| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. над̣̇ийгассабад̇т̇зраг̇аат̇ааван̣н̣анаа
6. Nadīkassapattheragāthāvaṇṇanā
ад̇т̇ааяа вад̇а мзд̇иаад̣̇игаа ааяасмад̇о над̣̇ийгассабад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ бин̣д̣ааяа жаранд̇ам̣ д̣̇исваа басаннамаанасо ад̇д̇анаа робид̇асса амб̣аругкасса батамуббаннам̣ маносилааван̣н̣ам̣ згам̣ амб̣апалам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз б̣раахман̣агулз урувзлагассабасса бхаад̇аа худ̇ваа ниб̣б̣ад̇д̇о. ваяаббад̇д̇о ниссаран̣аж̇жхаасаяад̇ааяа гхарааваасам̣ анижчанд̇о д̇аабасабаб̣б̣аж̇ж̇ам̣ баб̣б̣аж̇ид̇ваа д̇ийхи д̇аабасасад̇зхи сад̣̇д̇хим̣ нзран̃ж̇арааяа над̣̇ияаа д̇ийрз ассамам̣ маабзд̇ваа вихарад̇и. над̣̇ийд̇ийрз васанад̇о хисса гассабаг̇од̇д̇ад̇ааяа жа над̣̇ийгассабод̇и саман̃н̃аа ахоси. д̇асса бхаг̇аваа сабарисасса зхибхигкубхаавзна убасамбад̣̇ам̣ ад̣̇ааси. д̇ам̣ саб̣б̣ам̣ канд̇хагз (махаава. 36-39) ааг̇ад̇амзва. со бхаг̇авад̇о аад̣̇ид̇д̇абарияааяад̣̇зсанааяа (махаава. 54; сам̣. ни. 4.28) арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 2.44.81-87) –
Atthāyavata metiādikā āyasmato nadīkassapattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto padumuttarassa bhagavato kāle kulagehe nibbattitvā viññutaṃ patto ekadivasaṃ satthāraṃ piṇḍāya carantaṃ disvā pasannamānaso attanā ropitassa ambarukkhassa paṭhamuppannaṃ manosilāvaṇṇaṃ ekaṃ ambaphalaṃ adāsi. So tena puññakammena devamanussesu saṃsaranto imasmiṃ buddhuppāde magadharaṭṭhe brāhmaṇakule uruvelakassapassa bhātā hutvā nibbatto. Vayappatto nissaraṇajjhāsayatāya gharāvāsaṃ anicchanto tāpasapabbajjaṃ pabbajitvā tīhi tāpasasatehi saddhiṃ nerañjarāya nadiyā tīre assamaṃ māpetvā viharati. Nadītīre vasanato hissa kassapagottatāya ca nadīkassapoti samaññā ahosi. Tassa bhagavā saparisassa ehibhikkhubhāvena upasampadaṃ adāsi. Taṃ sabbaṃ khandhake (mahāva. 36-39) āgatameva. So bhagavato ādittapariyāyadesanāya (mahāva. 54; saṃ. ni. 4.28) arahatte patiṭṭhāsi. Tena vuttaṃ apadāne (apa. thera 2.44.81-87) –
‘‘бад̣̇умуд̇д̇араб̣уд̣̇д̇хасса, логаж̇здтасса д̇аад̣̇ино;
‘‘Padumuttarabuddhassa, lokajeṭṭhassa tādino;
бин̣д̣ааяа вижаранд̇асса, д̇хаарад̇о уд̇д̇амам̣ яасам̣.
Piṇḍāya vicarantassa, dhārato uttamaṃ yasaṃ.
‘‘аг̇г̇апалам̣ г̇ахзд̇ваана, виббасаннзна жзд̇асаа;
‘‘Aggaphalaṃ gahetvāna, vippasannena cetasā;
д̣̇агкин̣зяяасса вийрасса, ад̣̇аасим̣ сад̇т̇уно ахам̣.
Dakkhiṇeyyassa vīrassa, adāsiṃ satthuno ahaṃ.
‘‘д̇зна гаммзна д̣̇вибад̣̇инд̣̇а, логаж̇здта нараасабха;
‘‘Tena kammena dvipadinda, lokajeṭṭha narāsabha;
бад̇д̇омхи ажалам̣ таанам̣, хид̇ваа ж̇аяабарааж̇аяам̣.
Pattomhi acalaṃ ṭhānaṃ, hitvā jayaparājayaṃ.
‘‘сад̇асахассид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Satasahassito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, аг̇г̇ад̣̇аанассид̣̇ам̣ палам̣.
Duggatiṃ nābhijānāmi, aggadānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇з бана бад̇идтид̇о абарабхааг̇з ад̇д̇ано бадибад̇д̇им̣ бажжавзгкид̇ваа д̣̇идтисамуг̇гхаад̇агид̇д̇анамукзна ан̃н̃ам̣ б̣яаагаронд̇о –
Arahatte pana patiṭṭhito aparabhāge attano paṭipattiṃ paccavekkhitvā diṭṭhisamugghātakittanamukhena aññaṃ byākaronto –
340.
340.
‘‘ад̇т̇ааяа вад̇а мз б̣уд̣̇д̇хо, над̣̇им̣ нзран̃ж̇арам̣ аг̇аа;
‘‘Atthāya vata me buddho, nadiṃ nerañjaraṃ agā;
яассаахам̣ д̇хаммам̣ суд̇ваана, мижчаад̣̇идтим̣ виваж̇ж̇аяим̣.
Yassāhaṃ dhammaṃ sutvāna, micchādiṭṭhiṃ vivajjayiṃ.
341.
341.
‘‘яаж̇им̣ ужжааважз яан̃н̃з, аг̇г̇ихуд̇д̇ам̣ ж̇ухим̣ ахам̣;
‘‘Yajiṃ uccāvace yaññe, aggihuttaṃ juhiṃ ahaṃ;
зсаа суд̣̇д̇хийд̇и ман̃н̃анд̇о, анд̇хабхууд̇о бут̇уж̇ж̇ано.
Esā suddhīti maññanto, andhabhūto puthujjano.
342.
342.
‘‘д̣̇идтиг̇аханабагканд̣̇о, бараамаасзна мохид̇о;
‘‘Diṭṭhigahanapakkhando, parāmāsena mohito;
асуд̣̇д̇хим̣ ман̃н̃исам̣ суд̣̇д̇хим̣, анд̇хабхууд̇о авид̣̇д̣̇асу.
Asuddhiṃ maññisaṃ suddhiṃ, andhabhūto aviddasu.
343.
343.
‘‘мижчаад̣̇идти бахийнаа мз, бхаваа саб̣б̣з вид̣̇аалид̇аа;
‘‘Micchādiṭṭhi pahīnā me, bhavā sabbe vidālitā;
ж̇ухаами д̣̇агкин̣зяяаг̇г̇им̣, намассаами д̇ат̇ааг̇ад̇ам̣.
Juhāmi dakkhiṇeyyaggiṃ, namassāmi tathāgataṃ.
344.
344.
‘‘мохаа саб̣б̣з бахийнаа мз, бхавад̇ан̣хаа бад̣̇аалид̇аа;
‘‘Mohā sabbe pahīnā me, bhavataṇhā padālitā;
вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и. –
Vikkhīṇo jātisaṃsāro, natthi dāni punabbhavo’’ti. –
имаа бан̃жа г̇аат̇аа абхааси.
Imā pañca gāthā abhāsi.
д̇ад̇т̇а ад̇т̇ааяа вад̇а мзд̇и маяхам̣ ад̇т̇ааяа вад̇а хид̇ааяа вад̇а. б̣уд̣̇д̇ход̇и саб̣б̣ан̃н̃уб̣уд̣̇д̇хо. над̣̇им̣ нзран̃ж̇арам̣ аг̇аад̇и нзран̃ж̇араасан̇каад̇ам̣ над̣̇им̣ аг̇ан̃чи, д̇ассаа над̣̇ияаа д̇ийрз жа мама бхаад̇у урувзлагассабасса ассамам̣ убаг̇ад̇од̇и ад̇хиббааяо.
Tattha atthāya vata meti mayhaṃ atthāya vata hitāya vata. Buddhoti sabbaññubuddho. Nadiṃ nerañjaraṃ agāti nerañjarāsaṅkhātaṃ nadiṃ agañchi, tassā nadiyā tīre ca mama bhātu uruvelakassapassa assamaṃ upagatoti adhippāyo.
ид̣̇аани яат̇аавуд̇д̇амад̇т̇ам̣ виварид̇ум̣ ‘‘яассааха’’нд̇иаад̣̇и вуд̇д̇ам̣. яассаад̇и яасса б̣уд̣̇д̇хасса бхаг̇авад̇о. д̇хаммам̣ суд̇ваанаад̇и жад̇усажжабадисам̣яуд̇д̇ам̣ д̇хаммам̣ суд̇ваа, сод̇ад̣̇ваараанусаарзна убалабхид̇ваа. мижчаад̣̇идтим̣ виваж̇ж̇аяинд̇и ‘‘яан̃н̃аад̣̇ийхи суд̣̇д̇хи ход̇ий’’д̇иаад̣̇инаяаббавад̇д̇ам̣ вибарийд̇ад̣̇ассанам̣ баж̇ахим̣.
Idāni yathāvuttamatthaṃ vivarituṃ ‘‘yassāha’’ntiādi vuttaṃ. Yassāti yassa buddhassa bhagavato. Dhammaṃ sutvānāti catusaccapaṭisaṃyuttaṃ dhammaṃ sutvā, sotadvārānusārena upalabhitvā. Micchādiṭṭhiṃ vivajjayinti ‘‘yaññādīhi suddhi hotī’’tiādinayappavattaṃ viparītadassanaṃ pajahiṃ.
мижчаад̣̇идтим̣ виваж̇ж̇аяинд̇и вуд̇д̇амзвад̇т̇ам̣ вид̇т̇аарзд̇ваа д̣̇ассзд̇ум̣ ‘‘яаж̇и’’нд̇иаад̣̇имааха. д̇ад̇т̇а яаж̇им̣ ужжааважз яан̃н̃зд̇и баагадаяан̃н̃з сомаяааг̇авааж̇абзяяаад̣̇игз наанаавид̇хз яан̃н̃з яаж̇им̣. аг̇г̇ихуд̇д̇ам̣ ж̇ухим̣ аханд̇и д̇зсам̣ яан̃н̃аанам̣ яаж̇анавасзна аахуд̇им̣ баг̇г̇ан̣ханд̇о аг̇г̇им̣ барижарим̣. зсаа суд̣̇д̇хийд̇и ман̃н̃анд̇од̇и зсаа яан̃н̃агирияаа аг̇г̇ибаарижарияаа суд̣̇д̇хихзд̇убхаавад̇о суд̣̇д̇хи ‘‘звам̣ мз сам̣саарасуд̣̇д̇хи ход̇ий’’д̇и ман̃н̃амаано. анд̇хабхууд̇о бут̇уж̇ж̇анод̇и бан̃н̃аажагкувзгаллзна авиж̇ж̇анд̇хад̇ааяа анд̇хабхууд̇о бут̇уж̇ж̇ано худ̇ваа ванаг̇аханабаб̣б̣ад̇аг̇аханаад̣̇ийни вияа д̣̇урад̇иггаманадтзна д̣̇идтиязва г̇аханам̣ д̣̇идтиг̇аханам̣ , д̇ам̣ багканд̣̇о анубавидтод̇и д̣̇идтиг̇аханабагканд̣̇о. бараамаасзнаад̇и д̇хаммасабхаавам̣ ад̇иггамид̇ваа ‘‘ид̣̇амзва сажжа’’нд̇и бараамасанад̇о бараамаасасан̇каад̇зна мижчаабхинивзсзна. мохид̇од̇и муул̣хабхаавам̣ баабид̇о. асуд̣̇д̇хим̣ ман̃н̃исам̣ суд̣̇д̇хинд̇и асуд̣̇д̇хим̣ маг̇г̇ам̣ ‘‘суд̣̇д̇хим̣ маг̇г̇а’’нд̇и ман̃н̃исам̣ ман̃н̃им̣. д̇ад̇т̇а гааран̣амааха ‘‘анд̇хабхууд̇о авид̣̇д̣̇асуу’’д̇и. яасмаа авиж̇ж̇ааяа анд̇хабхууд̇о, д̇ад̇о зва д̇хаммаад̇хаммам̣ яуд̇д̇ааяуд̇д̇ан̃жа авид̣̇ваа, д̇асмаа д̇ат̇аа ман̃н̃инд̇и ад̇т̇о.
Micchādiṭṭhiṃ vivajjayinti vuttamevatthaṃ vitthāretvā dassetuṃ ‘‘yaji’’ntiādimāha. Tattha yajiṃ uccāvace yaññeti pākaṭayaññe somayāgavājapeyyādike nānāvidhe yaññe yajiṃ. Aggihuttaṃ juhiṃ ahanti tesaṃ yaññānaṃ yajanavasena āhutiṃ paggaṇhanto aggiṃ paricariṃ. Esā suddhīti maññantoti esā yaññakiriyā aggipāricariyā suddhihetubhāvato suddhi ‘‘evaṃ me saṃsārasuddhi hotī’’ti maññamāno. Andhabhūto puthujjanoti paññācakkhuvekallena avijjandhatāya andhabhūto puthujjano hutvā vanagahanapabbatagahanādīni viya duratikkamanaṭṭhena diṭṭhiyeva gahanaṃ diṭṭhigahanaṃ , taṃ pakkhando anupaviṭṭhoti diṭṭhigahanapakkhando. Parāmāsenāti dhammasabhāvaṃ atikkamitvā ‘‘idameva sacca’’nti parāmasanato parāmāsasaṅkhātena micchābhinivesena. Mohitoti mūḷhabhāvaṃ pāpito. Asuddhiṃ maññisaṃ suddhinti asuddhiṃ maggaṃ ‘‘suddhiṃ magga’’nti maññisaṃ maññiṃ. Tattha kāraṇamāha ‘‘andhabhūto aviddasū’’ti. Yasmā avijjāya andhabhūto, tato eva dhammādhammaṃ yuttāyuttañca avidvā, tasmā tathā maññinti attho.
мижчаад̣̇идти бахийнаа мзд̇и звам̣бхууд̇асса бана сад̇т̇у саммукаа жад̇усажжаг̇аб̣бхам̣ д̇хаммагат̇ам̣ суд̇ваа яонисо бадибаж̇ж̇анд̇асса арияамаг̇г̇асаммаад̣̇идтияаа саб̣б̣ааби мижчаад̣̇идти самужчзд̣̇аббахаанавасзна маяхам̣ бахийнаа. бхаваад̇и гаамабхаваад̣̇аяо саб̣б̣зби бхаваа арияамаг̇г̇асад̇т̇зна вид̣̇аалид̇аа вид̣̇д̇хам̣сид̇аа. ж̇ухаами д̣̇агкин̣зяяаг̇г̇инд̇и аахаванийяаад̣̇игз аг̇г̇ий чад̣д̣зд̇ваа сад̣̇звагасса логасса аг̇г̇ад̣̇агкин̣зяяад̇ааяа саб̣б̣асса жа баабасса д̣̇аханад̇о д̣̇агкин̣зяяаг̇г̇им̣ саммаасамб̣уд̣̇д̇хам̣ ж̇ухаами барижараами. д̇аяид̣̇ам̣ маяхам̣ д̣̇агкин̣зяяаг̇г̇ибарижаран̣ам̣ д̣̇ад̇хинаванийд̇амат̇ид̇асаббиаад̣̇инирабзгкам̣ сад̇т̇у намассанамзваад̇и ааха ‘‘намассаами д̇ат̇ааг̇ад̇а’’нд̇и. ат̇а ваа ж̇ухаами д̣̇агкин̣зяяаг̇г̇инд̇и д̣̇ааяагаанам̣ д̣̇агкин̣ааяа махабпалабхаавагаран̣зна баабасса жа д̣̇аханзна д̣̇агкин̣зяяаг̇г̇ибхууд̇ам̣ ад̇д̇аанам̣ ж̇ухаами барижараами д̇ат̇аа гад̇ваа барижараами, д̇ат̇аа гад̇ваа барихараами. буб̣б̣з аг̇г̇ид̣̇звам̣ намассаами, ид̣̇аани бана намассаами д̇ат̇ааг̇ад̇анд̇и.
Micchādiṭṭhi pahīnā meti evaṃbhūtassa pana satthu sammukhā catusaccagabbhaṃ dhammakathaṃ sutvā yoniso paṭipajjantassa ariyamaggasammādiṭṭhiyā sabbāpi micchādiṭṭhi samucchedappahānavasena mayhaṃ pahīnā. Bhavāti kāmabhavādayo sabbepi bhavā ariyamaggasatthena vidālitā viddhaṃsitā. Juhāmi dakkhiṇeyyagginti āhavanīyādike aggī chaḍḍetvā sadevakassa lokassa aggadakkhiṇeyyatāya sabbassa ca pāpassa dahanato dakkhiṇeyyaggiṃ sammāsambuddhaṃ juhāmi paricarāmi. Tayidaṃ mayhaṃ dakkhiṇeyyaggiparicaraṇaṃ dadhinavanītamathitasappiādinirapekkhaṃ satthu namassanamevāti āha ‘‘namassāmi tathāgata’’nti. Atha vā juhāmi dakkhiṇeyyagginti dāyakānaṃ dakkhiṇāya mahapphalabhāvakaraṇena pāpassa ca dahanena dakkhiṇeyyaggibhūtaṃ attānaṃ juhāmi paricarāmi tathā katvā paricarāmi, tathā katvā pariharāmi. Pubbe aggidevaṃ namassāmi, idāni pana namassāmi tathāgatanti.
мохаа саб̣б̣з бахийнаа мзд̇и д̣̇угкз ан̃н̃аан̣аад̣̇ибхзд̣̇аа саб̣б̣з мохаа маяхам̣ бахийнаа самужчиннаа, д̇ад̇о зва ‘‘бхавад̇ан̣хаа бад̣̇аалид̇аа. вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и д̇ийсу бад̣̇зсу мз-сад̣̇д̣̇о аанзд̇ваа яож̇зд̇аб̣б̣о.
Mohā sabbe pahīnā meti dukkhe aññāṇādibhedā sabbe mohā mayhaṃ pahīnā samucchinnā, tato eva ‘‘bhavataṇhā padālitā. Vikkhīṇo jātisaṃsāro, natthi dāni punabbhavo’’ti tīsu padesu me-saddo ānetvā yojetabbo.
над̣̇ийгассабад̇т̇зраг̇аат̇ааван̣н̣анаа нидтид̇аа.
Nadīkassapattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. над̣̇ийгассабад̇т̇зраг̇аат̇аа • 6. Nadīkassapattheragāthā
