| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. นทีกสฺสปเตฺถรอปทานํ
2. Nadīkassapattheraapadānaṃ
๒๙.
29.
‘‘ปทุมุตฺตรสฺส ภควโต, โลกเชฎฺฐสฺส ตาทิโน;
‘‘Padumuttarassa bhagavato, lokajeṭṭhassa tādino;
ปิณฺฑจารํ จรนฺตสฺส, วารโต อุตฺตมํ ยสํ;
Piṇḍacāraṃ carantassa, vārato uttamaṃ yasaṃ;
อคฺคผลํ คเหตฺวาน, อทาสิํ สตฺถุโน อหํฯ
Aggaphalaṃ gahetvāna, adāsiṃ satthuno ahaṃ.
๓๐.
30.
‘‘เตน กเมฺมน เทวิโนฺท, โลกเชโฎฺฐ นราสโภ;
‘‘Tena kammena devindo, lokajeṭṭho narāsabho;
สมฺปโตฺตมฺหิ อจลํ ฐานํ, หิตฺวา ชยปราชยํฯ
Sampattomhi acalaṃ ṭhānaṃ, hitvā jayaparājayaṃ.
๓๑.
31.
‘‘สตสหสฺสิโต กเปฺป, ยํ ผลํ อททิํ ตทา;
‘‘Satasahassito kappe, yaṃ phalaṃ adadiṃ tadā;
ทุคฺคติํ นาภิชานามิ, อคฺคทานสฺสิทํ ผลํฯ
Duggatiṃ nābhijānāmi, aggadānassidaṃ phalaṃ.
๓๒.
32.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๓๓.
33.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๓๔.
34.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา นทีกสฺสโป เถโร อิมา คาถาโย
Itthaṃ sudaṃ āyasmā nadīkassapo thero imā gāthāyo
อภาสิตฺถาติฯ
Abhāsitthāti.
นทีกสฺสปเตฺถรสฺสาปทานํ ทุติยํฯ
Nadīkassapattherassāpadānaṃ dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. นทีกสฺสปเตฺถรอปทานวณฺณนา • 2. Nadīkassapattheraapadānavaṇṇanā
