| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๗. น วตฺตพฺพํ สโงฺฆ ทกฺขิณํ วิโสเธตีติกถาวณฺณนา
7. Na vattabbaṃ saṅgho dakkhiṇaṃ visodhetītikathāvaṇṇanā
๗๙๓-๗๙๔. อิทานิ น วตฺตพฺพํ สโงฺฆ ทกฺขิณํ วิโสเธตีติกถา นาม โหติฯ ตตฺถ ‘‘มคฺคผลาเนว สโงฺฆ นาม, น จ ตานิ ทกฺขิณํ วิโสเธตุํ สโกฺกนฺติ, ตสฺมา น วตฺตพฺพํ สโงฺฆ ทกฺขิณํ วิโสเธตี’’ติ เยสํ ลทฺธิ, เสยฺยถาปิ เตสเญฺญว; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ อาหุเนโยฺยติอาทิ ‘‘ยทิ สโงฺฆ ทกฺขิณํ วิโสเธตุํ น สกฺกุเณยฺย, น นํ สตฺถา เอวํ โถเมยฺยา’’ติ ทสฺสนตฺถํ วุตฺตํฯ วิโสเธตีติ มหปฺผลํ กโรติฯ สงฺฆสฺมิญฺหิ อปฺปํ ทินฺนํ พหุ โหติ, พหุ ทินฺนํ พหุตรํฯ ทกฺขิเณยฺยาติ ทกฺขิณารหา ทกฺขิณาย อนุจฺฉวิกา, ทกฺขิณํ วิโสเธตุํ สมตฺถาติ อโตฺถฯ ทกฺขิณํ อาราเธนฺตีติ สมฺปาเทนฺติ, อปฺปมตฺติกายปิ ทกฺขิณาย มหนฺตํ ผลํ ปาปุณนฺตีติ อโตฺถฯ เสสํ เหฎฺฐา วุตฺตนยเมวาติฯ
793-794. Idāni na vattabbaṃ saṅgho dakkhiṇaṃ visodhetītikathā nāma hoti. Tattha ‘‘maggaphalāneva saṅgho nāma, na ca tāni dakkhiṇaṃ visodhetuṃ sakkonti, tasmā na vattabbaṃ saṅgho dakkhiṇaṃ visodhetī’’ti yesaṃ laddhi, seyyathāpi tesaññeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅgho dakkhiṇaṃ visodhetuṃ na sakkuṇeyya, na naṃ satthā evaṃ thomeyyā’’ti dassanatthaṃ vuttaṃ. Visodhetīti mahapphalaṃ karoti. Saṅghasmiñhi appaṃ dinnaṃ bahu hoti, bahu dinnaṃ bahutaraṃ. Dakkhiṇeyyāti dakkhiṇārahā dakkhiṇāya anucchavikā, dakkhiṇaṃ visodhetuṃ samatthāti attho. Dakkhiṇaṃ ārādhentīti sampādenti, appamattikāyapi dakkhiṇāya mahantaṃ phalaṃ pāpuṇantīti attho. Sesaṃ heṭṭhā vuttanayamevāti.
น วตฺตพฺพํ สโงฺฆ ทกฺขิณํ วิโสเธตีติกถาวณฺณนาฯ
Na vattabbaṃ saṅgho dakkhiṇaṃ visodhetītikathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๗๒) ๗. น วตฺตพฺพํ สโงฺฆ ทกฺขิณํ วิโสเธตีติกถา • (172) 7. Na vattabbaṃ saṅgho dakkhiṇaṃ visodhetītikathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๗. นวตฺตพฺพํสโงฺฆทกฺขิณํวิโสเธตีติกถาวณฺณนา • 7. Navattabbaṃsaṅghodakkhiṇaṃvisodhetītikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๗. นวตฺตพฺพํสโงฺฆทกฺขิณํวิโสเธตีติกถาวณฺณนา • 7. Navattabbaṃsaṅghodakkhiṇaṃvisodhetītikathāvaṇṇanā
