| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਨਾਗਦਤ੍ਤਸੁਤ੍ਤવਣ੍ਣਨਾ
7. Nāgadattasuttavaṇṇanā
੨੨੭. ਸਤ੍ਤਮੇ ਅਤਿਕਾਲੇਨਾਤਿ ਸਬ੍ਬਰਤ੍ਤਿਂ ਨਿਦ੍ਦਾਯਿਤ੍વਾ ਬਲવਪਚ੍ਚੂਸੇ ਕੋਟਿਸਮ੍ਮੁਞ੍ਜਨਿਯਾ ਥੋਕਂ ਸਮ੍ਮਜ੍ਜਿਤ੍વਾ ਮੁਖਂ ਧੋવਿਤ੍વਾ ਯਾਗੁਭਿਕ੍ਖਾਯ ਪਾਤੋવ ਪવਿਸਤਿ। ਅਤਿਦਿવਾਤਿ ਯਾਗੁਂ ਆਦਾਯ ਆਸਨਸਾਲਂ ਗਨ੍ਤ੍વਾ ਪਿવਿਤ੍વਾ ਏਕਸ੍ਮਿਂ ਠਾਨੇ ਨਿਪਨ੍ਨੋ ਨਿਦ੍ਦਾਯਿਤ੍વਾ – ‘‘ਮਨੁਸ੍ਸਾਨਂ ਭੋਜਨવੇਲਾਯ ਪਣੀਤਂ ਭਿਕ੍ਖਂ ਲਭਿਸ੍ਸਾਮੀ’’ਤਿ ਉਪਕਟ੍ਠੇ ਮਜ੍ਝਨ੍ਹਿਕੇ ਉਟ੍ਠਾਯ ਧਮ੍ਮਕਰਣੇਨ ਉਦਕਂ ਗਹੇਤ੍વਾ ਅਕ੍ਖੀਨਿ ਪਮਜ੍ਜਿਤ੍વਾ ਪਿਣ੍ਡਾਯ ਚਰਿਤ੍વਾ ਯਾવਦਤ੍ਥਂ ਭੁਞ੍ਜਿਤ੍વਾ ਮਜ੍ਝਨ੍ਹਿਕੇ વੀਤਿવਤ੍ਤੇ ਪਟਿਕ੍ਕਮਤਿ। ਦਿવਾ ਚ ਆਗਨ੍ਤ੍વਾਤਿ ਅਤਿਕਾਲੇ ਪવਿਟ੍ਠੇਨ ਨਾਮ ਅਞ੍ਞੇਹਿ ਭਿਕ੍ਖੂਹਿ ਪਠਮਤਰਂ ਆਗਨ੍ਤਬ੍ਬਂ ਹੋਤਿ, ਤ੍વਂ ਪਨ ਅਤਿવਿਯ ਦਿવਾ ਆਗਨ੍ਤ੍વਾ ਗਤਾਸੀਤਿ ਅਤ੍ਥੋ। ਭਾਯਾਮਿ ਨਾਗਦਤ੍ਤਨ੍ਤਿ ਤਂ ਨਾਗਦਤ੍ਤਂ ਅਹਂ ਭਾਯਾਮਿ। ਸੁਪ੍ਪਗਬ੍ਭਨ੍ਤਿ ਸੁਟ੍ਠੁ ਪਗਬ੍ਭਂ। ਕੁਲੇਸੂਤਿ ਖਤ੍ਤਿਯਕੁਲਾਦਿਉਪਟ੍ਠਾਕਕੁਲੇਸੁ। ਸਤ੍ਤਮਂ।
227. Sattame atikālenāti sabbarattiṃ niddāyitvā balavapaccūse koṭisammuñjaniyā thokaṃ sammajjitvā mukhaṃ dhovitvā yāgubhikkhāya pātova pavisati. Atidivāti yāguṃ ādāya āsanasālaṃ gantvā pivitvā ekasmiṃ ṭhāne nipanno niddāyitvā – ‘‘manussānaṃ bhojanavelāya paṇītaṃ bhikkhaṃ labhissāmī’’ti upakaṭṭhe majjhanhike uṭṭhāya dhammakaraṇena udakaṃ gahetvā akkhīni pamajjitvā piṇḍāya caritvā yāvadatthaṃ bhuñjitvā majjhanhike vītivatte paṭikkamati. Divā ca āgantvāti atikāle paviṭṭhena nāma aññehi bhikkhūhi paṭhamataraṃ āgantabbaṃ hoti, tvaṃ pana ativiya divā āgantvā gatāsīti attho. Bhāyāmi nāgadattanti taṃ nāgadattaṃ ahaṃ bhāyāmi. Suppagabbhanti suṭṭhu pagabbhaṃ. Kulesūti khattiyakulādiupaṭṭhākakulesu. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਨਾਗਦਤ੍ਤਸੁਤ੍ਤਂ • 7. Nāgadattasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਨਾਗਦਤ੍ਤਸੁਤ੍ਤવਣ੍ਣਨਾ • 7. Nāgadattasuttavaṇṇanā
