| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. наг̇арасуд̇д̇аван̣н̣анаа
5. Nagarasuttavaṇṇanā
65. бан̃жамз наамаруубз ко сад̇и вин̃н̃аан̣анд̇и зд̇т̇а ‘‘сан̇каарзсу сад̇и вин̃н̃аан̣а’’нд̇и жа ‘‘авиж̇ж̇ааяа сад̇и сан̇каараа’’д̇и жа вад̇д̇аб̣б̣ам̣ бхавзяяа, д̇ад̣̇убхаяамби на вуд̇д̇ам̣. гасмаа? авиж̇ж̇аасан̇каараа хи д̇ад̇ияо бхаво, д̇зхи сад̣̇д̇хим̣ аяам̣ вибассанаа на гхадийяад̇и. махаабурисо хи бажжуббаннабан̃жавогааравасзна абхинивидтод̇и.
65. Pañcame nāmarūpe kho sati viññāṇanti ettha ‘‘saṅkhāresu sati viññāṇa’’nti ca ‘‘avijjāya sati saṅkhārā’’ti ca vattabbaṃ bhaveyya, tadubhayampi na vuttaṃ. Kasmā? Avijjāsaṅkhārā hi tatiyo bhavo, tehi saddhiṃ ayaṃ vipassanā na ghaṭīyati. Mahāpuriso hi paccuppannapañcavokāravasena abhiniviṭṭhoti.
нану жа авиж̇ж̇аасан̇каарзсу ад̣̇идтзсу на саггаа б̣уд̣̇д̇хзна бхавид̇унд̇и. сажжам̣ на саггаа, иминаа бана д̇з бхаваубаад̣̇аанад̇ан̣хаавасзна д̣̇идтаава. д̇асмаа яат̇аа наама г̇од̇хам̣ ануб̣анд̇ханд̇о бурисо д̇ам̣ гуубам̣ бавидтам̣ д̣̇исваа од̇арид̇ваа бавидтадтаанам̣ кан̣ид̇ваа г̇од̇хам̣ г̇ахзд̇ваа баггамзяяа, на барабхааг̇ам̣ канзяяа , гасмаа? гассажи над̇т̇ид̇ааяа. звам̣ махаабурисоби г̇од̇хам̣ ануб̣анд̇ханд̇о бурисо вияа б̣од̇хибаллан̇гз нисинно ж̇араамаран̣ад̇о бадтааяа ‘‘имасса аяам̣ бажжаяо, имасса аяам̣ бажжаяо’’д̇и бариязсанд̇о яаава наамаруубад̇хаммаанам̣ бажжаяам̣ д̣̇исваа д̇ассаби бажжаяам̣ бариязсанд̇о вин̃н̃аан̣амзва ад̣̇д̣̇аса. д̇ад̇о ‘‘зд̇д̇аго бан̃жавогаарабхававасзна саммасанажааро’’д̇и вибассанам̣ бадинивад̇д̇зси, барад̇о д̇ужчагуубасса абхиннадтаанам̣ вияа авиж̇ж̇аасан̇каарад̣̇ваяам̣ ад̇т̇и, д̇ад̣̇зд̇ам̣ хздтаа вибассанааяа г̇ахид̇ад̇д̇аа баадиязггам̣ саммасануубаг̇ам̣ на ход̇ийд̇и на аг̇г̇ахзси.
Nanu ca avijjāsaṅkhāresu adiṭṭhesu na sakkā buddhena bhavitunti. Saccaṃ na sakkā, iminā pana te bhavaupādānataṇhāvasena diṭṭhāva. Tasmā yathā nāma godhaṃ anubandhanto puriso taṃ kūpaṃ paviṭṭhaṃ disvā otaritvā paviṭṭhaṭṭhānaṃ khaṇitvā godhaṃ gahetvā pakkameyya, na parabhāgaṃ khaneyya , kasmā? Kassaci natthitāya. Evaṃ mahāpurisopi godhaṃ anubandhanto puriso viya bodhipallaṅke nisinno jarāmaraṇato paṭṭhāya ‘‘imassa ayaṃ paccayo, imassa ayaṃ paccayo’’ti pariyesanto yāva nāmarūpadhammānaṃ paccayaṃ disvā tassapi paccayaṃ pariyesanto viññāṇameva addasa. Tato ‘‘ettako pañcavokārabhavavasena sammasanacāro’’ti vipassanaṃ paṭinivattesi, parato tucchakūpassa abhinnaṭṭhānaṃ viya avijjāsaṅkhāradvayaṃ atthi, tadetaṃ heṭṭhā vipassanāya gahitattā pāṭiyekkaṃ sammasanūpagaṃ na hotīti na aggahesi.
бажжуд̣̇аавад̇д̇ад̇ийд̇и бадинивад̇д̇ад̇и. гад̇амам̣ банзд̇т̇а вин̃н̃аан̣ам̣ бажжуд̣̇аавад̇д̇ад̇ийд̇и? бадисанд̇хивин̃н̃аан̣амби вибассанаавин̃н̃аан̣амби. д̇ад̇т̇а бадисанд̇хивин̃н̃аан̣ам̣ бажжаяад̇о бадинивад̇д̇ад̇и, вибассанаавин̃н̃аан̣ам̣ аарамман̣ад̇о. убхаяамби наамаруубам̣ наад̇иггамад̇и, наамаруубад̇о барам̣ на г̇ажчад̇и. зд̇д̇аавад̇аа ж̇ааязт̇а ваад̇иаад̣̇ийсу вин̃н̃аан̣з наамаруубасса бажжаяз хонд̇з, наамаруубз вин̃н̃аан̣асса бажжаяз хонд̇з, д̣̇вийсуби ан̃н̃аман̃н̃абажжаязсу хонд̇зсу зд̇д̇агзна ж̇ааязт̇а ваа убабаж̇ж̇зт̇а ваа. ид̇о хи барам̣ гиман̃н̃ам̣ ж̇ааязт̇а ваа убабаж̇ж̇зт̇а ваа, нану зд̇ад̣̇зва ж̇ааяад̇и жа убабаж̇ж̇ад̇и жаад̇и?
Paccudāvattatīti paṭinivattati. Katamaṃ panettha viññāṇaṃ paccudāvattatīti? Paṭisandhiviññāṇampi vipassanāviññāṇampi. Tattha paṭisandhiviññāṇaṃ paccayato paṭinivattati, vipassanāviññāṇaṃ ārammaṇato. Ubhayampi nāmarūpaṃ nātikkamati, nāmarūpato paraṃ na gacchati. Ettāvatā jāyetha vātiādīsu viññāṇe nāmarūpassa paccaye honte, nāmarūpe viññāṇassa paccaye honte, dvīsupi aññamaññapaccayesu hontesu ettakena jāyetha vā upapajjetha vā. Ito hi paraṃ kimaññaṃ jāyetha vā upapajjetha vā, nanu etadeva jāyati ca upapajjati cāti?
звам̣ сад̣̇д̇хим̣ абараабаражуд̇ибадисанд̇хийхи бан̃жа бад̣̇аани д̣̇ассзд̇ваа буна д̇ам̣ зд̇д̇аавад̇аад̇и вуд̇д̇амад̇т̇ам̣ нияяаад̇знд̇о яад̣̇ид̣̇ам̣ наамаруубабажжаяаа вин̃н̃аан̣ам̣, вин̃н̃аан̣абажжаяаа наамаруубанд̇и вад̇ваа д̇ад̇о барам̣ ануломабажжаяаагааравасзна вин̃н̃аан̣абажжаяаа наамаруубамуулагам̣ ааяад̇иж̇араамаран̣ам̣ д̣̇ассзд̇ум̣ наамаруубабажжаяаа сал̣ааяад̇ананд̇иаад̣̇имааха.
Evaṃ saddhiṃ aparāparacutipaṭisandhīhi pañca padāni dassetvā puna taṃ ettāvatāti vuttamatthaṃ niyyātento yadidaṃ nāmarūpapaccayā viññāṇaṃ, viññāṇapaccayā nāmarūpanti vatvā tato paraṃ anulomapaccayākāravasena viññāṇapaccayā nāmarūpamūlakaṃ āyatijarāmaraṇaṃ dassetuṃ nāmarūpapaccayā saḷāyatanantiādimāha.
ан̃ж̇асанд̇и маг̇г̇ассзва взважанам̣. уд̣̇д̇хаабаванд̇анд̇и аабад̇о уг̇г̇ад̇ад̇д̇аа уд̣̇д̇хаабанд̇и лад̣̇д̇хавохаарзна баагааравад̇т̇унаа саманнааг̇ад̇ам̣. раман̣ийяанд̇и саманд̇аа жад̇уннам̣ д̣̇ваараанам̣ аб̣бханд̇арз жа наанаабхан̣д̣аанам̣ самбад̇д̇ияаа раман̣ийяам̣. маабзхийд̇и махааж̇анам̣ бзсзд̇ваа ваасам̣ гаарзхи. маабзяяаад̇и ваасам̣ гаарзяяа. гаарзнд̇о жа батамам̣ адтаараса мануссагодияо бзсзд̇ваа ‘‘самбун̣н̣а’’нд̇и бужчид̇ваа ‘‘на д̇аава самбун̣н̣а’’нд̇и вуд̇д̇з абараани бан̃жагулаани бзсзяяа. буна бужчид̇ваа ‘‘на д̇аава самбун̣н̣а’’нд̇и вуд̇д̇з абараани бан̃жабан̃н̃аасагулаани бзсзяяа. буна бужчид̇ваа ‘‘на д̇аава самбун̣н̣а’’нд̇и вуд̇д̇з абараани д̇им̣са гулаани бзсзяяа. буна бужчид̇ваа ‘‘на д̇аава самбун̣н̣а’’нд̇и вуд̇д̇з абарам̣ гуласахассам̣ бзсзяяа. буна бужчид̇ваа ‘‘на д̇аава самбун̣н̣а’’нд̇и вуд̇д̇з абараани згаад̣̇асанахуд̇аани гулаани бзсзяяа. буна бужчид̇ваа ‘‘на д̇аава самбун̣н̣а’’нд̇и вуд̇д̇з абараани жад̇ураасийд̇игуласахассаани бзсзяяа. буна ‘‘самбун̣н̣а’’нд̇и бужчид̇з, ‘‘махаарааж̇а, гим̣ вад̣̇зси? маханд̇ам̣ наг̇арам̣ асамб̣аад̇хам̣, иминаа наязна гулаани бзсзд̇ваа на саггаа буурзд̇ум̣, бхзрим̣ бана жараабзд̇ваа ‘амхаагам̣ наг̇арам̣ имааяа жа имааяа жа самбад̇д̇ияаа самбаннам̣, яз д̇ад̇т̇а васид̇угаамаа, яат̇аасукам̣ г̇ажчанд̇у, иман̃жиман̃жа барихаарам̣ лабхиссанд̇ий’д̇и наг̇арасса жзва ван̣н̣ам̣ логасса жа барихааралаабхам̣ гхосаабзт̇аа’’д̇и вад̣̇зяяа. со звам̣ гарзяяа. д̇ад̇о мануссаа наг̇араг̇ун̣ан̃жзва барихааралаабхан̃жа суд̇ваа саб̣б̣ад̣̇исаахи самосарид̇ваа наг̇арам̣ буурзяяум̣. д̇ам̣ абарзна самаязна ид̣̇д̇хан̃жзва асса пийд̇ан̃жа. д̇ам̣ санд̇хааяа д̇ад̣̇асса наг̇арам̣ абарзна самаязна ид̣̇д̇хан̃жзва пийд̇ан̃жаад̇иаад̣̇и вуд̇д̇ам̣.
Añjasanti maggasseva vevacanaṃ. Uddhāpavantanti āpato uggatattā uddhāpanti laddhavohārena pākāravatthunā samannāgataṃ. Ramaṇīyanti samantā catunnaṃ dvārānaṃ abbhantare ca nānābhaṇḍānaṃ sampattiyā ramaṇīyaṃ. Māpehīti mahājanaṃ pesetvā vāsaṃ kārehi. Māpeyyāti vāsaṃ kāreyya. Kārento ca paṭhamaṃ aṭṭhārasa manussakoṭiyo pesetvā ‘‘sampuṇṇa’’nti pucchitvā ‘‘na tāva sampuṇṇa’’nti vutte aparāni pañcakulāni peseyya. Puna pucchitvā ‘‘na tāva sampuṇṇa’’nti vutte aparāni pañcapaññāsakulāni peseyya. Puna pucchitvā ‘‘na tāva sampuṇṇa’’nti vutte aparāni tiṃsa kulāni peseyya. Puna pucchitvā ‘‘na tāva sampuṇṇa’’nti vutte aparaṃ kulasahassaṃ peseyya. Puna pucchitvā ‘‘na tāva sampuṇṇa’’nti vutte aparāni ekādasanahutāni kulāni peseyya. Puna pucchitvā ‘‘na tāva sampuṇṇa’’nti vutte aparāni caturāsītikulasahassāni peseyya. Puna ‘‘sampuṇṇa’’nti pucchite, ‘‘mahārāja, kiṃ vadesi? Mahantaṃ nagaraṃ asambādhaṃ, iminā nayena kulāni pesetvā na sakkā pūretuṃ, bheriṃ pana carāpetvā ‘amhākaṃ nagaraṃ imāya ca imāya ca sampattiyā sampannaṃ, ye tattha vasitukāmā, yathāsukhaṃ gacchantu, imañcimañca parihāraṃ labhissantī’ti nagarassa ceva vaṇṇaṃ lokassa ca parihāralābhaṃ ghosāpethā’’ti vadeyya. So evaṃ kareyya. Tato manussā nagaraguṇañceva parihāralābhañca sutvā sabbadisāhi samosaritvā nagaraṃ pūreyyuṃ. Taṃ aparena samayena iddhañceva assa phītañca. Taṃ sandhāya tadassa nagaraṃ aparena samayena iddhañceva phītañcātiādi vuttaṃ.
д̇ад̇т̇а ид̣̇д̇ханд̇и самид̣̇д̇хам̣ субхигкам̣. пийд̇анд̇и саб̣б̣асамбад̇д̇ийхи бубпид̇ам̣. б̣аахуж̇ан̃н̃анд̇и б̣ахуухи н̃аад̇аб̣б̣ам̣, б̣ахуж̇анаанам̣ хид̇ам̣ ваа. ‘‘б̣ахуж̇ана’’нд̇иби баато. аагин̣н̣амануссанд̇и мануссзхи аагин̣н̣ам̣ ниранд̇арам̣ пудтам̣. вуд̣дхивзбуллаббад̇д̇анд̇и вуд̣дхиббад̇д̇ан̃жзва взбуллаббад̇д̇ан̃жа, сздтабхааван̃жзва вибулабхааван̃жа бад̇д̇ам̣, д̣̇асасахассажаггаваал̣з аг̇г̇анаг̇арам̣ ж̇аад̇анд̇и ад̇т̇о.
Tattha iddhanti samiddhaṃ subhikkhaṃ. Phītanti sabbasampattīhi pupphitaṃ. Bāhujaññanti bahūhi ñātabbaṃ, bahujanānaṃ hitaṃ vā. ‘‘Bahujana’’ntipi pāṭho. Ākiṇṇamanussanti manussehi ākiṇṇaṃ nirantaraṃ phuṭṭhaṃ. Vuḍḍhivepullappattanti vuḍḍhippattañceva vepullappattañca, seṭṭhabhāvañceva vipulabhāvañca pattaṃ, dasasahassacakkavāḷe agganagaraṃ jātanti attho.
звамзва код̇и зд̇т̇а ид̣̇ам̣ обаммасам̣санд̣̇анам̣ – аран̃н̃абаванз жарамаанабурисо вияа хи д̣̇ийбан̇гарабаад̣̇амуулад̇о бадтааяа баарамияо буураяамаано махаабурисо д̣̇адтаб̣б̣о, д̇асса бурисасса буб̣б̣агзхи мануссзхи ануяаад̇амаг̇г̇ад̣̇ассанам̣ вияа махаасад̇д̇асса анубуб̣б̣зна б̣од̇хибаллан̇гз нисиннасса буб̣б̣абхааг̇з адтан̇г̇игасса вибассанаамаг̇г̇асса д̣̇ассанам̣, бурисасса д̇ам̣ згабад̣̇игамаг̇г̇ам̣ ануг̇ажчад̇о абарабхааг̇з махаамаг̇г̇ад̣̇ассанам̣ вияа махаасад̇д̇асса убаривибассанааяа жин̣н̣анд̇з логуд̇д̇арамаг̇г̇ад̣̇ассанам̣, бурисасса д̇знзва маг̇г̇зна г̇ажчад̇о бурад̇о наг̇арад̣̇ассанам̣ вияа д̇ат̇ааг̇ад̇асса ниб̣б̣аананаг̇арад̣̇ассанам̣, б̣ахинаг̇арам̣ банзд̇т̇а ан̃н̃зна д̣̇идтам̣, ан̃н̃зна мануссаваасам̣ гад̇ам̣, ниб̣б̣аананаг̇арам̣ сад̇т̇аа саяамзва басси, саяам̣ ваасамагааси. д̇асса бурисасса жад̇уннам̣ д̣̇ваараанам̣ д̣̇идтагаало вияа д̇ат̇ааг̇ад̇асса жад̇уннам̣ маг̇г̇аанам̣ д̣̇идтагаало, д̇асса жад̇уухи д̣̇ваарзхи наг̇арам̣ бавидтагаало вияа д̇ат̇ааг̇ад̇асса жад̇уухи маг̇г̇зхи ниб̣б̣аанам̣ бавидтагаало, д̇асса наг̇араб̣бханд̇арз бхан̣д̣ававад̇т̇аанагаало вияа д̇ат̇ааг̇ад̇асса бажжавзгкан̣ан̃аан̣зна баробан̣н̣аасагусалад̇хаммававад̇т̇аанагаало. наг̇арасса аг̇аарагаран̣ад̇т̇ам̣ гулабариязсанагаало вияа сад̇т̇у паласамаабад̇д̇ид̇о вудтааяа взнзяяасад̇д̇з вологанагаало, д̇зна бурисзна яаажид̇асса ран̃н̃о згам̣ махаагудумб̣игам̣ д̣̇идтагаало вияа махааб̣рахмунаа яаажид̇асса бхаг̇авад̇о ан̃н̃аасигон̣д̣ан̃н̃ад̇т̇зрам̣ д̣̇идтагаало, ран̃н̃о махаагудумб̣игам̣ баггосаабзд̇ваа ‘‘наг̇араваасам̣ гарохий’’д̇и бахид̇агаало вияа бхаг̇авад̇о згасмим̣ бажчаабхад̇д̇з адтаарасаяож̇анамаг̇г̇ам̣ г̇анд̇ваа аасаал̣хибун̣н̣амад̣̇ивасз б̣аараан̣асияам̣ исибад̇анам̣ бависид̇ваа т̇зрам̣ гааяасагким̣ гад̇ваа д̇хаммам̣ д̣̇зсид̇агаало, махаагудумб̣игзна адтаараса бурисагодияо г̇ахзд̇ваа наг̇арам̣ аж̇жхаавудтагаало вияа д̇ат̇ааг̇ад̇зна д̇хаммажаггз бавад̇д̇ид̇з т̇зрасса адтаарасахи б̣рахмагодийхи сад̣̇д̇хим̣ сод̇аабад̇д̇ипалз бад̇идтид̇агаало, звам̣ ниб̣б̣аананаг̇арам̣ батамам̣ ааваасид̇ам̣, д̇ад̇о самбун̣н̣ам̣ наг̇аранд̇и бужчид̇ваа на д̇ааваад̇и вуд̇д̇з бан̃жа гулаани аад̣̇им̣ гад̇ваа яаава жад̇ураасийд̇игуласахассабзсанам̣ вияа д̇ат̇ааг̇ад̇асса бан̃жамад̣̇ивасад̇о бадтааяа анад̇д̇алагкан̣асуд̇д̇аад̣̇ийни д̣̇зсзд̇ваа бан̃жаваг̇г̇ияз аад̣̇им̣ гад̇ваа яасабамукаа бан̃жабан̣н̣ааса гулабуд̇д̇аа, д̇им̣са бхад̣̇д̣̇аваг̇г̇ияаа, сахассабураан̣аж̇адилаа, б̣имб̣исаарабамукаани згаад̣̇асабурисанахуд̇аани, д̇ирогуддаанумод̣̇анз жад̇ураасийд̇исахассаанийд̇и зд̇д̇агасса ж̇анасса арияамаг̇г̇ам̣ од̇аарзд̇ваа ниб̣б̣аананаг̇арам̣ бзсид̇агаало, ат̇а д̇зна наязна наг̇арз абуурияамаанз бхзрим̣ жараабзд̇ваа наг̇арасса ван̣н̣агхосанам̣ гулаанам̣ барихааралаабхагхосанам̣ вияа жа маасасса адта д̣̇ивасз д̇ад̇т̇а д̇ад̇т̇а нисийд̣̇ид̇ваа д̇хаммагат̇игаанам̣ ниб̣б̣аанаван̣н̣асса жзва ниб̣б̣аанаббад̇д̇аанам̣ ж̇аад̇иганд̇аараад̣̇инид̇т̇аран̣аанисам̣сасса жа гхосанам̣, д̇ад̇о саб̣б̣ад̣̇исаахи ааг̇анд̇ваа мануссаанам̣ наг̇арасамосаран̣ам̣ вияа д̇ад̇т̇а д̇ад̇т̇а д̇хаммагат̇ам̣ суд̇ваа д̇ад̇о д̇ад̇о нигкамид̇ваа баб̣б̣аж̇ж̇ам̣ аад̣̇им̣ гад̇ваа ануломабадибад̣̇ам̣ бадибаннаанам̣ абаримаан̣аанам̣ гулабуд̇д̇аанам̣ ниб̣б̣аанасамосаран̣ам̣ д̣̇адтаб̣б̣ам̣.
Evamevakhoti ettha idaṃ opammasaṃsandanaṃ – araññapavane caramānapuriso viya hi dīpaṅkarapādamūlato paṭṭhāya pāramiyo pūrayamāno mahāpuriso daṭṭhabbo, tassa purisassa pubbakehi manussehi anuyātamaggadassanaṃ viya mahāsattassa anupubbena bodhipallaṅke nisinnassa pubbabhāge aṭṭhaṅgikassa vipassanāmaggassa dassanaṃ, purisassa taṃ ekapadikamaggaṃ anugacchato aparabhāge mahāmaggadassanaṃ viya mahāsattassa uparivipassanāya ciṇṇante lokuttaramaggadassanaṃ, purisassa teneva maggena gacchato purato nagaradassanaṃ viya tathāgatassa nibbānanagaradassanaṃ, bahinagaraṃ panettha aññena diṭṭhaṃ, aññena manussavāsaṃ kataṃ, nibbānanagaraṃ satthā sayameva passi, sayaṃ vāsamakāsi. Tassa purisassa catunnaṃ dvārānaṃ diṭṭhakālo viya tathāgatassa catunnaṃ maggānaṃ diṭṭhakālo, tassa catūhi dvārehi nagaraṃ paviṭṭhakālo viya tathāgatassa catūhi maggehi nibbānaṃ paviṭṭhakālo, tassa nagarabbhantare bhaṇḍavavatthānakālo viya tathāgatassa paccavekkhaṇañāṇena paropaṇṇāsakusaladhammavavatthānakālo. Nagarassa agārakaraṇatthaṃ kulapariyesanakālo viya satthu phalasamāpattito vuṭṭhāya veneyyasatte volokanakālo, tena purisena yācitassa rañño ekaṃ mahākuṭumbikaṃ diṭṭhakālo viya mahābrahmunā yācitassa bhagavato aññāsikoṇḍaññattheraṃ diṭṭhakālo, rañño mahākuṭumbikaṃ pakkosāpetvā ‘‘nagaravāsaṃ karohī’’ti pahitakālo viya bhagavato ekasmiṃ pacchābhatte aṭṭhārasayojanamaggaṃ gantvā āsāḷhipuṇṇamadivase bārāṇasiyaṃ isipatanaṃ pavisitvā theraṃ kāyasakkhiṃ katvā dhammaṃ desitakālo, mahākuṭumbikena aṭṭhārasa purisakoṭiyo gahetvā nagaraṃ ajjhāvuṭṭhakālo viya tathāgatena dhammacakke pavattite therassa aṭṭhārasahi brahmakoṭīhi saddhiṃ sotāpattiphale patiṭṭhitakālo, evaṃ nibbānanagaraṃ paṭhamaṃ āvāsitaṃ, tato sampuṇṇaṃ nagaranti pucchitvā na tāvāti vutte pañca kulāni ādiṃ katvā yāva caturāsītikulasahassapesanaṃ viya tathāgatassa pañcamadivasato paṭṭhāya anattalakkhaṇasuttādīni desetvā pañcavaggiye ādiṃ katvā yasapamukhā pañcapaṇṇāsa kulaputtā, tiṃsa bhaddavaggiyā, sahassapurāṇajaṭilā, bimbisārapamukhāni ekādasapurisanahutāni, tirokuṭṭānumodane caturāsītisahassānīti ettakassa janassa ariyamaggaṃ otāretvā nibbānanagaraṃ pesitakālo, atha tena nayena nagare apūriyamāne bheriṃ carāpetvā nagarassa vaṇṇaghosanaṃ kulānaṃ parihāralābhaghosanaṃ viya ca māsassa aṭṭha divase tattha tattha nisīditvā dhammakathikānaṃ nibbānavaṇṇassa ceva nibbānappattānaṃ jātikantārādinittharaṇānisaṃsassa ca ghosanaṃ, tato sabbadisāhi āgantvā manussānaṃ nagarasamosaraṇaṃ viya tattha tattha dhammakathaṃ sutvā tato tato nikkhamitvā pabbajjaṃ ādiṃ katvā anulomapaṭipadaṃ paṭipannānaṃ aparimāṇānaṃ kulaputtānaṃ nibbānasamosaraṇaṃ daṭṭhabbaṃ.
бураан̣ам̣ маг̇г̇анд̇и арияам̣ адтан̇г̇игам̣ маг̇г̇ам̣. аяан̃хи арияамаг̇г̇о бавааран̣асуд̇д̇з (сам̣. ни. 1.215) авад̇д̇амаанагадтзна ‘‘ануббаннамаг̇г̇о’’д̇и вуд̇д̇о, имасмим̣ суд̇д̇з авал̣ан̃ж̇анадтзна ‘‘бураан̣амаг̇г̇о’’д̇и. б̣рахмажарияанд̇и сигкад̇д̇аяасан̇г̇ахам̣ сагаласаасанам̣. ид̣̇д̇ханд̇и жхаанассаад̣̇зна самид̣̇д̇хам̣ субхигкам̣. пийд̇анд̇и абхин̃н̃аабхаран̣зхи бубпид̇ам̣. вид̇т̇аариганд̇и вид̇т̇ин̣н̣ам̣. б̣аахуж̇ан̃н̃анд̇и б̣ахуж̇анавин̃н̃зяяам̣. яаава д̣̇звамануссзхи суббагаасид̇анд̇и яаава д̣̇асасахассажаггаваал̣з д̣̇звамануссзхи барижчзд̣̇о ад̇т̇и, зд̇асмим̣ анд̇арз суббагаасид̇ам̣ суд̣̇зсид̇ам̣ д̇ат̇ааг̇ад̇знаад̇и. бан̃жамам̣.
Purāṇaṃ magganti ariyaṃ aṭṭhaṅgikaṃ maggaṃ. Ayañhi ariyamaggo pavāraṇasutte (saṃ. ni. 1.215) avattamānakaṭṭhena ‘‘anuppannamaggo’’ti vutto, imasmiṃ sutte avaḷañjanaṭṭhena ‘‘purāṇamaggo’’ti. Brahmacariyanti sikkhattayasaṅgahaṃ sakalasāsanaṃ. Iddhanti jhānassādena samiddhaṃ subhikkhaṃ. Phītanti abhiññābharaṇehi pupphitaṃ. Vitthārikanti vitthiṇṇaṃ. Bāhujaññanti bahujanaviññeyyaṃ. Yāva devamanussehisuppakāsitanti yāva dasasahassacakkavāḷe devamanussehi paricchedo atthi, etasmiṃ antare suppakāsitaṃ sudesitaṃ tathāgatenāti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. наг̇арасуд̇д̇ам̣ • 5. Nagarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. наг̇арасуд̇д̇аван̣н̣анаа • 5. Nagarasuttavaṇṇanā
