Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    7. над̣̇уб̣бхияасуд̇д̇ам̣

    7. Nadubbhiyasuttaṃ

    253. саавад̇т̇ияам̣. ‘‘бхууд̇абуб̣б̣ам̣, бхигкавз, саггасса д̣̇зваанаминд̣̇асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘яоби мз асса субажжад̇т̇иго д̇ассабаахам̣ на д̣̇уб̣бхзяяа’нд̇и. ат̇а ко, бхигкавз, взбажид̇д̇и асуринд̣̇о саггасса д̣̇зваанаминд̣̇асса жзд̇асаа жзд̇обаривид̇аггаман̃н̃ааяа язна сагго д̣̇зваанаминд̣̇о д̇знубасан̇гами. ад̣̇д̣̇асаа ко, бхигкавз, сагго д̣̇зваанаминд̣̇о взбажид̇д̇им̣ асуринд̣̇ам̣ д̣̇уурад̇ова ааг̇ажчанд̇ам̣. д̣̇исваана взбажид̇д̇им̣ асуринд̣̇ам̣ зд̇ад̣̇авожа – ‘д̇идта, взбажид̇д̇и, г̇ахид̇осий’’’д̇и.

    253. Sāvatthiyaṃ. ‘‘Bhūtapubbaṃ, bhikkhave, sakkassa devānamindassa rahogatassa paṭisallīnassa evaṃ cetaso parivitakko udapādi – ‘yopi me assa supaccatthiko tassapāhaṃ na dubbheyya’nti. Atha kho, bhikkhave, vepacitti asurindo sakkassa devānamindassa cetasā cetoparivitakkamaññāya yena sakko devānamindo tenupasaṅkami. Addasā kho, bhikkhave, sakko devānamindo vepacittiṃ asurindaṃ dūratova āgacchantaṃ. Disvāna vepacittiṃ asurindaṃ etadavoca – ‘tiṭṭha, vepacitti, gahitosī’’’ti.

    ‘‘яад̣̇зва д̇з, маариса, буб̣б̣з жид̇д̇ам̣, д̇ад̣̇зва д̇вам̣ маа баж̇ахаасий’’д̇и 1.

    ‘‘Yadeva te, mārisa, pubbe cittaṃ, tadeva tvaṃ mā pajahāsī’’ti 2.

    ‘‘сабассу жа мз, взбажид̇д̇и, ад̣̇уб̣бхааяаа’’д̇и 3.

    ‘‘Sapassu ca me, vepacitti, adubbhāyā’’ti 4.

    ‘‘яам̣ мусаа бхан̣ад̇о баабам̣, яам̣ баабам̣ арияуубаваад̣̇ино;

    ‘‘Yaṃ musā bhaṇato pāpaṃ, yaṃ pāpaṃ ariyūpavādino;

    мид̇д̇ад̣̇д̣̇уно жа яам̣ баабам̣, яам̣ баабам̣ агад̇ан̃н̃уно;

    Mittadduno ca yaṃ pāpaṃ, yaṃ pāpaṃ akataññuno;

    д̇амзва баабам̣ пусад̇у 5, яо д̇з д̣̇уб̣бхз суж̇амбад̇ий’’д̇и.

    Tameva pāpaṃ phusatu 6, yo te dubbhe sujampatī’’ti.




    Next: 8. взрожанаасуринд̣̇асуд̇д̇ам̣ • 8. Verocanaasurindasuttaṃ




    Footnotes:
    1. д̇ад̣̇зва д̇вам̣ маариса бахаасийд̇и (сий. сяаа. гам̣.)
    2. tadeva tvaṃ mārisa pahāsīti (sī. syā. kaṃ.)
    3. ад̣̇руб̣бхааяа (га.)
    4. adrubbhāya (ka.)
    5. пусад̇и (сий. бий.)
    6. phusati (sī. pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. над̣̇уб̣бхияасуд̇д̇аван̣н̣анаа • 7. Nadubbhiyasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. над̣̇уб̣бхияасуд̇д̇аван̣н̣анаа • 7. Nadubbhiyasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact