| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
நக³ந்தப்³ப³க³ந்தப்³ப³வாரகதா²வண்ணனா
Nagantabbagantabbavārakathāvaṇṇanā
181. ந க³ந்தப்³போ³தி கிங் ஸந்தா⁴ய? ‘‘அஞ்ஞத்ர ஸங்கே⁴னா’’தி வசனதோ யஸ்மிங் விஹாரே ஸதங் பி⁴க்கூ² விஹரந்தி, தே ஸப்³பே³ கேனசிதே³வ கரணீயேன த³ஸ த³ஸ ஹுத்வா விஸுங் விஸுங் நானாஉத³குக்கே²பஸீமாதீ³ஸு ட²த்வா உபோஸத²ங் காதுங் லப⁴ந்தி. நவகம்மஸாலாதி³கா நானாஸீமாகோடி உபோஸதா²தி⁴ட்டா²னத்த²ங் ஸீமாபி நதீ³பி ந க³ந்தப்³பா³. க³ருகங் பாதிமொக்கு²த்³தே³ஸங் விஸ்ஸஜ்ஜித்வா லஹுகஸ்ஸ அகத்தப்³ப³த்தா ‘‘அஞ்ஞத்ர ஸங்கே⁴னா’’தி வசனங் ஸாதே⁴தி. தத்த² ‘‘யஸ்மிங் ஆவாஸே உபோஸத²காரகா …பே॰… அகத்வா ந க³ந்தப்³போ³’’தி வசனதோ விஸ்ஸட்ட²உபோஸதா²பி ஆவாஸா க³ந்துங் வட்டதீதி ஸித்³த⁴ங். ‘‘ததோ பாரிஸுத்³தி⁴உபோஸத²கரணத்த²ங் விஸ்ஸட்ட²உபோஸதா² க³ந்துங் வட்டதி, க²ண்ட³ஸீமங் வா பவிஸிதுந்தி அபரே வத³ந்தீ’’தி வுத்தங். இமினா நேவ உபோஸத²ந்தராயோதி ‘‘அத்தனோ உபோஸத²ந்தராயோ’’தி லிகி²தங்.
181.Na gantabboti kiṃ sandhāya? ‘‘Aññatra saṅghenā’’ti vacanato yasmiṃ vihāre sataṃ bhikkhū viharanti, te sabbe kenacideva karaṇīyena dasa dasa hutvā visuṃ visuṃ nānāudakukkhepasīmādīsu ṭhatvā uposathaṃ kātuṃ labhanti. Navakammasālādikā nānāsīmākoṭi uposathādhiṭṭhānatthaṃ sīmāpi nadīpi na gantabbā. Garukaṃ pātimokkhuddesaṃ vissajjitvā lahukassa akattabbattā ‘‘aññatra saṅghenā’’ti vacanaṃ sādheti. Tattha ‘‘yasmiṃ āvāse uposathakārakā …pe… akatvā na gantabbo’’ti vacanato vissaṭṭhauposathāpi āvāsā gantuṃ vaṭṭatīti siddhaṃ. ‘‘Tato pārisuddhiuposathakaraṇatthaṃ vissaṭṭhauposathā gantuṃ vaṭṭati, khaṇḍasīmaṃ vā pavisitunti apare vadantī’’ti vuttaṃ. Iminā neva uposathantarāyoti ‘‘attano uposathantarāyo’’ti likhitaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 103. நக³ந்தப்³ப³வாரோ • 103. Nagantabbavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / நக³ந்தப்³ப³க³ந்தப்³ப³வாரகதா² • Nagantabbagantabbavārakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நக³ந்தப்³ப³க³ந்தப்³ப³வாரகதா²வண்ணனா • Nagantabbagantabbavārakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / லிங்கா³தி³த³ஸ்ஸனகதா²தி³வண்ணனா • Liṅgādidassanakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 103. நக³ந்தப்³ப³க³ந்தப்³ப³வாரகதா² • 103. Nagantabbagantabbavārakathā
