| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
10. нажжаг̇ийд̇асигкаабад̣̇аван̣н̣анаа
10. Naccagītasikkhāpadavaṇṇanā
нажжанд̇и надаад̣̇аяо ваа нажжанд̇у, сон̣д̣аа ваа анд̇амасо морасувамаггадаад̣̇аяоби, саб̣б̣амзд̇ам̣ нажжамзва. д̇знааха ‘‘нажжанд̇и анд̇амасо моранажжамбий’’д̇и . г̇ийд̇анд̇и надаад̣̇ийнам̣ ваа г̇ийд̇ам̣ ход̇у, арияаанам̣ бариниб̣б̣аанагаалз рад̇анад̇д̇аяаг̇ун̣уубасам̣хид̇ам̣ саад̇хугийл̣ид̇аг̇ийд̇ам̣ ваа, анд̇амасо ‘‘д̣̇анд̇аг̇ийд̇амби г̇ааяиссаамаа’’д̇и буб̣б̣абхааг̇з огууж̇анд̇аа гаронд̇и, саб̣б̣амзд̇ам̣ г̇ийд̇амзва. д̇знааха ‘‘г̇ийд̇анд̇и анд̇амасо д̇хаммабхаан̣агаг̇ийд̇амбий’’д̇и. д̇ад̇т̇а д̇хаммабхаан̣агаг̇ийд̇ам̣ наама асан̃н̃ад̇абхигкуунам̣ д̇ам̣ д̇ам̣ вад̇д̇ам̣ бхинд̣̇ид̇ваа ад̇ид̣̇ийгхам̣ гад̇ваа г̇ийд̇ассарзна д̇хаммабхан̣анам̣, д̇амби нзва бхигкуно, на бхигкунийнам̣ ваддад̇и. д̇ат̇аа хи вуд̇д̇ам̣ барамад̇т̇аж̇од̇игааяа куд̣̇д̣̇агадтагат̇ааяа (ку. баа. адта. 2.бажчимабан̃жасигкаабад̣̇аван̣н̣анаа) ‘‘д̇хаммуубасам̣хид̇ам̣ г̇ийд̇ам̣ ваддад̇и, г̇ийд̇уубасам̣хид̇о бана д̇хаммо на ваддад̇ий’’д̇и. д̇асмаа д̇хаммам̣ бхан̣анд̇зна ж̇аад̇агавад̇д̇аад̣̇им̣ д̇ам̣ д̇ам̣ вад̇д̇ам̣ авинаасзд̇ваа жад̇урассзна (жуул̣ава. адта. 249) вад̇д̇зна бариман̣д̣алаани бад̣̇аб̣яан̃ж̇анаани д̣̇ассзд̇аб̣б̣аани. ваад̣̇ид̇анд̇и д̇анд̇иб̣ад̣̇д̇хаад̣̇иваад̣̇анийяабхан̣д̣аваад̣̇ид̇ам̣ ваа ход̇у, гудабхзриваад̣̇ид̇ам̣ ваа анд̇амасо уд̣̇агабхзриваад̣̇ид̇амби, саб̣б̣амзвзд̇ам̣ ваад̣̇ид̇амзва. д̇знааха ‘‘ваад̣̇ид̇анд̇и анд̇амасо уд̣̇агабхзриваад̣̇ид̇а’’нд̇и. яам̣ бана нидтубханд̇ий ваа саасан̇гз ваа тид̇аа ажчаригам̣ ваа подзд̇и, баан̣им̣ ваа бахарад̇и, д̇ад̇т̇а анаабад̇д̇и. д̣̇ассанзна жзд̇т̇а саванамби сан̇г̇ахид̇ам̣ вируубзгасзсанаязна. ааложанасабхаавад̇ааяа ваа бан̃жаннам̣ вин̃н̃аан̣аанам̣ саванагирияааяаби д̣̇ассанасан̇кзбасаб̣бхаавад̇о ‘‘д̣̇ассанааяа’’ижжзва вуд̇д̇анд̇и ааха ‘‘зд̇зсу яам̣ гин̃жи д̣̇ассанааяа г̇ажчанд̇ияаа’’д̇и. яад̇т̇а тид̇аад̇и звам̣ г̇анд̇ваа яасмим̣ бад̣̇зсз тид̇аа.
Naccanti naṭādayo vā naccantu, soṇḍā vā antamaso morasuvamakkaṭādayopi, sabbametaṃ naccameva. Tenāha ‘‘naccanti antamaso moranaccampī’’ti . Gītanti naṭādīnaṃ vā gītaṃ hotu, ariyānaṃ parinibbānakāle ratanattayaguṇūpasaṃhitaṃ sādhukīḷitagītaṃ vā, antamaso ‘‘dantagītampi gāyissāmā’’ti pubbabhāge okūjantā karonti, sabbametaṃ gītameva. Tenāha ‘‘gītanti antamaso dhammabhāṇakagītampī’’ti. Tattha dhammabhāṇakagītaṃ nāma asaññatabhikkhūnaṃ taṃ taṃ vattaṃ bhinditvā atidīghaṃ katvā gītassarena dhammabhaṇanaṃ, tampi neva bhikkhuno, na bhikkhunīnaṃ vaṭṭati. Tathā hi vuttaṃ paramatthajotikāya khuddakaṭṭhakathāya (khu. pā. aṭṭha. 2.pacchimapañcasikkhāpadavaṇṇanā) ‘‘dhammūpasaṃhitaṃ gītaṃ vaṭṭati, gītūpasaṃhito pana dhammo na vaṭṭatī’’ti. Tasmā dhammaṃ bhaṇantena jātakavattādiṃ taṃ taṃ vattaṃ avināsetvā caturassena (cūḷava. aṭṭha. 249) vattena parimaṇḍalāni padabyañjanāni dassetabbāni. Vāditanti tantibaddhādivādanīyabhaṇḍavāditaṃ vā hotu, kuṭabherivāditaṃ vā antamaso udakabherivāditampi, sabbamevetaṃ vāditameva. Tenāha ‘‘vāditanti antamaso udakabherivādita’’nti. Yaṃ pana niṭṭhubhantī vā sāsaṅke vā ṭhitā accharikaṃ vā phoṭeti, pāṇiṃ vā paharati, tattha anāpatti. Dassanena cettha savanampi saṅgahitaṃ virūpekasesanayena. Ālocanasabhāvatāya vā pañcannaṃ viññāṇānaṃ savanakiriyāyapi dassanasaṅkhepasabbhāvato ‘‘dassanāya’’icceva vuttanti āha ‘‘etesu yaṃ kiñci dassanāya gacchantiyā’’ti. Yattha ṭhitāti evaṃ gantvā yasmiṃ padese ṭhitā.
нану жа саяам̣нажжанаад̣̇ийсу баажид̇д̇ияам̣ баал̣ияам̣ на вуд̇д̇ам̣, ат̇а гат̇ам̣ г̇ахзд̇аб̣б̣анд̇и ааха ‘‘саб̣б̣аадтагат̇аасу вуд̇д̇а’’нд̇и, иминаа баал̣ияам̣ авуд̇д̇зби адтагат̇аабамаан̣зна г̇ахзд̇аб̣б̣анд̇и д̣̇ассзд̇и. самудтаанаад̣̇ийни зл̣агаломасад̣̇исаанийд̇и бана маад̇игааг̇ад̇абаажид̇д̇ияассзва васзна вуд̇д̇ам̣, саб̣б̣зсам̣ васзна бана часамудтаананд̇и г̇ахзд̇аб̣б̣ам̣. ‘‘аараамз тад̇ваа’’д̇и ид̣̇ам̣ нид̣̇ассанамад̇д̇ам̣ сзсаирияаабат̇зхи яуд̇д̇ааяа бассанд̇ияаа анаабад̇д̇ияаа ижчид̇аб̣б̣ад̇д̇аа. ид̇арат̇аа хи нисиннааби бассид̇ум̣ на лабхзяяа. ‘‘бассиссаамий’’д̇и вихаарад̇о вихаарам̣ г̇ажчанд̇ияаа аабад̇д̇иязва. аасанасаалааяа нисиннаа бассад̇и, анаабад̇д̇и, ‘‘бассиссаамий’’д̇и удтахид̇ваа г̇ажчанд̇ияаа аабад̇д̇и. вийт̇ияам̣ тад̇ваа г̇ийвам̣ баривад̇д̇зд̇ваа бассанд̇ияааби аабад̇д̇иязва. бхигкуссааби зсзва наяо, аабад̇д̇ибхзд̣̇ова наанам̣.
Nanu ca sayaṃnaccanādīsu pācittiyaṃ pāḷiyaṃ na vuttaṃ, atha kathaṃ gahetabbanti āha ‘‘sabbaaṭṭhakathāsu vutta’’nti, iminā pāḷiyaṃ avuttepi aṭṭhakathāpamāṇena gahetabbanti dasseti. Samuṭṭhānādīni eḷakalomasadisānīti pana mātikāgatapācittiyasseva vasena vuttaṃ, sabbesaṃ vasena pana chasamuṭṭhānanti gahetabbaṃ. ‘‘Ārāme ṭhatvā’’ti idaṃ nidassanamattaṃ sesairiyāpathehi yuttāya passantiyā anāpattiyā icchitabbattā. Itarathā hi nisinnāpi passituṃ na labheyya. ‘‘Passissāmī’’ti vihārato vihāraṃ gacchantiyā āpattiyeva. Āsanasālāya nisinnā passati, anāpatti, ‘‘passissāmī’’ti uṭṭhahitvā gacchantiyā āpatti. Vīthiyaṃ ṭhatvā gīvaṃ parivattetvā passantiyāpi āpattiyeva. Bhikkhussāpi eseva nayo, āpattibhedova nānaṃ.
нажжаг̇ийд̇асигкаабад̣̇аван̣н̣анаа нидтид̇аа.
Naccagītasikkhāpadavaṇṇanā niṭṭhitā.
ласун̣аваг̇г̇о батамо.
Lasuṇavaggo paṭhamo.
