| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. бубпаваг̇г̇о
10. Pupphavaggo
1. над̣̇ийсуд̇д̇аван̣н̣анаа
1. Nadīsuttavaṇṇanā
93. бубпаваг̇г̇асса батамз баб̣б̣ад̇зяяаад̇и баб̣б̣ад̇з бавад̇д̇аа. охааринийд̇и сод̇з бад̇ид̇абад̇ид̇аани д̇ин̣абан̣н̣агадтаад̣̇ийни хздтаахаариний. д̣̇ууран̇г̇амаад̇и нигканд̇адтаанад̇о бадтааяа жад̇убан̃жаяож̇анасад̇аг̇ааминий. сийгхасод̇аад̇и жан̣д̣асод̇аа. гаасаад̇иаад̣̇ийни саб̣б̣аани д̇ин̣аж̇аад̇аани. ругкаад̇и зран̣д̣аад̣̇аяо д̣̇уб̣б̣аларугкаа. д̇з нам̣ аж̇жхоламб̣зяяунд̇и д̇з д̇ийрз ж̇аад̇ааби онамид̇ваа аг̇г̇зхи уд̣̇агам̣ пусанд̇зхи ад̇хиоламб̣зяяум̣, убари ламб̣зяяунд̇и ад̇т̇о. балуж̇ж̇зяяунд̇и самууламад̇д̇игааяа сад̣̇д̇хим̣ сийсз бад̇зяяум̣. со д̇зхи аж̇жход̇т̇адо ваалугамад̇д̇игод̣̇агзхи мукам̣ бависанд̇зхи махаавинаасам̣ баабун̣зяяа.
93. Pupphavaggassa paṭhame pabbateyyāti pabbate pavattā. Ohārinīti sote patitapatitāni tiṇapaṇṇakaṭṭhādīni heṭṭhāhārinī. Dūraṅgamāti nikkhantaṭṭhānato paṭṭhāya catupañcayojanasatagāminī. Sīghasotāti caṇḍasotā. Kāsātiādīni sabbāni tiṇajātāni. Rukkhāti eraṇḍādayo dubbalarukkhā. Te naṃ ajjholambeyyunti te tīre jātāpi onamitvā aggehi udakaṃ phusantehi adhiolambeyyuṃ, upari lambeyyunti attho. Palujjeyyunti samūlamattikāya saddhiṃ sīse pateyyuṃ. So tehi ajjhotthaṭo vālukamattikodakehi mukhaṃ pavisantehi mahāvināsaṃ pāpuṇeyya.
звамзва код̇и зд̇т̇а сод̇з бад̇ид̇абурисо вияа ваддасанниссид̇о б̣аалабут̇уж̇ж̇ано д̣̇адтаб̣б̣о, убхад̇од̇ийрз гаасаад̣̇аяо вияа д̣̇уб̣б̣алабан̃жагканд̇хаа, ‘‘имз г̇ахид̇ааби мам̣ д̇аарзд̇ум̣ на сагкиссанд̇ий’’д̇и д̇асса бурисасса аж̇аанид̇ваа г̇ахан̣ам̣ вияа имз канд̇хаа ‘‘на маяхам̣ сахааяаа’’д̇и б̣аалабут̇уж̇ж̇анасса аж̇аанид̇ваа жад̇уухи г̇аахзхи г̇ахан̣ам̣, г̇ахид̇аг̇ахид̇аанам̣ балуж̇ж̇анад̇д̇аа бурисасса б̣яасанаббад̇д̇и вияа жад̇уухи г̇аахзхи г̇ахид̇аанам̣ канд̇хаанам̣ вибарин̣аамз б̣аалабут̇уж̇ж̇анасса согаад̣̇иб̣яасанаббад̇д̇и взд̣̇ид̇аб̣б̣аа. батамам̣.
Evamevakhoti ettha sote patitapuriso viya vaṭṭasannissito bālaputhujjano daṭṭhabbo, ubhatotīre kāsādayo viya dubbalapañcakkhandhā, ‘‘ime gahitāpi maṃ tāretuṃ na sakkhissantī’’ti tassa purisassa ajānitvā gahaṇaṃ viya ime khandhā ‘‘na mayhaṃ sahāyā’’ti bālaputhujjanassa ajānitvā catūhi gāhehi gahaṇaṃ, gahitagahitānaṃ palujjanattā purisassa byasanappatti viya catūhi gāhehi gahitānaṃ khandhānaṃ vipariṇāme bālaputhujjanassa sokādibyasanappatti veditabbā. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. над̣̇ийсуд̇д̇ам̣ • 1. Nadīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. над̣̇ийсуд̇д̇аван̣н̣анаа • 1. Nadīsuttavaṇṇanā
