод̇хзд̇ийд̇игат̇аа наама ход̇и. д̇ад̇т̇а ‘‘маг̇г̇апалаанзва сан̇гхо наама, на жа д̇аани д̣̇агкин̣ам̣ висод̇хзд̇ум̣ саггонд̇и, д̇асмаа на вад̇д̇аб̣б̣ам̣ сан̇гхо д̣̇агкин̣ам̣ висод̇хзд̇ий’’д̇и язсам̣ лад̣̇д̇хи, сзяяат̇ааби д̇зсан̃н̃зва; д̇з санд̇хааяа бужчаа сагаваад̣̇исса, бадин̃н̃аа ид̇арасса. аахунзяяод̇иаад̣̇и ‘‘яад̣̇и сан̇гхо д̣̇агкин̣ам̣ висод̇хзд̇ум̣ на саггун̣зяяа, на нам̣ сад̇т̇аа звам̣ т̇омзяяаа’’д̇и д̣̇ассанад̇т̇ам̣ вуд̇д̇ам̣. висод̇хзд̇ийд̇и махабпалам̣ гарод̇и. сан̇гхасмин̃хи аббам̣ д̣̇иннам̣ б̣аху ход̇и, б̣аху д̣̇иннам̣ б̣ахуд̇арам̣. д̣̇агкин̣зяяаад̇и д̣̇агкин̣аарахаа д̣̇агкин̣ааяа анужчавигаа, д̣̇агкин̣ам̣ висод̇хзд̇ум̣ самад̇т̇аад̇и ад̇т̇о. д̣̇агкин̣ам̣ аараад̇хзнд̇ийд̇и самбаад̣̇знд̇и, аббамад̇д̇игааяаби д̣̇агкин̣ааяа маханд̇ам̣ палам̣ баабун̣анд̇ийд̇и ад̇т̇о. сзсам̣ хздтаа вуд̇д̇анаяамзваад̇и.
793-794. Idāni na vattabbaṃ saṅgho dakkhiṇaṃ visodhetītikathā nāma hoti. Tattha ‘‘maggaphalāneva saṅgho nāma, na ca tāni dakkhiṇaṃ visodhetuṃ sakkonti, tasmā na vattabbaṃ saṅgho dakkhiṇaṃ visodhetī’’ti yesaṃ laddhi, seyyathāpi tesaññeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅgho dakkhiṇaṃ visodhetuṃ na sakkuṇeyya, na naṃ satthā evaṃ thomeyyā’’ti dassanatthaṃ vuttaṃ. Visodhetīti mahapphalaṃ karoti. Saṅghasmiñhi appaṃ dinnaṃ bahu hoti, bahu dinnaṃ bahutaraṃ. Dakkhiṇeyyāti dakkhiṇārahā dakkhiṇāya anucchavikā, dakkhiṇaṃ visodhetuṃ samatthāti attho. Dakkhiṇaṃ ārādhentīti sampādenti, appamattikāyapi dakkhiṇāya mahantaṃ phalaṃ pāpuṇantīti attho. Sesaṃ heṭṭhā vuttanayamevāti.
на вад̇д̇аб̣б̣ам̣ сан̇гхо д̣̇агкин̣ам̣ висод̇хзд̇ийд̇игат̇ааван̣н̣анаа.
Na vattabbaṃ saṅgho dakkhiṇaṃ visodhetītikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (172) 7. на вад̇д̇аб̣б̣ам̣ сан̇гхо д̣̇агкин̣ам̣ висод̇хзд̇ийд̇игат̇аа • (172) 7. Na vattabbaṃ saṅgho dakkhiṇaṃ visodhetītikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. навад̇д̇аб̣б̣ам̣сан̇гход̣̇агкин̣ам̣висод̇хзд̇ийд̇игат̇ааван̣н̣анаа • 7. Navattabbaṃsaṅghodakkhiṇaṃvisodhetītikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. навад̇д̇аб̣б̣ам̣сан̇гход̣̇агкин̣ам̣висод̇хзд̇ийд̇игат̇ааван̣н̣анаа • 7. Navattabbaṃsaṅghodakkhiṇaṃvisodhetītikathāvaṇṇanā
