| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. நது³ப்³பி⁴யஸுத்தவண்ணனா
7. Nadubbhiyasuttavaṇṇanā
253. ஸத்தமே உபஸங்கமீதி ‘‘அயங் ஸக்கோ ‘யோபி மே அஸ்ஸ ஸுபச்சத்தி²கோ, தஸ்ஸ பாஹங் ந து³ப்³பெ⁴ய்ய’ந்தி சிந்தேதி, மயா தஸ்ஸ பச்சத்தி²கதரோ நாம நத்தி², வீமங்ஸிஸ்ஸாமி தாவ நங், கிங் நு கோ² மங் பஸ்ஸித்வா து³ப்³ப⁴தி, ந து³ப்³ப⁴தீ’’தி சிந்தெத்வா உபஸங்கமி. திட்ட² வேபசித்தி க³ஹிதோஸீதி வேபசித்தி, எத்தே²வ திட்ட², க³ஹிதோ த்வங் மயாதி வத³தி. ஸஹ வசனேனேவஸ்ஸ ஸோ கண்ட²பஞ்சமேஹி ப³ந்த⁴னேஹி ப³த்³தோ⁴வ அஹோஸி. ஸபஸ்ஸு ச மேதி மயி அது³ப்³ப⁴த்தா²ய ஸபத²ங் கரோஹீதி வத³தி. யங் முஸாப⁴ணதோ பாபந்தி இமஸ்மிங் கப்பே பட²மகப்பிகேஸு சேதியரஞ்ஞோ பாபங் ஸந்தா⁴யாஹ. அரியூபவாதி³னோதி கோகலிகஸ்ஸ விய பாபங். மித்தத்³து³னோ ச யங் பாபந்தி மஹாகபிஜாதகே மஹாஸத்தே து³ட்ட²சித்தஸ்ஸ பாபங். அகதஞ்ஞுனோதி தே³வத³த்தஸதி³ஸஸ்ஸ அகதஞ்ஞுனோ பாபங். இமானி கிர இமஸ்மிங் கப்பே சத்தாரி மஹாபாபானி. ஸத்தமங்.
253. Sattame upasaṅkamīti ‘‘ayaṃ sakko ‘yopi me assa supaccatthiko, tassa pāhaṃ na dubbheyya’nti cinteti, mayā tassa paccatthikataro nāma natthi, vīmaṃsissāmi tāva naṃ, kiṃ nu kho maṃ passitvā dubbhati, na dubbhatī’’ti cintetvā upasaṅkami. Tiṭṭha vepacitti gahitosīti vepacitti, ettheva tiṭṭha, gahito tvaṃ mayāti vadati. Saha vacanenevassa so kaṇṭhapañcamehi bandhanehi baddhova ahosi. Sapassu ca meti mayi adubbhatthāya sapathaṃ karohīti vadati. Yaṃ musābhaṇato pāpanti imasmiṃ kappe paṭhamakappikesu cetiyarañño pāpaṃ sandhāyāha. Ariyūpavādinoti kokalikassa viya pāpaṃ. Mittadduno ca yaṃ pāpanti mahākapijātake mahāsatte duṭṭhacittassa pāpaṃ. Akataññunoti devadattasadisassa akataññuno pāpaṃ. Imāni kira imasmiṃ kappe cattāri mahāpāpāni. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. நது³ப்³பி⁴யஸுத்தங் • 7. Nadubbhiyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. நது³ப்³பி⁴யஸுத்தவண்ணனா • 7. Nadubbhiyasuttavaṇṇanā
