| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
2. над̣̇ийгассабад̇т̇зраабад̣̇аанам̣
2. Nadīkassapattheraapadānaṃ
29.
29.
‘‘бад̣̇умуд̇д̇арасса бхаг̇авад̇о, логаж̇здтасса д̇аад̣̇ино;
‘‘Padumuttarassa bhagavato, lokajeṭṭhassa tādino;
бин̣д̣ажаарам̣ жаранд̇асса, ваарад̇о уд̇д̇амам̣ яасам̣;
Piṇḍacāraṃ carantassa, vārato uttamaṃ yasaṃ;
аг̇г̇апалам̣ г̇ахзд̇ваана, ад̣̇аасим̣ сад̇т̇уно ахам̣.
Aggaphalaṃ gahetvāna, adāsiṃ satthuno ahaṃ.
30.
30.
‘‘д̇зна гаммзна д̣̇звинд̣̇о, логаж̇здто нараасабхо;
‘‘Tena kammena devindo, lokajeṭṭho narāsabho;
самбад̇д̇омхи ажалам̣ таанам̣, хид̇ваа ж̇аяабарааж̇аяам̣.
Sampattomhi acalaṃ ṭhānaṃ, hitvā jayaparājayaṃ.
31.
31.
‘‘сад̇асахассид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Satasahassito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, аг̇г̇ад̣̇аанассид̣̇ам̣ палам̣.
Duggatiṃ nābhijānāmi, aggadānassidaṃ phalaṃ.
32.
32.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
33.
33.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
34.
34.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа над̣̇ийгассабо т̇зро имаа г̇аат̇ааяо
Itthaṃ sudaṃ āyasmā nadīkassapo thero imā gāthāyo
абхаасид̇т̇аад̇и.
Abhāsitthāti.
над̣̇ийгассабад̇т̇зрассаабад̣̇аанам̣ д̣̇уд̇ияам̣.
Nadīkassapattherassāpadānaṃ dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 2. над̣̇ийгассабад̇т̇зраабад̣̇аанаван̣н̣анаа • 2. Nadīkassapattheraapadānavaṇṇanā
