| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. над̣̇уб̣бхияасуд̇д̇аван̣н̣анаа
7. Nadubbhiyasuttavaṇṇanā
253. сад̇д̇амз убасан̇гамийд̇и ‘‘аяам̣ сагго ‘яоби мз асса субажжад̇т̇иго, д̇асса баахам̣ на д̣̇уб̣бхзяяа’нд̇и жинд̇зд̇и, маяаа д̇асса бажжад̇т̇игад̇аро наама над̇т̇и, виймам̣сиссаами д̇аава нам̣, гим̣ ну ко мам̣ бассид̇ваа д̣̇уб̣бхад̇и, на д̣̇уб̣бхад̇ий’’д̇и жинд̇зд̇ваа убасан̇гами. д̇идта взбажид̇д̇и г̇ахид̇осийд̇и взбажид̇д̇и, зд̇т̇зва д̇идта, г̇ахид̇о д̇вам̣ маяаад̇и вад̣̇ад̇и. саха важанзнзвасса со ган̣табан̃жамзхи б̣анд̇ханзхи б̣ад̣̇д̇хова ахоси. сабассу жа мзд̇и маяи ад̣̇уб̣бхад̇т̇ааяа сабат̇ам̣ гарохийд̇и вад̣̇ад̇и. яам̣ мусаабхан̣ад̇о баабанд̇и имасмим̣ габбз батамагаббигзсу жзд̇ияаран̃н̃о баабам̣ санд̇хааяааха. арияуубаваад̣̇инод̇и гогалигасса вияа баабам̣. мид̇д̇ад̣̇д̣̇уно жа яам̣ баабанд̇и махаагабиж̇аад̇агз махаасад̇д̇з д̣̇удтажид̇д̇асса баабам̣. агад̇ан̃н̃унод̇и д̣̇звад̣̇ад̇д̇асад̣̇исасса агад̇ан̃н̃уно баабам̣. имаани гира имасмим̣ габбз жад̇д̇аари махаабаабаани. сад̇д̇амам̣.
253. Sattame upasaṅkamīti ‘‘ayaṃ sakko ‘yopi me assa supaccatthiko, tassa pāhaṃ na dubbheyya’nti cinteti, mayā tassa paccatthikataro nāma natthi, vīmaṃsissāmi tāva naṃ, kiṃ nu kho maṃ passitvā dubbhati, na dubbhatī’’ti cintetvā upasaṅkami. Tiṭṭha vepacitti gahitosīti vepacitti, ettheva tiṭṭha, gahito tvaṃ mayāti vadati. Saha vacanenevassa so kaṇṭhapañcamehi bandhanehi baddhova ahosi. Sapassu ca meti mayi adubbhatthāya sapathaṃ karohīti vadati. Yaṃ musābhaṇato pāpanti imasmiṃ kappe paṭhamakappikesu cetiyarañño pāpaṃ sandhāyāha. Ariyūpavādinoti kokalikassa viya pāpaṃ. Mittadduno ca yaṃ pāpanti mahākapijātake mahāsatte duṭṭhacittassa pāpaṃ. Akataññunoti devadattasadisassa akataññuno pāpaṃ. Imāni kira imasmiṃ kappe cattāri mahāpāpāni. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. над̣̇уб̣бхияасуд̇д̇ам̣ • 7. Nadubbhiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. над̣̇уб̣бхияасуд̇д̇аван̣н̣анаа • 7. Nadubbhiyasuttavaṇṇanā
