| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
7. න වත්‌තබ්‌බං සඞ්‌ඝො දක්‌ඛිණං විසොධෙතීතිකථාවණ්‌ණනා
7. Na vattabbaṃ saṅgho dakkhiṇaṃ visodhetītikathāvaṇṇanā
793-794. ඉදානි න වත්‌තබ්‌බං සඞ්‌ඝො දක්‌ඛිණං විසොධෙතීතිකථා නාම හොති. තත්‌ථ ‘‘මග්‌ගඵලානෙව සඞ්‌ඝො නාම, න ච තානි දක්‌ඛිණං විසොධෙතුං සක්‌කොන්‌ති, තස්‌මා න වත්‌තබ්‌බං සඞ්‌ඝො දක්‌ඛිණං විසොධෙතී’’ති යෙසං ලද්‌ධි, සෙය්‍යථාපි තෙසඤ්‌ඤෙව; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. ආහුනෙය්‍යොතිආදි ‘‘යදි සඞ්‌ඝො දක්‌ඛිණං විසොධෙතුං න සක්‌කුණෙය්‍ය, න නං සත්‌ථා එවං ථොමෙය්‍යා’’ති දස්‌සනත්‌ථං වුත්‌තං. විසොධෙතීති මහප්‌ඵලං කරොති. සඞ්‌ඝස්‌මිඤ්‌හි අප්‌පං දින්‌නං බහු හොති, බහු දින්‌නං බහුතරං. දක්‌ඛිණෙය්‍යාති දක්‌ඛිණාරහා දක්‌ඛිණාය අනුච්‌ඡවිකා, දක්‌ඛිණං විසොධෙතුං සමත්‌ථාති අත්‌ථො. දක්‌ඛිණං ආරාධෙන්‌තීති සම්‌පාදෙන්‌ති, අප්‌පමත්‌තිකායපි දක්‌ඛිණාය මහන්‌තං ඵලං පාපුණන්‌තීති අත්‌ථො. සෙසං හෙට්‌ඨා වුත්‌තනයමෙවාති.
793-794. Idāni na vattabbaṃ saṅgho dakkhiṇaṃ visodhetītikathā nāma hoti. Tattha ‘‘maggaphalāneva saṅgho nāma, na ca tāni dakkhiṇaṃ visodhetuṃ sakkonti, tasmā na vattabbaṃ saṅgho dakkhiṇaṃ visodhetī’’ti yesaṃ laddhi, seyyathāpi tesaññeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅgho dakkhiṇaṃ visodhetuṃ na sakkuṇeyya, na naṃ satthā evaṃ thomeyyā’’ti dassanatthaṃ vuttaṃ. Visodhetīti mahapphalaṃ karoti. Saṅghasmiñhi appaṃ dinnaṃ bahu hoti, bahu dinnaṃ bahutaraṃ. Dakkhiṇeyyāti dakkhiṇārahā dakkhiṇāya anucchavikā, dakkhiṇaṃ visodhetuṃ samatthāti attho. Dakkhiṇaṃ ārādhentīti sampādenti, appamattikāyapi dakkhiṇāya mahantaṃ phalaṃ pāpuṇantīti attho. Sesaṃ heṭṭhā vuttanayamevāti.
න වත්‌තබ්‌බං සඞ්‌ඝො දක්‌ඛිණං විසොධෙතීතිකථාවණ්‌ණනා.
Na vattabbaṃ saṅgho dakkhiṇaṃ visodhetītikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (172) 7. න වත්‌තබ්‌බං සඞ්‌ඝො දක්‌ඛිණං විසොධෙතීතිකථා • (172) 7. Na vattabbaṃ saṅgho dakkhiṇaṃ visodhetītikathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 7. නවත්‌තබ්‌බංසඞ්‌ඝොදක්‌ඛිණංවිසොධෙතීතිකථාවණ්‌ණනා • 7. Navattabbaṃsaṅghodakkhiṇaṃvisodhetītikathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 7. නවත්‌තබ්‌බංසඞ්‌ඝොදක්‌ඛිණංවිසොධෙතීතිකථාවණ්‌ණනා • 7. Navattabbaṃsaṅghodakkhiṇaṃvisodhetītikathāvaṇṇanā
