| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੭. ਨ વਤ੍ਤਬ੍ਬਂ ਸਙ੍ਘੋ ਦਕ੍ਖਿਣਂ વਿਸੋਧੇਤੀਤਿਕਥਾવਣ੍ਣਨਾ
7. Na vattabbaṃ saṅgho dakkhiṇaṃ visodhetītikathāvaṇṇanā
੭੯੩-੭੯੪. ਇਦਾਨਿ ਨ વਤ੍ਤਬ੍ਬਂ ਸਙ੍ਘੋ ਦਕ੍ਖਿਣਂ વਿਸੋਧੇਤੀਤਿਕਥਾ ਨਾਮ ਹੋਤਿ। ਤਤ੍ਥ ‘‘ਮਗ੍ਗਫਲਾਨੇવ ਸਙ੍ਘੋ ਨਾਮ, ਨ ਚ ਤਾਨਿ ਦਕ੍ਖਿਣਂ વਿਸੋਧੇਤੁਂ ਸਕ੍ਕੋਨ੍ਤਿ, ਤਸ੍ਮਾ ਨ વਤ੍ਤਬ੍ਬਂ ਸਙ੍ਘੋ ਦਕ੍ਖਿਣਂ વਿਸੋਧੇਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਤੇਸਞ੍ਞੇવ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਆਹੁਨੇਯ੍ਯੋਤਿਆਦਿ ‘‘ਯਦਿ ਸਙ੍ਘੋ ਦਕ੍ਖਿਣਂ વਿਸੋਧੇਤੁਂ ਨ ਸਕ੍ਕੁਣੇਯ੍ਯ, ਨ ਨਂ ਸਤ੍ਥਾ ਏવਂ ਥੋਮੇਯ੍ਯਾ’’ਤਿ ਦਸ੍ਸਨਤ੍ਥਂ વੁਤ੍ਤਂ। વਿਸੋਧੇਤੀਤਿ ਮਹਪ੍ਫਲਂ ਕਰੋਤਿ। ਸਙ੍ਘਸ੍ਮਿਞ੍ਹਿ ਅਪ੍ਪਂ ਦਿਨ੍ਨਂ ਬਹੁ ਹੋਤਿ, ਬਹੁ ਦਿਨ੍ਨਂ ਬਹੁਤਰਂ। ਦਕ੍ਖਿਣੇਯ੍ਯਾਤਿ ਦਕ੍ਖਿਣਾਰਹਾ ਦਕ੍ਖਿਣਾਯ ਅਨੁਚ੍ਛવਿਕਾ, ਦਕ੍ਖਿਣਂ વਿਸੋਧੇਤੁਂ ਸਮਤ੍ਥਾਤਿ ਅਤ੍ਥੋ। ਦਕ੍ਖਿਣਂ ਆਰਾਧੇਨ੍ਤੀਤਿ ਸਮ੍ਪਾਦੇਨ੍ਤਿ, ਅਪ੍ਪਮਤ੍ਤਿਕਾਯਪਿ ਦਕ੍ਖਿਣਾਯ ਮਹਨ੍ਤਂ ਫਲਂ ਪਾਪੁਣਨ੍ਤੀਤਿ ਅਤ੍ਥੋ। ਸੇਸਂ ਹੇਟ੍ਠਾ વੁਤ੍ਤਨਯਮੇવਾਤਿ।
793-794. Idāni na vattabbaṃ saṅgho dakkhiṇaṃ visodhetītikathā nāma hoti. Tattha ‘‘maggaphalāneva saṅgho nāma, na ca tāni dakkhiṇaṃ visodhetuṃ sakkonti, tasmā na vattabbaṃ saṅgho dakkhiṇaṃ visodhetī’’ti yesaṃ laddhi, seyyathāpi tesaññeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅgho dakkhiṇaṃ visodhetuṃ na sakkuṇeyya, na naṃ satthā evaṃ thomeyyā’’ti dassanatthaṃ vuttaṃ. Visodhetīti mahapphalaṃ karoti. Saṅghasmiñhi appaṃ dinnaṃ bahu hoti, bahu dinnaṃ bahutaraṃ. Dakkhiṇeyyāti dakkhiṇārahā dakkhiṇāya anucchavikā, dakkhiṇaṃ visodhetuṃ samatthāti attho. Dakkhiṇaṃ ārādhentīti sampādenti, appamattikāyapi dakkhiṇāya mahantaṃ phalaṃ pāpuṇantīti attho. Sesaṃ heṭṭhā vuttanayamevāti.
ਨ વਤ੍ਤਬ੍ਬਂ ਸਙ੍ਘੋ ਦਕ੍ਖਿਣਂ વਿਸੋਧੇਤੀਤਿਕਥਾવਣ੍ਣਨਾ।
Na vattabbaṃ saṅgho dakkhiṇaṃ visodhetītikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੭੨) ੭. ਨ વਤ੍ਤਬ੍ਬਂ ਸਙ੍ਘੋ ਦਕ੍ਖਿਣਂ વਿਸੋਧੇਤੀਤਿਕਥਾ • (172) 7. Na vattabbaṃ saṅgho dakkhiṇaṃ visodhetītikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਨવਤ੍ਤਬ੍ਬਂਸਙ੍ਘੋਦਕ੍ਖਿਣਂવਿਸੋਧੇਤੀਤਿਕਥਾવਣ੍ਣਨਾ • 7. Navattabbaṃsaṅghodakkhiṇaṃvisodhetītikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਨવਤ੍ਤਬ੍ਬਂਸਙ੍ਘੋਦਕ੍ਖਿਣਂવਿਸੋਧੇਤੀਤਿਕਥਾવਣ੍ਣਨਾ • 7. Navattabbaṃsaṅghodakkhiṇaṃvisodhetītikathāvaṇṇanā
