| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
наг̇анд̇аб̣б̣аг̇анд̇аб̣б̣аваарагат̇аа
Nagantabbagantabbavārakathā
181. сабхигкугаа ааваасаад̇и яасмим̣ ааваасз убосат̇агаарагаа бхигкуу ад̇т̇и, д̇амхаа ааваасаа яам̣ на саггод̇и д̇ад̣̇ахзва ааг̇анд̇ум̣ , со ааваасо убосат̇ам̣ агад̇ваа на г̇анд̇аб̣б̣о. ан̃н̃ад̇ра сан̇гхзнаад̇и сан̇гхаббахонагзхи бхигкуухи винаа. ан̃н̃ад̇ра анд̇арааяаад̇и буб̣б̣з вуд̇д̇ам̣ д̣̇асавид̇хам̣ анд̇арааяам̣ винаа. саб̣б̣анд̇имзна бана барижчзд̣̇зна ад̇д̇ажад̇уд̇т̇зна анд̇арааяз ваа сад̇и г̇анд̇ум̣ ваддад̇и. анааваасод̇и навагаммасаалаад̣̇иго яо гожи бад̣̇зсо. яат̇аа жа ааваасаад̣̇аяо на г̇анд̇аб̣б̣аа; звам̣ сажз вихаарз убосат̇ам̣ гаронд̇и, убосат̇аад̇хидтаанад̇т̇ам̣ сиймааби над̣̇ийби на г̇анд̇аб̣б̣аа. сажз банзд̇т̇а гожи бхигку ход̇и, д̇асса санд̇игам̣ г̇анд̇ум̣ ваддад̇и. виссадтаубосат̇ааби ааваасаа г̇анд̇ум̣ ваддад̇и; звам̣ г̇ад̇о ад̇хидтаад̇умби лабхад̇и. ааран̃н̃агзнааби бхигкунаа убосат̇ад̣̇ивасз г̇аамз бин̣д̣ааяа жарид̇ваа ад̇д̇ано вихаарамзва ааг̇анд̇аб̣б̣ам̣. сажз ан̃н̃ам̣ вихаарам̣ оггамад̇и, д̇ад̇т̇а убосат̇ам̣ гад̇ваава ааг̇анд̇аб̣б̣ам̣, агад̇ваа на ваддад̇и.
181.Sabhikkhukā āvāsāti yasmiṃ āvāse uposathakārakā bhikkhū atthi, tamhā āvāsā yaṃ na sakkoti tadaheva āgantuṃ , so āvāso uposathaṃ akatvā na gantabbo. Aññatra saṅghenāti saṅghappahonakehi bhikkhūhi vinā. Aññatra antarāyāti pubbe vuttaṃ dasavidhaṃ antarāyaṃ vinā. Sabbantimena pana paricchedena attacatutthena antarāye vā sati gantuṃ vaṭṭati. Anāvāsoti navakammasālādiko yo koci padeso. Yathā ca āvāsādayo na gantabbā; evaṃ sace vihāre uposathaṃ karonti, uposathādhiṭṭhānatthaṃ sīmāpi nadīpi na gantabbā. Sace panettha koci bhikkhu hoti, tassa santikaṃ gantuṃ vaṭṭati. Vissaṭṭhauposathāpi āvāsā gantuṃ vaṭṭati; evaṃ gato adhiṭṭhātumpi labhati. Āraññakenāpi bhikkhunā uposathadivase gāme piṇḍāya caritvā attano vihārameva āgantabbaṃ. Sace aññaṃ vihāraṃ okkamati, tattha uposathaṃ katvāva āgantabbaṃ, akatvā na vaṭṭati.
182. яам̣ ж̇ан̃н̃аа саггоми аж̇ж̇зва г̇анд̇унд̇и яам̣ ж̇аанзяяа аж̇ж̇зва д̇ад̇т̇а г̇анд̇ум̣ саггомийд̇и; зваруубо ааваасо г̇анд̇аб̣б̣о. д̇ад̇т̇а бхигкуухи сад̣̇д̇хим̣ убосат̇ам̣ гаронд̇знааби хи иминаа нзва убосат̇анд̇арааяо гад̇о бхависсад̇ийд̇и.
182.Yaṃ jaññā sakkomi ajjeva gantunti yaṃ jāneyya ajjeva tattha gantuṃ sakkomīti; evarūpo āvāso gantabbo. Tattha bhikkhūhi saddhiṃ uposathaṃ karontenāpi hi iminā neva uposathantarāyo kato bhavissatīti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
103. наг̇анд̇аб̣б̣авааро • 103. Nagantabbavāro
104. г̇анд̇аб̣б̣авааро • 104. Gantabbavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / наг̇анд̇аб̣б̣аг̇анд̇аб̣б̣аваарагат̇ааван̣н̣анаа • Nagantabbagantabbavārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / наг̇анд̇аб̣б̣аг̇анд̇аб̣б̣аваарагат̇ааван̣н̣анаа • Nagantabbagantabbavārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / лин̇г̇аад̣̇ид̣̇ассанагат̇аад̣̇иван̣н̣анаа • Liṅgādidassanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 103. наг̇анд̇аб̣б̣аг̇анд̇аб̣б̣аваарагат̇аа • 103. Nagantabbagantabbavārakathā
