| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
७. नागदत्तसुत्तवण्णना
7. Nāgadattasuttavaṇṇanā
२२७. अतिकालेनाति अतिविय पुब्बण्हकालेन, कालस्सेवाति अत्थो। कोटिसम्मुञ्जनियाति सम्मुञ्जनिकोटिया, सम्मुञ्जनिया एकदेसेनेवाति अत्थो। इमिना सम्मज्जने अमनापकारितं दस्सेति। मज्झन्हिके वीतिवत्तेति गिहिसंसग्गवसेन कालं वीतिनामेन्तो मज्झन्हे बहुवीतिवत्ते। अञ्ञेहि भिक्खूहीति नातिकालं पविट्ठेहि। निस्सक्कवचनञ्चेतं। भायामि नागदत्तन्ति तस्स पटिपत्तिं भायितब्बं कत्वा देवता वदन्ती पटिपत्तियं नियोजेति। सुप्पगब्भन्ति कायपागब्बियादीहि अतिविय समन्नागतं।
227.Atikālenāti ativiya pubbaṇhakālena, kālassevāti attho. Koṭisammuñjaniyāti sammuñjanikoṭiyā, sammuñjaniyā ekadesenevāti attho. Iminā sammajjane amanāpakāritaṃ dasseti. Majjhanhike vītivatteti gihisaṃsaggavasena kālaṃ vītināmento majjhanhe bahuvītivatte. Aññehi bhikkhūhīti nātikālaṃ paviṭṭhehi. Nissakkavacanañcetaṃ. Bhāyāmi nāgadattanti tassa paṭipattiṃ bhāyitabbaṃ katvā devatā vadantī paṭipattiyaṃ niyojeti. Suppagabbhanti kāyapāgabbiyādīhi ativiya samannāgataṃ.
नागदत्तसुत्तवण्णना निट्ठिता।
Nāgadattasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ७. नागदत्तसुत्तं • 7. Nāgadattasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ७. नागदत्तसुत्तवण्णना • 7. Nāgadattasuttavaṇṇanā
