| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൭. നാഗദത്തസുത്തം
7. Nāgadattasuttaṃ
൨൨൭. ഏകം സമയം ആയസ്മാ നാഗദത്തോ കോസലേസു വിഹരതി അഞ്ഞതരസ്മിം വനസണ്ഡേ. തേന ഖോ പന സമയേന ആയസ്മാ നാഗദത്തോ അതികാലേന ഗാമം പവിസതി, അതിദിവാ പടിക്കമതി. അഥ ഖോ യാ തസ്മിം വനസണ്ഡേ അധിവത്ഥാ ദേവതാ ആയസ്മതോ നാഗദത്തസ്സ അനുകമ്പികാ അത്ഥകാമാ ആയസ്മന്തം നാഗദത്തം സംവേജേതുകാമാ യേനായസ്മാ നാഗദത്തോ തേനുപസങ്കമി; ഉപസങ്കമിത്വാ ആയസ്മന്തം നാഗദത്തം ഗാഥാഹി അജ്ഝഭാസി –
227. Ekaṃ samayaṃ āyasmā nāgadatto kosalesu viharati aññatarasmiṃ vanasaṇḍe. Tena kho pana samayena āyasmā nāgadatto atikālena gāmaṃ pavisati, atidivā paṭikkamati. Atha kho yā tasmiṃ vanasaṇḍe adhivatthā devatā āyasmato nāgadattassa anukampikā atthakāmā āyasmantaṃ nāgadattaṃ saṃvejetukāmā yenāyasmā nāgadatto tenupasaṅkami; upasaṅkamitvā āyasmantaṃ nāgadattaṃ gāthāhi ajjhabhāsi –
‘‘കാലേ പവിസ നാഗദത്ത, ദിവാ ച ആഗന്ത്വാ അതിവേലചാരീ;
‘‘Kāle pavisa nāgadatta, divā ca āgantvā ativelacārī;
സംസട്ഠോ ഗഹട്ഠേഹി, സമാനസുഖദുക്ഖോ.
Saṃsaṭṭho gahaṭṭhehi, samānasukhadukkho.
‘‘ഭായാമി നാഗദത്തം സുപ്പഗബ്ഭം, കുലേസു വിനിബദ്ധം;
‘‘Bhāyāmi nāgadattaṃ suppagabbhaṃ, kulesu vinibaddhaṃ;
മാ ഹേവ മച്ചുരഞ്ഞോ ബലവതോ, അന്തകസ്സ വസം ഉപേസീ’’തി 1.
Mā heva maccurañño balavato, antakassa vasaṃ upesī’’ti 2.
അഥ ഖോ ആയസ്മാ നാഗദത്തോ തായ ദേവതായ സംവേജിതോ സംവേഗമാപാദീതി.
Atha kho āyasmā nāgadatto tāya devatāya saṃvejito saṃvegamāpādīti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൭. നാഗദത്തസുത്തവണ്ണനാ • 7. Nāgadattasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. നാഗദത്തസുത്തവണ്ണനാ • 7. Nāgadattasuttavaṇṇanā
