| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
11. нааг̇абзд̇авад̇т̇уван̣н̣анаа
11. Nāgapetavatthuvaṇṇanā
бурад̇ова сзд̇зна балзд̇и хад̇т̇инаад̇и ид̣̇ам̣ сад̇т̇ари ж̇зд̇аванз вихаранд̇з д̣̇вз б̣раахман̣абзд̇з аарамбха вуд̇д̇ам̣. ааяасмаа гира сам̣гижжо сад̇д̇авассиго кураг̇г̇зязва арахад̇д̇ам̣ бад̇ваа сааман̣зрабхуумияам̣ тид̇о д̇им̣самад̇д̇зхи бхигкуухи сад̣̇д̇хим̣ аран̃н̃ааяад̇анз васанд̇о д̇зсам̣ бхигкуунам̣ бан̃жаннам̣ жорасад̇аанам̣ хад̇т̇ад̇о ааг̇ад̇ам̣ маран̣амби б̣аахид̇ваа д̇з жа жорз д̣̇амзд̇ваа баб̣б̣ааж̇зд̇ваа сад̇т̇у санд̇игам̣ аг̇амааси. сад̇т̇аа д̇зсам̣ бхигкуунам̣ д̇хаммам̣ д̣̇зсзси, д̣̇зсанаавасаанз д̇з бхигкуу арахад̇д̇ам̣ баабун̣им̣су. ат̇ааяасмаа сам̣гижжо барибун̣н̣авассо лад̣̇д̇хуубасамбад̣̇о д̇зхи бан̃жахи бхигкусад̇зхи сад̣̇д̇хим̣ б̣аараан̣асим̣ г̇анд̇ваа исибад̇анз вихааси. мануссаа т̇зрасса санд̇игам̣ г̇анд̇ваа д̇хаммам̣ суд̇ваа басаннамаанасаа вийт̇ибадибаадияаа ваг̇г̇аваг̇г̇аа худ̇ваа ааг̇анд̇угад̣̇аанам̣ ад̣̇ам̣су. д̇ад̇т̇а ан̃н̃ад̇аро убаасаго мануссз нижжабхад̇д̇з самаад̣̇абзси, д̇з яат̇ааб̣алам̣ нижжабхад̇д̇ам̣ бадтабзсум̣.
Puratovasetena paleti hatthināti idaṃ satthari jetavane viharante dve brāhmaṇapete ārambha vuttaṃ. Āyasmā kira saṃkicco sattavassiko khuraggeyeva arahattaṃ patvā sāmaṇerabhūmiyaṃ ṭhito tiṃsamattehi bhikkhūhi saddhiṃ araññāyatane vasanto tesaṃ bhikkhūnaṃ pañcannaṃ corasatānaṃ hatthato āgataṃ maraṇampi bāhitvā te ca core dametvā pabbājetvā satthu santikaṃ agamāsi. Satthā tesaṃ bhikkhūnaṃ dhammaṃ desesi, desanāvasāne te bhikkhū arahattaṃ pāpuṇiṃsu. Athāyasmā saṃkicco paripuṇṇavasso laddhūpasampado tehi pañcahi bhikkhusatehi saddhiṃ bārāṇasiṃ gantvā isipatane vihāsi. Manussā therassa santikaṃ gantvā dhammaṃ sutvā pasannamānasā vīthipaṭipāṭiyā vaggavaggā hutvā āgantukadānaṃ adaṃsu. Tattha aññataro upāsako manusse niccabhatte samādapesi, te yathābalaṃ niccabhattaṃ paṭṭhapesuṃ.
д̇зна жа самаязна б̣аараан̣асияам̣ ан̃н̃ад̇арасса мижчаад̣̇идтигасса б̣раахман̣асса д̣̇вз буд̇д̇аа згаа жа д̇хийд̇аа ахзсум̣. д̇зсу ж̇здтабуд̇д̇о д̇асса убаасагасса мид̇д̇о ахоси. со д̇ам̣ г̇ахзд̇ваа ааяасмад̇о сам̣гижжасса санд̇игам̣ аг̇амааси. ааяасмаа сам̣гижжо д̇асса д̇хаммам̣ д̣̇зсзси. со муд̣̇ужид̇д̇о ахоси. ат̇а нам̣ со убаасаго ааха – ‘‘д̇вам̣ згасса бхигкуно нижжабхад̇д̇ам̣ д̣̇зхий’’д̇и . ‘‘анаажин̣н̣ам̣ амхаагам̣ б̣раахман̣аанам̣ саман̣аанам̣ сагяабуд̇д̇ияаанам̣ нижжабхад̇д̇ад̣̇аанам̣, д̇асмаа наахам̣ д̣̇ассаамий’’д̇и. ‘‘гим̣ маяхамби бхад̇д̇ам̣ на д̣̇ассасий’’д̇и? ‘‘гат̇ам̣ на д̣̇ассаамий’’д̇и ааха. ‘‘яад̣̇и звам̣ яам̣ маяхам̣ д̣̇зси, д̇ам̣ згасса бхигкусса д̣̇зхий’’д̇и. со ‘‘саад̇хуу’’д̇и бадиссун̣ид̇ваа д̣̇уд̇ияад̣̇ивасз баад̇ова вихаарам̣ г̇анд̇ваа згам̣ бхигкум̣ аанзд̇ваа бхож̇зси.
Tena ca samayena bārāṇasiyaṃ aññatarassa micchādiṭṭhikassa brāhmaṇassa dve puttā ekā ca dhītā ahesuṃ. Tesu jeṭṭhaputto tassa upāsakassa mitto ahosi. So taṃ gahetvā āyasmato saṃkiccassa santikaṃ agamāsi. Āyasmā saṃkicco tassa dhammaṃ desesi. So muducitto ahosi. Atha naṃ so upāsako āha – ‘‘tvaṃ ekassa bhikkhuno niccabhattaṃ dehī’’ti . ‘‘Anāciṇṇaṃ amhākaṃ brāhmaṇānaṃ samaṇānaṃ sakyaputtiyānaṃ niccabhattadānaṃ, tasmā nāhaṃ dassāmī’’ti. ‘‘Kiṃ mayhampi bhattaṃ na dassasī’’ti? ‘‘Kathaṃ na dassāmī’’ti āha. ‘‘Yadi evaṃ yaṃ mayhaṃ desi, taṃ ekassa bhikkhussa dehī’’ti. So ‘‘sādhū’’ti paṭissuṇitvā dutiyadivase pātova vihāraṃ gantvā ekaṃ bhikkhuṃ ānetvā bhojesi.
звам̣ г̇ажчанд̇з гаалз бхигкуунам̣ бадибад̇д̇им̣ д̣̇исваа д̇хамман̃жа сун̣ид̇ваа д̇асса ганидтабхаад̇аа жа бхаг̇иний жа саасанз абхиббасаннаа бун̃н̃агаммарад̇аа жа ахзсум̣. звам̣ д̇з д̇аяо ж̇анаа яат̇аавибхавам̣ д̣̇аанаани д̣̇знд̇аа саман̣аб̣раахман̣з саггарим̣су г̇арум̣ гарим̣су маанзсум̣ бууж̇зсум̣. маад̇аабид̇аро бана нзсам̣ ассад̣̇д̇хаа аббасаннаа саман̣аб̣раахман̣зсу аг̇аараваа бун̃н̃агирияааяа анаад̣̇араа ажчанд̣̇игаа ахзсум̣. д̇зсам̣ д̇хийд̇арам̣ д̣̇ааригам̣ маад̇улабуд̇д̇ассад̇т̇ааяа н̃аад̇агаа ваарзсум̣. со жа ааяасмад̇о сам̣гижжасса санд̇игз д̇хаммам̣ суд̇ваа сам̣взг̇аж̇аад̇о баб̣б̣аж̇ид̇ваа нижжам̣ ад̇д̇ано маад̇у-г̇зхам̣ бхун̃ж̇ид̇ум̣ г̇ажчад̇и. д̇ам̣ маад̇аа ад̇д̇ано бхаад̇у-д̇хийд̇ааяа д̣̇ааригааяа балобхзд̇и. д̇зна со угган̣тид̇о худ̇ваа убаж̇жхааяам̣ убасан̇г̇амид̇ваа ааха – ‘‘уббаб̣б̣аж̇иссаамахам̣, бханд̇з, ануж̇аанаат̇а ма’’нд̇и. убаж̇жхааяо д̇асса убаниссаяасамбад̇д̇им̣ д̣̇исваа ааха – ‘‘сааман̣зра, маасамад̇д̇ам̣ ааг̇амзхий’’д̇и. со ‘‘саад̇хуу’’д̇и бадиссун̣ид̇ваа маасз ад̇игганд̇з д̇ат̇зва аарожзси. убаж̇жхааяо буна ‘‘ад̣дхамаасам̣ ааг̇амзхий’’д̇и ааха. ад̣дхамаасз ад̇игганд̇з д̇ат̇зва вуд̇д̇з буна ‘‘сад̇д̇аахам̣ ааг̇амзхий’’д̇и ааха. со ‘‘саад̇хуу’’д̇и бадиссун̣и. ат̇а д̇асмим̣ анд̇осад̇д̇аахз сааман̣зрасса маад̇улаанияаа г̇зхам̣ винадтажчад̣̇анам̣ ж̇ин̣н̣ам̣ д̣̇уб̣б̣алагуддам̣ ваад̇авассаабхихад̇ам̣ барибад̇и. д̇ад̇т̇а б̣раахман̣о б̣раахман̣ий д̣̇вз буд̇д̇аа гхийд̇аа жа г̇зхзна аж̇жход̇т̇адаа гааламагам̣су. д̇зсу б̣раахман̣о б̣раахман̣ий жа бзд̇аяонияам̣ ниб̣б̣ад̇д̇им̣су, д̣̇вз буд̇д̇аа д̇хийд̇аа жа бхуммад̣̇звзсу. д̇зсу ж̇здтабуд̇д̇асса хад̇т̇ияаанам̣ ниб̣б̣ад̇д̇и, ганидтасса ассад̇арийрат̇о, д̇хийд̇ааяа суван̣н̣асивигаа. б̣раахман̣о жа б̣раахман̣ий жа маханд̇з маханд̇з аяомуг̇г̇арз г̇ахзд̇ваа ан̃н̃аман̃н̃ам̣ аагодзнд̇и, абхихад̇адтаанзсу маханд̇аа маханд̇аа гхадаббамаан̣аа г̇ан̣д̣аа удтахид̇ваа мухуд̇д̇знзва бажид̇ваа барибхзд̣̇аббад̇д̇аа хонд̇и. д̇з ан̃н̃аман̃н̃асса г̇ан̣д̣з паалзд̇ваа год̇хаабхибхууд̇аа ниггарун̣аа парусаважанзхи д̇аж̇ж̇знд̇аа буб̣б̣алохид̇ам̣ биванд̇и, на жа д̇ид̇д̇им̣ бадилабханд̇и.
Evaṃ gacchante kāle bhikkhūnaṃ paṭipattiṃ disvā dhammañca suṇitvā tassa kaniṭṭhabhātā ca bhaginī ca sāsane abhippasannā puññakammaratā ca ahesuṃ. Evaṃ te tayo janā yathāvibhavaṃ dānāni dentā samaṇabrāhmaṇe sakkariṃsu garuṃ kariṃsu mānesuṃ pūjesuṃ. Mātāpitaro pana nesaṃ assaddhā appasannā samaṇabrāhmaṇesu agāravā puññakiriyāya anādarā acchandikā ahesuṃ. Tesaṃ dhītaraṃ dārikaṃ mātulaputtassatthāya ñātakā vāresuṃ. So ca āyasmato saṃkiccassa santike dhammaṃ sutvā saṃvegajāto pabbajitvā niccaṃ attano mātu-gehaṃ bhuñjituṃ gacchati. Taṃ mātā attano bhātu-dhītāya dārikāya palobheti. Tena so ukkaṇṭhito hutvā upajjhāyaṃ upasaṅgamitvā āha – ‘‘uppabbajissāmahaṃ, bhante, anujānātha ma’’nti. Upajjhāyo tassa upanissayasampattiṃ disvā āha – ‘‘sāmaṇera, māsamattaṃ āgamehī’’ti. So ‘‘sādhū’’ti paṭissuṇitvā māse atikkante tatheva ārocesi. Upajjhāyo puna ‘‘aḍḍhamāsaṃ āgamehī’’ti āha. Aḍḍhamāse atikkante tatheva vutte puna ‘‘sattāhaṃ āgamehī’’ti āha. So ‘‘sādhū’’ti paṭissuṇi. Atha tasmiṃ antosattāhe sāmaṇerassa mātulāniyā gehaṃ vinaṭṭhacchadanaṃ jiṇṇaṃ dubbalakuṭṭaṃ vātavassābhihataṃ paripati. Tattha brāhmaṇo brāhmaṇī dve puttā ghītā ca gehena ajjhotthaṭā kālamakaṃsu. Tesu brāhmaṇo brāhmaṇī ca petayoniyaṃ nibbattiṃsu, dve puttā dhītā ca bhummadevesu. Tesu jeṭṭhaputtassa hatthiyānaṃ nibbatti, kaniṭṭhassa assatarīratho, dhītāya suvaṇṇasivikā. Brāhmaṇo ca brāhmaṇī ca mahante mahante ayomuggare gahetvā aññamaññaṃ ākoṭenti, abhihataṭṭhānesu mahantā mahantā ghaṭappamāṇā gaṇḍā uṭṭhahitvā muhutteneva pacitvā paribhedappattā honti. Te aññamaññassa gaṇḍe phāletvā kodhābhibhūtā nikkaruṇā pharusavacanehi tajjentā pubbalohitaṃ pivanti, na ca tittiṃ paṭilabhanti.
ат̇а сааман̣зро угган̣таабхибхууд̇о убаж̇жхааяам̣ убасан̇гамид̇ваа ааха – ‘‘бханд̇з, маяаа бадин̃н̃аад̇ад̣̇ивасаа вийд̇ивад̇д̇аа, г̇зхам̣ г̇амиссаами, ануж̇аанаат̇а ма’’нд̇и. ат̇а нам̣ убаж̇жхааяо ‘‘ад̇т̇ан̇г̇ад̇з суурияз гаалабагкажаад̇уд̣̇д̣̇асияаа бавад̇д̇амаанааяа зхий’’д̇и вад̇ваа исибад̇анавихаарасса бидтибассзна т̇огам̣ г̇анд̇ваа адтааси. д̇зна жа самаязна д̇з д̣̇вз д̣̇звабуд̇д̇аа сад̣̇д̇хим̣ бхаг̇инияаа д̇знзва маг̇г̇зна яагкасамааг̇амам̣ самбхаавзд̇ум̣ г̇ажчанд̇и, д̇зсам̣ бана маад̇аабид̇аро муг̇г̇арахад̇т̇аа парусаваажаа гаал̣аруубаа аагулаагулалуукабад̇ид̇агзсабхаараа аг̇г̇ид̣̇ад̣дхад̇аалагканд̇хасад̣̇исаа виг̇алид̇абуб̣б̣алохид̇аа валид̇аг̇ад̇д̇аа ад̇ивияа ж̇зг̇ужчаб̣ийбхажчад̣̇ассанаа д̇з ануб̣анд̇ханд̇и.
Atha sāmaṇero ukkaṇṭhābhibhūto upajjhāyaṃ upasaṅkamitvā āha – ‘‘bhante, mayā paṭiññātadivasā vītivattā, gehaṃ gamissāmi, anujānātha ma’’nti. Atha naṃ upajjhāyo ‘‘atthaṅgate sūriye kālapakkhacātuddasiyā pavattamānāya ehī’’ti vatvā isipatanavihārassa piṭṭhipassena thokaṃ gantvā aṭṭhāsi. Tena ca samayena te dve devaputtā saddhiṃ bhaginiyā teneva maggena yakkhasamāgamaṃ sambhāvetuṃ gacchanti, tesaṃ pana mātāpitaro muggarahatthā pharusavācā kāḷarūpā ākulākulalūkhapatitakesabhārā aggidaḍḍhatālakkhandhasadisā vigalitapubbalohitā valitagattā ativiya jegucchabībhacchadassanā te anubandhanti.
ат̇ааяасмаа сам̣гижжо яат̇аа со сааман̣зро д̇з саб̣б̣з г̇ажчанд̇з бассад̇и, д̇ат̇ааруубам̣ ид̣̇д̇хаабхисан̇каарам̣ абхисан̇карид̇ваа сааман̣зрам̣ ааха – ‘‘бассаси д̇вам̣, сааман̣зра, имз г̇ажчанд̇з’’д̇и? ‘‘аама, бханд̇з, бассаамий’’д̇и. ‘‘д̇зна хи имзхи гад̇агаммам̣ бадибужчаа’’д̇и. со хад̇т̇ияаанаад̣̇ийхи г̇ажчанд̇з ануггамзна бадибужчи. д̇з аахам̣су – ‘‘яз бажчад̇о бзд̇аа ааг̇ажчанд̇и, д̇з бадибужчаа’’д̇и. сааман̣зро д̇з бзд̇з г̇аат̇аахи аж̇жхабхааси –
Athāyasmā saṃkicco yathā so sāmaṇero te sabbe gacchante passati, tathārūpaṃ iddhābhisaṅkhāraṃ abhisaṅkharitvā sāmaṇeraṃ āha – ‘‘passasi tvaṃ, sāmaṇera, ime gacchante’’ti? ‘‘Āma, bhante, passāmī’’ti. ‘‘Tena hi imehi katakammaṃ paṭipucchā’’ti. So hatthiyānādīhi gacchante anukkamena paṭipucchi. Te āhaṃsu – ‘‘ye pacchato petā āgacchanti, te paṭipucchā’’ti. Sāmaṇero te pete gāthāhi ajjhabhāsi –
73.
73.
‘‘бурад̇ова сзд̇зна балзд̇и хад̇т̇инаа, маж̇жхз бана ассад̇арийрат̇зна;
‘‘Puratova setena paleti hatthinā, majjhe pana assatarīrathena;
бажчаа жа ган̃н̃аа сивигааяа нийяад̇и, обхаасаяанд̇ий д̣̇аса саб̣б̣асо д̣̇исаа.
Pacchā ca kaññā sivikāya nīyati, obhāsayantī dasa sabbaso disā.
74.
74.
‘‘д̇умхз бана муг̇г̇арахад̇т̇абаан̣ино, руд̣̇ам̣мукаа чиннабабхиннаг̇ад̇д̇аа;
‘‘Tumhe pana muggarahatthapāṇino, rudaṃmukhā chinnapabhinnagattā;
мануссабхууд̇аа гимагад̇т̇а баабам̣, язнан̃н̃аман̃н̃асса биваат̇а лохид̇а’’нд̇и.
Manussabhūtā kimakattha pāpaṃ, yenaññamaññassa pivātha lohita’’nti.
д̇ад̇т̇а бурад̇од̇и саб̣б̣абатамам̣. сзд̇знаад̇и бан̣д̣арзна. балзд̇ийд̇и г̇ажчад̇и. маж̇жхз банаад̇и хад̇т̇им̣ аарул̣хасса сивигам̣ аарул̣хааяа жа анд̇арз. ассад̇арийрат̇знаад̇и ассад̇арийяуд̇д̇зна рат̇зна балзд̇ийд̇и яож̇анаа. нийяад̇ийд̇и вахийяад̇и. обхаасаяанд̇ий д̣̇аса саб̣б̣асо д̣̇исаад̇и саб̣б̣ад̇о саманд̇ад̇о саб̣б̣аа д̣̇аса д̣̇исаа ад̇д̇ано сарийраббабхаахи вад̇т̇аабхаран̣аад̣̇иббабхаахи жа виж̇ж̇од̇аяамаанаа. муг̇г̇арахад̇т̇абаан̣инод̇и муг̇г̇араа хад̇т̇асан̇каад̇зсу баан̣ийсу язсам̣ д̇з муг̇г̇арахад̇т̇абаан̣ино, бхуумисан̣хагаран̣ийяаад̣̇ийсу баан̣ивохаарасса лаб̣бхамаанад̇д̇аа хад̇т̇асад̣̇д̣̇зна баан̣и зва висзсид̇о. чиннабабхиннаг̇ад̇д̇аад̇и муг̇г̇араббахаарзна д̇ад̇т̇а д̇ад̇т̇а чиннабабхиннасарийраа. биваат̇аад̇и биват̇а.
Tattha puratoti sabbapaṭhamaṃ. Setenāti paṇḍarena. Paletīti gacchati. Majjhe panāti hatthiṃ āruḷhassa sivikaṃ āruḷhāya ca antare. Assatarīrathenāti assatarīyuttena rathena paletīti yojanā. Nīyatīti vahīyati. Obhāsayantī dasa sabbaso disāti sabbato samantato sabbā dasa disā attano sarīrappabhāhi vatthābharaṇādippabhāhi ca vijjotayamānā. Muggarahatthapāṇinoti muggarā hatthasaṅkhātesu pāṇīsu yesaṃ te muggarahatthapāṇino, bhūmisaṇhakaraṇīyādīsu pāṇivohārassa labbhamānattā hatthasaddena pāṇi eva visesito. Chinnapabhinnagattāti muggarappahārena tattha tattha chinnapabhinnasarīrā. Pivāthāti pivatha.
звам̣ сааман̣зрзна будтаа д̇з бзд̇аа саб̣б̣ам̣ д̇ам̣
Evaṃ sāmaṇerena puṭṭhā te petā sabbaṃ taṃ
бавад̇д̇им̣ жад̇уухи г̇аат̇аахи бажжабхаасим̣су –
Pavattiṃ catūhi gāthāhi paccabhāsiṃsu –
75.
75.
‘‘бурад̇ова яо г̇ажчад̇и гун̃ж̇арзна, сзд̇зна нааг̇зна жад̇уггамзна;
‘‘Puratova yo gacchati kuñjarena, setena nāgena catukkamena;
амхаага буд̇д̇о аху ж̇здтаго со, д̣̇аанаани д̣̇ад̇ваана сукий бамод̣̇ад̇и.
Amhāka putto ahu jeṭṭhako so, dānāni datvāna sukhī pamodati.
76.
76.
‘‘яо яо маж̇жхз ассад̇арийрат̇зна, жад̇уб̣бхи яуд̇д̇зна суваг̇г̇ид̇зна;
‘‘Yo yo majjhe assatarīrathena, catubbhi yuttena suvaggitena;
амхаага буд̇д̇о аху маж̇жхимо со, амажчарий д̣̇аанабад̇ий вирожад̇и.
Amhāka putto ahu majjhimo so, amaccharī dānapatī virocati.
77.
77.
‘‘яаа саа жа бажчаа сивигааяа нийяад̇и, наарий сабан̃н̃аа миг̇аманд̣̇аложанаа;
‘‘Yā sā ca pacchā sivikāya nīyati, nārī sapaññā migamandalocanā;
амхаага д̇хийд̇аа аху саа ганидтигаа, бхааг̇ад̣дхабхааг̇зна сукий бамод̣̇ад̇и.
Amhāka dhītā ahu sā kaniṭṭhikā, bhāgaḍḍhabhāgena sukhī pamodati.
78.
78.
‘‘зд̇з жа д̣̇аанаани ад̣̇ам̣су буб̣б̣з, басаннажид̇д̇аа саман̣аб̣раахман̣аанам̣;
‘‘Ete ca dānāni adaṃsu pubbe, pasannacittā samaṇabrāhmaṇānaṃ;
маяам̣ бана мажчарийно ахумха, барибхаасагаа саман̣аб̣раахман̣аанам̣;
Mayaṃ pana maccharīno ahumha, paribhāsakā samaṇabrāhmaṇānaṃ;
зд̇з жа д̣̇ад̇ваа барижаараяанд̇и, маяан̃жа суссаама нал̣ова чинно’’д̇и.
Ete ca datvā paricārayanti, mayañca sussāma naḷova chinno’’ti.
75. д̇ад̇т̇а бурад̇ова яо г̇ажчад̇ийд̇и имзсам̣ г̇ажчанд̇аанам̣ яо бурад̇о г̇ажчад̇и. ‘‘яосо бурад̇о г̇ажчад̇ий’’д̇и ваа баато, д̇асса яо зсо бурад̇о г̇ажчад̇ийд̇и ад̇т̇о. гун̃ж̇арзнаад̇и гум̣ бат̇авим̣ ж̇ийраяад̇и, гун̃ж̇зсу ваа рамад̇и жарад̇ийд̇и ‘‘гун̃ж̇аро’’д̇и лад̣̇д̇ханаамзна хад̇т̇инаа. нааг̇знаад̇и, наасса аг̇аманийяам̣ анабхибхаванийяам̣ ад̇т̇ийд̇и нааг̇аа, д̇зна нааг̇зна. жад̇уггамзнаад̇и жад̇уббад̣̇зна. ж̇здтагод̇и буб̣б̣аж̇о.
75. Tattha puratova yo gacchatīti imesaṃ gacchantānaṃ yo purato gacchati. ‘‘Yoso purato gacchatī’’ti vā pāṭho, tassa yo eso purato gacchatīti attho. Kuñjarenāti kuṃ pathaviṃ jīrayati, kuñjesu vā ramati caratīti ‘‘kuñjaro’’ti laddhanāmena hatthinā. Nāgenāti, nāssa agamanīyaṃ anabhibhavanīyaṃ atthīti nāgā, tena nāgena. Catukkamenāti catuppadena. Jeṭṭhakoti pubbajo.
76-77. жад̇уб̣бхийд̇и жад̇уухи ассад̇арийхи. суваг̇г̇ид̇знаад̇и сунд̣̇араг̇аманзна жаад̇ураг̇аманзна. миг̇аманд̣̇аложанаад̇и миг̇ий вияа манд̣̇агкигаа. бхааг̇ад̣дхабхааг̇знаад̇и бхааг̇асса ад̣дхабхааг̇зна, ад̇д̇анаа лад̣̇д̇хагодтаасад̇о ад̣дхабхааг̇ад̣̇аанзна хзд̇убхууд̇зна. сукийд̇и сукиний. лин̇г̇авибаллаасзна хзд̇ам̣ вуд̇д̇ам̣.
76-77.Catubbhīti catūhi assatarīhi. Suvaggitenāti sundaragamanena cāturagamanena. Migamandalocanāti migī viya mandakkhikā. Bhāgaḍḍhabhāgenāti bhāgassa aḍḍhabhāgena, attanā laddhakoṭṭhāsato aḍḍhabhāgadānena hetubhūtena. Sukhīti sukhinī. Liṅgavipallāsena hetaṃ vuttaṃ.
78. барибхаасагаад̇и аггосагаа. барижаараяанд̇ийд̇и д̣̇иб̣б̣зсу гаамаг̇ун̣зсу ад̇д̇ано инд̣̇рияаани ид̇о жид̇о жа яат̇аасукам̣ жаарзнд̇и, бариж̇анзхи ваа ад̇д̇ано бун̃н̃аанубхааваниссанд̣̇зна барижарияам̣ гаарзнд̇и. маяан̃жа суссаама нал̣ова чиннод̇и маяам̣ бана чинно аад̇абз кид̇д̇о нал̣о вияа суссаама, куббибаасаахи ан̃н̃аман̃н̃ам̣ д̣̇ан̣д̣аабхигхаад̇зхи жа сугкаа висугкаа бхаваамаад̇и.
78.Paribhāsakāti akkosakā. Paricārayantīti dibbesu kāmaguṇesu attano indriyāni ito cito ca yathāsukhaṃ cārenti, parijanehi vā attano puññānubhāvanissandena paricariyaṃ kārenti. Mayañca sussāma naḷova chinnoti mayaṃ pana chinno ātape khitto naḷo viya sussāma, khuppipāsāhi aññamaññaṃ daṇḍābhighātehi ca sukkhā visukkhā bhavāmāti.
звам̣ ад̇д̇ано баабам̣ самбавзд̣̇зд̇ваа ‘‘маяам̣ д̇уяхам̣ маад̇уламаад̇улаанияо’’д̇и аажигким̣су. д̇ам̣ суд̇ваа сааман̣зро сан̃ж̇аад̇асам̣взг̇о ‘‘зваруубаанам̣ гиб̣б̣исагаарийнам̣ гат̇ам̣ ну ко бхож̇анаани сиж̇жханд̇ий’’д̇и бужчанд̇о –
Evaṃ attano pāpaṃ sampavedetvā ‘‘mayaṃ tuyhaṃ mātulamātulāniyo’’ti ācikkhiṃsu. Taṃ sutvā sāmaṇero sañjātasaṃvego ‘‘evarūpānaṃ kibbisakārīnaṃ kathaṃ nu kho bhojanāni sijjhantī’’ti pucchanto –
79.
79.
‘‘гим̣ д̇умхаагам̣ бхож̇анам̣ гим̣ саяаанам̣, гат̇ан̃жа яаабзт̇а субаабад̇хаммино;
‘‘Kiṃ tumhākaṃ bhojanaṃ kiṃ sayānaṃ, kathañca yāpetha supāpadhammino;
бахууд̇абхог̇зсу анаббагзсу, сукам̣ вираад̇хааяа д̣̇угкаж̇ж̇а бад̇д̇аа’’д̇и. –
Pahūtabhogesu anappakesu, sukhaṃ virādhāya dukkhajja pattā’’ti. –
имам̣ г̇аат̇амааха. д̇ад̇т̇а гим̣ д̇умхаагам̣ бхож̇ананд̇и гийд̣̇исам̣ д̇умхаагам̣ бхож̇анам̣? гим̣ саяаананд̇и гийд̣̇исам̣ саяанам̣? ‘‘гим̣ саяаанаа’’д̇и гзжи батанд̇и, гийд̣̇исаа саяанаа, гийд̣̇исз саяанз саяат̇аад̇и ад̇т̇о. гат̇ан̃жа яаабзт̇аад̇и гзна багаарзна яаабзт̇а, ‘‘гат̇ам̣ во яаабзт̇аа’’д̇иби баато, гат̇ам̣ д̇умхз яаабзт̇аад̇и ад̇т̇о. субаабад̇хамминод̇и судту ад̇ивияа баабад̇хаммаа. бахууд̇абхог̇зсууд̇и абарияанд̇зсу ул̣аарзсу бхог̇зсу санд̇зсу. анаббагзсууд̇и на аббагзсу б̣ахуусу. сукам̣ вираад̇хааяаад̇и сукахзд̇уно бун̃н̃асса агаран̣зна сукам̣ вираж̇жхид̇ваа вираад̇хзд̇ваа. ‘‘сукасса вираад̇хзнаа’’д̇и гзжи батанд̇и. д̣̇угкаж̇ж̇а бад̇д̇аад̇и аж̇ж̇а ид̣̇аани ид̣̇ам̣ бзд̇аяонибарияаабаннам̣ д̣̇угкам̣ ануббад̇д̇аад̇и.
Imaṃ gāthamāha. Tattha kiṃ tumhākaṃ bhojananti kīdisaṃ tumhākaṃ bhojanaṃ? Kiṃ sayānanti kīdisaṃ sayanaṃ? ‘‘Kiṃ sayānā’’ti keci paṭhanti, kīdisā sayanā, kīdise sayane sayathāti attho. Kathañca yāpethāti kena pakārena yāpetha, ‘‘kathaṃ vo yāpethā’’tipi pāṭho, kathaṃ tumhe yāpethāti attho. Supāpadhamminoti suṭṭhu ativiya pāpadhammā. Pahūtabhogesūti apariyantesu uḷāresu bhogesu santesu. Anappakesūti na appakesu bahūsu. Sukhaṃ virādhāyāti sukhahetuno puññassa akaraṇena sukhaṃ virajjhitvā virādhetvā. ‘‘Sukhassa virādhenā’’ti keci paṭhanti. Dukkhajja pattāti ajja idāni idaṃ petayonipariyāpannaṃ dukkhaṃ anuppattāti.
звам̣ сааман̣зрзна будтаа бзд̇аа д̇зна бужчид̇амад̇т̇ам̣ виссаж̇ж̇знд̇аа –
Evaṃ sāmaṇerena puṭṭhā petā tena pucchitamatthaṃ vissajjentā –
80.
80.
‘‘ан̃н̃аман̃н̃ам̣ вад̇хид̇ваана, биваама буб̣б̣алохид̇ам̣;
‘‘Aññamaññaṃ vadhitvāna, pivāma pubbalohitaṃ;
б̣ахум̣ вид̇ваа на д̇хаад̇аа хома, нажчаад̣̇имхасз маяам̣.
Bahuṃ vitvā na dhātā homa, nacchādimhase mayaṃ.
81.
81.
‘‘ижжзва мажжаа барид̣̇зваяанд̇и, ад̣̇ааяагаа бзжжа яамасса тааяино;
‘‘Icceva maccā paridevayanti, adāyakā pecca yamassa ṭhāyino;
яз д̇з вид̣̇ижжа ад̇хиг̇амма бхог̇з, на бхун̃ж̇арз нааби гаронд̇и бун̃н̃ам̣.
Ye te vidicca adhigamma bhoge, na bhuñjare nāpi karonti puññaṃ.
82.
82.
‘‘д̇з куббибаасуубаг̇ад̇аа барад̇т̇а, бажчаа жирам̣ жхааяарз д̣аяхамаанаа;
‘‘Te khuppipāsūpagatā parattha, pacchā ciraṃ jhāyare ḍayhamānā;
гаммаани гад̇ваана д̣̇укуд̣̇раани, анубхонд̇и д̣̇угкам̣ гадугабпалаани.
Kammāni katvāna dukhudrāni, anubhonti dukkhaṃ kaṭukapphalāni.
83.
83.
‘‘ид̇д̇аран̃хи д̇ханам̣ д̇хан̃н̃ам̣, ид̇д̇арам̣ ид̇ха ж̇ийвид̇ам̣;
‘‘Ittarañhi dhanaṃ dhaññaṃ, ittaraṃ idha jīvitaṃ;
ид̇д̇арам̣ ид̇д̇арад̇о н̃ад̇ваа, д̣̇ийбам̣ гаяираат̇а бан̣д̣ид̇о.
Ittaraṃ ittarato ñatvā, dīpaṃ kayirātha paṇḍito.
84.
84.
‘‘яз д̇з звам̣ баж̇аананд̇и, нараа д̇хаммасса говид̣̇аа;
‘‘Ye te evaṃ pajānanti, narā dhammassa kovidā;
д̇з д̣̇аанз наббамаж̇ж̇анд̇и, суд̇ваа арахад̇ам̣ важо’’д̇и. –
Te dāne nappamajjanti, sutvā arahataṃ vaco’’ti. –
бан̃жа г̇аат̇аа абхаасим̣су.
Pañca gāthā abhāsiṃsu.
80-81. д̇ад̇т̇а на д̇хаад̇аа хомаад̇и д̇хаад̇аа сухид̇аа д̇ид̇д̇аа на хома. нажчаад̣̇имхасзд̇и на ружжаама, на ружим̣ уббаад̣̇зма, на д̇ам̣ маяам̣ ад̇д̇ано ружияаа бивиссаамаад̇и ад̇т̇о. ижжзваад̇и звамзва. мажжаа барид̣̇зваяанд̇ийд̇и маяам̣ вияа ан̃н̃зби мануссаа гад̇агиб̣б̣исаа барид̣̇званд̇и ганд̣̇анд̇и. ад̣̇ааяагаад̇и ад̣̇аанасийлаа мажчарино. яамасса тааяинод̇и яамалогасан̃н̃ид̇з яамасса таанз бзд̇д̇ивисаяз таанасийлаа . яз д̇з вид̣̇ижжа ад̇хиг̇аммабхог̇зд̇и яз д̇з самбад̇и ааяад̇ин̃жа сукависзсавид̇хааяагз бхог̇з винд̣̇ид̇ваа бадилабхид̇ваа. на бхун̃ж̇арз нааби гаронд̇и бун̃н̃анд̇и амхз вияа саяамби на бхун̃ж̇анд̇и, барзсам̣ д̣̇знд̇аа д̣̇аанамаяам̣ бун̃н̃амби на гаронд̇и.
80-81. Tattha na dhātā homāti dhātā suhitā tittā na homa. Nacchādimhaseti na ruccāma, na ruciṃ uppādema, na taṃ mayaṃ attano ruciyā pivissāmāti attho. Iccevāti evameva. Maccā paridevayantīti mayaṃ viya aññepi manussā katakibbisā paridevanti kandanti. Adāyakāti adānasīlā maccharino. Yamassa ṭhāyinoti yamalokasaññite yamassa ṭhāne pettivisaye ṭhānasīlā . Ye te vidicca adhigammabhogeti ye te sampati āyatiñca sukhavisesavidhāyake bhoge vinditvā paṭilabhitvā. Na bhuñjare nāpi karonti puññanti amhe viya sayampi na bhuñjanti, paresaṃ dentā dānamayaṃ puññampi na karonti.
82. д̇з куббибаасуубаг̇ад̇аа барад̇т̇аад̇и д̇з сад̇д̇аа барад̇т̇а баралогз бзд̇д̇ивисаяз ж̇игхажчаабибаасаабхибхууд̇аа худ̇ваа. жирам̣ жхааяарз д̣аяхамаанаад̇и куд̣̇аад̣̇ихзд̇угзна д̣̇угкаг̇г̇инаа ‘‘агад̇ам̣ вад̇а амхзхи гусалам̣, гад̇ам̣ бааба’’нд̇иаад̣̇инаа вад̇д̇амаанзна виббадисаараг̇г̇инаа барид̣аяхамаанаа жхааяанд̇и, ануд̇т̇унанд̇ийд̇и ад̇т̇о. д̣̇укуд̣̇раанийд̇и д̣̇угкавибаагаани. анубхонд̇и д̣̇угкам̣ гадугабпалаанийд̇и анидтапалаани баабагаммаани гад̇ваа жирагаалам̣ д̣̇угкам̣ аабааяигад̣̇угкам̣ анубхаванд̇и.
82.Te khuppipāsūpagatā paratthāti te sattā parattha paraloke pettivisaye jighacchāpipāsābhibhūtā hutvā. Ciraṃ jhāyare ḍayhamānāti khudādihetukena dukkhagginā ‘‘akataṃ vata amhehi kusalaṃ, kataṃ pāpa’’ntiādinā vattamānena vippaṭisāragginā pariḍayhamānā jhāyanti, anutthunantīti attho. Dukhudrānīti dukkhavipākāni. Anubhonti dukkhaṃ kaṭukapphalānīti aniṭṭhaphalāni pāpakammāni katvā cirakālaṃ dukkhaṃ āpāyikadukkhaṃ anubhavanti.
83-84. ид̇д̇аранд̇и на жирагааладтааяий, анижжам̣ вибарин̣аамад̇хаммам̣. ид̇д̇арам̣ ид̇ха ж̇ийвид̇анд̇и ид̇ха мануссалогз сад̇д̇аанам̣ ж̇ийвид̇амби ид̇д̇арам̣ барид̇д̇ам̣ аббагам̣. д̇знааха бхаг̇аваа – ‘‘яо жирам̣ ж̇ийвад̇и, со вассасад̇ам̣ аббам̣ ваа бхияяо’’д̇и (д̣̇ий. ни. 2.91; сам̣. ни. 1.145; а. ни. 7.74). ид̇д̇арам̣ ид̇д̇арад̇о н̃ад̇ваад̇и д̇ханад̇хан̃н̃аад̣̇иубагаран̣ам̣ мануссаанам̣ ж̇ийвид̇ан̃жа ид̇д̇арам̣ барид̇д̇ам̣ кан̣игам̣ на жирассанд̇и бан̃н̃ааяа убабаригкид̇ваа. д̣̇ийбам̣ гаяираат̇а бан̣д̣ид̇од̇и сабан̃н̃о бурисо д̣̇ийбам̣ ад̇д̇ано бад̇идтам̣ баралогз хид̇асукаад̇хидтаанам̣ гарзяяа. яз д̇з звам̣ баж̇аананд̇ийд̇и яз д̇з мануссаа мануссаанам̣ бхог̇аанам̣ ж̇ийвид̇асса жа ид̇д̇арабхаавам̣ яаат̇аавад̇о ж̇аананд̇и, д̇з д̣̇аанз саб̣б̣агаалам̣ наббамаж̇ж̇анд̇и. суд̇ваа арахад̇ам̣ важод̇и арахад̇ам̣ б̣уд̣̇д̇хаад̣̇ийнам̣ арияаанам̣ важанам̣ суд̇ваа, суд̇ад̇д̇аад̇и ад̇т̇о. сзсам̣ баагадамзва.
83-84.Ittaranti na cirakālaṭṭhāyī, aniccaṃ vipariṇāmadhammaṃ. Ittaraṃ idha jīvitanti idha manussaloke sattānaṃ jīvitampi ittaraṃ parittaṃ appakaṃ. Tenāha bhagavā – ‘‘yo ciraṃ jīvati, so vassasataṃ appaṃ vā bhiyyo’’ti (dī. ni. 2.91; saṃ. ni. 1.145; a. ni. 7.74). Ittaraṃ ittarato ñatvāti dhanadhaññādiupakaraṇaṃ manussānaṃ jīvitañca ittaraṃ parittaṃ khaṇikaṃ na cirassanti paññāya upaparikkhitvā. Dīpaṃ kayirātha paṇḍitoti sapañño puriso dīpaṃ attano patiṭṭhaṃ paraloke hitasukhādhiṭṭhānaṃ kareyya. Ye te evaṃ pajānantīti ye te manussā manussānaṃ bhogānaṃ jīvitassa ca ittarabhāvaṃ yāthāvato jānanti, te dāne sabbakālaṃ nappamajjanti. Sutvā arahataṃ vacoti arahataṃ buddhādīnaṃ ariyānaṃ vacanaṃ sutvā, sutattāti attho. Sesaṃ pākaṭameva.
звам̣ д̇з бзд̇аа сааман̣зрзна будтаа д̇амад̇т̇ам̣ аажигкид̇ваа ‘‘маяам̣ д̇уяхам̣ маад̇уламаад̇улаанияо’’д̇и бавзд̣̇зсум̣. д̇ам̣ суд̇ваа сааман̣зро сан̃ж̇аад̇асам̣взг̇о угган̣там̣ бадивинод̣̇зд̇ваа убаж̇жхааяасса баад̣̇зсу сирасаа нибад̇ид̇ваа звамааха – ‘‘яам̣, бханд̇з, анугамбагзна гаран̣ийяам̣ анугамбам̣ убаад̣̇ааяа, д̇ам̣ мз д̇умхзхи гад̇ам̣, махад̇аа вад̇амхи анад̇т̇абаад̇ад̇о рагкид̇о, на д̣̇аани мз гхарааваасзна ад̇т̇о, абхирамиссаами б̣рахмажарияаваасз’’д̇и. ат̇ааяасмаа сам̣гижжо д̇асса аж̇жхаасаяаануруубам̣ гаммадтаанам̣ аажигки. со гаммадтаанам̣ ануяун̃ж̇анд̇о нажирассзва арахад̇д̇ам̣ баабун̣и. ааяасмаа бана сам̣гижжо д̇ам̣ бавад̇д̇им̣ бхаг̇авад̇о аарожзси. сад̇т̇аа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа вид̇т̇аарзна д̇хаммам̣ д̣̇зсзси, саа д̣̇зсанаа махааж̇анасса саад̇т̇игаа ахосийд̇и.
Evaṃ te petā sāmaṇerena puṭṭhā tamatthaṃ ācikkhitvā ‘‘mayaṃ tuyhaṃ mātulamātulāniyo’’ti pavedesuṃ. Taṃ sutvā sāmaṇero sañjātasaṃvego ukkaṇṭhaṃ paṭivinodetvā upajjhāyassa pādesu sirasā nipatitvā evamāha – ‘‘yaṃ, bhante, anukampakena karaṇīyaṃ anukampaṃ upādāya, taṃ me tumhehi kataṃ, mahatā vatamhi anatthapātato rakkhito, na dāni me gharāvāsena attho, abhiramissāmi brahmacariyavāse’’ti. Athāyasmā saṃkicco tassa ajjhāsayānurūpaṃ kammaṭṭhānaṃ ācikkhi. So kammaṭṭhānaṃ anuyuñjanto nacirasseva arahattaṃ pāpuṇi. Āyasmā pana saṃkicco taṃ pavattiṃ bhagavato ārocesi. Satthā tamatthaṃ aṭṭhuppattiṃ katvā sampattaparisāya vitthārena dhammaṃ desesi, sā desanā mahājanassa sātthikā ahosīti.
нааг̇абзд̇авад̇т̇уван̣ан̣анаа нидтид̇аа.
Nāgapetavatthuvaṇaṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 11. нааг̇абзд̇авад̇т̇у • 11. Nāgapetavatthu
