| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
наг̇анд̇аб̣б̣аг̇анд̇аб̣б̣аваарагат̇ааван̣н̣анаа
Nagantabbagantabbavārakathāvaṇṇanā
181. на г̇анд̇аб̣б̣од̇и гим̣ санд̇хааяа? ‘‘ан̃н̃ад̇ра сан̇гхзнаа’’д̇и важанад̇о яасмим̣ вихаарз сад̇ам̣ бхигкуу вихаранд̇и, д̇з саб̣б̣з гзнажид̣̇зва гаран̣ийязна д̣̇аса д̣̇аса худ̇ваа висум̣ висум̣ наанаауд̣̇агугкзбасиймаад̣̇ийсу тад̇ваа убосат̇ам̣ гаад̇ум̣ лабханд̇и. навагаммасаалаад̣̇игаа наанаасиймаагоди убосат̇аад̇хидтаанад̇т̇ам̣ сиймааби над̣̇ийби на г̇анд̇аб̣б̣аа. г̇аругам̣ баад̇имогкуд̣̇д̣̇зсам̣ виссаж̇ж̇ид̇ваа лахугасса агад̇д̇аб̣б̣ад̇д̇аа ‘‘ан̃н̃ад̇ра сан̇гхзнаа’’д̇и важанам̣ саад̇хзд̇и. д̇ад̇т̇а ‘‘яасмим̣ ааваасз убосат̇агаарагаа …бз… агад̇ваа на г̇анд̇аб̣б̣о’’д̇и важанад̇о виссадтаубосат̇ааби ааваасаа г̇анд̇ум̣ ваддад̇ийд̇и сид̣̇д̇хам̣. ‘‘д̇ад̇о баарисуд̣̇д̇хиубосат̇агаран̣ад̇т̇ам̣ виссадтаубосат̇аа г̇анд̇ум̣ ваддад̇и, кан̣д̣асиймам̣ ваа бависид̇унд̇и абарз вад̣̇анд̇ий’’д̇и вуд̇д̇ам̣. иминаа нзва убосат̇анд̇арааяод̇и ‘‘ад̇д̇ано убосат̇анд̇арааяо’’д̇и ликид̇ам̣.
181.Na gantabboti kiṃ sandhāya? ‘‘Aññatra saṅghenā’’ti vacanato yasmiṃ vihāre sataṃ bhikkhū viharanti, te sabbe kenacideva karaṇīyena dasa dasa hutvā visuṃ visuṃ nānāudakukkhepasīmādīsu ṭhatvā uposathaṃ kātuṃ labhanti. Navakammasālādikā nānāsīmākoṭi uposathādhiṭṭhānatthaṃ sīmāpi nadīpi na gantabbā. Garukaṃ pātimokkhuddesaṃ vissajjitvā lahukassa akattabbattā ‘‘aññatra saṅghenā’’ti vacanaṃ sādheti. Tattha ‘‘yasmiṃ āvāse uposathakārakā …pe… akatvā na gantabbo’’ti vacanato vissaṭṭhauposathāpi āvāsā gantuṃ vaṭṭatīti siddhaṃ. ‘‘Tato pārisuddhiuposathakaraṇatthaṃ vissaṭṭhauposathā gantuṃ vaṭṭati, khaṇḍasīmaṃ vā pavisitunti apare vadantī’’ti vuttaṃ. Iminā neva uposathantarāyoti ‘‘attano uposathantarāyo’’ti likhitaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 103. наг̇анд̇аб̣б̣авааро • 103. Nagantabbavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / наг̇анд̇аб̣б̣аг̇анд̇аб̣б̣аваарагат̇аа • Nagantabbagantabbavārakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / наг̇анд̇аб̣б̣аг̇анд̇аб̣б̣аваарагат̇ааван̣н̣анаа • Nagantabbagantabbavārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / лин̇г̇аад̣̇ид̣̇ассанагат̇аад̣̇иван̣н̣анаа • Liṅgādidassanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 103. наг̇анд̇аб̣б̣аг̇анд̇аб̣б̣аваарагат̇аа • 103. Nagantabbagantabbavārakathā
