| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. нааг̇ад̣̇ад̇д̇асуд̇д̇аван̣н̣анаа
7. Nāgadattasuttavaṇṇanā
227. сад̇д̇амз ад̇игаалзнаад̇и саб̣б̣арад̇д̇им̣ нид̣̇д̣̇ааяид̇ваа б̣алавабажжуусз годисаммун̃ж̇анияаа т̇огам̣ саммаж̇ж̇ид̇ваа мукам̣ д̇ховид̇ваа яааг̇убхигкааяа баад̇ова бависад̇и. ад̇ид̣̇иваад̇и яааг̇ум̣ аад̣̇ааяа аасанасаалам̣ г̇анд̇ваа бивид̇ваа згасмим̣ таанз нибанно нид̣̇д̣̇ааяид̇ваа – ‘‘мануссаанам̣ бхож̇анавзлааяа бан̣ийд̇ам̣ бхигкам̣ лабхиссаамий’’д̇и убагадтз маж̇жханхигз удтааяа д̇хаммагаран̣зна уд̣̇агам̣ г̇ахзд̇ваа агкийни бамаж̇ж̇ид̇ваа бин̣д̣ааяа жарид̇ваа яаавад̣̇ад̇т̇ам̣ бхун̃ж̇ид̇ваа маж̇жханхигз вийд̇ивад̇д̇з бадиггамад̇и. д̣̇иваа жа ааг̇анд̇ваад̇и ад̇игаалз бавидтзна наама ан̃н̃зхи бхигкуухи батамад̇арам̣ ааг̇анд̇аб̣б̣ам̣ ход̇и, д̇вам̣ бана ад̇ивияа д̣̇иваа ааг̇анд̇ваа г̇ад̇аасийд̇и ад̇т̇о. бхааяаами нааг̇ад̣̇ад̇д̇анд̇и д̇ам̣ нааг̇ад̣̇ад̇д̇ам̣ ахам̣ бхааяаами. суббаг̇аб̣бханд̇и судту баг̇аб̣бхам̣. гулзсууд̇и кад̇д̇ияагулаад̣̇иубадтаагагулзсу. сад̇д̇амам̣.
227. Sattame atikālenāti sabbarattiṃ niddāyitvā balavapaccūse koṭisammuñjaniyā thokaṃ sammajjitvā mukhaṃ dhovitvā yāgubhikkhāya pātova pavisati. Atidivāti yāguṃ ādāya āsanasālaṃ gantvā pivitvā ekasmiṃ ṭhāne nipanno niddāyitvā – ‘‘manussānaṃ bhojanavelāya paṇītaṃ bhikkhaṃ labhissāmī’’ti upakaṭṭhe majjhanhike uṭṭhāya dhammakaraṇena udakaṃ gahetvā akkhīni pamajjitvā piṇḍāya caritvā yāvadatthaṃ bhuñjitvā majjhanhike vītivatte paṭikkamati. Divā ca āgantvāti atikāle paviṭṭhena nāma aññehi bhikkhūhi paṭhamataraṃ āgantabbaṃ hoti, tvaṃ pana ativiya divā āgantvā gatāsīti attho. Bhāyāmi nāgadattanti taṃ nāgadattaṃ ahaṃ bhāyāmi. Suppagabbhanti suṭṭhu pagabbhaṃ. Kulesūti khattiyakulādiupaṭṭhākakulesu. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. нааг̇ад̣̇ад̇д̇асуд̇д̇ам̣ • 7. Nāgadattasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. нааг̇ад̣̇ад̇д̇асуд̇д̇аван̣н̣анаа • 7. Nāgadattasuttavaṇṇanā
