| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
นคนฺตพฺพคนฺตพฺพวารกถาวณฺณนา
Nagantabbagantabbavārakathāvaṇṇanā
๑๘๑. น คนฺตโพฺพติ กิํ สนฺธาย? ‘‘อญฺญตฺร สเงฺฆนา’’ติ วจนโต ยสฺมิํ วิหาเร สตํ ภิกฺขู วิหรนฺติ, เต สเพฺพ เกนจิเทว กรณีเยน ทส ทส หุตฺวา วิสุํ วิสุํ นานาอุทกุเกฺขปสีมาทีสุ ฐตฺวา อุโปสถํ กาตุํ ลภนฺติฯ นวกมฺมสาลาทิกา นานาสีมาโกฎิ อุโปสถาธิฎฺฐานตฺถํ สีมาปิ นทีปิ น คนฺตพฺพาฯ ครุกํ ปาติโมกฺขุเทฺทสํ วิสฺสชฺชิตฺวา ลหุกสฺส อกตฺตพฺพตฺตา ‘‘อญฺญตฺร สเงฺฆนา’’ติ วจนํ สาเธติฯ ตตฺถ ‘‘ยสฺมิํ อาวาเส อุโปสถการกา …เป.… อกตฺวา น คนฺตโพฺพ’’ติ วจนโต วิสฺสฎฺฐอุโปสถาปิ อาวาสา คนฺตุํ วฎฺฎตีติ สิทฺธํฯ ‘‘ตโต ปาริสุทฺธิอุโปสถกรณตฺถํ วิสฺสฎฺฐอุโปสถา คนฺตุํ วฎฺฎติ, ขณฺฑสีมํ วา ปวิสิตุนฺติ อปเร วทนฺตี’’ติ วุตฺตํฯ อิมินา เนว อุโปสถนฺตราโยติ ‘‘อตฺตโน อุโปสถนฺตราโย’’ติ ลิขิตํฯ
181.Na gantabboti kiṃ sandhāya? ‘‘Aññatra saṅghenā’’ti vacanato yasmiṃ vihāre sataṃ bhikkhū viharanti, te sabbe kenacideva karaṇīyena dasa dasa hutvā visuṃ visuṃ nānāudakukkhepasīmādīsu ṭhatvā uposathaṃ kātuṃ labhanti. Navakammasālādikā nānāsīmākoṭi uposathādhiṭṭhānatthaṃ sīmāpi nadīpi na gantabbā. Garukaṃ pātimokkhuddesaṃ vissajjitvā lahukassa akattabbattā ‘‘aññatra saṅghenā’’ti vacanaṃ sādheti. Tattha ‘‘yasmiṃ āvāse uposathakārakā …pe… akatvā na gantabbo’’ti vacanato vissaṭṭhauposathāpi āvāsā gantuṃ vaṭṭatīti siddhaṃ. ‘‘Tato pārisuddhiuposathakaraṇatthaṃ vissaṭṭhauposathā gantuṃ vaṭṭati, khaṇḍasīmaṃ vā pavisitunti apare vadantī’’ti vuttaṃ. Iminā neva uposathantarāyoti ‘‘attano uposathantarāyo’’ti likhitaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๐๓. นคนฺตพฺพวาโร • 103. Nagantabbavāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / นคนฺตพฺพคนฺตพฺพวารกถา • Nagantabbagantabbavārakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / นคนฺตพฺพคนฺตพฺพวารกถาวณฺณนา • Nagantabbagantabbavārakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ลิงฺคาทิทสฺสนกถาทิวณฺณนา • Liṅgādidassanakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๐๓. นคนฺตพฺพคนฺตพฺพวารกถา • 103. Nagantabbagantabbavārakathā
