| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. нааг̇абубпияад̇т̇зраабад̣̇аанаван̣н̣анаа
8. Nāgapupphiyattheraapadānavaṇṇanā
суважчо наама наамзнаад̇иаад̣̇игам̣ ааяасмад̇о нааг̇абубпияад̇т̇зрасса абад̣̇аанам̣. аяамби т̇зро буримаж̇инанисабхзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арабхаг̇авад̇о гаалз б̣раахман̣агулз ниб̣б̣ад̇д̇о вуд̣̇д̇хиббад̇д̇о взд̣̇ад̇д̇аяаад̣̇ийсу сагасиббзсу нибпад̇д̇им̣ бад̇ваа д̇ад̇т̇а саарам̣ ад̣̇исваа химаванд̇ам̣ бависид̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа жхаанасамаабад̇д̇исукзна вийд̇инаамзси. д̇асмим̣ самаяз бад̣̇умуд̇д̇аро бхаг̇аваа д̇ассаанугамбааяа д̇ад̇т̇а аг̇амааси. со д̇аабасо д̇ам̣ бхаг̇аванд̇ам̣ д̣̇исваа лагкан̣асад̇т̇зсу чзгад̇д̇аа бхаг̇авад̇о лагкан̣аруубасамбад̇д̇ияаа басанно ванд̣̇ид̇ваа ан̃ж̇алим̣ баг̇г̇аяха адтааси. аагаасад̇о анод̇ин̣н̣ад̇д̇аа бууж̇аасаггаарз агад̇зязва аагаасзнзва баггаами. ат̇а со д̇аабасо сасиссо нааг̇абубпам̣ ожинид̇ваа д̇зна бубпзна бхаг̇авад̇о г̇ад̇ад̣̇исаабхааг̇амаг̇г̇ам̣ бууж̇зси.
Suvaccho nāma nāmenātiādikaṃ āyasmato nāgapupphiyattherassa apadānaṃ. Ayampi thero purimajinanisabhesu katādhikāro tattha tattha bhave vivaṭṭūpanissayāni puññāni upacinanto padumuttarabhagavato kāle brāhmaṇakule nibbatto vuddhippatto vedattayādīsu sakasippesu nipphattiṃ patvā tattha sāraṃ adisvā himavantaṃ pavisitvā tāpasapabbajjaṃ pabbajitvā jhānasamāpattisukhena vītināmesi. Tasmiṃ samaye padumuttaro bhagavā tassānukampāya tattha agamāsi. So tāpaso taṃ bhagavantaṃ disvā lakkhaṇasatthesu chekattā bhagavato lakkhaṇarūpasampattiyā pasanno vanditvā añjaliṃ paggayha aṭṭhāsi. Ākāsato anotiṇṇattā pūjāsakkāre akateyeva ākāseneva pakkāmi. Atha so tāpaso sasisso nāgapupphaṃ ocinitvā tena pupphena bhagavato gatadisābhāgamaggaṃ pūjesi.
39. со д̇зна бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхаванд̇о саб̣б̣ад̇т̇а бууж̇ид̇о имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хаасамбанно баб̣б̣аж̇ид̇ваа вад̇д̇абадибад̇д̇ияаа саасанам̣ собхаяамаано нажирассзва арахаа худ̇ваа ‘‘гзна ну ко гусалагаммзна маяаа аяам̣ логуд̇д̇арасамбад̇д̇и лад̣̇д̇хаа’’д̇и ад̇ийд̇агаммам̣ саранд̇о буб̣б̣агаммам̣ бажжагкад̇о н̃ад̇ваа сан̃ж̇аад̇асоманассо буб̣б̣ажарид̇аабад̣̇аанам̣ багаасзнд̇о суважчо наама наамзнаад̇иаад̣̇имааха. д̇ад̇т̇а важчаг̇од̇д̇з ж̇аад̇ад̇д̇аа важчо, сунд̣̇аро жа со важчо жзд̇и суважчо. наамзна суважчо наама б̣раахман̣о манд̇абаараг̇уу взд̣̇ад̇д̇аяаад̣̇исагаламанд̇асад̇т̇з годиббад̇д̇од̇и ад̇т̇о. сзсам̣ хздтаа вуд̇д̇анаяад̇д̇аа уд̇д̇аанад̇т̇амзваад̇и.
39. So tena puññena devamanussesu saṃsaranto ubhayasampattiyo anubhavanto sabbattha pūjito imasmiṃ buddhuppāde sāvatthiyaṃ kulagehe nibbatto vuddhimanvāya saddhāsampanno pabbajitvā vattapaṭipattiyā sāsanaṃ sobhayamāno nacirasseva arahā hutvā ‘‘kena nu kho kusalakammena mayā ayaṃ lokuttarasampatti laddhā’’ti atītakammaṃ saranto pubbakammaṃ paccakkhato ñatvā sañjātasomanasso pubbacaritāpadānaṃ pakāsento suvaccho nāma nāmenātiādimāha. Tattha vacchagotte jātattā vaccho, sundaro ca so vaccho ceti suvaccho. Nāmena suvaccho nāma brāhmaṇo mantapāragū vedattayādisakalamantasatthe koṭippattoti attho. Sesaṃ heṭṭhā vuttanayattā uttānatthamevāti.
нааг̇абубпияад̇т̇зраабад̣̇аанаван̣н̣анаа самад̇д̇аа.
Nāgapupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. нааг̇абубпияад̇т̇зраабад̣̇аанам̣ • 8. Nāgapupphiyattheraapadānaṃ
