| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๙. นวมวโคฺค
9. Navamavaggo
(๙๓) ๑๐. น ยถาจิตฺตสฺส กายกมฺมนฺติกถา
(93) 10. Na yathācittassa kāyakammantikathā
๕๖๖. น ยถาจิตฺตสฺส กายกมฺมนฺติ? อามนฺตาฯ อผสฺสกสฺส กายกมฺมํ…เป.… อจิตฺตกสฺส กายกมฺมนฺติ? น เหวํ วตฺตเพฺพ…เป.… นนุ สผสฺสกสฺส กายกมฺมํ…เป.… สจิตฺตกสฺส กายกมฺมนฺติ? อามนฺตาฯ หญฺจิ สผสฺสกสฺส กายกมฺมํ…เป.… สจิตฺตกสฺส กายกมฺมํ, โน จ วต เร วตฺตเพฺพ – ‘‘น ยถาจิตฺตสฺส กายกมฺม’’นฺติฯ
566. Na yathācittassa kāyakammanti? Āmantā. Aphassakassa kāyakammaṃ…pe… acittakassa kāyakammanti? Na hevaṃ vattabbe…pe… nanu saphassakassa kāyakammaṃ…pe… sacittakassa kāyakammanti? Āmantā. Hañci saphassakassa kāyakammaṃ…pe… sacittakassa kāyakammaṃ, no ca vata re vattabbe – ‘‘na yathācittassa kāyakamma’’nti.
น ยถาจิตฺตสฺส กายกมฺมนฺติ? อามนฺตาฯ อนาวเฎฺฎนฺตสฺส กายกมฺมํ…เป.… อปฺปณิทหนฺตสฺส กายกมฺมนฺติ? น เหวํ วตฺตเพฺพ…เป.… นนุ อาวเฎฺฎนฺตสฺส กายกมฺมํ…เป.… ปณิทหนฺตสฺส กายกมฺมนฺติ? อามนฺตาฯ หญฺจิ อาวเฎฺฎนฺตสฺส กายกมฺมํ…เป.… ปณิทหนฺตสฺส กายกมฺมํ, โน จ วต เร วตฺตเพฺพ – ‘‘น ยถาจิตฺตสฺส กายกมฺม’’นฺติฯ
Na yathācittassa kāyakammanti? Āmantā. Anāvaṭṭentassa kāyakammaṃ…pe… appaṇidahantassa kāyakammanti? Na hevaṃ vattabbe…pe… nanu āvaṭṭentassa kāyakammaṃ…pe… paṇidahantassa kāyakammanti? Āmantā. Hañci āvaṭṭentassa kāyakammaṃ…pe… paṇidahantassa kāyakammaṃ, no ca vata re vattabbe – ‘‘na yathācittassa kāyakamma’’nti.
น ยถาจิตฺตสฺส กายกมฺมนฺติ? อามนฺตาฯ นนุ กายกมฺมํ จิตฺตสมุฎฺฐานํ จิเตฺตน สหชาตํ จิเตฺตน สห เอกุปฺปาทนฺติ? อามนฺตา ฯ หญฺจิ กายกมฺมํ จิตฺตสมุฎฺฐานํ จิเตฺตน สหชาตํ จิเตฺตน สห เอกุปฺปาทํ, โน จ วต เร วตฺตเพฺพ – ‘‘น ยถาจิตฺตสฺส กายกมฺม’’นฺติฯ
Na yathācittassa kāyakammanti? Āmantā. Nanu kāyakammaṃ cittasamuṭṭhānaṃ cittena sahajātaṃ cittena saha ekuppādanti? Āmantā . Hañci kāyakammaṃ cittasamuṭṭhānaṃ cittena sahajātaṃ cittena saha ekuppādaṃ, no ca vata re vattabbe – ‘‘na yathācittassa kāyakamma’’nti.
น ยถาจิตฺตสฺส กายกมฺมนฺติ? อามนฺตาฯ น อภิกฺกมิตุกาโม อภิกฺกมติ, น ปฎิกฺกมิตุกาโม ปฎิกฺกมติ, น อาโลเกตุกาโม อาโลเกติ, น วิโลเกตุกาโม วิโลเกติ, น สมิญฺชิตุกาโม สมิเญฺชติ, น ปสาเรตุกาโม ปสาเรตีติ? น เหวํ วตฺตเพฺพ…เป.…ฯ นนุ อภิกฺกมิตุกาโม อภิกฺกมติ, ปฎิกฺกมิตุกาโม ปฎิกฺกมติ, อาโลเกตุกาโม อาโลเกติ, วิโลเกตุกาโม วิโลเกติ, สมิญฺชิตุกาโม สมิเญฺชติ, ปสาเรตุกาโม ปสาเรตีติ? อามนฺตาฯ หญฺจิ อภิกฺกมิตุกาโม อภิกฺกมติ…เป.… ปสาเรตุกาโม ปสาเรติ, โน จ วต เร วตฺตเพฺพ – ‘‘น ยถาจิตฺตสฺส กายกมฺม’’นฺติฯ
Na yathācittassa kāyakammanti? Āmantā. Na abhikkamitukāmo abhikkamati, na paṭikkamitukāmo paṭikkamati, na āloketukāmo āloketi, na viloketukāmo viloketi, na samiñjitukāmo samiñjeti, na pasāretukāmo pasāretīti? Na hevaṃ vattabbe…pe…. Nanu abhikkamitukāmo abhikkamati, paṭikkamitukāmo paṭikkamati, āloketukāmo āloketi, viloketukāmo viloketi, samiñjitukāmo samiñjeti, pasāretukāmo pasāretīti? Āmantā. Hañci abhikkamitukāmo abhikkamati…pe… pasāretukāmo pasāreti, no ca vata re vattabbe – ‘‘na yathācittassa kāyakamma’’nti.
๕๖๗. น วตฺตพฺพํ – ‘‘น ยถาจิตฺตสฺส กายกมฺม’’นฺติ? อามนฺตาฯ นนุ อตฺถิ โกจิ ‘‘อญฺญตฺร คจฺฉิสฺสามี’’ติ อญฺญตฺร คจฺฉติ…เป.… ‘‘อญฺญํ ปสาเรสฺสามี’’ติ อญฺญํ ปสาเรตีติ? อามนฺตาฯ หญฺจิ อตฺถิ โกจิ ‘‘อญฺญตฺร คจฺฉิสฺสามี’’ติ อญฺญตฺร คจฺฉติ…เป.… ‘‘อญฺญํ ปสาเรสฺสามี’’ติ อญฺญํ ปสาเรติ, เตน วต เร วตฺตเพฺพ – ‘‘น ยถาจิตฺตสฺส กายกมฺม’’นฺติฯ
567. Na vattabbaṃ – ‘‘na yathācittassa kāyakamma’’nti? Āmantā. Nanu atthi koci ‘‘aññatra gacchissāmī’’ti aññatra gacchati…pe… ‘‘aññaṃ pasāressāmī’’ti aññaṃ pasāretīti? Āmantā. Hañci atthi koci ‘‘aññatra gacchissāmī’’ti aññatra gacchati…pe… ‘‘aññaṃ pasāressāmī’’ti aññaṃ pasāreti, tena vata re vattabbe – ‘‘na yathācittassa kāyakamma’’nti.
น ยถาจิตฺตสฺส กายกมฺมนฺติกถา นิฎฺฐิตาฯ
Na yathācittassa kāyakammantikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๐. นยถาจิตฺตสฺส กายกมฺมนฺติกถาวณฺณนา • 10. Nayathācittassa kāyakammantikathāvaṇṇanā
