| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. бубпаваг̇г̇о
10. Pupphavaggo
1. над̣̇ийсуд̇д̇ам̣
1. Nadīsuttaṃ
93. саавад̇т̇инид̣̇аанам̣ . ‘‘сзяяат̇ааби, бхигкавз, над̣̇ий баб̣б̣ад̇зяяаа охаариний д̣̇ууран̇г̇амаа сийгхасод̇аа. д̇ассаа убхосу д̇ийрзсу 1 гаасаа жзби ж̇аад̇аа ассу, д̇з нам̣ аж̇жхоламб̣зяяум̣; гусаа жзби ж̇аад̇аа ассу, д̇з нам̣ аж̇жхоламб̣зяяум̣; баб̣б̣аж̇аа 2 жзби ж̇аад̇аа ассу, д̇з нам̣ аж̇жхоламб̣зяяум̣; б̣ийран̣аа жзби ж̇аад̇аа ассу, д̇з нам̣ аж̇жхоламб̣зяяум̣; ругкаа жзби ж̇аад̇аа ассу, д̇з нам̣ аж̇жхоламб̣зяяум̣. д̇ассаа бурисо сод̇зна вуяхамаано гаасз жзби г̇ан̣хзяяа, д̇з балуж̇ж̇зяяум̣. со д̇ад̇онид̣̇аанам̣ анаяаб̣яасанам̣ аабаж̇ж̇зяяа. гусз жзби г̇ан̣хзяяа, баб̣б̣аж̇з жзби г̇ан̣хзяяа, б̣ийран̣з жзби г̇ан̣хзяяа, ругкз жзби г̇ан̣хзяяа, д̇з балуж̇ж̇зяяум̣ . со д̇ад̇онид̣̇аанам̣ анаяаб̣яасанам̣ аабаж̇ж̇зяяа. звамзва ко, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣; ад̇д̇ани ваа руубам̣, руубасмим̣ ваа ад̇д̇аанам̣. д̇асса д̇ам̣ руубам̣ балуж̇ж̇ад̇и. со д̇ад̇онид̣̇аанам̣ анаяаб̣яасанам̣ аабаж̇ж̇ад̇и. взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣ ; ад̇д̇ани ваа вин̃н̃аан̣ам̣ , вин̃н̃аан̣асмим̣ ваа ад̇д̇аанам̣. д̇асса д̇ам̣ вин̃н̃аан̣ам̣ балуж̇ж̇ад̇и. со д̇ад̇онид̣̇аанам̣ анаяаб̣яасанам̣ аабаж̇ж̇ад̇и. д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣ бханд̇з’’. ‘‘взд̣̇анаа… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣ бханд̇з’’. ‘‘д̇асмаад̇иха…бз… звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. батамам̣.
93. Sāvatthinidānaṃ . ‘‘Seyyathāpi, bhikkhave, nadī pabbateyyā ohārinī dūraṅgamā sīghasotā. Tassā ubhosu tīresu 3 kāsā cepi jātā assu, te naṃ ajjholambeyyuṃ; kusā cepi jātā assu, te naṃ ajjholambeyyuṃ; pabbajā 4 cepi jātā assu, te naṃ ajjholambeyyuṃ; bīraṇā cepi jātā assu, te naṃ ajjholambeyyuṃ; rukkhā cepi jātā assu, te naṃ ajjholambeyyuṃ. Tassā puriso sotena vuyhamāno kāse cepi gaṇheyya, te palujjeyyuṃ. So tatonidānaṃ anayabyasanaṃ āpajjeyya. Kuse cepi gaṇheyya, pabbaje cepi gaṇheyya, bīraṇe cepi gaṇheyya, rukkhe cepi gaṇheyya, te palujjeyyuṃ . So tatonidānaṃ anayabyasanaṃ āpajjeyya. Evameva kho, bhikkhave, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ. Tassa taṃ rūpaṃ palujjati. So tatonidānaṃ anayabyasanaṃ āpajjati. Vedanaṃ… saññaṃ… saṅkhāre… viññāṇaṃ attato samanupassati, viññāṇavantaṃ vā attānaṃ ; attani vā viññāṇaṃ , viññāṇasmiṃ vā attānaṃ. Tassa taṃ viññāṇaṃ palujjati. So tatonidānaṃ anayabyasanaṃ āpajjati. Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ bhante’’. ‘‘Tasmātiha…pe… evaṃ passaṃ…pe… nāparaṃ itthattāyāti pajānātī’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. над̣̇ийсуд̇д̇аван̣н̣анаа • 1. Nadīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. над̣̇ийсуд̇д̇аван̣н̣анаа • 1. Nadīsuttavaṇṇanā
