| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೧೦೩. ನಗನ್ತಬ್ಬಗನ್ತಬ್ಬವಾರಕಥಾ
103. Nagantabbagantabbavārakathā
೧೮೧. ಸಭಿಕ್ಖುಕಾತಿ ಪದಸ್ಸ ಸಂವಿಜ್ಜನ್ತಿ ಭಿಕ್ಖೂ ಏತಸ್ಮಿಮಾವಾಸೇತಿ ಸಭಿಕ್ಖುಕೋತಿ ವಚನತ್ಥಂ ದಸ್ಸೇನ್ತೋ ಆಹ ‘‘ಯಸ್ಮಿಂ ಆವಾಸೇ’’ತಿಆದಿ। ಯನ್ತಿ ಆವಾಸಂ। ತದಹೇವಾತಿ ತದಹುಪೋಸಥೇ ಏವ। ಇಮಿನಾ ಸಚೇ ಸಕ್ಕೋತಿ, ತದಹೇವ ಗನ್ತುಂ, ಸೋ ಗನ್ತಬ್ಬೋತಿ ದಸ್ಸೇತಿ। ‘‘ಅಕತ್ವಾ’’ತಿ ಇಮಿನಾ ಕತ್ವಾ ಪನ ಗನ್ತಬ್ಬೋತಿ ದಸ್ಸೇತಿ। ‘‘ಅಞ್ಞತ್ರಾ’’ತಿ ನಿಪಾತೋ ‘‘ವಿನಾ’’ತಿ ನಿಪಾತಸ್ಸ ಪರಿಯಾಯೋತಿ ಆಹ ‘‘ವಿನಾ’’ತಿ। ಅತ್ತಚತುತ್ಥೇನ ವಾ ಅತ್ತಪಞ್ಚಮೇನ ವಾ ಸಙ್ಘೇನ ಗನ್ತುಂ ವಟ್ಟತೀತಿ ಯೋಜನಾ। ಏತ್ಥ ಚ ‘‘ಅತ್ತಚತುತ್ಥೇನ ವಾ’’ತಿ ಇದಂ ಉಪೋಸಥಕಮ್ಮಂ ಸನ್ಧಾಯ ವುತ್ತಂ। ‘‘ಅತ್ತಪಞ್ಚಮೇನ ವಾ’’ತಿ ಇದಂ ಪವಾರಣಾಕಮ್ಮಂ ಸನ್ಧಾಯ ವುತ್ತನ್ತಿ ದಟ್ಠಬ್ಬಂ। ವಿಹಾರೇತಿ ವಿಹಾರಸೀಮಾಯ ಮಹಾಸೀಮಾಯನ್ತಿ ಅತ್ಥೋ। ಇದಞ್ಹಿ ವಿಹಾರಸೀಮಾನಂ ಅಭೇದೇನ ವುತ್ತಂ। ಸೀಮಾಪೀತಿ ಖಣ್ಡಸೀಮಾಪಿ। ನ ಗನ್ತಬ್ಬಾತಿ ಸಙ್ಘಸ್ಸ ಗರುಕತ್ತಾ ನ ಗನ್ತಬ್ಬಾ। ಏತ್ಥಾತಿ ಖಣ್ಡಸೀಮಾದೀಸು। ತಸ್ಸಾತಿ ಭಿಕ್ಖುಸ್ಸ। ಗನ್ತುಂ ವಟ್ಟತೀತಿ ಗಣುಪೋಸಥಟ್ಠಾನತೋ ಗನ್ತುಂ ವಟ್ಟತಿ, ಸಙ್ಘುಪೋಸಥಟ್ಠಾನತೋ ಪನ ನ ವಟ್ಟತಿಯೇವಾತಿ ದಟ್ಠಬ್ಬಂ। ವಿಸ್ಸಟ್ಠಉಪೋಸಥಾ ಆವಾಸಾಪಿ ಅಞ್ಞಂ ಗನ್ತುಂ ವಟ್ಟತೀತಿ ಯೋಜನಾ। ಆರಞ್ಞಕೇನಾಪೀತಿ ಅರಞ್ಞೇ ಏಕಕೇನ ನಿವಾಸೇನಪಿ। ತತ್ಥಾತಿ ಅಞ್ಞವಿಹಾರೇ। ಉಪೋಸಥನ್ತಿ ಸಙ್ಘುಪೋಸಥಞ್ಚ ಗಣುಪೋಸಥಞ್ಚ।
181.Sabhikkhukāti padassa saṃvijjanti bhikkhū etasmimāvāseti sabhikkhukoti vacanatthaṃ dassento āha ‘‘yasmiṃ āvāse’’tiādi. Yanti āvāsaṃ. Tadahevāti tadahuposathe eva. Iminā sace sakkoti, tadaheva gantuṃ, so gantabboti dasseti. ‘‘Akatvā’’ti iminā katvā pana gantabboti dasseti. ‘‘Aññatrā’’ti nipāto ‘‘vinā’’ti nipātassa pariyāyoti āha ‘‘vinā’’ti. Attacatutthena vā attapañcamena vā saṅghena gantuṃ vaṭṭatīti yojanā. Ettha ca ‘‘attacatutthena vā’’ti idaṃ uposathakammaṃ sandhāya vuttaṃ. ‘‘Attapañcamena vā’’ti idaṃ pavāraṇākammaṃ sandhāya vuttanti daṭṭhabbaṃ. Vihāreti vihārasīmāya mahāsīmāyanti attho. Idañhi vihārasīmānaṃ abhedena vuttaṃ. Sīmāpīti khaṇḍasīmāpi. Na gantabbāti saṅghassa garukattā na gantabbā. Etthāti khaṇḍasīmādīsu. Tassāti bhikkhussa. Gantuṃ vaṭṭatīti gaṇuposathaṭṭhānato gantuṃ vaṭṭati, saṅghuposathaṭṭhānato pana na vaṭṭatiyevāti daṭṭhabbaṃ. Vissaṭṭhauposathā āvāsāpi aññaṃ gantuṃ vaṭṭatīti yojanā. Āraññakenāpīti araññe ekakena nivāsenapi. Tatthāti aññavihāre. Uposathanti saṅghuposathañca gaṇuposathañca.
೧೮೨. ಯನ್ತಿ ಆವಾಸಂ। ತತ್ಥಾತಿ ತಂ ಆವಾಸಂ। ಗನ್ತುಂ ಸಕ್ಕೋಮಿ ಇತಿ ಜಾನೇಯ್ಯಾತಿ ಯೋಜನಾ। ತತ್ಥಾತಿ ತಸ್ಮಿಂ ಆವಾಸೇ। ಇಮಿನಾ ನೇವ ಕತೋತಿ ಸಮ್ಬನ್ಧೋ। ನೇವ ಕತೋ ಭವಿಸ್ಸತಿ ಇತಿ ಜಾನೇಯ್ಯಾತಿ ಯೋಜನಾ।
182.Yanti āvāsaṃ. Tatthāti taṃ āvāsaṃ. Gantuṃ sakkomi iti jāneyyāti yojanā. Tatthāti tasmiṃ āvāse. Iminā neva katoti sambandho. Neva kato bhavissati iti jāneyyāti yojanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೧೦೩. ನಗನ್ತಬ್ಬವಾರೋ • 103. Nagantabbavāro
೧೦೪. ಗನ್ತಬ್ಬವಾರೋ • 104. Gantabbavāro
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ನಗನ್ತಬ್ಬಗನ್ತಬ್ಬವಾರಕಥಾ • Nagantabbagantabbavārakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ನಗನ್ತಬ್ಬಗನ್ತಬ್ಬವಾರಕಥಾವಣ್ಣನಾ • Nagantabbagantabbavārakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ನಗನ್ತಬ್ಬಗನ್ತಬ್ಬವಾರಕಥಾವಣ್ಣನಾ • Nagantabbagantabbavārakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಲಿಙ್ಗಾದಿದಸ್ಸನಕಥಾದಿವಣ್ಣನಾ • Liṅgādidassanakathādivaṇṇanā
