| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
11. нааг̇абзд̇авад̇т̇у
11. Nāgapetavatthu
73.
73.
‘‘бурад̇ова 1 сзд̇зна балзд̇и хад̇т̇инаа, маж̇жхз бана ассад̇арийрат̇зна;
‘‘Puratova 2 setena paleti hatthinā, majjhe pana assatarīrathena;
бажчаа жа ган̃н̃аа сивигааяа нийяад̇и, обхаасаяанд̇ий д̣̇аса саб̣б̣ад̇о 3 д̣̇исаа.
Pacchā ca kaññā sivikāya nīyati, obhāsayantī dasa sabbato 4 disā.
74.
74.
‘‘д̇умхз бана муг̇г̇арахад̇т̇абаан̣ино, руд̣̇ам̣мукаа чиннабабхиннаг̇ад̇д̇аа;
‘‘Tumhe pana muggarahatthapāṇino, rudaṃmukhā chinnapabhinnagattā;
мануссабхууд̇аа гимагад̇т̇а баабам̣, язнан̃н̃аман̃н̃асса биваат̇а лохид̇а’’нд̇и.
Manussabhūtā kimakattha pāpaṃ, yenaññamaññassa pivātha lohita’’nti.
75.
75.
‘‘бурад̇ова яо г̇ажчад̇и гун̃ж̇арзна, сзд̇зна нааг̇зна жад̇уггамзна;
‘‘Puratova yo gacchati kuñjarena, setena nāgena catukkamena;
амхаага буд̇д̇о аху ж̇здтаго со 5, д̣̇аанаани д̣̇ад̇ваана сукий бамод̣̇ад̇и.
Amhāka putto ahu jeṭṭhako so 6, dānāni datvāna sukhī pamodati.
76.
76.
‘‘яо со маж̇жхз ассад̇арийрат̇зна, жад̇уб̣бхи яуд̇д̇зна суваг̇г̇ид̇зна;
‘‘Yo so majjhe assatarīrathena, catubbhi yuttena suvaggitena;
амхаага буд̇д̇о аху маж̇жхимо со, амажчарий д̣̇аанавад̇ий вирожад̇и.
Amhāka putto ahu majjhimo so, amaccharī dānavatī virocati.
77.
77.
‘‘яаа саа жа бажчаа сивигааяа нийяад̇и, наарий сабан̃н̃аа миг̇аманд̣̇аложанаа;
‘‘Yā sā ca pacchā sivikāya nīyati, nārī sapaññā migamandalocanā;
амхаага д̇хийд̇аа аху саа ганидтигаа, бхааг̇ад̣дхабхааг̇зна сукий бамод̣̇ад̇и.
Amhāka dhītā ahu sā kaniṭṭhikā, bhāgaḍḍhabhāgena sukhī pamodati.
78.
78.
‘‘зд̇з жа д̣̇аанаани ад̣̇ам̣су буб̣б̣з, басаннажид̇д̇аа саман̣аб̣раахман̣аанам̣;
‘‘Ete ca dānāni adaṃsu pubbe, pasannacittā samaṇabrāhmaṇānaṃ;
маяам̣ бана мажчарино ахумха, барибхаасагаа саман̣аб̣раахман̣аанам̣;
Mayaṃ pana maccharino ahumha, paribhāsakā samaṇabrāhmaṇānaṃ;
зд̇з жа д̣̇ад̇ваа барижаараяанд̇и, маяан̃жа суссаама нал̣ова чинно’’д̇и 7.
Ete ca datvā paricārayanti, mayañca sussāma naḷova chinno’’ti 8.
79.
79.
‘‘гим̣ д̇умхаагам̣ бхож̇анам̣ гим̣ саяаанам̣, гат̇ан̃жа яаабзт̇а субаабад̇хаммино;
‘‘Kiṃ tumhākaṃ bhojanaṃ kiṃ sayānaṃ, kathañca yāpetha supāpadhammino;
бахууд̇абхог̇зсу анаббагзсу, сукам̣ вираад̇хааяа 9 д̣̇угкаж̇ж̇а бад̇д̇аа’’д̇и.
Pahūtabhogesu anappakesu, sukhaṃ virādhāya 10 dukkhajja pattā’’ti.
80.
80.
‘‘ан̃н̃аман̃н̃ам̣ вад̇хид̇ваана, биваама буб̣б̣алохид̇ам̣;
‘‘Aññamaññaṃ vadhitvāna, pivāma pubbalohitaṃ;
б̣ахум̣ бид̇ваа на д̇хаад̇аа хома, нажчаад̣̇имхасз 11 маяам̣.
Bahuṃ pitvā na dhātā homa, nacchādimhase 12 mayaṃ.
81.
81.
‘‘ижжзва мажжаа барид̣̇зваяанд̇и, ад̣̇ааяагаа бзжжа 13 яамасса тааяино;
‘‘Icceva maccā paridevayanti, adāyakā pecca 14 yamassa ṭhāyino;
яз д̇з вид̣̇ижжа 15 ад̇хиг̇амма бхог̇з, на бхун̃ж̇арз нааби гаронд̇и бун̃н̃ам̣.
Ye te vidicca 16 adhigamma bhoge, na bhuñjare nāpi karonti puññaṃ.
82.
82.
‘‘д̇з куббибаасуубаг̇ад̇аа барад̇т̇а, бажчаа 17 жирам̣ жхааяарз д̣аяхамаанаа;
‘‘Te khuppipāsūpagatā parattha, pacchā 18 ciraṃ jhāyare ḍayhamānā;
гаммаани гад̇ваана д̣̇укуд̣̇раани, анубхонд̇и д̣̇угкам̣ гадугабпалаани.
Kammāni katvāna dukhudrāni, anubhonti dukkhaṃ kaṭukapphalāni.
83.
83.
‘‘ид̇д̇арам̣ хи д̇ханам̣ д̇хан̃н̃ам̣, ид̇д̇арам̣ ид̇ха ж̇ийвид̇ам̣;
‘‘Ittaraṃ hi dhanaṃ dhaññaṃ, ittaraṃ idha jīvitaṃ;
ид̇д̇арам̣ ид̇д̇арад̇о н̃ад̇ваа, д̣̇ийбам̣ гаяираат̇а бан̣д̣ид̇о.
Ittaraṃ ittarato ñatvā, dīpaṃ kayirātha paṇḍito.
84.
84.
‘‘яз д̇з звам̣ баж̇аананд̇и, нараа д̇хаммасса говид̣̇аа;
‘‘Ye te evaṃ pajānanti, narā dhammassa kovidā;
д̇з д̣̇аанз наббамаж̇ж̇анд̇и, суд̇ваа арахад̇ам̣ важо’’д̇и.
Te dāne nappamajjanti, sutvā arahataṃ vaco’’ti.
нааг̇абзд̇авад̇т̇у згаад̣̇асамам̣.
Nāgapetavatthu ekādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 11. нааг̇абзд̇авад̇т̇уван̣н̣анаа • 11. Nāgapetavatthuvaṇṇanā
