| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
103. நக³ந்தப்³ப³க³ந்தப்³ப³வாரகதா²
103. Nagantabbagantabbavārakathā
181. ஸபி⁴க்கு²காதி பத³ஸ்ஸ ஸங்விஜ்ஜந்தி பி⁴க்கூ² ஏதஸ்மிமாவாஸேதி ஸபி⁴க்கு²கோதி வசனத்த²ங் த³ஸ்ஸெந்தோ ஆஹ ‘‘யஸ்மிங் ஆவாஸே’’திஆதி³. யந்தி ஆவாஸங். தத³ஹேவாதி தத³ஹுபோஸதே² ஏவ. இமினா ஸசே ஸக்கோதி, தத³ஹேவ க³ந்துங், ஸோ க³ந்தப்³போ³தி த³ஸ்ஸேதி. ‘‘அகத்வா’’தி இமினா கத்வா பன க³ந்தப்³போ³தி த³ஸ்ஸேதி. ‘‘அஞ்ஞத்ரா’’தி நிபாதோ ‘‘வினா’’தி நிபாதஸ்ஸ பரியாயோதி ஆஹ ‘‘வினா’’தி. அத்தசதுத்தே²ன வா அத்தபஞ்சமேன வா ஸங்கே⁴ன க³ந்துங் வட்டதீதி யோஜனா. எத்த² ச ‘‘அத்தசதுத்தே²ன வா’’தி இத³ங் உபோஸத²கம்மங் ஸந்தா⁴ய வுத்தங். ‘‘அத்தபஞ்சமேன வா’’தி இத³ங் பவாரணாகம்மங் ஸந்தா⁴ய வுத்தந்தி த³ட்ட²ப்³ப³ங். விஹாரேதி விஹாரஸீமாய மஹாஸீமாயந்தி அத்தோ². இத³ஞ்ஹி விஹாரஸீமானங் அபே⁴தே³ன வுத்தங். ஸீமாபீதி க²ண்ட³ஸீமாபி. ந க³ந்தப்³பா³தி ஸங்க⁴ஸ்ஸ க³ருகத்தா ந க³ந்தப்³பா³. எத்தா²தி க²ண்ட³ஸீமாதீ³ஸு. தஸ்ஸாதி பி⁴க்கு²ஸ்ஸ. க³ந்துங் வட்டதீதி க³ணுபோஸத²ட்டா²னதோ க³ந்துங் வட்டதி, ஸங்கு⁴போஸத²ட்டா²னதோ பன ந வட்டதியேவாதி த³ட்ட²ப்³ப³ங். விஸ்ஸட்ட²உபோஸதா² ஆவாஸாபி அஞ்ஞங் க³ந்துங் வட்டதீதி யோஜனா. ஆரஞ்ஞகேனாபீதி அரஞ்ஞே ஏககேன நிவாஸேனபி. தத்தா²தி அஞ்ஞவிஹாரே. உபோஸத²ந்தி ஸங்கு⁴போஸத²ஞ்ச க³ணுபோஸத²ஞ்ச.
181.Sabhikkhukāti padassa saṃvijjanti bhikkhū etasmimāvāseti sabhikkhukoti vacanatthaṃ dassento āha ‘‘yasmiṃ āvāse’’tiādi. Yanti āvāsaṃ. Tadahevāti tadahuposathe eva. Iminā sace sakkoti, tadaheva gantuṃ, so gantabboti dasseti. ‘‘Akatvā’’ti iminā katvā pana gantabboti dasseti. ‘‘Aññatrā’’ti nipāto ‘‘vinā’’ti nipātassa pariyāyoti āha ‘‘vinā’’ti. Attacatutthena vā attapañcamena vā saṅghena gantuṃ vaṭṭatīti yojanā. Ettha ca ‘‘attacatutthena vā’’ti idaṃ uposathakammaṃ sandhāya vuttaṃ. ‘‘Attapañcamena vā’’ti idaṃ pavāraṇākammaṃ sandhāya vuttanti daṭṭhabbaṃ. Vihāreti vihārasīmāya mahāsīmāyanti attho. Idañhi vihārasīmānaṃ abhedena vuttaṃ. Sīmāpīti khaṇḍasīmāpi. Na gantabbāti saṅghassa garukattā na gantabbā. Etthāti khaṇḍasīmādīsu. Tassāti bhikkhussa. Gantuṃ vaṭṭatīti gaṇuposathaṭṭhānato gantuṃ vaṭṭati, saṅghuposathaṭṭhānato pana na vaṭṭatiyevāti daṭṭhabbaṃ. Vissaṭṭhauposathā āvāsāpi aññaṃ gantuṃ vaṭṭatīti yojanā. Āraññakenāpīti araññe ekakena nivāsenapi. Tatthāti aññavihāre. Uposathanti saṅghuposathañca gaṇuposathañca.
182. யந்தி ஆவாஸங். தத்தா²தி தங் ஆவாஸங். க³ந்துங் ஸக்கோமி இதி ஜானெய்யாதி யோஜனா. தத்தா²தி தஸ்மிங் ஆவாஸே. இமினா நேவ கதோதி ஸம்ப³ந்தோ⁴. நேவ கதோ ப⁴விஸ்ஸதி இதி ஜானெய்யாதி யோஜனா.
182.Yanti āvāsaṃ. Tatthāti taṃ āvāsaṃ. Gantuṃ sakkomi iti jāneyyāti yojanā. Tatthāti tasmiṃ āvāse. Iminā neva katoti sambandho. Neva kato bhavissati iti jāneyyāti yojanā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
103. நக³ந்தப்³ப³வாரோ • 103. Nagantabbavāro
104. க³ந்தப்³ப³வாரோ • 104. Gantabbavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / நக³ந்தப்³ப³க³ந்தப்³ப³வாரகதா² • Nagantabbagantabbavārakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நக³ந்தப்³ப³க³ந்தப்³ப³வாரகதா²வண்ணனா • Nagantabbagantabbavārakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / நக³ந்தப்³ப³க³ந்தப்³ப³வாரகதா²வண்ணனா • Nagantabbagantabbavārakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / லிங்கா³தி³த³ஸ்ஸனகதா²தி³வண்ணனா • Liṅgādidassanakathādivaṇṇanā
