| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਨਦੁਬ੍ਭਿਯਸੁਤ੍ਤવਣ੍ਣਨਾ
7. Nadubbhiyasuttavaṇṇanā
੨੫੩. ਸਤ੍ਤਮੇ ਉਪਸਙ੍ਕਮੀਤਿ ‘‘ਅਯਂ ਸਕ੍ਕੋ ‘ਯੋਪਿ ਮੇ ਅਸ੍ਸ ਸੁਪਚ੍ਚਤ੍ਥਿਕੋ, ਤਸ੍ਸ ਪਾਹਂ ਨ ਦੁਬ੍ਭੇਯ੍ਯ’ਨ੍ਤਿ ਚਿਨ੍ਤੇਤਿ, ਮਯਾ ਤਸ੍ਸ ਪਚ੍ਚਤ੍ਥਿਕਤਰੋ ਨਾਮ ਨਤ੍ਥਿ, વੀਮਂਸਿਸ੍ਸਾਮਿ ਤਾવ ਨਂ, ਕਿਂ ਨੁ ਖੋ ਮਂ ਪਸ੍ਸਿਤ੍વਾ ਦੁਬ੍ਭਤਿ, ਨ ਦੁਬ੍ਭਤੀ’’ਤਿ ਚਿਨ੍ਤੇਤ੍વਾ ਉਪਸਙ੍ਕਮਿ। ਤਿਟ੍ਠ વੇਪਚਿਤ੍ਤਿ ਗਹਿਤੋਸੀਤਿ વੇਪਚਿਤ੍ਤਿ, ਏਤ੍ਥੇવ ਤਿਟ੍ਠ, ਗਹਿਤੋ ਤ੍વਂ ਮਯਾਤਿ વਦਤਿ। ਸਹ વਚਨੇਨੇવਸ੍ਸ ਸੋ ਕਣ੍ਠਪਞ੍ਚਮੇਹਿ ਬਨ੍ਧਨੇਹਿ ਬਦ੍ਧੋવ ਅਹੋਸਿ। ਸਪਸ੍ਸੁ ਚ ਮੇਤਿ ਮਯਿ ਅਦੁਬ੍ਭਤ੍ਥਾਯ ਸਪਥਂ ਕਰੋਹੀਤਿ વਦਤਿ। ਯਂ ਮੁਸਾਭਣਤੋ ਪਾਪਨ੍ਤਿ ਇਮਸ੍ਮਿਂ ਕਪ੍ਪੇ ਪਠਮਕਪ੍ਪਿਕੇਸੁ ਚੇਤਿਯਰਞ੍ਞੋ ਪਾਪਂ ਸਨ੍ਧਾਯਾਹ। ਅਰਿਯੂਪવਾਦਿਨੋਤਿ ਕੋਕਲਿਕਸ੍ਸ વਿਯ ਪਾਪਂ। ਮਿਤ੍ਤਦ੍ਦੁਨੋ ਚ ਯਂ ਪਾਪਨ੍ਤਿ ਮਹਾਕਪਿਜਾਤਕੇ ਮਹਾਸਤ੍ਤੇ ਦੁਟ੍ਠਚਿਤ੍ਤਸ੍ਸ ਪਾਪਂ। ਅਕਤਞ੍ਞੁਨੋਤਿ ਦੇવਦਤ੍ਤਸਦਿਸਸ੍ਸ ਅਕਤਞ੍ਞੁਨੋ ਪਾਪਂ। ਇਮਾਨਿ ਕਿਰ ਇਮਸ੍ਮਿਂ ਕਪ੍ਪੇ ਚਤ੍ਤਾਰਿ ਮਹਾਪਾਪਾਨਿ। ਸਤ੍ਤਮਂ।
253. Sattame upasaṅkamīti ‘‘ayaṃ sakko ‘yopi me assa supaccatthiko, tassa pāhaṃ na dubbheyya’nti cinteti, mayā tassa paccatthikataro nāma natthi, vīmaṃsissāmi tāva naṃ, kiṃ nu kho maṃ passitvā dubbhati, na dubbhatī’’ti cintetvā upasaṅkami. Tiṭṭha vepacitti gahitosīti vepacitti, ettheva tiṭṭha, gahito tvaṃ mayāti vadati. Saha vacanenevassa so kaṇṭhapañcamehi bandhanehi baddhova ahosi. Sapassu ca meti mayi adubbhatthāya sapathaṃ karohīti vadati. Yaṃ musābhaṇato pāpanti imasmiṃ kappe paṭhamakappikesu cetiyarañño pāpaṃ sandhāyāha. Ariyūpavādinoti kokalikassa viya pāpaṃ. Mittadduno ca yaṃ pāpanti mahākapijātake mahāsatte duṭṭhacittassa pāpaṃ. Akataññunoti devadattasadisassa akataññuno pāpaṃ. Imāni kira imasmiṃ kappe cattāri mahāpāpāni. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਨਦੁਬ੍ਭਿਯਸੁਤ੍ਤਂ • 7. Nadubbhiyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਨਦੁਬ੍ਭਿਯਸੁਤ੍ਤવਣ੍ਣਨਾ • 7. Nadubbhiyasuttavaṇṇanā
