| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. နာဂဒတ္တသုတ္တဝဏ္ဏနာ
7. Nāgadattasuttavaṇṇanā
၂၂၇. သတ္တမေ အတိကာလေနာတိ သဗ္ဗရတ္တိံ နိဒ္ဒာယိတ္ဝာ ဗလဝပစ္စူသေ ကောဋိသမ္မုဉ္ဇနိယာ ထောကံ သမ္မဇ္ဇိတ္ဝာ မုခံ ဓောဝိတ္ဝာ ယာဂုဘိက္ခာယ ပာတောဝ ပဝိသတိ။ အတိဒိဝာတိ ယာဂုံ အာဒာယ အာသနသာလံ ဂန္တ္ဝာ ပိဝိတ္ဝာ ဧကသ္မိံ ဌာနေ နိပန္နော နိဒ္ဒာယိတ္ဝာ – ‘‘မနုသ္သာနံ ဘောဇနဝေလာယ ပဏီတံ ဘိက္ခံ လဘိသ္သာမီ’’တိ ဥပကဋ္ဌေ မဇ္ဈန္ဟိကေ ဥဋ္ဌာယ ဓမ္မကရဏေန ဥဒကံ ဂဟေတ္ဝာ အက္ခီနိ ပမဇ္ဇိတ္ဝာ ပိဏ္ဍာယ စရိတ္ဝာ ယာဝဒတ္ထံ ဘုဉ္ဇိတ္ဝာ မဇ္ဈန္ဟိကေ ဝီတိဝတ္တေ ပဋိက္ကမတိ။ ဒိဝာ စ အာဂန္တ္ဝာတိ အတိကာလေ ပဝိဋ္ဌေန နာမ အညေဟိ ဘိက္ခူဟိ ပဌမတရံ အာဂန္တဗ္ဗံ ဟောတိ, တ္ဝံ ပန အတိဝိယ ဒိဝာ အာဂန္တ္ဝာ ဂတာသီတိ အတ္ထော။ ဘာယာမိ နာဂဒတ္တန္တိ တံ နာဂဒတ္တံ အဟံ ဘာယာမိ။ သုပ္ပဂဗ္ဘန္တိ သုဋ္ဌု ပဂဗ္ဘံ။ ကုလေသူတိ ခတ္တိယကုလာဒိဥပဋ္ဌာကကုလေသု။ သတ္တမံ။
227. Sattame atikālenāti sabbarattiṃ niddāyitvā balavapaccūse koṭisammuñjaniyā thokaṃ sammajjitvā mukhaṃ dhovitvā yāgubhikkhāya pātova pavisati. Atidivāti yāguṃ ādāya āsanasālaṃ gantvā pivitvā ekasmiṃ ṭhāne nipanno niddāyitvā – ‘‘manussānaṃ bhojanavelāya paṇītaṃ bhikkhaṃ labhissāmī’’ti upakaṭṭhe majjhanhike uṭṭhāya dhammakaraṇena udakaṃ gahetvā akkhīni pamajjitvā piṇḍāya caritvā yāvadatthaṃ bhuñjitvā majjhanhike vītivatte paṭikkamati. Divā ca āgantvāti atikāle paviṭṭhena nāma aññehi bhikkhūhi paṭhamataraṃ āgantabbaṃ hoti, tvaṃ pana ativiya divā āgantvā gatāsīti attho. Bhāyāmi nāgadattanti taṃ nāgadattaṃ ahaṃ bhāyāmi. Suppagabbhanti suṭṭhu pagabbhaṃ. Kulesūti khattiyakulādiupaṭṭhākakulesu. Sattamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. နာဂဒတ္တသုတ္တံ • 7. Nāgadattasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. နာဂဒတ္တသုတ္တဝဏ္ဏနာ • 7. Nāgadattasuttavaṇṇanā
