| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. นทุพฺภิยสุตฺตวณฺณนา
7. Nadubbhiyasuttavaṇṇanā
๒๕๓. สุปจฺจตฺถิโกติ สุฎฺฐุ อติวิย ปจฺจตฺถิโก ปฎิสตฺตุฯ คหิโตสีติ เทวปาเสน พนฺธิตฺวา คหิโต อสิฯ พโทฺธว อโหสิ สกฺกสฺส ปุญฺญานุภาเวนฯ เจติยราชา กิร อิมสฺมิํ กเปฺป ตโต ปุเพฺพ เกนจิ อวุตฺตปุพฺพํ ขรมุสาวาทํ อภาสิ, ตาวเทว วิรชฺฌิตฺวา มหาปถวิยา วิวเร ทิเน นิปติตฺวา อวีจิอคฺคิชาลานมินฺทนมโหสิฯ ตํ สนฺธาย วุตฺตํ ‘‘เจติยรโญฺญ ปาปํ สนฺธายา’’ติฯ มหาปาปานีติ มหนฺตานิ ครุตรานิ ปาปานิฯ ตถา หิ เวปจิตฺติโน สปถกรเณ นิทสฺสนภาเวน เอตานิ อฎฺฐกถายํ อาคตานีติฯ
253.Supaccatthikoti suṭṭhu ativiya paccatthiko paṭisattu. Gahitosīti devapāsena bandhitvā gahito asi. Baddhova ahosi sakkassa puññānubhāvena. Cetiyarājā kira imasmiṃ kappe tato pubbe kenaci avuttapubbaṃ kharamusāvādaṃ abhāsi, tāvadeva virajjhitvā mahāpathaviyā vivare dine nipatitvā avīciaggijālānamindanamahosi. Taṃ sandhāya vuttaṃ ‘‘cetiyarañño pāpaṃ sandhāyā’’ti. Mahāpāpānīti mahantāni garutarāni pāpāni. Tathā hi vepacittino sapathakaraṇe nidassanabhāvena etāni aṭṭhakathāyaṃ āgatānīti.
นทุพฺภิยสุตฺตวณฺณนา นิฎฺฐิตาฯ
Nadubbhiyasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. นทุพฺภิยสุตฺตํ • 7. Nadubbhiyasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. นทุพฺภิยสุตฺตวณฺณนา • 7. Nadubbhiyasuttavaṇṇanā
