| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. ནཱགདཏྟསུཏྟཾ
7. Nāgadattasuttaṃ
༢༢༧. ཨེཀཾ སམཡཾ ཨཱཡསྨཱ ནཱགདཏྟོ ཀོསལེསུ ཝིཧརཏི ཨཉྙཏརསྨིཾ ཝནསཎྜེ། ཏེན ཁོ པན སམཡེན ཨཱཡསྨཱ ནཱགདཏྟོ ཨཏིཀཱལེན གཱམཾ པཝིསཏི, ཨཏིདིཝཱ པཊིཀྐམཏི། ཨཐ ཁོ ཡཱ ཏསྨིཾ ཝནསཎྜེ ཨདྷིཝཏྠཱ དེཝཏཱ ཨཱཡསྨཏོ ནཱགདཏྟསྶ ཨནུཀམྤིཀཱ ཨཏྠཀཱམཱ ཨཱཡསྨནྟཾ ནཱགདཏྟཾ སཾཝེཛེཏུཀཱམཱ ཡེནཱཡསྨཱ ནཱགདཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ནཱགདཏྟཾ གཱཐཱཧི ཨཛ྄ཛྷབྷཱསི –
227. Ekaṃ samayaṃ āyasmā nāgadatto kosalesu viharati aññatarasmiṃ vanasaṇḍe. Tena kho pana samayena āyasmā nāgadatto atikālena gāmaṃ pavisati, atidivā paṭikkamati. Atha kho yā tasmiṃ vanasaṇḍe adhivatthā devatā āyasmato nāgadattassa anukampikā atthakāmā āyasmantaṃ nāgadattaṃ saṃvejetukāmā yenāyasmā nāgadatto tenupasaṅkami; upasaṅkamitvā āyasmantaṃ nāgadattaṃ gāthāhi ajjhabhāsi –
‘‘ཀཱལེ པཝིས ནཱགདཏྟ, དིཝཱ ཙ ཨཱགནྟྭཱ ཨཏིཝེལཙཱརཱི།
‘‘Kāle pavisa nāgadatta, divā ca āgantvā ativelacārī;
སཾསཊྛོ གཧཊྛེཧི, སམཱནསུཁདུཀྑོ༎
Saṃsaṭṭho gahaṭṭhehi, samānasukhadukkho.
‘‘བྷཱཡཱམི ནཱགདཏྟཾ སུཔྤགབྦྷཾ, ཀུལེསུ ཝིནིབདྡྷཾ།
‘‘Bhāyāmi nāgadattaṃ suppagabbhaṃ, kulesu vinibaddhaṃ;
མཱ ཧེཝ མཙྩུརཉྙོ བལཝཏོ, ཨནྟཀསྶ ཝསཾ ཨུཔེསཱི’’ཏི 1༎
Mā heva maccurañño balavato, antakassa vasaṃ upesī’’ti 2.
ཨཐ ཁོ ཨཱཡསྨཱ ནཱགདཏྟོ ཏཱཡ དེཝཏཱཡ སཾཝེཛིཏོ སཾཝེགམཱཔཱདཱིཏི།
Atha kho āyasmā nāgadatto tāya devatāya saṃvejito saṃvegamāpādīti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. ནཱགདཏྟསུཏྟཝཎྞནཱ • 7. Nāgadattasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧. ནཱགདཏྟསུཏྟཝཎྞནཱ • 7. Nāgadattasuttavaṇṇanā
