| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
12. над̣̇ийсуд̇д̇ам̣
12. Nadīsuttaṃ
160. ‘‘сзяяат̇ааби, бхигкавз, г̇ан̇г̇аа над̣̇ий баажийнаниннаа баажийнабон̣аа баажийнабаб̣бхаараа. ат̇а махааж̇анагааяо ааг̇ажчзяяа гуд̣̇д̣̇аала-бидагам̣ аад̣̇ааяа – ‘маяам̣ имам̣ г̇ан̇г̇ам̣ над̣̇им̣ бажчааниннам̣ гариссаама бажчаабон̣ам̣ бажчаабаб̣бхаара’нд̇и. д̇ам̣ гим̣ ман̃н̃ат̇а, бхигкавз, аби ну со махааж̇анагааяо г̇ан̇г̇ам̣ над̣̇им̣ бажчааниннам̣ гарзяяа бажчаабон̣ам̣ бажчаабаб̣бхаара’’нд̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘г̇ан̇г̇аа, бханд̇з, над̣̇ий баажийнаниннаа баажийнабон̣аа баажийнабаб̣бхаараа. саа на сугараа бажчааниннам̣ гаад̇ум̣ бажчаабон̣ам̣ бажчаабаб̣бхаарам̣. яаавад̣̇зва бана со махааж̇анагааяо гиламат̇асса вигхаад̇асса бхааг̇ий ассаа’’д̇и. ‘‘звамзва ко, бхигкавз, бхигкум̣ арияам̣ адтан̇г̇игам̣ маг̇г̇ам̣ бхаавзнд̇ам̣ арияам̣ адтан̇г̇игам̣ маг̇г̇ам̣ б̣ахулийгаронд̇ам̣ рааж̇аано ваа рааж̇амахаамад̇д̇аа ваа мид̇д̇аа ваа амажжаа ваа н̃аад̇ий ваа н̃аад̇исаалохид̇аа ваа бхог̇зхи абхихадтум̣ баваарзяяум̣ – ‘зхамбхо буриса, гим̣ д̇з имз гаасааваа ануд̣̇аханд̇и, гим̣ мун̣д̣о габааламанусам̣жараси! зхи, хийнааяаавад̇д̇ид̇ваа бхог̇з жа бхун̃ж̇ассу, бун̃н̃аани жа гарохий’д̇и. со вад̇а, бхигкавз, бхигку арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о сигкам̣ бажжагкааяа хийнааяаавад̇д̇иссад̇ийд̇и – нзд̇ам̣ таанам̣ виж̇ж̇ад̇и. д̇ам̣ гисса хзд̇у? яан̃хи д̇ам̣, бхигкавз, жид̇д̇ам̣ д̣̇ийгхарад̇д̇ам̣ вивзганиннам̣ вивзгабон̣ам̣ вивзгабаб̣бхаарам̣ д̇ам̣ вад̇а хийнааяаавад̇д̇иссад̇ийд̇и – нзд̇ам̣ таанам̣ виж̇ж̇ад̇и. гат̇ан̃жа, бхигкавз, бхигку арияам̣ адтан̇г̇игам̣ маг̇г̇ам̣ бхаавзд̇и арияам̣ адтан̇г̇игам̣ маг̇г̇ам̣ б̣ахулийгарод̇и? ид̇ха , бхигкавз, бхигку саммаад̣̇идтим̣ бхаавзд̇и вивзганиссид̇ам̣…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… звам̣ ко, бхигкавз, бхигку арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇ий’’д̇и. (яад̣̇аби б̣алагаран̣ийяам̣, д̇ад̣̇аби вид̇т̇аарзд̇аб̣б̣ам̣.) д̣̇ваад̣̇асамам̣.
160. ‘‘Seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā. Atha mahājanakāyo āgaccheyya kuddāla-piṭakaṃ ādāya – ‘mayaṃ imaṃ gaṅgaṃ nadiṃ pacchāninnaṃ karissāma pacchāpoṇaṃ pacchāpabbhāra’nti. Taṃ kiṃ maññatha, bhikkhave, api nu so mahājanakāyo gaṅgaṃ nadiṃ pacchāninnaṃ kareyya pacchāpoṇaṃ pacchāpabbhāra’’nti? ‘‘No hetaṃ, bhante’’. ‘‘Taṃ kissa hetu’’? ‘‘Gaṅgā, bhante, nadī pācīnaninnā pācīnapoṇā pācīnapabbhārā. Sā na sukarā pacchāninnaṃ kātuṃ pacchāpoṇaṃ pacchāpabbhāraṃ. Yāvadeva pana so mahājanakāyo kilamathassa vighātassa bhāgī assā’’ti. ‘‘Evameva kho, bhikkhave, bhikkhuṃ ariyaṃ aṭṭhaṅgikaṃ maggaṃ bhāventaṃ ariyaṃ aṭṭhaṅgikaṃ maggaṃ bahulīkarontaṃ rājāno vā rājamahāmattā vā mittā vā amaccā vā ñātī vā ñātisālohitā vā bhogehi abhihaṭṭhuṃ pavāreyyuṃ – ‘ehambho purisa, kiṃ te ime kāsāvā anudahanti, kiṃ muṇḍo kapālamanusaṃcarasi! Ehi, hīnāyāvattitvā bhoge ca bhuñjassu, puññāni ca karohī’ti. So vata, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto sikkhaṃ paccakkhāya hīnāyāvattissatīti – netaṃ ṭhānaṃ vijjati. Taṃ kissa hetu? Yañhi taṃ, bhikkhave, cittaṃ dīgharattaṃ vivekaninnaṃ vivekapoṇaṃ vivekapabbhāraṃ taṃ vata hīnāyāvattissatīti – netaṃ ṭhānaṃ vijjati. Kathañca, bhikkhave, bhikkhu ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti? Idha , bhikkhave, bhikkhu sammādiṭṭhiṃ bhāveti vivekanissitaṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī’’ti. (Yadapi balakaraṇīyaṃ, tadapi vitthāretabbaṃ.) Dvādasamaṃ.
б̣алагаран̣ийяаваг̇г̇о чадто.
Balakaraṇīyavaggo chaṭṭho.
д̇ассуд̣̇д̣̇аанам̣ –
Tassuddānaṃ –
б̣алам̣ б̣ийж̇ан̃жа нааг̇о жа, ругко гумбхзна суугияаа;
Balaṃ bījañca nāgo ca, rukkho kumbhena sūkiyā;
аагаасзна жа д̣̇вз мзгхаа, нааваа ааг̇анд̇угаа над̣̇ийд̇и.
Ākāsena ca dve meghā, nāvā āgantukā nadīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11-12. ааг̇анд̇угасуд̇д̇аад̣̇иван̣н̣анаа • 11-12. Āgantukasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11-12. ааг̇анд̇угасуд̇д̇аад̣̇иван̣н̣анаа • 11-12. Āgantukasuttādivaṇṇanā
