| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਪੁਪ੍ਫવਗ੍ਗੋ
10. Pupphavaggo
੧. ਨਦੀਸੁਤ੍ਤવਣ੍ਣਨਾ
1. Nadīsuttavaṇṇanā
੯੩. ਪੁਪ੍ਫવਗ੍ਗਸ੍ਸ ਪਠਮੇ ਪਬ੍ਬਤੇਯ੍ਯਾਤਿ ਪਬ੍ਬਤੇ ਪવਤ੍ਤਾ। ਓਹਾਰਿਨੀਤਿ ਸੋਤੇ ਪਤਿਤਪਤਿਤਾਨਿ ਤਿਣਪਣ੍ਣਕਟ੍ਠਾਦੀਨਿ ਹੇਟ੍ਠਾਹਾਰਿਨੀ। ਦੂਰਙ੍ਗਮਾਤਿ ਨਿਕ੍ਖਨ੍ਤਟ੍ਠਾਨਤੋ ਪਟ੍ਠਾਯ ਚਤੁਪਞ੍ਚਯੋਜਨਸਤਗਾਮਿਨੀ। ਸੀਘਸੋਤਾਤਿ ਚਣ੍ਡਸੋਤਾ। ਕਾਸਾਤਿਆਦੀਨਿ ਸਬ੍ਬਾਨਿ ਤਿਣਜਾਤਾਨਿ। ਰੁਕ੍ਖਾਤਿ ਏਰਣ੍ਡਾਦਯੋ ਦੁਬ੍ਬਲਰੁਕ੍ਖਾ। ਤੇ ਨਂ ਅਜ੍ਝੋਲਮ੍ਬੇਯ੍ਯੁਨ੍ਤਿ ਤੇ ਤੀਰੇ ਜਾਤਾਪਿ ਓਨਮਿਤ੍વਾ ਅਗ੍ਗੇਹਿ ਉਦਕਂ ਫੁਸਨ੍ਤੇਹਿ ਅਧਿਓਲਮ੍ਬੇਯ੍ਯੁਂ, ਉਪਰਿ ਲਮ੍ਬੇਯ੍ਯੁਨ੍ਤਿ ਅਤ੍ਥੋ। ਪਲੁਜ੍ਜੇਯ੍ਯੁਨ੍ਤਿ ਸਮੂਲਮਤ੍ਤਿਕਾਯ ਸਦ੍ਧਿਂ ਸੀਸੇ ਪਤੇਯ੍ਯੁਂ। ਸੋ ਤੇਹਿ ਅਜ੍ਝੋਤ੍ਥਟੋ વਾਲੁਕਮਤ੍ਤਿਕੋਦਕੇਹਿ ਮੁਖਂ ਪવਿਸਨ੍ਤੇਹਿ ਮਹਾવਿਨਾਸਂ ਪਾਪੁਣੇਯ੍ਯ।
93. Pupphavaggassa paṭhame pabbateyyāti pabbate pavattā. Ohārinīti sote patitapatitāni tiṇapaṇṇakaṭṭhādīni heṭṭhāhārinī. Dūraṅgamāti nikkhantaṭṭhānato paṭṭhāya catupañcayojanasatagāminī. Sīghasotāti caṇḍasotā. Kāsātiādīni sabbāni tiṇajātāni. Rukkhāti eraṇḍādayo dubbalarukkhā. Te naṃ ajjholambeyyunti te tīre jātāpi onamitvā aggehi udakaṃ phusantehi adhiolambeyyuṃ, upari lambeyyunti attho. Palujjeyyunti samūlamattikāya saddhiṃ sīse pateyyuṃ. So tehi ajjhotthaṭo vālukamattikodakehi mukhaṃ pavisantehi mahāvināsaṃ pāpuṇeyya.
ਏવਮੇવ ਖੋਤਿ ਏਤ੍ਥ ਸੋਤੇ ਪਤਿਤਪੁਰਿਸੋ વਿਯ વਟ੍ਟਸਨ੍ਨਿਸ੍ਸਿਤੋ ਬਾਲਪੁਥੁਜ੍ਜਨੋ ਦਟ੍ਠਬ੍ਬੋ, ਉਭਤੋਤੀਰੇ ਕਾਸਾਦਯੋ વਿਯ ਦੁਬ੍ਬਲਪਞ੍ਚਕ੍ਖਨ੍ਧਾ, ‘‘ਇਮੇ ਗਹਿਤਾਪਿ ਮਂ ਤਾਰੇਤੁਂ ਨ ਸਕ੍ਖਿਸ੍ਸਨ੍ਤੀ’’ਤਿ ਤਸ੍ਸ ਪੁਰਿਸਸ੍ਸ ਅਜਾਨਿਤ੍વਾ ਗਹਣਂ વਿਯ ਇਮੇ ਖਨ੍ਧਾ ‘‘ਨ ਮਯ੍ਹਂ ਸਹਾਯਾ’’ਤਿ ਬਾਲਪੁਥੁਜ੍ਜਨਸ੍ਸ ਅਜਾਨਿਤ੍વਾ ਚਤੂਹਿ ਗਾਹੇਹਿ ਗਹਣਂ, ਗਹਿਤਗਹਿਤਾਨਂ ਪਲੁਜ੍ਜਨਤ੍ਤਾ ਪੁਰਿਸਸ੍ਸ ਬ੍ਯਸਨਪ੍ਪਤ੍ਤਿ વਿਯ ਚਤੂਹਿ ਗਾਹੇਹਿ ਗਹਿਤਾਨਂ ਖਨ੍ਧਾਨਂ વਿਪਰਿਣਾਮੇ ਬਾਲਪੁਥੁਜ੍ਜਨਸ੍ਸ ਸੋਕਾਦਿਬ੍ਯਸਨਪ੍ਪਤ੍ਤਿ વੇਦਿਤਬ੍ਬਾ। ਪਠਮਂ।
Evamevakhoti ettha sote patitapuriso viya vaṭṭasannissito bālaputhujjano daṭṭhabbo, ubhatotīre kāsādayo viya dubbalapañcakkhandhā, ‘‘ime gahitāpi maṃ tāretuṃ na sakkhissantī’’ti tassa purisassa ajānitvā gahaṇaṃ viya ime khandhā ‘‘na mayhaṃ sahāyā’’ti bālaputhujjanassa ajānitvā catūhi gāhehi gahaṇaṃ, gahitagahitānaṃ palujjanattā purisassa byasanappatti viya catūhi gāhehi gahitānaṃ khandhānaṃ vipariṇāme bālaputhujjanassa sokādibyasanappatti veditabbā. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਨਦੀਸੁਤ੍ਤਂ • 1. Nadīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਨਦੀਸੁਤ੍ਤવਣ੍ਣਨਾ • 1. Nadīsuttavaṇṇanā
