| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. നദുബ്ഭിയസുത്തവണ്ണനാ
7. Nadubbhiyasuttavaṇṇanā
൨൫൩. സത്തമേ ഉപസങ്കമീതി ‘‘അയം സക്കോ ‘യോപി മേ അസ്സ സുപച്ചത്ഥികോ, തസ്സ പാഹം ന ദുബ്ഭേയ്യ’ന്തി ചിന്തേതി, മയാ തസ്സ പച്ചത്ഥികതരോ നാമ നത്ഥി, വീമംസിസ്സാമി താവ നം, കിം നു ഖോ മം പസ്സിത്വാ ദുബ്ഭതി, ന ദുബ്ഭതീ’’തി ചിന്തേത്വാ ഉപസങ്കമി. തിട്ഠ വേപചിത്തി ഗഹിതോസീതി വേപചിത്തി, ഏത്ഥേവ തിട്ഠ, ഗഹിതോ ത്വം മയാതി വദതി. സഹ വചനേനേവസ്സ സോ കണ്ഠപഞ്ചമേഹി ബന്ധനേഹി ബദ്ധോവ അഹോസി. സപസ്സു ച മേതി മയി അദുബ്ഭത്ഥായ സപഥം കരോഹീതി വദതി. യം മുസാഭണതോ പാപന്തി ഇമസ്മിം കപ്പേ പഠമകപ്പികേസു ചേതിയരഞ്ഞോ പാപം സന്ധായാഹ. അരിയൂപവാദിനോതി കോകലികസ്സ വിയ പാപം. മിത്തദ്ദുനോ ച യം പാപന്തി മഹാകപിജാതകേ മഹാസത്തേ ദുട്ഠചിത്തസ്സ പാപം. അകതഞ്ഞുനോതി ദേവദത്തസദിസസ്സ അകതഞ്ഞുനോ പാപം. ഇമാനി കിര ഇമസ്മിം കപ്പേ ചത്താരി മഹാപാപാനി. സത്തമം.
253. Sattame upasaṅkamīti ‘‘ayaṃ sakko ‘yopi me assa supaccatthiko, tassa pāhaṃ na dubbheyya’nti cinteti, mayā tassa paccatthikataro nāma natthi, vīmaṃsissāmi tāva naṃ, kiṃ nu kho maṃ passitvā dubbhati, na dubbhatī’’ti cintetvā upasaṅkami. Tiṭṭha vepacitti gahitosīti vepacitti, ettheva tiṭṭha, gahito tvaṃ mayāti vadati. Saha vacanenevassa so kaṇṭhapañcamehi bandhanehi baddhova ahosi. Sapassu ca meti mayi adubbhatthāya sapathaṃ karohīti vadati. Yaṃ musābhaṇato pāpanti imasmiṃ kappe paṭhamakappikesu cetiyarañño pāpaṃ sandhāyāha. Ariyūpavādinoti kokalikassa viya pāpaṃ. Mittadduno ca yaṃ pāpanti mahākapijātake mahāsatte duṭṭhacittassa pāpaṃ. Akataññunoti devadattasadisassa akataññuno pāpaṃ. Imāni kira imasmiṃ kappe cattāri mahāpāpāni. Sattamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. നദുബ്ഭിയസുത്തം • 7. Nadubbhiyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. നദുബ്ഭിയസുത്തവണ്ണനാ • 7. Nadubbhiyasuttavaṇṇanā
