| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
10. над̣̇ийсод̇асуд̇д̇аван̣н̣анаа
10. Nadīsotasuttavaṇṇanā
109. д̣̇асамз сзяяат̇аабийд̇и обаммад̣̇ассанад̇т̇з нибаад̇о, яат̇аа наамаад̇и ад̇т̇о. над̣̇ияаа сод̇зна овуяхзяяаад̇и сийгхасод̇ааяа хаарахааринияаа над̣̇ияаа уд̣̇агавзг̇зна хздтад̇о вуяхзяяа ад̇хо хариязт̇а. бияаруубасаад̇аруубзнаад̇и бияасабхаавзна саад̇асабхаавзна жа гааран̣абхууд̇зна, д̇ассам̣ над̣̇ияам̣ д̇ассаа ваа барад̇ийрз ман̣исуван̣н̣аад̣̇и ан̃н̃ам̣ ваа бияавад̇т̇у вид̇д̇уубагаран̣ам̣ ад̇т̇и, д̇ам̣ г̇ахзссаамийд̇и над̣̇ияам̣ бад̇ид̇ваа сод̇зна авагад̣дхзяяа. гин̃жаабийд̇и ануж̇аананаасамбхааванад̇т̇з нибаад̇о. гим̣ ануж̇аанаад̇и, гим̣ на самбхаавзд̇и? д̇зна бурисзна ад̇хиббзд̇асса бияавад̇т̇усса д̇ад̇т̇а ад̇т̇ибхаавам̣ ануж̇аанаад̇и, д̇ат̇ааг̇аманам̣ бана аад̣̇ийнававанд̇ад̇ааяа на самбхаавзд̇и. ид̣̇ам̣ вуд̇д̇ам̣ ход̇и – амбхо, буриса , яад̣̇иби д̇аяаа ад̇хиббзд̇ам̣ бияавад̇т̇у д̇ад̇т̇а убалаб̣бхад̇и, звам̣ г̇аманз бана аяамаад̣̇ийнаво, яам̣ д̇вам̣ хздтаа рахад̣̇ам̣ бад̇ваа маран̣ам̣ маран̣амад̇д̇ам̣ ваа д̣̇угкам̣ баабун̣зяяаасийд̇и.
109. Dasame seyyathāpīti opammadassanatthe nipāto, yathā nāmāti attho. Nadiyā sotena ovuyheyyāti sīghasotāya hārahāriniyā nadiyā udakavegena heṭṭhato vuyheyya adho hariyetha. Piyarūpasātarūpenāti piyasabhāvena sātasabhāvena ca kāraṇabhūtena, tassaṃ nadiyaṃ tassā vā paratīre maṇisuvaṇṇādi aññaṃ vā piyavatthu vittūpakaraṇaṃ atthi, taṃ gahessāmīti nadiyaṃ patitvā sotena avakaḍḍheyya. Kiñcāpīti anujānanaasambhāvanatthe nipāto. Kiṃ anujānāti, kiṃ na sambhāveti? Tena purisena adhippetassa piyavatthussa tattha atthibhāvaṃ anujānāti, tathāgamanaṃ pana ādīnavavantatāya na sambhāveti. Idaṃ vuttaṃ hoti – ambho, purisa , yadipi tayā adhippetaṃ piyavatthu tattha upalabbhati, evaṃ gamane pana ayamādīnavo, yaṃ tvaṃ heṭṭhā rahadaṃ patvā maraṇaṃ maraṇamattaṃ vā dukkhaṃ pāpuṇeyyāsīti.
ад̇т̇и жзд̇т̇а хздтаа рахад̣̇од̇и зд̇иссаа над̣̇ияаа хздтаа анусод̇абхааг̇з ад̇ивияа г̇амбхийравид̇т̇ад̇о зго махаасаро ад̇т̇и. со жа саманд̇ад̇о ваад̇аабхигхаад̇асамудтид̇аахи ман̣имаяабаб̣б̣ад̇агуудасаннибхаахи махад̇ийхи уумийхи вийжийхи саууми, висамзсу бхуумиббад̣̇зсзсу савзг̇ам̣ анубагканд̣̇анд̇зна имиссаа д̇аава над̣̇ияаа махогхзна д̇ахим̣ д̇ахим̣ ааваддамаанавибулаж̇алад̇ааяа б̣алаваамукасад̣̇исзхи саха ааваддзхийд̇и сааваддо. д̇ам̣ рахад̣̇ам̣ од̇ин̣н̣асад̇д̇зязва ад̇д̇ано ниб̣ад̣̇д̇хаамисаг̇ожарз гад̇ваа аж̇жхаавасанд̇зна ад̇ивияа бхаяаанагад̣̇ассанзна гхоражзд̇асаа д̣̇агарагкасзна саг̇ахо сарагкасо, жан̣д̣амажчамагараад̣̇инаа ваа саг̇ахо, яат̇аавуд̇д̇арагкасзна сарагкасо.
Atthi cettha heṭṭhā rahadoti etissā nadiyā heṭṭhā anusotabhāge ativiya gambhīravitthato eko mahāsaro atthi. So ca samantato vātābhighātasamuṭṭhitāhi maṇimayapabbatakūṭasannibhāhi mahatīhi ūmīhi vīcīhi saūmi, visamesu bhūmippadesesu savegaṃ anupakkhandantena imissā tāva nadiyā mahoghena tahiṃ tahiṃ āvaṭṭamānavipulajalatāya balavāmukhasadisehi saha āvaṭṭehīti sāvaṭṭo. Taṃ rahadaṃ otiṇṇasatteyeva attano nibaddhāmisagocare katvā ajjhāvasantena ativiya bhayānakadassanena ghoracetasā dakarakkhasena sagaho sarakkhaso, caṇḍamacchamakarādinā vā sagaho, yathāvuttarakkhasena sarakkhaso.
яанд̇и звам̣ саббадибхаяам̣ яам̣ рахад̣̇ам̣. амбхо бурисаад̇и аалабанам̣. маран̣ам̣ ваа ниг̇ажчасийд̇и д̇аахи ваа уумийхи аж̇жход̇т̇адо, д̇зсу ваа ааваддзсу нибад̇ид̇о сийсам̣ угкибид̇ум̣ асаггонд̇о д̇зсам̣ ваа жан̣д̣амажчамагараад̣̇ийнам̣ мукз нибад̇ид̇о. д̇асса ваа д̣̇агарагкасасса хад̇т̇ам̣ г̇ад̇о маран̣ам̣ ваа г̇амиссаси, ат̇а ваа бана ааяусзсз сад̇и д̇ад̇о мужжид̇ваа абаг̇ажчанд̇о д̇зхи уумиаад̣̇ийхи ж̇анид̇агхаддид̇авасзна маран̣амад̇д̇ам̣ маран̣аббамаан̣ам̣ д̣̇угкам̣ ниг̇ажчаси. бадисод̇ам̣ вааяамзяяаад̇и со буб̣б̣з анусод̇ам̣ вуяхамаано д̇асса бурисасса важанам̣ суд̇ваа ‘‘анад̇т̇о гира мз убадтид̇о, мажжумукз гираахам̣ баривад̇д̇аамий’’д̇и уббаннаб̣алавабхаяо самбхаманд̇о д̣̇иг̇ун̣ам̣ гад̇ваа уссаахам̣ хад̇т̇зхи жа баад̣̇зхи жа вааяамзяяа д̇арзяяа, на жирзнзва д̇ийрам̣ самбаабун̣зяяа.
Yanti evaṃ sappaṭibhayaṃ yaṃ rahadaṃ. Ambho purisāti ālapanaṃ. Maraṇaṃ vā nigacchasīti tāhi vā ūmīhi ajjhotthaṭo, tesu vā āvaṭṭesu nipatito sīsaṃ ukkhipituṃ asakkonto tesaṃ vā caṇḍamacchamakarādīnaṃ mukhe nipatito. Tassa vā dakarakkhasassa hatthaṃ gato maraṇaṃ vā gamissasi, atha vā pana āyusese sati tato muccitvā apagacchanto tehi ūmiādīhi janitaghaṭṭitavasena maraṇamattaṃ maraṇappamāṇaṃ dukkhaṃ nigacchasi. Paṭisotaṃ vāyameyyāti so pubbe anusotaṃ vuyhamāno tassa purisassa vacanaṃ sutvā ‘‘anattho kira me upaṭṭhito, maccumukhe kirāhaṃ parivattāmī’’ti uppannabalavabhayo sambhamanto diguṇaṃ katvā ussāhaṃ hatthehi ca pādehi ca vāyameyya tareyya, na cireneva tīraṃ sampāpuṇeyya.
ад̇т̇асса вин̃н̃аабанааяаад̇и жад̇усажжабадивзд̇хаанугууласса ад̇т̇асса самб̣од̇ханааяа убамаа гад̇аа. аяан̃жзд̇т̇а ад̇т̇од̇и аяамзва ид̣̇аани вужжамаано ид̇ха маяаа ад̇хиббзд̇о убамзяяад̇т̇о, яасса вин̃н̃аабанааяа убамаа аахадаа.
Atthassaviññāpanāyāti catusaccapaṭivedhānukūlassa atthassa sambodhanāya upamā katā. Ayañcettha atthoti ayameva idāni vuccamāno idha mayā adhippeto upameyyattho, yassa viññāpanāya upamā āhaṭā.
д̇ан̣хааязд̇ам̣ ад̇хиважананд̇и зд̇т̇а жад̇уухи аагаарзхи д̇ан̣хааяа сод̇асад̣̇исад̇аа взд̣̇ид̇аб̣б̣аа ануггамабаривуд̣дхид̇о ануббаб̣анд̇хад̇о осийд̣̇аабанад̇о д̣̇уруд̇д̇аран̣ад̇о жа. яат̇аа хи убари махаамзгхз абхиббавудтз уд̣̇агам̣ баб̣б̣ад̇аганд̣̇арабад̣̇арасаакааяо буурзд̇ваа д̇ад̇о бхассид̇ваа гусуб̣бхз буурзд̇ваа д̇ад̇о бхассид̇ваа гуннад̣̇ияо буурзд̇ваа д̇ад̇о махаанад̣̇ияо багканд̣̇ид̇ваа згогхам̣ худ̇ваа бавад̇д̇амаанам̣ ‘‘над̣̇ийсод̇о’’д̇и вужжад̇и, звамзва аж̇жхад̇д̇игаб̣аахираад̣̇ивасзна анзгабхзд̣̇зсу руубаад̣̇ийсу аарамман̣зсу лобхо уббаж̇ж̇ид̇ваа ануггамзна баривуд̣дхим̣ г̇ажчанд̇о ‘‘д̇ан̣хаасод̇о’’д̇и вужжад̇и, яат̇аа жа над̣̇ийсод̇о ааг̇аманад̇о яаава самуд̣̇д̣̇аббад̇д̇и, д̇аава сад̇и вижчзд̣̇абажжаяаабхаавз авижчиж̇ж̇амаано ануббаб̣анд̇хзна бавад̇д̇ад̇и, звам̣ д̇ан̣хаасод̇оби ааг̇аманад̇о бадтааяа асад̇и вижчзд̣̇абажжаяз авижчиж̇ж̇амаано абааяасамуд̣̇д̣̇аабхимуко ануббаб̣анд̇хзна бавад̇д̇ад̇и. яат̇аа бана над̣̇ийсод̇о д̇ад̣̇анд̇ог̇ад̇хз сад̇д̇з осийд̣̇аабзд̇и, сийсам̣ угкибид̇ум̣ на д̣̇зд̇и, маран̣ам̣ ваа маран̣амад̇д̇ам̣ ваа д̣̇угкам̣ баабзд̇и, звам̣ д̇ан̣хаасод̇оби ад̇д̇ано сод̇анд̇ог̇ад̇з сад̇д̇з осийд̣̇аабзд̇и, бан̃н̃аасийсам̣ угкибид̇ум̣ на д̣̇зд̇и, гусаламуулажчзд̣̇анзна сам̣гилзсад̇хаммасамаабаж̇ж̇анзна жа маран̣ам̣ ваа маран̣амад̇д̇ам̣ ваа д̣̇угкам̣ баабзд̇и.
Taṇhāyetaṃ adhivacananti ettha catūhi ākārehi taṇhāya sotasadisatā veditabbā anukkamaparivuḍḍhito anuppabandhato osīdāpanato duruttaraṇato ca. Yathā hi upari mahāmeghe abhippavuṭṭhe udakaṃ pabbatakandarapadarasākhāyo pūretvā tato bhassitvā kusubbhe pūretvā tato bhassitvā kunnadiyo pūretvā tato mahānadiyo pakkhanditvā ekoghaṃ hutvā pavattamānaṃ ‘‘nadīsoto’’ti vuccati, evameva ajjhattikabāhirādivasena anekabhedesu rūpādīsu ārammaṇesu lobho uppajjitvā anukkamena parivuḍḍhiṃ gacchanto ‘‘taṇhāsoto’’ti vuccati, yathā ca nadīsoto āgamanato yāva samuddappatti, tāva sati vicchedapaccayābhāve avicchijjamāno anuppabandhena pavattati, evaṃ taṇhāsotopi āgamanato paṭṭhāya asati vicchedapaccaye avicchijjamāno apāyasamuddābhimukho anuppabandhena pavattati. Yathā pana nadīsoto tadantogadhe satte osīdāpeti, sīsaṃ ukkhipituṃ na deti, maraṇaṃ vā maraṇamattaṃ vā dukkhaṃ pāpeti, evaṃ taṇhāsotopi attano sotantogate satte osīdāpeti, paññāsīsaṃ ukkhipituṃ na deti, kusalamūlacchedanena saṃkilesadhammasamāpajjanena ca maraṇaṃ vā maraṇamattaṃ vā dukkhaṃ pāpeti.
яат̇аа жа над̣̇ияаа сод̇о махогхабхаавзна бавад̇д̇амаано ул̣умбам̣ ваа наавам̣ ваа б̣анд̇хид̇ум̣ нзд̇ун̃жа чзгам̣ бурисам̣ ниссааяа барад̇ийрам̣ г̇анд̇ум̣ аж̇жхаасаяам̣ гад̇ваа д̇аж̇ж̇ам̣ вааяаамам̣ гаронд̇зна д̇арид̇аб̣б̣о, на язна ваа д̇зна ваад̇и д̣̇уруд̇д̇аро, звам̣ д̇ан̣хаасод̇оби гаамогхабхавогхабхууд̇о сийласам̣варам̣ буурзд̇ум̣ самат̇авибассанаасу гаммам̣ гаад̇ум̣ ‘‘нибагзна арахад̇д̇ам̣ баабун̣иссаамий’’д̇и аж̇жхаасаяам̣ самудтаабзд̇ваа галяаан̣амид̇д̇з ниссааяа самат̇авибассанаанаавам̣ абхирухид̇ваа саммаавааяаамам̣ гаронд̇зна д̇арид̇аб̣б̣о, на язна ваа д̇зна ваад̇и д̣̇уруд̇д̇аро. звам̣ ануггамабаривуд̣дхид̇о ануббаб̣анд̇хад̇о осийд̣̇аабанад̇о д̣̇уруд̇д̇аран̣ад̇од̇и жад̇уухи аагаарзхи д̇ан̣хааяа над̣̇ийсод̇асад̣̇исад̇аа взд̣̇ид̇аб̣б̣аа.
Yathā ca nadiyā soto mahoghabhāvena pavattamāno uḷumpaṃ vā nāvaṃ vā bandhituṃ netuñca chekaṃ purisaṃ nissāya paratīraṃ gantuṃ ajjhāsayaṃ katvā tajjaṃ vāyāmaṃ karontena taritabbo, na yena vā tena vāti duruttaro, evaṃ taṇhāsotopi kāmoghabhavoghabhūto sīlasaṃvaraṃ pūretuṃ samathavipassanāsu kammaṃ kātuṃ ‘‘nipakena arahattaṃ pāpuṇissāmī’’ti ajjhāsayaṃ samuṭṭhāpetvā kalyāṇamitte nissāya samathavipassanānāvaṃ abhiruhitvā sammāvāyāmaṃ karontena taritabbo, na yena vā tena vāti duruttaro. Evaṃ anukkamaparivuḍḍhito anuppabandhato osīdāpanato duruttaraṇatoti catūhi ākārehi taṇhāya nadīsotasadisatā veditabbā.
бияаруубам̣ саад̇аруубанд̇и бияаж̇аад̇игам̣ бияасабхаавам̣ бияаруубам̣, мад̇хураж̇аад̇игам̣ мад̇хурасабхаавам̣ саад̇аруубам̣, идтасабхааванд̇и ад̇т̇о. чаннзд̇анд̇и чаннам̣ зд̇ам̣. аж̇жхад̇д̇игаананд̇и зд̇т̇а ‘‘звам̣ маяам̣ ад̇д̇аад̇и г̇ахан̣ам̣ г̇амиссаамаа’’д̇и иминаа вияа ад̇хиббааязна ад̇д̇аанам̣ ад̇хигаарам̣ гад̇ваа бавад̇д̇аанийд̇и аж̇жхад̇д̇игаани. д̇ад̇т̇а г̇ожараж̇жхад̇д̇ам̣, нияагаж̇жхад̇д̇ам̣, висаяаж̇жхад̇д̇ам̣, аж̇жхад̇д̇аж̇жхад̇д̇анд̇и жад̇уб̣б̣ид̇хам̣ аж̇жхад̇д̇ам̣. д̇зсу ‘‘аж̇жхад̇д̇арад̇о самаахид̇о’’д̇и звамаад̣̇ийсу (д̇ха. ба. 362) вуд̇д̇ам̣ ид̣̇ам̣ г̇ожараж̇жхад̇д̇ам̣ наама. ‘‘аж̇жхад̇д̇ам̣ самбасаад̣̇ана’’нд̇и (д̣̇ий. ни. 1.228; д̇ха. са. 161) ааг̇ад̇ам̣ ид̣̇ам̣ нияагаж̇жхад̇д̇ам̣ наама. ‘‘саб̣б̣анимид̇д̇аанам̣ аманасигаараа аж̇жхад̇д̇ам̣ сун̃н̃ад̇ам̣ убасамбаж̇ж̇а вихарад̇ий’’д̇и (ма. ни. 3.187) звамааг̇ад̇ам̣ ид̣̇ам̣ висаяаж̇жхад̇д̇ам̣ наама. ‘‘аж̇жхад̇д̇игаа д̇хаммаа, б̣аахираа д̇хаммаа’’д̇и (д̇ха. са. д̇игамаад̇игаа 20) зд̇т̇а вуд̇д̇ам̣ аж̇жхад̇д̇ам̣ аж̇жхад̇д̇аж̇жхад̇д̇ам̣ наама. ид̇хааби зд̇ад̣̇зва ад̇хиббзд̇ам̣, д̇асмаа аж̇жхад̇д̇ааниязва аж̇жхад̇д̇игаани. ат̇а ваа яат̇аавуд̇д̇знзва ад̇т̇зна ‘‘аж̇жхад̇д̇аа д̇хаммаа, б̣ахид̣̇д̇хаа д̇хаммаа’’д̇иаад̣̇ийсу вияа д̇зсу аж̇жхад̇д̇зсу бхаваани аж̇жхад̇д̇игаани, жагкаад̣̇ийни. д̇зсам̣ аж̇жхад̇д̇игаанам̣.
Piyarūpaṃsātarūpanti piyajātikaṃ piyasabhāvaṃ piyarūpaṃ, madhurajātikaṃ madhurasabhāvaṃ sātarūpaṃ, iṭṭhasabhāvanti attho. Channetanti channaṃ etaṃ. Ajjhattikānanti ettha ‘‘evaṃ mayaṃ attāti gahaṇaṃ gamissāmā’’ti iminā viya adhippāyena attānaṃ adhikāraṃ katvā pavattānīti ajjhattikāni. Tattha gocarajjhattaṃ, niyakajjhattaṃ, visayajjhattaṃ, ajjhattajjhattanti catubbidhaṃ ajjhattaṃ. Tesu ‘‘ajjhattarato samāhito’’ti evamādīsu (dha. pa. 362) vuttaṃ idaṃ gocarajjhattaṃ nāma. ‘‘Ajjhattaṃ sampasādana’’nti (dī. ni. 1.228; dha. sa. 161) āgataṃ idaṃ niyakajjhattaṃ nāma. ‘‘Sabbanimittānaṃ amanasikārā ajjhattaṃ suññataṃ upasampajja viharatī’’ti (ma. ni. 3.187) evamāgataṃ idaṃ visayajjhattaṃ nāma. ‘‘Ajjhattikā dhammā, bāhirā dhammā’’ti (dha. sa. tikamātikā 20) ettha vuttaṃ ajjhattaṃ ajjhattajjhattaṃ nāma. Idhāpi etadeva adhippetaṃ, tasmā ajjhattāniyeva ajjhattikāni. Atha vā yathāvutteneva atthena ‘‘ajjhattā dhammā, bahiddhā dhammā’’tiādīsu viya tesu ajjhattesu bhavāni ajjhattikāni, cakkhādīni. Tesaṃ ajjhattikānaṃ.
ааяад̇анаананд̇и зд̇т̇а ааяад̇анад̇о, ааяаанам̣ д̇ананад̇о, ааяад̇асса жа наяанад̇о ааяад̇анаанийд̇и . жагкаад̣̇ийсу хи д̇ам̣д̇ам̣д̣̇вааравад̇т̇угаа жид̇д̇ажзд̇асигаа д̇хаммаа сагзна сагзна анубхаванаад̣̇инаа гижжзна ааяад̇анд̇и удтаханд̇и гхаданд̇и вааяаманд̇и, д̇з жа ааяабхууд̇з д̇хаммз зд̇аани д̇анонд̇и вид̇т̇аарзнд̇и , яан̃жа анамад̇аг̇г̇з сам̣саарз бавад̇д̇ам̣ ад̇ивияа ааяад̇ам̣ ваддад̣̇угкам̣, д̇ам̣ наяанд̇и бавад̇д̇знд̇и. ид̇и саб̣б̣ат̇аабимз д̇хаммаа ааяад̇анад̇о, ааяаанам̣ д̇ананад̇о, ааяад̇асса жа наяанад̇о ааяад̇анаанийд̇и вужжанд̇и. абижа ниваасадтаанадтзна, аагарадтзна, самосаран̣адтаанадтзна, сан̃ж̇аад̇ид̣̇зсадтзна, гааран̣адтзна жа ааяад̇анам̣ взд̣̇ид̇аб̣б̣ам̣. д̇ат̇аа хи логз ‘‘иссарааяад̇анам̣ д̣̇звааяад̇ана’’нд̇иаад̣̇ийсу ниваасадтаанам̣ ааяад̇ананд̇и вужжад̇и. ‘‘суван̣н̣ааяад̇анам̣ раж̇ад̇ааяад̇ана’’нд̇иаад̣̇ийсу аагаро. саасанз бана ‘‘манорамз ааяад̇анз, сзванд̇и нам̣ вихан̇г̇амаа’’д̇иаад̣̇ийсу самосаран̣адтаанам̣. ‘‘д̣̇агкин̣аабат̇о г̇уннам̣ ааяад̇ана’’нд̇иаад̣̇ийсу сан̃ж̇аад̇ид̣̇зсо. ‘‘д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇иааяад̇анз’’д̇иаад̣̇ийсу (ма. ни. 3.158; а. ни. 3.102) гааран̣ам̣ ааяад̇ананд̇и вужжад̇и. жагкаад̣̇ийсу жа д̇з д̇з жид̇д̇ажзд̇асигаа д̇хаммаа нивасанд̇и д̇ад̣̇ааяад̇д̇авуд̇д̇ид̇ааяаад̇и жагкаад̣̇аяо д̇зсам̣ ниваасадтаанам̣. д̇ад̇т̇а жа д̇з аагин̣н̣аа д̇анниссид̇ад̇д̇аад̇и д̇з нзсам̣ аагаро, самосаран̣адтаанан̃жа д̇ад̇т̇а вад̇т̇уд̣̇ваарабхаавзна самосаран̣ад̇о, сан̃ж̇аад̇ид̣̇зсо жа д̇анниссаяабхаавзна д̇зсам̣ д̇ад̇т̇зва уббад̇д̇ид̇о, гааран̣ан̃жа д̇ад̣̇абхаавз д̇зсам̣ абхаавад̇од̇и. ид̇и ниваасадтаанадтзна, аагарадтзна, самосаран̣адтаанадтзна, сан̃ж̇аад̇ид̣̇зсадтзна, гааран̣адтзнаад̇и имзхи гааран̣зхи жагкаад̣̇ийни ааяад̇анаанийд̇и вужжанд̇и. д̇зна вуд̇д̇ам̣ ‘‘чаннзд̇ам̣ аж̇жхад̇д̇игаанам̣ ааяад̇анаана’’нд̇и.
Āyatanānanti ettha āyatanato, āyānaṃ tananato, āyatassa ca nayanato āyatanānīti . Cakkhādīsu hi taṃtaṃdvāravatthukā cittacetasikā dhammā sakena sakena anubhavanādinā kiccena āyatanti uṭṭhahanti ghaṭanti vāyamanti, te ca āyabhūte dhamme etāni tanonti vitthārenti , yañca anamatagge saṃsāre pavattaṃ ativiya āyataṃ vaṭṭadukkhaṃ, taṃ nayanti pavattenti. Iti sabbathāpime dhammā āyatanato, āyānaṃ tananato, āyatassa ca nayanato āyatanānīti vuccanti. Apica nivāsaṭṭhānaṭṭhena, ākaraṭṭhena, samosaraṇaṭṭhānaṭṭhena, sañjātidesaṭṭhena, kāraṇaṭṭhena ca āyatanaṃ veditabbaṃ. Tathā hi loke ‘‘issarāyatanaṃ devāyatana’’ntiādīsu nivāsaṭṭhānaṃ āyatananti vuccati. ‘‘Suvaṇṇāyatanaṃ rajatāyatana’’ntiādīsu ākaro. Sāsane pana ‘‘manorame āyatane, sevanti naṃ vihaṅgamā’’tiādīsu samosaraṇaṭṭhānaṃ. ‘‘Dakkhiṇāpatho gunnaṃ āyatana’’ntiādīsu sañjātideso. ‘‘Tatra tatreva sakkhibhabbataṃ pāpuṇāti sati satiāyatane’’tiādīsu (ma. ni. 3.158; a. ni. 3.102) kāraṇaṃ āyatananti vuccati. Cakkhādīsu ca te te cittacetasikā dhammā nivasanti tadāyattavuttitāyāti cakkhādayo tesaṃ nivāsaṭṭhānaṃ. Tattha ca te ākiṇṇā tannissitattāti te nesaṃ ākaro, samosaraṇaṭṭhānañca tattha vatthudvārabhāvena samosaraṇato, sañjātideso ca tannissayabhāvena tesaṃ tattheva uppattito, kāraṇañca tadabhāve tesaṃ abhāvatoti. Iti nivāsaṭṭhānaṭṭhena, ākaraṭṭhena, samosaraṇaṭṭhānaṭṭhena, sañjātidesaṭṭhena, kāraṇaṭṭhenāti imehi kāraṇehi cakkhādīni āyatanānīti vuccanti. Tena vuttaṃ ‘‘channetaṃ ajjhattikānaṃ āyatanāna’’nti.
яад̣̇иби руубаад̣̇аяоби д̇хаммаа ‘‘руубам̣ логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇ий’’д̇и д̇ан̣хаавад̇т̇убхаавад̇о бияаруубасаад̇аруубабхаавзна вуд̇д̇аа. жагкаад̣̇игз бана мун̃жид̇ваа ад̇д̇абхаавабан̃н̃ад̇д̇ияаа абхаавад̇о ‘‘мама жагку мама сод̇а’’нд̇иаад̣̇инаа ад̇хигасинзхавад̇т̇убхаавзна жагкаад̣̇аяо саад̇исаяам̣ бияаруубам̣ саад̇аруубанд̇и нид̣̇д̣̇зсам̣ араханд̇ийд̇и д̣̇ассзд̇ум̣ ‘‘бияаруубам̣ саад̇аруубанд̇и ко, бхигкавз, чаннзд̇ам̣ аж̇жхад̇д̇игаанам̣ ааяад̇анаанам̣ ад̇хиважана’’нд̇и вуд̇д̇ам̣.
Yadipi rūpādayopi dhammā ‘‘rūpaṃ loke piyarūpaṃ sātarūpaṃ, etthesā taṇhā uppajjamānā uppajjatī’’ti taṇhāvatthubhāvato piyarūpasātarūpabhāvena vuttā. Cakkhādike pana muñcitvā attabhāvapaññattiyā abhāvato ‘‘mama cakkhu mama sota’’ntiādinā adhikasinehavatthubhāvena cakkhādayo sātisayaṃ piyarūpaṃ sātarūpanti niddesaṃ arahantīti dassetuṃ ‘‘piyarūpaṃ sātarūpanti kho, bhikkhave, channetaṃ ajjhattikānaṃ āyatanānaṃ adhivacana’’nti vuttaṃ.
орамбхааг̇ияаананд̇и зд̇т̇а орам̣ вужжад̇и гаамад̇хаад̇у, д̇аббарияаабаннаа орамбхааг̇аа, бажжаяабхаавзна д̇зсам̣ хид̇аад̇и орамбхааг̇ияаа. яасса сам̣виж̇ж̇анд̇и, д̇ам̣ буг̇г̇алам̣ ваддасмим̣ сам̣яож̇знд̇и б̣анд̇ханд̇ийд̇и сам̣яож̇анаани. саггааяад̣̇идтивижигижчаасийлаб̣б̣ад̇абараамаасагаамарааг̇аб̣яаабаад̣̇аанам̣ зд̇ам̣ ад̇хиважанам̣. д̇з хи гаамабхавуубаг̇аанам̣ сан̇каараанам̣ бажжаяаа худ̇ваа руубааруубад̇хаад̇уд̇о хздтаабхаавзна нихийнабхаавзна орамбхааг̇абхууд̇зна гаамабхавзна сад̇д̇з сам̣яож̇знд̇и. зд̇знзва д̇зсам̣ хздтаарахад̣̇асад̣̇исад̇аа д̣̇ийбид̇аад̇и д̣̇адтаб̣б̣аа. уумибхаяанд̇и ко, бхигкавз, год̇хубааяаасассзд̇ам̣ ад̇хиважананд̇и бхааяад̇и зд̇асмаад̇и бхаяам̣, ууми зва бхаяанд̇и уумибхаяам̣. гуж̇жханадтзна год̇хо, свзва жид̇д̇асса сарийрасса жа абхиббамад̣̇д̣̇анабавзд̇хануббаад̣̇анзна д̣̇ал̣хам̣ ааяаасанадтзна убааяаасо.
Orambhāgiyānanti ettha oraṃ vuccati kāmadhātu, tappariyāpannā orambhāgā, paccayabhāvena tesaṃ hitāti orambhāgiyā. Yassa saṃvijjanti, taṃ puggalaṃ vaṭṭasmiṃ saṃyojenti bandhantīti saṃyojanāni. Sakkāyadiṭṭhivicikicchāsīlabbataparāmāsakāmarāgabyāpādānaṃ etaṃ adhivacanaṃ. Te hi kāmabhavūpagānaṃ saṅkhārānaṃ paccayā hutvā rūpārūpadhātuto heṭṭhābhāvena nihīnabhāvena orambhāgabhūtena kāmabhavena satte saṃyojenti. Eteneva tesaṃ heṭṭhārahadasadisatā dīpitāti daṭṭhabbā. Ūmibhayantikho, bhikkhave, kodhupāyāsassetaṃ adhivacananti bhāyati etasmāti bhayaṃ, ūmi eva bhayanti ūmibhayaṃ. Kujjhanaṭṭhena kodho, sveva cittassa sarīrassa ca abhippamaddanapavedhanuppādanena daḷhaṃ āyāsanaṭṭhena upāyāso.
зд̇т̇а жа анзгаваарам̣ бавад̇д̇ид̇ваа ад̇д̇анаа самавзд̇ам̣ сад̇д̇ам̣ аж̇жход̇т̇арид̇ваа сийсам̣ угкибид̇ум̣ ад̣̇ад̇ваа анаяаб̣яасанаабаад̣̇анзна год̇хубааяаасасса уумисад̣̇исад̇аа д̣̇адтаб̣б̣аа. д̇ат̇аа гаамаг̇ун̣аанам̣ гилзсаабхибхууд̇з сад̇д̇з ид̇о жа зд̇д̇о, зд̇д̇о жа ид̇од̇и звам̣ манаабияаруубаад̣̇ивисаяасан̇каад̇з ад̇д̇ани сам̣саарзд̇ваа яат̇аа д̇ад̇о б̣ахибхууд̇з нзгкаммз жид̇д̇амби на уббаж̇ж̇ад̇и звам̣ ааваддзд̇ваа б̣яасанаабаад̣̇анзна ааваддасад̣̇исад̇аа д̣̇адтаб̣б̣аа. яат̇аа бана г̇ахарагкасоби аарагкарахид̇ам̣ ад̇д̇ано г̇ожарабхуумиг̇ад̇ам̣ бурисам̣ абхибхуяяа г̇ахзд̇ваа аг̇ожарз тид̇амби рагкасамааяааяа г̇ожарам̣ нзд̇ваа бхзраваруубад̣̇ассанаад̣̇инаа авасам̣ ад̇д̇ано убагаарам̣ гаад̇ум̣ асамад̇т̇ам̣ гад̇ваа анваависид̇ваа ван̣н̣аб̣алабхог̇аяасасукзхиби вияож̇знд̇о маханд̇ам̣ анаяаб̣яасанам̣ аабаад̣̇зд̇и, звам̣ маад̇уг̇аамоби яонисоманасигаарарахид̇ам̣ авийрабурисам̣ ид̇т̇игуд̇д̇абхууд̇зхи ад̇д̇ано хаавабхаававилаасзхи абхибхуяяа г̇ахзд̇ваа вийраж̇аад̇ияамби ад̇д̇ано руубаад̣̇ийхи балобханавасзна ид̇т̇имааяааяа анваависид̇ваа авасам̣ ад̇д̇ано убагаарад̇хаммз сийлаад̣̇аяо самбаад̣̇зд̇ум̣ асамад̇т̇ам̣ гаронд̇о г̇ун̣аван̣н̣аад̣̇ийхи вияож̇зд̇ваа маханд̇ам̣ анаяаб̣яасанам̣ аабаад̣̇зд̇и, звам̣ маад̇уг̇аамасса г̇ахарагкасасад̣̇исад̇аа д̣̇адтаб̣б̣аа. д̇зна вуд̇д̇ам̣ ‘‘аавадданд̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣, г̇ахарагкасод̇и ко, бхигкавз, маад̇уг̇аамассзд̇ам̣ ад̇хиважана’’нд̇и.
Ettha ca anekavāraṃ pavattitvā attanā samavetaṃ sattaṃ ajjhottharitvā sīsaṃ ukkhipituṃ adatvā anayabyasanāpādanena kodhupāyāsassa ūmisadisatā daṭṭhabbā. Tathā kāmaguṇānaṃ kilesābhibhūte satte ito ca etto, etto ca itoti evaṃ manāpiyarūpādivisayasaṅkhāte attani saṃsāretvā yathā tato bahibhūte nekkhamme cittampi na uppajjati evaṃ āvaṭṭetvā byasanāpādanena āvaṭṭasadisatā daṭṭhabbā. Yathā pana gaharakkhasopi ārakkharahitaṃ attano gocarabhūmigataṃ purisaṃ abhibhuyya gahetvā agocare ṭhitampi rakkhasamāyāya gocaraṃ netvā bheravarūpadassanādinā avasaṃ attano upakāraṃ kātuṃ asamatthaṃ katvā anvāvisitvā vaṇṇabalabhogayasasukhehipi viyojento mahantaṃ anayabyasanaṃ āpādeti, evaṃ mātugāmopi yonisomanasikārarahitaṃ avīrapurisaṃ itthikuttabhūtehi attano hāvabhāvavilāsehi abhibhuyya gahetvā vīrajātiyampi attano rūpādīhi palobhanavasena itthimāyāya anvāvisitvā avasaṃ attano upakāradhamme sīlādayo sampādetuṃ asamatthaṃ karonto guṇavaṇṇādīhi viyojetvā mahantaṃ anayabyasanaṃ āpādeti, evaṃ mātugāmassa gaharakkhasasadisatā daṭṭhabbā. Tena vuttaṃ ‘‘āvaṭṭanti kho, bhikkhave, pañcannetaṃ kāmaguṇānaṃ adhivacanaṃ, gaharakkhasoti kho, bhikkhave, mātugāmassetaṃ adhivacana’’nti.
бадисод̇од̇и ко бхигкавз нзгкаммассзд̇ам̣ ад̇хиважананд̇и зд̇т̇а баб̣б̣аж̇ж̇аа саха убажаарзна батамаж̇жхаанам̣ вибассанаабан̃н̃аа жа ниб̣б̣аанан̃жа нзгкаммам̣ наама. саб̣б̣зби гусалаа д̇хаммаа нзгкаммам̣ наама. вуд̇д̇ан̃хзд̇ам̣ –
Paṭisototi kho bhikkhave nekkhammassetaṃ adhivacananti ettha pabbajjā saha upacārena paṭhamajjhānaṃ vipassanāpaññā ca nibbānañca nekkhammaṃ nāma. Sabbepi kusalā dhammā nekkhammaṃ nāma. Vuttañhetaṃ –
‘‘баб̣б̣аж̇ж̇аа батамам̣ жхаанам̣, ниб̣б̣аанан̃жа вибассанаа;
‘‘Pabbajjā paṭhamaṃ jhānaṃ, nibbānañca vipassanā;
саб̣б̣зби гусалаа д̇хаммаа, нзгкамманд̇и бавужжарз’’д̇и.
Sabbepi kusalā dhammā, nekkhammanti pavuccare’’ti.
имзсам̣ бана баб̣б̣аж̇ж̇аад̣̇ийнам̣ д̇ан̣хаасод̇асса бадиломад̇о бадисод̇асад̣̇исад̇аа взд̣̇ид̇аб̣б̣аа. ависзсзна хи д̇хаммавинаяо нзгкаммам̣, д̇асса ад̇хидтаанам̣ баб̣б̣аж̇ж̇аа жа, д̇хаммавинаяо жа д̇ан̣хаасод̇асса бадисод̇ам̣ вужжад̇и. вуд̇д̇ан̃хзд̇ам̣ –
Imesaṃ pana pabbajjādīnaṃ taṇhāsotassa paṭilomato paṭisotasadisatā veditabbā. Avisesena hi dhammavinayo nekkhammaṃ, tassa adhiṭṭhānaṃ pabbajjā ca, dhammavinayo ca taṇhāsotassa paṭisotaṃ vuccati. Vuttañhetaṃ –
‘‘бадисод̇аг̇аамим̣ нибун̣ам̣, г̇амбхийрам̣ д̣̇уд̣̇д̣̇асам̣ ан̣ум̣;
‘‘Paṭisotagāmiṃ nipuṇaṃ, gambhīraṃ duddasaṃ aṇuṃ;
рааг̇арад̇д̇аа на д̣̇агканд̇и, д̇амоканд̇хзна аавуд̇аа’’д̇и. (д̣̇ий. ни. 2.65; ма. ни. 1.281; сам̣. ни. 1.172);
Rāgarattā na dakkhanti, tamokhandhena āvutā’’ti. (dī. ni. 2.65; ma. ni. 1.281; saṃ. ni. 1.172);
вийрияаарамбхассаад̇и жад̇уб̣б̣ид̇хасаммаббад̇хаанавийрияасса. д̇асса гаамогхаад̣̇ибхзд̣̇ад̇ан̣хаасод̇асанд̇аран̣асса хад̇т̇зхи баад̣̇зхи жад̇уран̇г̇анад̣̇ийсод̇асанд̇аран̣авааяаамасса сад̣̇исад̇аа баагадааязва. д̇ат̇аа над̣̇ийсод̇асса д̇ийрз тид̇асса жагкумад̇о бурисасса гаамаад̣̇им̣ жад̇уб̣б̣ид̇хамби огхам̣ д̇арид̇ваа д̇асса барад̇ийрабхууд̇з ниб̣б̣аанат̇алз тид̇асса бан̃жахи жагкуухи жагкумад̇о бхаг̇авад̇о сад̣̇исабхааво. д̇зна вуд̇д̇ам̣ ‘‘жагкумаа бурисо…бз… саммаасамб̣уд̣̇д̇хассаа’’д̇и.
Vīriyārambhassāti catubbidhasammappadhānavīriyassa. Tassa kāmoghādibhedataṇhāsotasantaraṇassa hatthehi pādehi caturaṅganadīsotasantaraṇavāyāmassa sadisatā pākaṭāyeva. Tathā nadīsotassa tīre ṭhitassa cakkhumato purisassa kāmādiṃ catubbidhampi oghaṃ taritvā tassa paratīrabhūte nibbānathale ṭhitassa pañcahi cakkhūhi cakkhumato bhagavato sadisabhāvo. Tena vuttaṃ ‘‘cakkhumā puriso…pe… sammāsambuddhassā’’ti.
д̇ад̇рид̣̇ам̣ обаммасам̣санд̣̇анам̣ – над̣̇ийсод̇о вияа ануббаб̣анд̇хавасзна бавад̇д̇амаано д̇ан̣хаасод̇о, д̇зна вуяхамаано бурисо вияа анамад̇аг̇г̇з сам̣саараваддз бариб̣бхаманад̇о д̇ан̣хаасод̇зна вуяхамаано сад̇д̇о, д̇асса д̇ад̇т̇а бияаруубасаад̇аруубавад̇т̇усмим̣ абхинивзсо вияа имасса жагкаад̣̇ийсу абхинивзсо, сауумисааваддасаг̇ахарагкасо хздтаарахад̣̇о вияа год̇хубааяаасабан̃жагаамаг̇ун̣амаад̇уг̇аамасамаагуло бан̃жорамбхааг̇ияасам̣яож̇анасамуухо, д̇амад̇т̇ам̣ яат̇аабхууд̇ам̣ вид̣̇ид̇ваа д̇асса над̣̇ийсод̇асса барад̇ийрз тид̇о жагкумаа бурисо вияа сагалам̣ сам̣саараад̣̇ийнавам̣ саб̣б̣ан̃жа н̃зяяад̇хаммам̣ яат̇аабхууд̇ам̣ вид̣̇ид̇ваа д̇ан̣хаасод̇асса барад̇ийрабхууд̇з ниб̣б̣аанат̇алз тид̇о саманд̇ажагку бхаг̇аваа, д̇асса бурисасса д̇асмим̣ над̣̇ияаа сод̇зна вуяхамаанз бурисз анугамбааяа рахад̣̇асса рахад̣̇аад̣̇ийнавасса жа аажигканам̣ вияа д̇ан̣хаасод̇зна вуяхамаанасса сад̇д̇асса махаагарун̣ааяа бхаг̇авад̇о д̇ан̣хаад̣̇ийнам̣ д̇ад̣̇аад̣̇ийнавасса жа вибхааванаа, д̇асса важанам̣ асад̣̇д̣̇ахид̇ваа анусод̇аг̇аамино д̇асса бурисасса д̇асмим̣ рахад̣̇з маран̣аббад̇д̇имаран̣амад̇д̇ад̣̇угкаббад̇д̇ияо вияа бхаг̇авад̇о важанам̣ асамбадижчанд̇асса абааяуббад̇д̇и, суг̇ад̇ияам̣ д̣̇угкуббад̇д̇и жа, д̇асса бана важанам̣ сад̣̇д̣̇ахид̇ваа хад̇т̇зхи жа баад̣̇зхи жа вааяаамагаран̣ам̣ вияа д̇зна жа вааяаамзна барад̇ийрам̣ бад̇ваа сукзна яат̇ижчид̇адтаанаг̇аманам̣ вияа бхаг̇авад̇о важанам̣ самбадижчид̇ваа д̇ан̣хаад̣̇ийсу аад̣̇ийнавам̣ бассид̇ваа д̇ан̣хаасод̇асса бадисод̇абаб̣б̣аж̇ж̇аад̣̇инзгкаммавасзна вийрияаарамбхо, аарад̣̇д̇хавийрияасса жа д̇знзва вийрияаарамбхзна д̇ан̣хаасод̇аад̇иггаманам̣ ниб̣б̣аанад̇ийрам̣ бад̇ваа арахад̇д̇апаласамаабад̇д̇ивасзна яат̇ааружи сукавихаарод̇и.
Tatridaṃ opammasaṃsandanaṃ – nadīsoto viya anuppabandhavasena pavattamāno taṇhāsoto, tena vuyhamāno puriso viya anamatagge saṃsāravaṭṭe paribbhamanato taṇhāsotena vuyhamāno satto, tassa tattha piyarūpasātarūpavatthusmiṃ abhiniveso viya imassa cakkhādīsu abhiniveso, saūmisāvaṭṭasagaharakkhaso heṭṭhārahado viya kodhupāyāsapañcakāmaguṇamātugāmasamākulo pañcorambhāgiyasaṃyojanasamūho, tamatthaṃ yathābhūtaṃ viditvā tassa nadīsotassa paratīre ṭhito cakkhumā puriso viya sakalaṃ saṃsārādīnavaṃ sabbañca ñeyyadhammaṃ yathābhūtaṃ viditvā taṇhāsotassa paratīrabhūte nibbānathale ṭhito samantacakkhu bhagavā, tassa purisassa tasmiṃ nadiyā sotena vuyhamāne purise anukampāya rahadassa rahadādīnavassa ca ācikkhanaṃ viya taṇhāsotena vuyhamānassa sattassa mahākaruṇāya bhagavato taṇhādīnaṃ tadādīnavassa ca vibhāvanā, tassa vacanaṃ asaddahitvā anusotagāmino tassa purisassa tasmiṃ rahade maraṇappattimaraṇamattadukkhappattiyo viya bhagavato vacanaṃ asampaṭicchantassa apāyuppatti, sugatiyaṃ dukkhuppatti ca, tassa pana vacanaṃ saddahitvā hatthehi ca pādehi ca vāyāmakaraṇaṃ viya tena ca vāyāmena paratīraṃ patvā sukhena yathicchitaṭṭhānagamanaṃ viya bhagavato vacanaṃ sampaṭicchitvā taṇhādīsu ādīnavaṃ passitvā taṇhāsotassa paṭisotapabbajjādinekkhammavasena vīriyārambho, āraddhavīriyassa ca teneva vīriyārambhena taṇhāsotātikkamanaṃ nibbānatīraṃ patvā arahattaphalasamāpattivasena yathāruci sukhavihāroti.
г̇аат̇аасу сахааби д̣̇угкзна ж̇ахзяяа гаамзд̇и жхаанамаг̇г̇аад̇хиг̇амад̇т̇ам̣ самат̇авибассанаануяог̇ам̣ гаронд̇о бхигку яад̣̇иби д̇зсам̣ буб̣б̣абхааг̇абадибад̣̇аа гижчзна гасирзна самбаж̇ж̇ад̇и, на сукзна вийт̇им̣ од̇арад̇и буб̣б̣абхааг̇абхааванааяа гилзсаанам̣ б̣алавабхаавад̇о, инд̣̇рияаанам̣ ваа ад̇игкабхаавад̇о. д̇ат̇аа сад̇и сахааби д̣̇угкзна ж̇ахзяяа гаамз, батамаж̇жхаанзна вигкамбхзнд̇о д̇ад̇ияамаг̇г̇зна самужчинд̣̇анд̇о гилзсагаамз баж̇ахзяяа. зд̇зна д̣̇угкабадибад̣̇з жхаанамаг̇г̇з д̣̇ассзд̇и.
Gāthāsu sahāpi dukkhena jaheyya kāmeti jhānamaggādhigamatthaṃ samathavipassanānuyogaṃ karonto bhikkhu yadipi tesaṃ pubbabhāgapaṭipadā kicchena kasirena sampajjati, na sukhena vīthiṃ otarati pubbabhāgabhāvanāya kilesānaṃ balavabhāvato, indriyānaṃ vā atikkhabhāvato. Tathā sati sahāpi dukkhena jaheyya kāme, paṭhamajjhānena vikkhambhento tatiyamaggena samucchindanto kilesakāme pajaheyya. Etena dukkhapaṭipade jhānamagge dasseti.
яог̇агкзмам̣ ааяад̇им̣ бад̇т̇аяаанод̇и анааг̇аамид̇ам̣ арахад̇д̇ам̣ ижчанд̇о ааган̇камаано. аяан̃хзд̇т̇а ад̇хиббааяо – яад̣̇иби зд̇арахи гижчзна гасирзна жхаанабуримамаг̇г̇з ад̇хиг̇ажчаами, имз бана ниссааяа убари арахад̇д̇ам̣ ад̇хиг̇анд̇ваа гад̇агижжо бахийнасаб̣б̣ад̣̇угко бхависсаамийд̇и сахааби д̣̇угкзна жхаанаад̣̇ийхи гаамз баж̇ахзяяаад̇и. ат̇а ваа яо гаамавид̇аггаб̣ахуло буг̇г̇ало галяаан̣амид̇д̇асса васзна баб̣б̣аж̇ж̇ам̣ сийлависод̇ханам̣ жхаанаад̣̇ийнам̣ буб̣б̣абхааг̇абадибад̇д̇им̣ ваа бадибаж̇ж̇анд̇о гижчзна гасирзна ассумуко род̣̇амаано д̇ам̣ вид̇аггам̣ вигкамбхзд̇и, д̇ам̣ санд̇хааяа вуд̇д̇ам̣ ‘‘сахааби д̣̇угкзна ж̇ахзяяа гаамз’’д̇и. со хи гижчзнаби гаамз баж̇аханд̇о жхаанам̣ ниб̣б̣ад̇д̇зд̇ваа д̇ам̣ жхаанам̣ баад̣̇агам̣ гад̇ваа вибассанд̇о ануггамзна арахад̇д̇з бад̇идтахзяяа. д̇зна вуд̇д̇ам̣ ‘‘яог̇агкзмам̣ ааяад̇им̣ бад̇т̇аяаано’’д̇и.
Yogakkhemaṃ āyatiṃ patthayānoti anāgāmitaṃ arahattaṃ icchanto ākaṅkhamāno. Ayañhettha adhippāyo – yadipi etarahi kicchena kasirena jhānapurimamagge adhigacchāmi, ime pana nissāya upari arahattaṃ adhigantvā katakicco pahīnasabbadukkho bhavissāmīti sahāpi dukkhena jhānādīhi kāme pajaheyyāti. Atha vā yo kāmavitakkabahulo puggalo kalyāṇamittassa vasena pabbajjaṃ sīlavisodhanaṃ jhānādīnaṃ pubbabhāgapaṭipattiṃ vā paṭipajjanto kicchena kasirena assumukho rodamāno taṃ vitakkaṃ vikkhambheti, taṃ sandhāya vuttaṃ ‘‘sahāpi dukkhena jaheyya kāme’’ti. So hi kicchenapi kāme pajahanto jhānaṃ nibbattetvā taṃ jhānaṃ pādakaṃ katvā vipassanto anukkamena arahatte patiṭṭhaheyya. Tena vuttaṃ ‘‘yogakkhemaṃ āyatiṃ patthayāno’’ti.
саммаббаж̇аанод̇и вибассанаасахид̇ааяа маг̇г̇абан̃н̃ааяа саммад̣̇зва баж̇аананд̇о. сувимуд̇д̇ажид̇д̇од̇и д̇асса арияамаг̇г̇аад̇хиг̇амасса ананд̇арам̣ палавимуд̇д̇ияаа судту вимуд̇д̇ажид̇д̇о. вимуд̇д̇ияаа пассаяз д̇ад̇т̇а д̇ад̇т̇аад̇и д̇асмим̣ д̇асмим̣ маг̇г̇апалаад̇хиг̇аманагаалз вимуд̇д̇им̣ ниб̣б̣аанам̣ пассаяз пусзяяа баабун̣зяяа ад̇хиг̇ажчзяяа сажчигарзяяа. убаяог̇ад̇т̇з хи ‘‘вимуд̇д̇ияаа’’д̇и ид̣̇ам̣ саамиважанам̣. вимуд̇д̇ияаа ваа аарамман̣абхууд̇ааяа д̇ад̇т̇а д̇ад̇т̇а д̇ам̣д̇ам̣паласамаабад̇д̇игаалз ад̇д̇ано палажид̇д̇ам̣ пассаяз пусзяяа баабун̣зяяа, ниб̣б̣ааног̇ад̇хааяа паласамаабад̇д̇ияаа вихарзяяаад̇и ад̇т̇о. са взд̣̇аг̇ууд̇и со взд̣̇асан̇каад̇зна маг̇г̇ан̃аан̣зна жад̇уннам̣ сажжаанам̣ г̇ад̇ад̇д̇аа бадивид̣̇д̇хад̇д̇аа взд̣̇аг̇уу. логанд̇аг̇ууд̇и канд̇халогасса барияанд̇ам̣ г̇ад̇о. сзсам̣ сувин̃н̃зяяамзва.
Sammappajānoti vipassanāsahitāya maggapaññāya sammadeva pajānanto. Suvimuttacittoti tassa ariyamaggādhigamassa anantaraṃ phalavimuttiyā suṭṭhu vimuttacitto. Vimuttiyā phassaye tattha tatthāti tasmiṃ tasmiṃ maggaphalādhigamanakāle vimuttiṃ nibbānaṃ phassaye phuseyya pāpuṇeyya adhigaccheyya sacchikareyya. Upayogatthe hi ‘‘vimuttiyā’’ti idaṃ sāmivacanaṃ. Vimuttiyā vā ārammaṇabhūtāya tattha tattha taṃtaṃphalasamāpattikāle attano phalacittaṃ phassaye phuseyya pāpuṇeyya, nibbānogadhāya phalasamāpattiyā vihareyyāti attho. Sa vedagūti so vedasaṅkhātena maggañāṇena catunnaṃ saccānaṃ gatattā paṭividdhattā vedagū. Lokantagūti khandhalokassa pariyantaṃ gato. Sesaṃ suviññeyyameva.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 10. над̣̇ийсод̇асуд̇д̇ам̣ • 10. Nadīsotasuttaṃ
