| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৯. নৰমৰগ্গো
9. Navamavaggo
(৯৩) ১০. ন যথাচিত্তস্স কাযকম্মন্তিকথা
(93) 10. Na yathācittassa kāyakammantikathā
৫৬৬. ন যথাচিত্তস্স কাযকম্মন্তি? আমন্তা। অফস্সকস্স কাযকম্মং…পে॰… অচিত্তকস্স কাযকম্মন্তি? ন হেৰং ৰত্তব্বে…পে॰… ননু সফস্সকস্স কাযকম্মং…পে॰… সচিত্তকস্স কাযকম্মন্তি? আমন্তা। হঞ্চি সফস্সকস্স কাযকম্মং…পে॰… সচিত্তকস্স কাযকম্মং, নো চ ৰত রে ৰত্তব্বে – ‘‘ন যথাচিত্তস্স কাযকম্ম’’ন্তি।
566. Na yathācittassa kāyakammanti? Āmantā. Aphassakassa kāyakammaṃ…pe… acittakassa kāyakammanti? Na hevaṃ vattabbe…pe… nanu saphassakassa kāyakammaṃ…pe… sacittakassa kāyakammanti? Āmantā. Hañci saphassakassa kāyakammaṃ…pe… sacittakassa kāyakammaṃ, no ca vata re vattabbe – ‘‘na yathācittassa kāyakamma’’nti.
ন যথাচিত্তস্স কাযকম্মন্তি? আমন্তা। অনাৰট্টেন্তস্স কাযকম্মং…পে॰… অপ্পণিদহন্তস্স কাযকম্মন্তি? ন হেৰং ৰত্তব্বে…পে॰… ননু আৰট্টেন্তস্স কাযকম্মং…পে॰… পণিদহন্তস্স কাযকম্মন্তি? আমন্তা। হঞ্চি আৰট্টেন্তস্স কাযকম্মং…পে॰… পণিদহন্তস্স কাযকম্মং, নো চ ৰত রে ৰত্তব্বে – ‘‘ন যথাচিত্তস্স কাযকম্ম’’ন্তি।
Na yathācittassa kāyakammanti? Āmantā. Anāvaṭṭentassa kāyakammaṃ…pe… appaṇidahantassa kāyakammanti? Na hevaṃ vattabbe…pe… nanu āvaṭṭentassa kāyakammaṃ…pe… paṇidahantassa kāyakammanti? Āmantā. Hañci āvaṭṭentassa kāyakammaṃ…pe… paṇidahantassa kāyakammaṃ, no ca vata re vattabbe – ‘‘na yathācittassa kāyakamma’’nti.
ন যথাচিত্তস্স কাযকম্মন্তি? আমন্তা। ননু কাযকম্মং চিত্তসমুট্ঠানং চিত্তেন সহজাতং চিত্তেন সহ একুপ্পাদন্তি? আমন্তা । হঞ্চি কাযকম্মং চিত্তসমুট্ঠানং চিত্তেন সহজাতং চিত্তেন সহ একুপ্পাদং, নো চ ৰত রে ৰত্তব্বে – ‘‘ন যথাচিত্তস্স কাযকম্ম’’ন্তি।
Na yathācittassa kāyakammanti? Āmantā. Nanu kāyakammaṃ cittasamuṭṭhānaṃ cittena sahajātaṃ cittena saha ekuppādanti? Āmantā . Hañci kāyakammaṃ cittasamuṭṭhānaṃ cittena sahajātaṃ cittena saha ekuppādaṃ, no ca vata re vattabbe – ‘‘na yathācittassa kāyakamma’’nti.
ন যথাচিত্তস্স কাযকম্মন্তি? আমন্তা। ন অভিক্কমিতুকামো অভিক্কমতি, ন পটিক্কমিতুকামো পটিক্কমতি, ন আলোকেতুকামো আলোকেতি, ন ৰিলোকেতুকামো ৰিলোকেতি, ন সমিঞ্জিতুকামো সমিঞ্জেতি, ন পসারেতুকামো পসারেতীতি? ন হেৰং ৰত্তব্বে…পে॰…। ননু অভিক্কমিতুকামো অভিক্কমতি, পটিক্কমিতুকামো পটিক্কমতি, আলোকেতুকামো আলোকেতি, ৰিলোকেতুকামো ৰিলোকেতি, সমিঞ্জিতুকামো সমিঞ্জেতি, পসারেতুকামো পসারেতীতি? আমন্তা। হঞ্চি অভিক্কমিতুকামো অভিক্কমতি…পে॰… পসারেতুকামো পসারেতি, নো চ ৰত রে ৰত্তব্বে – ‘‘ন যথাচিত্তস্স কাযকম্ম’’ন্তি।
Na yathācittassa kāyakammanti? Āmantā. Na abhikkamitukāmo abhikkamati, na paṭikkamitukāmo paṭikkamati, na āloketukāmo āloketi, na viloketukāmo viloketi, na samiñjitukāmo samiñjeti, na pasāretukāmo pasāretīti? Na hevaṃ vattabbe…pe…. Nanu abhikkamitukāmo abhikkamati, paṭikkamitukāmo paṭikkamati, āloketukāmo āloketi, viloketukāmo viloketi, samiñjitukāmo samiñjeti, pasāretukāmo pasāretīti? Āmantā. Hañci abhikkamitukāmo abhikkamati…pe… pasāretukāmo pasāreti, no ca vata re vattabbe – ‘‘na yathācittassa kāyakamma’’nti.
৫৬৭. ন ৰত্তব্বং – ‘‘ন যথাচিত্তস্স কাযকম্ম’’ন্তি? আমন্তা। ননু অত্থি কোচি ‘‘অঞ্ঞত্র গচ্ছিস্সামী’’তি অঞ্ঞত্র গচ্ছতি…পে॰… ‘‘অঞ্ঞং পসারেস্সামী’’তি অঞ্ঞং পসারেতীতি? আমন্তা। হঞ্চি অত্থি কোচি ‘‘অঞ্ঞত্র গচ্ছিস্সামী’’তি অঞ্ঞত্র গচ্ছতি…পে॰… ‘‘অঞ্ঞং পসারেস্সামী’’তি অঞ্ঞং পসারেতি, তেন ৰত রে ৰত্তব্বে – ‘‘ন যথাচিত্তস্স কাযকম্ম’’ন্তি।
567. Na vattabbaṃ – ‘‘na yathācittassa kāyakamma’’nti? Āmantā. Nanu atthi koci ‘‘aññatra gacchissāmī’’ti aññatra gacchati…pe… ‘‘aññaṃ pasāressāmī’’ti aññaṃ pasāretīti? Āmantā. Hañci atthi koci ‘‘aññatra gacchissāmī’’ti aññatra gacchati…pe… ‘‘aññaṃ pasāressāmī’’ti aññaṃ pasāreti, tena vata re vattabbe – ‘‘na yathācittassa kāyakamma’’nti.
ন যথাচিত্তস্স কাযকম্মন্তিকথা নিট্ঠিতা।
Na yathācittassa kāyakammantikathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১০. নযথাচিত্তস্স কাযকম্মন্তিকথাৰণ্ণনা • 10. Nayathācittassa kāyakammantikathāvaṇṇanā
