| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. наг̇аравинд̣̇зяяасуд̇д̇ам̣
8. Nagaravindeyyasuttaṃ
434. звам̣ мз суд̇ам̣ – згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ язна наг̇аравинд̣̇ам̣ наама госалаанам̣ б̣раахман̣аанам̣ г̇аамо д̇ад̣̇авасари. ассосум̣ ко наг̇аравинд̣̇зяяагаа 1 б̣раахман̣аг̇ахабад̇игаа – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о госалзсу жааригам̣ жарамаано махад̇аа бхигкусан̇гхзна сад̣̇д̇хим̣ наг̇аравинд̣̇ам̣ ануббад̇д̇о. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и.
434. Evaṃ me sutaṃ – ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena nagaravindaṃ nāma kosalānaṃ brāhmaṇānaṃ gāmo tadavasari. Assosuṃ kho nagaravindeyyakā 2 brāhmaṇagahapatikā – ‘‘samaṇo khalu, bho, gotamo sakyaputto sakyakulā pabbajito kosalesu cārikaṃ caramāno mahatā bhikkhusaṅghena saddhiṃ nagaravindaṃ anuppatto. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.
ат̇а ко наг̇аравинд̣̇зяяагаа б̣раахман̣аг̇ахабад̇игаа язна бхаг̇аваа д̇знубасан̇гамим̣су; убасан̇гамид̇ваа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. аббзгажжз бхаг̇авад̇аа сад̣̇д̇хим̣ саммод̣̇им̣су; саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су. аббзгажжз бхаг̇авад̇о санд̇игз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су. аббзгажжз д̇ун̣хийбхууд̇аа згаманд̇ам̣ нисийд̣̇им̣су. згаманд̇ам̣ нисиннз ко наг̇аравинд̣̇зяяагз б̣раахман̣аг̇ахабад̇игз бхаг̇аваа зд̇ад̣̇авожа –
Atha kho nagaravindeyyakā brāhmaṇagahapatikā yena bhagavā tenupasaṅkamiṃsu; upasaṅkamitvā appekacce bhagavantaṃ abhivādetvā ekamantaṃ nisīdiṃsu. Appekacce bhagavatā saddhiṃ sammodiṃsu; sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Appekacce yena bhagavā tenañjaliṃ paṇāmetvā ekamantaṃ nisīdiṃsu. Appekacce bhagavato santike nāmagottaṃ sāvetvā ekamantaṃ nisīdiṃsu. Appekacce tuṇhībhūtā ekamantaṃ nisīdiṃsu. Ekamantaṃ nisinne kho nagaravindeyyake brāhmaṇagahapatike bhagavā etadavoca –
435. ‘‘сажз во, г̇ахабад̇аяо, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘гат̇ам̣бхууд̇аа, г̇ахабад̇аяо, саман̣аб̣раахман̣аа на саггаад̇аб̣б̣аа на г̇аругаад̇аб̣б̣аа на маанзд̇аб̣б̣аа на бууж̇зд̇аб̣б̣аа’д̇и? звам̣ будтаа д̇умхз, г̇ахабад̇аяо, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘яз д̇з саман̣аб̣раахман̣аа жагкувин̃н̃зяязсу руубзсу авийд̇арааг̇аа авийд̇ад̣̇осаа авийд̇амохаа, аж̇жхад̇д̇ам̣ авуубасанд̇ажид̇д̇аа, самависамам̣ жаранд̇и гааязна ваажааяа манасаа, зваруубаа саман̣аб̣раахман̣аа на саггаад̇аб̣б̣аа на г̇аругаад̇аб̣б̣аа на маанзд̇аб̣б̣аа на бууж̇зд̇аб̣б̣аа. д̇ам̣ гисса хзд̇у? маяамби хи жагкувин̃н̃зяязсу руубзсу авийд̇арааг̇аа авийд̇ад̣̇осаа авийд̇амохаа, аж̇жхад̇д̇ам̣ авуубасанд̇ажид̇д̇аа, самависамам̣ жараама гааязна ваажааяа манасаа, д̇зсам̣ но самажарияамби хзд̇ам̣ уд̇д̇ари абассад̇ам̣. д̇асмаа д̇з бхонд̇о саман̣аб̣раахман̣аа на саггаад̇аб̣б̣аа на г̇аругаад̇аб̣б̣аа на маанзд̇аб̣б̣аа на бууж̇зд̇аб̣б̣аа. яз д̇з саман̣аб̣раахман̣аа сод̇авин̃н̃зяязсу сад̣̇д̣̇зсу… гхаанавин̃н̃зяязсу г̇анд̇хзсу… ж̇ивхаавин̃н̃зяязсу расзсу… гааяавин̃н̃зяязсу подтаб̣б̣зсу… мановин̃н̃зяязсу д̇хаммзсу авийд̇арааг̇аа авийд̇ад̣̇осаа авийд̇амохаа, аж̇жхад̇д̇ам̣ авуубасанд̇ажид̇д̇аа, самависамам̣ жаранд̇и гааязна ваажааяа манасаа, зваруубаа саман̣аб̣раахман̣аа на саггаад̇аб̣б̣аа на г̇аругаад̇аб̣б̣аа на маанзд̇аб̣б̣аа на бууж̇зд̇аб̣б̣аа. д̇ам̣ гисса хзд̇у? маяамби хи мановин̃н̃зяязсу д̇хаммзсу авийд̇арааг̇аа авийд̇ад̣̇осаа авийд̇амохаа , аж̇жхад̇д̇ам̣ авуубасанд̇ажид̇д̇аа, самависамам̣ жараама гааязна ваажааяа манасаа, д̇зсам̣ но самажарияамби хзд̇ам̣ уд̇д̇ари абассад̇ам̣. д̇асмаа д̇з бхонд̇о саман̣аб̣раахман̣аа на саггаад̇аб̣б̣аа на г̇аругаад̇аб̣б̣аа на маанзд̇аб̣б̣аа на бууж̇зд̇аб̣б̣аа’д̇и. звам̣ будтаа д̇умхз, г̇ахабад̇аяо, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а.
435. ‘‘Sace vo, gahapatayo, aññatitthiyā paribbājakā evaṃ puccheyyuṃ – ‘kathaṃbhūtā, gahapatayo, samaṇabrāhmaṇā na sakkātabbā na garukātabbā na mānetabbā na pūjetabbā’ti? Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha – ‘ye te samaṇabrāhmaṇā cakkhuviññeyyesu rūpesu avītarāgā avītadosā avītamohā, ajjhattaṃ avūpasantacittā, samavisamaṃ caranti kāyena vācāya manasā, evarūpā samaṇabrāhmaṇā na sakkātabbā na garukātabbā na mānetabbā na pūjetabbā. Taṃ kissa hetu? Mayampi hi cakkhuviññeyyesu rūpesu avītarāgā avītadosā avītamohā, ajjhattaṃ avūpasantacittā, samavisamaṃ carāma kāyena vācāya manasā, tesaṃ no samacariyampi hetaṃ uttari apassataṃ. Tasmā te bhonto samaṇabrāhmaṇā na sakkātabbā na garukātabbā na mānetabbā na pūjetabbā. Ye te samaṇabrāhmaṇā sotaviññeyyesu saddesu… ghānaviññeyyesu gandhesu… jivhāviññeyyesu rasesu… kāyaviññeyyesu phoṭṭhabbesu… manoviññeyyesu dhammesu avītarāgā avītadosā avītamohā, ajjhattaṃ avūpasantacittā, samavisamaṃ caranti kāyena vācāya manasā, evarūpā samaṇabrāhmaṇā na sakkātabbā na garukātabbā na mānetabbā na pūjetabbā. Taṃ kissa hetu? Mayampi hi manoviññeyyesu dhammesu avītarāgā avītadosā avītamohā , ajjhattaṃ avūpasantacittā, samavisamaṃ carāma kāyena vācāya manasā, tesaṃ no samacariyampi hetaṃ uttari apassataṃ. Tasmā te bhonto samaṇabrāhmaṇā na sakkātabbā na garukātabbā na mānetabbā na pūjetabbā’ti. Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha.
436. ‘‘сажз бана во, г̇ахабад̇аяо, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘гат̇ам̣бхууд̇аа, г̇ахабад̇аяо, саман̣аб̣раахман̣аа саггаад̇аб̣б̣аа г̇аругаад̇аб̣б̣аа маанзд̇аб̣б̣аа бууж̇зд̇аб̣б̣аа’д̇и? звам̣ будтаа д̇умхз, г̇ахабад̇аяо, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘яз д̇з саман̣аб̣раахман̣аа жагкувин̃н̃зяязсу руубзсу вийд̇арааг̇аа вийд̇ад̣̇осаа вийд̇амохаа, аж̇жхад̇д̇ам̣ вуубасанд̇ажид̇д̇аа, самажарияам̣ жаранд̇и гааязна ваажааяа манасаа, зваруубаа саман̣аб̣раахман̣аа саггаад̇аб̣б̣аа г̇аругаад̇аб̣б̣аа маанзд̇аб̣б̣аа бууж̇зд̇аб̣б̣аа. д̇ам̣ гисса хзд̇у? маяамби хи 3 жагкувин̃н̃зяязсу руубзсу авийд̇арааг̇аа авийд̇ад̣̇осаа авийд̇амохаа, аж̇жхад̇д̇ам̣ авуубасанд̇ажид̇д̇аа, самависамам̣ жараама гааязна ваажааяа манасаа, д̇зсам̣ но самажарияамби хзд̇ам̣ уд̇д̇ари бассад̇ам̣. д̇асмаа д̇з бхонд̇о саман̣аб̣раахман̣аа саггаад̇аб̣б̣аа г̇аругаад̇аб̣б̣аа маанзд̇аб̣б̣аа бууж̇зд̇аб̣б̣аа. яз д̇з саман̣аб̣раахман̣аа сод̇авин̃н̃зяязсу сад̣̇д̣̇зсу… гхаанавин̃н̃зяязсу г̇анд̇хзсу… ж̇ивхаавин̃н̃зяязсу расзсу… гааяавин̃н̃зяязсу подтаб̣б̣зсу… мановин̃н̃зяязсу д̇хаммзсу вийд̇арааг̇аа вийд̇ад̣̇осаа вийд̇амохаа, аж̇жхад̇д̇ам̣ вуубасанд̇ажид̇д̇аа, самажарияам̣ жаранд̇и гааязна ваажааяа манасаа, зваруубаа саман̣аб̣раахман̣аа саггаад̇аб̣б̣аа г̇аругаад̇аб̣б̣аа маанзд̇аб̣б̣аа бууж̇зд̇аб̣б̣аа. д̇ам̣ гисса хзд̇у? маяамби хи мановин̃н̃зяязсу д̇хаммзсу авийд̇арааг̇аа авийд̇ад̣̇осаа авийд̇амохаа аж̇жхад̇д̇ам̣ авуубасанд̇ажид̇д̇аа, самависамам̣ жараама гааязна ваажааяа манасаа, д̇зсам̣ но самажарияамби хзд̇ам̣ уд̇д̇ари бассад̇ам̣. д̇асмаа д̇з бхонд̇о саман̣аб̣раахман̣аа саггаад̇аб̣б̣аа г̇аругаад̇аб̣б̣аа маанзд̇аб̣б̣аа бууж̇зд̇аб̣б̣аа’д̇и . звам̣ будтаа д̇умхз, г̇ахабад̇аяо, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а.
436. ‘‘Sace pana vo, gahapatayo, aññatitthiyā paribbājakā evaṃ puccheyyuṃ – ‘kathaṃbhūtā, gahapatayo, samaṇabrāhmaṇā sakkātabbā garukātabbā mānetabbā pūjetabbā’ti? Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha – ‘ye te samaṇabrāhmaṇā cakkhuviññeyyesu rūpesu vītarāgā vītadosā vītamohā, ajjhattaṃ vūpasantacittā, samacariyaṃ caranti kāyena vācāya manasā, evarūpā samaṇabrāhmaṇā sakkātabbā garukātabbā mānetabbā pūjetabbā. Taṃ kissa hetu? Mayampi hi 4 cakkhuviññeyyesu rūpesu avītarāgā avītadosā avītamohā, ajjhattaṃ avūpasantacittā, samavisamaṃ carāma kāyena vācāya manasā, tesaṃ no samacariyampi hetaṃ uttari passataṃ. Tasmā te bhonto samaṇabrāhmaṇā sakkātabbā garukātabbā mānetabbā pūjetabbā. Ye te samaṇabrāhmaṇā sotaviññeyyesu saddesu… ghānaviññeyyesu gandhesu… jivhāviññeyyesu rasesu… kāyaviññeyyesu phoṭṭhabbesu… manoviññeyyesu dhammesu vītarāgā vītadosā vītamohā, ajjhattaṃ vūpasantacittā, samacariyaṃ caranti kāyena vācāya manasā, evarūpā samaṇabrāhmaṇā sakkātabbā garukātabbā mānetabbā pūjetabbā. Taṃ kissa hetu? Mayampi hi manoviññeyyesu dhammesu avītarāgā avītadosā avītamohā ajjhattaṃ avūpasantacittā, samavisamaṃ carāma kāyena vācāya manasā, tesaṃ no samacariyampi hetaṃ uttari passataṃ. Tasmā te bhonto samaṇabrāhmaṇā sakkātabbā garukātabbā mānetabbā pūjetabbā’ti . Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha.
437. ‘‘сажз бана во 5, г̇ахабад̇аяо, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘гз банааяасманд̇аанам̣ аагаараа, гз анваяаа, язна д̇умхз ааяасманд̇о звам̣ вад̣̇зт̇а? ад̣̇д̇хаа д̇з ааяасманд̇о вийд̇арааг̇аа ваа рааг̇авинаяааяа ваа бадибаннаа, вийд̇ад̣̇осаа ваа д̣̇осавинаяааяа ваа бадибаннаа, вийд̇амохаа ваа мохавинаяааяа ваа бадибаннаа’д̇и? звам̣ будтаа д̇умхз, г̇ахабад̇аяо, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘д̇ат̇аа хи д̇з ааяасманд̇о аран̃н̃аванабад̇т̇аани банд̇аани сзнаасанаани бадисзванд̇и. над̇т̇и ко бана д̇ад̇т̇а д̇ат̇ааруубаа жагкувин̃н̃зяяаа руубаа яз д̣̇исваа д̣̇исваа абхирамзяяум̣, над̇т̇и ко бана д̇ад̇т̇а д̇ат̇ааруубаа сод̇авин̃н̃зяяаа сад̣̇д̣̇аа яз суд̇ваа суд̇ваа абхирамзяяум̣, над̇т̇и ко бана д̇ад̇т̇а д̇ат̇ааруубаа гхаанавин̃н̃зяяаа г̇анд̇хаа яз гхааяид̇ваа гхааяид̇ваа абхирамзяяум̣ , над̇т̇и ко бана д̇ад̇т̇а д̇ат̇ааруубаа ж̇ивхаавин̃н̃зяяаа расаа яз сааяид̇ваа сааяид̇ваа абхирамзяяум̣, над̇т̇и ко бана д̇ад̇т̇а д̇ат̇ааруубаа гааяавин̃н̃зяяаа подтаб̣б̣аа яз пусид̇ваа пусид̇ваа абхирамзяяум̣. имз ко но, аавусо, аагаараа, имз анваяаа, язна маяам̣ 6 звам̣ вад̣̇зма – ад̣̇д̇хаа д̇з ааяасманд̇о вийд̇арааг̇аа ваа рааг̇авинаяааяа ваа бадибаннаа, вийд̇ад̣̇осаа ваа д̣̇осавинаяааяа ваа бадибаннаа, вийд̇амохаа ваа мохавинаяааяа ваа бадибаннаа’д̇и. звам̣ будтаа д̇умхз, г̇ахабад̇аяо, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇аа’’д̇и.
437. ‘‘Sace pana vo 7, gahapatayo, aññatitthiyā paribbājakā evaṃ puccheyyuṃ – ‘ke panāyasmantānaṃ ākārā, ke anvayā, yena tumhe āyasmanto evaṃ vadetha? Addhā te āyasmanto vītarāgā vā rāgavinayāya vā paṭipannā, vītadosā vā dosavinayāya vā paṭipannā, vītamohā vā mohavinayāya vā paṭipannā’ti? Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha – ‘tathā hi te āyasmanto araññavanapatthāni pantāni senāsanāni paṭisevanti. Natthi kho pana tattha tathārūpā cakkhuviññeyyā rūpā ye disvā disvā abhirameyyuṃ, natthi kho pana tattha tathārūpā sotaviññeyyā saddā ye sutvā sutvā abhirameyyuṃ, natthi kho pana tattha tathārūpā ghānaviññeyyā gandhā ye ghāyitvā ghāyitvā abhirameyyuṃ , natthi kho pana tattha tathārūpā jivhāviññeyyā rasā ye sāyitvā sāyitvā abhirameyyuṃ, natthi kho pana tattha tathārūpā kāyaviññeyyā phoṭṭhabbā ye phusitvā phusitvā abhirameyyuṃ. Ime kho no, āvuso, ākārā, ime anvayā, yena mayaṃ 8 evaṃ vadema – addhā te āyasmanto vītarāgā vā rāgavinayāya vā paṭipannā, vītadosā vā dosavinayāya vā paṭipannā, vītamohā vā mohavinayāya vā paṭipannā’ti. Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyāthā’’ti.
звам̣ вуд̇д̇з, наг̇аравинд̣̇зяяагаа б̣раахман̣аг̇ахабад̇игаа бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зд̇з маяам̣ бхаванд̇ам̣ г̇од̇амам̣ саран̣ам̣ г̇ажчаама д̇хамман̃жа бхигкусан̇гхан̃жа. убаасагз но бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇з саран̣ам̣ г̇ад̇з’’д̇и.
Evaṃ vutte, nagaravindeyyakā brāhmaṇagahapatikā bhagavantaṃ etadavocuṃ – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Ete mayaṃ bhavantaṃ gotamaṃ saraṇaṃ gacchāma dhammañca bhikkhusaṅghañca. Upāsake no bhavaṃ gotamo dhāretu ajjatagge pāṇupete saraṇaṃ gate’’ti.
наг̇аравинд̣̇зяяасуд̇д̇ам̣ нидтид̇ам̣ адтамам̣.
Nagaravindeyyasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. наг̇аравинд̣̇зяяасуд̇д̇аван̣н̣анаа • 8. Nagaravindeyyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. наг̇аравинд̣̇зяяасуд̇д̇аван̣н̣анаа • 8. Nagaravindeyyasuttavaṇṇanā
