| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
103. නගන්‌තබ්‌බගන්‌තබ්‌බවාරකථා
103. Nagantabbagantabbavārakathā
181. සභික්‌ඛුකාති පදස්‌ස සංවිජ්‌ජන්‌ති භික්‌ඛූ එතස්‌මිමාවාසෙති සභික්‌ඛුකොති වචනත්‌ථං දස්‌සෙන්‌තො ආහ ‘‘යස්‌මිං ආවාසෙ’’තිආදි. යන්‌ති ආවාසං. තදහෙවාති තදහුපොසථෙ එව. ඉමිනා සචෙ සක්‌කොති, තදහෙව ගන්‌තුං, සො ගන්‌තබ්‌බොති දස්‌සෙති. ‘‘අකත්‌වා’’ති ඉමිනා කත්‌වා පන ගන්‌තබ්‌බොති දස්‌සෙති. ‘‘අඤ්‌ඤත්‍රා’’ති නිපාතො ‘‘විනා’’ති නිපාතස්‌ස පරියායොති ආහ ‘‘විනා’’ති. අත්‌තචතුත්‌ථෙන වා අත්‌තපඤ්‌චමෙන වා සඞ්‌ඝෙන ගන්‌තුං වට්‌ටතීති යොජනා. එත්‌ථ ච ‘‘අත්‌තචතුත්‌ථෙන වා’’ති ඉදං උපොසථකම්‌මං සන්‌ධාය වුත්‌තං. ‘‘අත්‌තපඤ්‌චමෙන වා’’ති ඉදං පවාරණාකම්‌මං සන්‌ධාය වුත්‌තන්‌ති දට්‌ඨබ්‌බං. විහාරෙති විහාරසීමාය මහාසීමායන්‌ති අත්‌ථො. ඉදඤ්‌හි විහාරසීමානං අභෙදෙන වුත්‌තං. සීමාපීති ඛණ්‌ඩසීමාපි. න ගන්‌තබ්‌බාති සඞ්‌ඝස්‌ස ගරුකත්‌තා න ගන්‌තබ්‌බා. එත්‌ථාති ඛණ්‌ඩසීමාදීසු. තස්‌සාති භික්‌ඛුස්‌ස. ගන්‌තුං වට්‌ටතීති ගණුපොසථට්‌ඨානතො ගන්‌තුං වට්‌ටති, සඞ්‌ඝුපොසථට්‌ඨානතො පන න වට්‌ටතියෙවාති දට්‌ඨබ්‌බං. විස්‌සට්‌ඨඋපොසථා ආවාසාපි අඤ්‌ඤං ගන්‌තුං වට්‌ටතීති යොජනා. ආරඤ්‌ඤකෙනාපීති අරඤ්‌ඤෙ එකකෙන නිවාසෙනපි. තත්‌ථාති අඤ්‌ඤවිහාරෙ. උපොසථන්‌ති සඞ්‌ඝුපොසථඤ්‌ච ගණුපොසථඤ්‌ච.
181.Sabhikkhukāti padassa saṃvijjanti bhikkhū etasmimāvāseti sabhikkhukoti vacanatthaṃ dassento āha ‘‘yasmiṃ āvāse’’tiādi. Yanti āvāsaṃ. Tadahevāti tadahuposathe eva. Iminā sace sakkoti, tadaheva gantuṃ, so gantabboti dasseti. ‘‘Akatvā’’ti iminā katvā pana gantabboti dasseti. ‘‘Aññatrā’’ti nipāto ‘‘vinā’’ti nipātassa pariyāyoti āha ‘‘vinā’’ti. Attacatutthena vā attapañcamena vā saṅghena gantuṃ vaṭṭatīti yojanā. Ettha ca ‘‘attacatutthena vā’’ti idaṃ uposathakammaṃ sandhāya vuttaṃ. ‘‘Attapañcamena vā’’ti idaṃ pavāraṇākammaṃ sandhāya vuttanti daṭṭhabbaṃ. Vihāreti vihārasīmāya mahāsīmāyanti attho. Idañhi vihārasīmānaṃ abhedena vuttaṃ. Sīmāpīti khaṇḍasīmāpi. Na gantabbāti saṅghassa garukattā na gantabbā. Etthāti khaṇḍasīmādīsu. Tassāti bhikkhussa. Gantuṃ vaṭṭatīti gaṇuposathaṭṭhānato gantuṃ vaṭṭati, saṅghuposathaṭṭhānato pana na vaṭṭatiyevāti daṭṭhabbaṃ. Vissaṭṭhauposathā āvāsāpi aññaṃ gantuṃ vaṭṭatīti yojanā. Āraññakenāpīti araññe ekakena nivāsenapi. Tatthāti aññavihāre. Uposathanti saṅghuposathañca gaṇuposathañca.
182. යන්‌ති ආවාසං. තත්‌ථාති තං ආවාසං. ගන්‌තුං සක්‌කොමි ඉති ජානෙය්‍යාති යොජනා. තත්‌ථාති තස්‌මිං ආවාසෙ. ඉමිනා නෙව කතොති සම්‌බන්‌ධො. නෙව කතො භවිස්‌සති ඉති ජානෙය්‍යාති යොජනා.
182.Yanti āvāsaṃ. Tatthāti taṃ āvāsaṃ. Gantuṃ sakkomi iti jāneyyāti yojanā. Tatthāti tasmiṃ āvāse. Iminā neva katoti sambandho. Neva kato bhavissati iti jāneyyāti yojanā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
103. නගන්‌තබ්‌බවාරො • 103. Nagantabbavāro
104. ගන්‌තබ්‌බවාරො • 104. Gantabbavāro
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / නගන්‌තබ්‌බගන්‌තබ්‌බවාරකථා • Nagantabbagantabbavārakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / නගන්‌තබ්‌බගන්‌තබ්‌බවාරකථාවණ්‌ණනා • Nagantabbagantabbavārakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / නගන්‌තබ්‌බගන්‌තබ්‌බවාරකථාවණ්‌ණනා • Nagantabbagantabbavārakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / ලිඞ්‌ගාදිදස්‌සනකථාදිවණ්‌ණනා • Liṅgādidassanakathādivaṇṇanā
