| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੮. ਨਗਰવਿਨ੍ਦੇਯ੍ਯਸੁਤ੍ਤਂ
8. Nagaravindeyyasuttaṃ
੪੩੪. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਕੋਸਲੇਸੁ ਚਾਰਿਕਂ ਚਰਮਾਨੋ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਯੇਨ ਨਗਰવਿਨ੍ਦਂ ਨਾਮ ਕੋਸਲਾਨਂ ਬ੍ਰਾਹ੍ਮਣਾਨਂ ਗਾਮੋ ਤਦવਸਰਿ। ਅਸ੍ਸੋਸੁਂ ਖੋ ਨਗਰવਿਨ੍ਦੇਯ੍ਯਕਾ 1 ਬ੍ਰਾਹ੍ਮਣਗਹਪਤਿਕਾ – ‘‘ਸਮਣੋ ਖਲੁ, ਭੋ, ਗੋਤਮੋ ਸਕ੍ਯਪੁਤ੍ਤੋ ਸਕ੍ਯਕੁਲਾ ਪਬ੍ਬਜਿਤੋ ਕੋਸਲੇਸੁ ਚਾਰਿਕਂ ਚਰਮਾਨੋ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਨਗਰવਿਨ੍ਦਂ ਅਨੁਪ੍ਪਤ੍ਤੋ। ਤਂ ਖੋ ਪਨ ਭવਨ੍ਤਂ ਗੋਤਮਂ ਏવਂ ਕਲ੍ਯਾਣੋ ਕਿਤ੍ਤਿਸਦ੍ਦੋ ਅਬ੍ਭੁਗ੍ਗਤੋ – ‘ਇਤਿਪਿ ਸੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ વਿਜ੍ਜਾਚਰਣਸਮ੍ਪਨ੍ਨੋ ਸੁਗਤੋ ਲੋਕવਿਦੂ ਅਨੁਤ੍ਤਰੋ ਪੁਰਿਸਦਮ੍ਮਸਾਰਥਿ ਸਤ੍ਥਾ ਦੇવਮਨੁਸ੍ਸਾਨਂ ਬੁਦ੍ਧੋ ਭਗવਾ’ਤਿ। ਸੋ ਇਮਂ ਲੋਕਂ ਸਦੇવਕਂ ਸਮਾਰਕਂ ਸਬ੍ਰਹ੍ਮਕਂ ਸਸ੍ਸਮਣਬ੍ਰਾਹ੍ਮਣਿਂ ਪਜਂ ਸਦੇવਮਨੁਸ੍ਸਂ ਸਯਂ ਅਭਿਞ੍ਞਾ ਸਚ੍ਛਿਕਤ੍વਾ ਪવੇਦੇਤਿ। ਸੋ ਧਮ੍ਮਂ ਦੇਸੇਤਿ ਆਦਿਕਲ੍ਯਾਣਂ ਮਜ੍ਝੇਕਲ੍ਯਾਣਂ ਪਰਿਯੋਸਾਨਕਲ੍ਯਾਣਂ ਸਾਤ੍ਥਂ ਸਬ੍ਯਞ੍ਜਨਂ, ਕੇવਲਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਪਕਾਸੇਤਿ। ਸਾਧੁ ਖੋ ਪਨ ਤਥਾਰੂਪਾਨਂ ਅਰਹਤਂ ਦਸ੍ਸਨਂ ਹੋਤੀ’’ਤਿ।
434. Evaṃ me sutaṃ – ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena nagaravindaṃ nāma kosalānaṃ brāhmaṇānaṃ gāmo tadavasari. Assosuṃ kho nagaravindeyyakā 2 brāhmaṇagahapatikā – ‘‘samaṇo khalu, bho, gotamo sakyaputto sakyakulā pabbajito kosalesu cārikaṃ caramāno mahatā bhikkhusaṅghena saddhiṃ nagaravindaṃ anuppatto. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.
ਅਥ ਖੋ ਨਗਰવਿਨ੍ਦੇਯ੍ਯਕਾ ਬ੍ਰਾਹ੍ਮਣਗਹਪਤਿਕਾ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਅਪ੍ਪੇਕਚ੍ਚੇ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਅਪ੍ਪੇਕਚ੍ਚੇ ਭਗવਤਾ ਸਦ੍ਧਿਂ ਸਮ੍ਮੋਦਿਂਸੁ; ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਅਪ੍ਪੇਕਚ੍ਚੇ ਯੇਨ ਭਗવਾ ਤੇਨਞ੍ਜਲਿਂ ਪਣਾਮੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਅਪ੍ਪੇਕਚ੍ਚੇ ਭਗવਤੋ ਸਨ੍ਤਿਕੇ ਨਾਮਗੋਤ੍ਤਂ ਸਾવੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਅਪ੍ਪੇਕਚ੍ਚੇ ਤੁਣ੍ਹੀਭੂਤਾ ਏਕਮਨ੍ਤਂ ਨਿਸੀਦਿਂਸੁ। ਏਕਮਨ੍ਤਂ ਨਿਸਿਨ੍ਨੇ ਖੋ ਨਗਰવਿਨ੍ਦੇਯ੍ਯਕੇ ਬ੍ਰਾਹ੍ਮਣਗਹਪਤਿਕੇ ਭਗવਾ ਏਤਦવੋਚ –
Atha kho nagaravindeyyakā brāhmaṇagahapatikā yena bhagavā tenupasaṅkamiṃsu; upasaṅkamitvā appekacce bhagavantaṃ abhivādetvā ekamantaṃ nisīdiṃsu. Appekacce bhagavatā saddhiṃ sammodiṃsu; sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Appekacce yena bhagavā tenañjaliṃ paṇāmetvā ekamantaṃ nisīdiṃsu. Appekacce bhagavato santike nāmagottaṃ sāvetvā ekamantaṃ nisīdiṃsu. Appekacce tuṇhībhūtā ekamantaṃ nisīdiṃsu. Ekamantaṃ nisinne kho nagaravindeyyake brāhmaṇagahapatike bhagavā etadavoca –
੪੩੫. ‘‘ਸਚੇ વੋ, ਗਹਪਤਯੋ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਏવਂ ਪੁਚ੍ਛੇਯ੍ਯੁਂ – ‘ਕਥਂਭੂਤਾ, ਗਹਪਤਯੋ, ਸਮਣਬ੍ਰਾਹ੍ਮਣਾ ਨ ਸਕ੍ਕਾਤਬ੍ਬਾ ਨ ਗਰੁਕਾਤਬ੍ਬਾ ਨ ਮਾਨੇਤਬ੍ਬਾ ਨ ਪੂਜੇਤਬ੍ਬਾ’ਤਿ? ਏવਂ ਪੁਟ੍ਠਾ ਤੁਮ੍ਹੇ, ਗਹਪਤਯੋ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥ – ‘ਯੇ ਤੇ ਸਮਣਬ੍ਰਾਹ੍ਮਣਾ ਚਕ੍ਖੁવਿਞ੍ਞੇਯ੍ਯੇਸੁ ਰੂਪੇਸੁ ਅવੀਤਰਾਗਾ ਅવੀਤਦੋਸਾ ਅવੀਤਮੋਹਾ, ਅਜ੍ਝਤ੍ਤਂ ਅવੂਪਸਨ੍ਤਚਿਤ੍ਤਾ, ਸਮવਿਸਮਂ ਚਰਨ੍ਤਿ ਕਾਯੇਨ વਾਚਾਯ ਮਨਸਾ, ਏવਰੂਪਾ ਸਮਣਬ੍ਰਾਹ੍ਮਣਾ ਨ ਸਕ੍ਕਾਤਬ੍ਬਾ ਨ ਗਰੁਕਾਤਬ੍ਬਾ ਨ ਮਾਨੇਤਬ੍ਬਾ ਨ ਪੂਜੇਤਬ੍ਬਾ। ਤਂ ਕਿਸ੍ਸ ਹੇਤੁ? ਮਯਮ੍ਪਿ ਹਿ ਚਕ੍ਖੁવਿਞ੍ਞੇਯ੍ਯੇਸੁ ਰੂਪੇਸੁ ਅવੀਤਰਾਗਾ ਅવੀਤਦੋਸਾ ਅવੀਤਮੋਹਾ, ਅਜ੍ਝਤ੍ਤਂ ਅવੂਪਸਨ੍ਤਚਿਤ੍ਤਾ, ਸਮવਿਸਮਂ ਚਰਾਮ ਕਾਯੇਨ વਾਚਾਯ ਮਨਸਾ, ਤੇਸਂ ਨੋ ਸਮਚਰਿਯਮ੍ਪਿ ਹੇਤਂ ਉਤ੍ਤਰਿ ਅਪਸ੍ਸਤਂ। ਤਸ੍ਮਾ ਤੇ ਭੋਨ੍ਤੋ ਸਮਣਬ੍ਰਾਹ੍ਮਣਾ ਨ ਸਕ੍ਕਾਤਬ੍ਬਾ ਨ ਗਰੁਕਾਤਬ੍ਬਾ ਨ ਮਾਨੇਤਬ੍ਬਾ ਨ ਪੂਜੇਤਬ੍ਬਾ। ਯੇ ਤੇ ਸਮਣਬ੍ਰਾਹ੍ਮਣਾ ਸੋਤવਿਞ੍ਞੇਯ੍ਯੇਸੁ ਸਦ੍ਦੇਸੁ… ਘਾਨવਿਞ੍ਞੇਯ੍ਯੇਸੁ ਗਨ੍ਧੇਸੁ… ਜਿવ੍ਹਾવਿਞ੍ਞੇਯ੍ਯੇਸੁ ਰਸੇਸੁ… ਕਾਯવਿਞ੍ਞੇਯ੍ਯੇਸੁ ਫੋਟ੍ਠਬ੍ਬੇਸੁ… ਮਨੋવਿਞ੍ਞੇਯ੍ਯੇਸੁ ਧਮ੍ਮੇਸੁ ਅવੀਤਰਾਗਾ ਅવੀਤਦੋਸਾ ਅવੀਤਮੋਹਾ, ਅਜ੍ਝਤ੍ਤਂ ਅવੂਪਸਨ੍ਤਚਿਤ੍ਤਾ, ਸਮવਿਸਮਂ ਚਰਨ੍ਤਿ ਕਾਯੇਨ વਾਚਾਯ ਮਨਸਾ, ਏવਰੂਪਾ ਸਮਣਬ੍ਰਾਹ੍ਮਣਾ ਨ ਸਕ੍ਕਾਤਬ੍ਬਾ ਨ ਗਰੁਕਾਤਬ੍ਬਾ ਨ ਮਾਨੇਤਬ੍ਬਾ ਨ ਪੂਜੇਤਬ੍ਬਾ। ਤਂ ਕਿਸ੍ਸ ਹੇਤੁ? ਮਯਮ੍ਪਿ ਹਿ ਮਨੋવਿਞ੍ਞੇਯ੍ਯੇਸੁ ਧਮ੍ਮੇਸੁ ਅવੀਤਰਾਗਾ ਅવੀਤਦੋਸਾ ਅવੀਤਮੋਹਾ , ਅਜ੍ਝਤ੍ਤਂ ਅવੂਪਸਨ੍ਤਚਿਤ੍ਤਾ, ਸਮવਿਸਮਂ ਚਰਾਮ ਕਾਯੇਨ વਾਚਾਯ ਮਨਸਾ, ਤੇਸਂ ਨੋ ਸਮਚਰਿਯਮ੍ਪਿ ਹੇਤਂ ਉਤ੍ਤਰਿ ਅਪਸ੍ਸਤਂ। ਤਸ੍ਮਾ ਤੇ ਭੋਨ੍ਤੋ ਸਮਣਬ੍ਰਾਹ੍ਮਣਾ ਨ ਸਕ੍ਕਾਤਬ੍ਬਾ ਨ ਗਰੁਕਾਤਬ੍ਬਾ ਨ ਮਾਨੇਤਬ੍ਬਾ ਨ ਪੂਜੇਤਬ੍ਬਾ’ਤਿ। ਏવਂ ਪੁਟ੍ਠਾ ਤੁਮ੍ਹੇ, ਗਹਪਤਯੋ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥ।
435. ‘‘Sace vo, gahapatayo, aññatitthiyā paribbājakā evaṃ puccheyyuṃ – ‘kathaṃbhūtā, gahapatayo, samaṇabrāhmaṇā na sakkātabbā na garukātabbā na mānetabbā na pūjetabbā’ti? Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha – ‘ye te samaṇabrāhmaṇā cakkhuviññeyyesu rūpesu avītarāgā avītadosā avītamohā, ajjhattaṃ avūpasantacittā, samavisamaṃ caranti kāyena vācāya manasā, evarūpā samaṇabrāhmaṇā na sakkātabbā na garukātabbā na mānetabbā na pūjetabbā. Taṃ kissa hetu? Mayampi hi cakkhuviññeyyesu rūpesu avītarāgā avītadosā avītamohā, ajjhattaṃ avūpasantacittā, samavisamaṃ carāma kāyena vācāya manasā, tesaṃ no samacariyampi hetaṃ uttari apassataṃ. Tasmā te bhonto samaṇabrāhmaṇā na sakkātabbā na garukātabbā na mānetabbā na pūjetabbā. Ye te samaṇabrāhmaṇā sotaviññeyyesu saddesu… ghānaviññeyyesu gandhesu… jivhāviññeyyesu rasesu… kāyaviññeyyesu phoṭṭhabbesu… manoviññeyyesu dhammesu avītarāgā avītadosā avītamohā, ajjhattaṃ avūpasantacittā, samavisamaṃ caranti kāyena vācāya manasā, evarūpā samaṇabrāhmaṇā na sakkātabbā na garukātabbā na mānetabbā na pūjetabbā. Taṃ kissa hetu? Mayampi hi manoviññeyyesu dhammesu avītarāgā avītadosā avītamohā , ajjhattaṃ avūpasantacittā, samavisamaṃ carāma kāyena vācāya manasā, tesaṃ no samacariyampi hetaṃ uttari apassataṃ. Tasmā te bhonto samaṇabrāhmaṇā na sakkātabbā na garukātabbā na mānetabbā na pūjetabbā’ti. Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha.
੪੩੬. ‘‘ਸਚੇ ਪਨ વੋ, ਗਹਪਤਯੋ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਏવਂ ਪੁਚ੍ਛੇਯ੍ਯੁਂ – ‘ਕਥਂਭੂਤਾ, ਗਹਪਤਯੋ, ਸਮਣਬ੍ਰਾਹ੍ਮਣਾ ਸਕ੍ਕਾਤਬ੍ਬਾ ਗਰੁਕਾਤਬ੍ਬਾ ਮਾਨੇਤਬ੍ਬਾ ਪੂਜੇਤਬ੍ਬਾ’ਤਿ? ਏવਂ ਪੁਟ੍ਠਾ ਤੁਮ੍ਹੇ, ਗਹਪਤਯੋ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥ – ‘ਯੇ ਤੇ ਸਮਣਬ੍ਰਾਹ੍ਮਣਾ ਚਕ੍ਖੁવਿਞ੍ਞੇਯ੍ਯੇਸੁ ਰੂਪੇਸੁ વੀਤਰਾਗਾ વੀਤਦੋਸਾ વੀਤਮੋਹਾ, ਅਜ੍ਝਤ੍ਤਂ વੂਪਸਨ੍ਤਚਿਤ੍ਤਾ, ਸਮਚਰਿਯਂ ਚਰਨ੍ਤਿ ਕਾਯੇਨ વਾਚਾਯ ਮਨਸਾ, ਏવਰੂਪਾ ਸਮਣਬ੍ਰਾਹ੍ਮਣਾ ਸਕ੍ਕਾਤਬ੍ਬਾ ਗਰੁਕਾਤਬ੍ਬਾ ਮਾਨੇਤਬ੍ਬਾ ਪੂਜੇਤਬ੍ਬਾ। ਤਂ ਕਿਸ੍ਸ ਹੇਤੁ? ਮਯਮ੍ਪਿ ਹਿ 3 ਚਕ੍ਖੁવਿਞ੍ਞੇਯ੍ਯੇਸੁ ਰੂਪੇਸੁ ਅવੀਤਰਾਗਾ ਅવੀਤਦੋਸਾ ਅવੀਤਮੋਹਾ, ਅਜ੍ਝਤ੍ਤਂ ਅવੂਪਸਨ੍ਤਚਿਤ੍ਤਾ, ਸਮવਿਸਮਂ ਚਰਾਮ ਕਾਯੇਨ વਾਚਾਯ ਮਨਸਾ, ਤੇਸਂ ਨੋ ਸਮਚਰਿਯਮ੍ਪਿ ਹੇਤਂ ਉਤ੍ਤਰਿ ਪਸ੍ਸਤਂ। ਤਸ੍ਮਾ ਤੇ ਭੋਨ੍ਤੋ ਸਮਣਬ੍ਰਾਹ੍ਮਣਾ ਸਕ੍ਕਾਤਬ੍ਬਾ ਗਰੁਕਾਤਬ੍ਬਾ ਮਾਨੇਤਬ੍ਬਾ ਪੂਜੇਤਬ੍ਬਾ। ਯੇ ਤੇ ਸਮਣਬ੍ਰਾਹ੍ਮਣਾ ਸੋਤવਿਞ੍ਞੇਯ੍ਯੇਸੁ ਸਦ੍ਦੇਸੁ… ਘਾਨવਿਞ੍ਞੇਯ੍ਯੇਸੁ ਗਨ੍ਧੇਸੁ… ਜਿવ੍ਹਾવਿਞ੍ਞੇਯ੍ਯੇਸੁ ਰਸੇਸੁ… ਕਾਯવਿਞ੍ਞੇਯ੍ਯੇਸੁ ਫੋਟ੍ਠਬ੍ਬੇਸੁ… ਮਨੋવਿਞ੍ਞੇਯ੍ਯੇਸੁ ਧਮ੍ਮੇਸੁ વੀਤਰਾਗਾ વੀਤਦੋਸਾ વੀਤਮੋਹਾ, ਅਜ੍ਝਤ੍ਤਂ વੂਪਸਨ੍ਤਚਿਤ੍ਤਾ, ਸਮਚਰਿਯਂ ਚਰਨ੍ਤਿ ਕਾਯੇਨ વਾਚਾਯ ਮਨਸਾ, ਏવਰੂਪਾ ਸਮਣਬ੍ਰਾਹ੍ਮਣਾ ਸਕ੍ਕਾਤਬ੍ਬਾ ਗਰੁਕਾਤਬ੍ਬਾ ਮਾਨੇਤਬ੍ਬਾ ਪੂਜੇਤਬ੍ਬਾ। ਤਂ ਕਿਸ੍ਸ ਹੇਤੁ? ਮਯਮ੍ਪਿ ਹਿ ਮਨੋવਿਞ੍ਞੇਯ੍ਯੇਸੁ ਧਮ੍ਮੇਸੁ ਅવੀਤਰਾਗਾ ਅવੀਤਦੋਸਾ ਅવੀਤਮੋਹਾ ਅਜ੍ਝਤ੍ਤਂ ਅવੂਪਸਨ੍ਤਚਿਤ੍ਤਾ, ਸਮવਿਸਮਂ ਚਰਾਮ ਕਾਯੇਨ વਾਚਾਯ ਮਨਸਾ, ਤੇਸਂ ਨੋ ਸਮਚਰਿਯਮ੍ਪਿ ਹੇਤਂ ਉਤ੍ਤਰਿ ਪਸ੍ਸਤਂ। ਤਸ੍ਮਾ ਤੇ ਭੋਨ੍ਤੋ ਸਮਣਬ੍ਰਾਹ੍ਮਣਾ ਸਕ੍ਕਾਤਬ੍ਬਾ ਗਰੁਕਾਤਬ੍ਬਾ ਮਾਨੇਤਬ੍ਬਾ ਪੂਜੇਤਬ੍ਬਾ’ਤਿ । ਏવਂ ਪੁਟ੍ਠਾ ਤੁਮ੍ਹੇ, ਗਹਪਤਯੋ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥ।
436. ‘‘Sace pana vo, gahapatayo, aññatitthiyā paribbājakā evaṃ puccheyyuṃ – ‘kathaṃbhūtā, gahapatayo, samaṇabrāhmaṇā sakkātabbā garukātabbā mānetabbā pūjetabbā’ti? Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha – ‘ye te samaṇabrāhmaṇā cakkhuviññeyyesu rūpesu vītarāgā vītadosā vītamohā, ajjhattaṃ vūpasantacittā, samacariyaṃ caranti kāyena vācāya manasā, evarūpā samaṇabrāhmaṇā sakkātabbā garukātabbā mānetabbā pūjetabbā. Taṃ kissa hetu? Mayampi hi 4 cakkhuviññeyyesu rūpesu avītarāgā avītadosā avītamohā, ajjhattaṃ avūpasantacittā, samavisamaṃ carāma kāyena vācāya manasā, tesaṃ no samacariyampi hetaṃ uttari passataṃ. Tasmā te bhonto samaṇabrāhmaṇā sakkātabbā garukātabbā mānetabbā pūjetabbā. Ye te samaṇabrāhmaṇā sotaviññeyyesu saddesu… ghānaviññeyyesu gandhesu… jivhāviññeyyesu rasesu… kāyaviññeyyesu phoṭṭhabbesu… manoviññeyyesu dhammesu vītarāgā vītadosā vītamohā, ajjhattaṃ vūpasantacittā, samacariyaṃ caranti kāyena vācāya manasā, evarūpā samaṇabrāhmaṇā sakkātabbā garukātabbā mānetabbā pūjetabbā. Taṃ kissa hetu? Mayampi hi manoviññeyyesu dhammesu avītarāgā avītadosā avītamohā ajjhattaṃ avūpasantacittā, samavisamaṃ carāma kāyena vācāya manasā, tesaṃ no samacariyampi hetaṃ uttari passataṃ. Tasmā te bhonto samaṇabrāhmaṇā sakkātabbā garukātabbā mānetabbā pūjetabbā’ti . Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha.
੪੩੭. ‘‘ਸਚੇ ਪਨ વੋ 5, ਗਹਪਤਯੋ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਏવਂ ਪੁਚ੍ਛੇਯ੍ਯੁਂ – ‘ਕੇ ਪਨਾਯਸ੍ਮਨ੍ਤਾਨਂ ਆਕਾਰਾ, ਕੇ ਅਨ੍વਯਾ, ਯੇਨ ਤੁਮ੍ਹੇ ਆਯਸ੍ਮਨ੍ਤੋ ਏવਂ વਦੇਥ? ਅਦ੍ਧਾ ਤੇ ਆਯਸ੍ਮਨ੍ਤੋ વੀਤਰਾਗਾ વਾ ਰਾਗવਿਨਯਾਯ વਾ ਪਟਿਪਨ੍ਨਾ, વੀਤਦੋਸਾ વਾ ਦੋਸવਿਨਯਾਯ વਾ ਪਟਿਪਨ੍ਨਾ, વੀਤਮੋਹਾ વਾ ਮੋਹવਿਨਯਾਯ વਾ ਪਟਿਪਨ੍ਨਾ’ਤਿ? ਏવਂ ਪੁਟ੍ਠਾ ਤੁਮ੍ਹੇ, ਗਹਪਤਯੋ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥ – ‘ਤਥਾ ਹਿ ਤੇ ਆਯਸ੍ਮਨ੍ਤੋ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਨ੍ਤਿ। ਨਤ੍ਥਿ ਖੋ ਪਨ ਤਤ੍ਥ ਤਥਾਰੂਪਾ ਚਕ੍ਖੁવਿਞ੍ਞੇਯ੍ਯਾ ਰੂਪਾ ਯੇ ਦਿਸ੍વਾ ਦਿਸ੍વਾ ਅਭਿਰਮੇਯ੍ਯੁਂ, ਨਤ੍ਥਿ ਖੋ ਪਨ ਤਤ੍ਥ ਤਥਾਰੂਪਾ ਸੋਤવਿਞ੍ਞੇਯ੍ਯਾ ਸਦ੍ਦਾ ਯੇ ਸੁਤ੍વਾ ਸੁਤ੍વਾ ਅਭਿਰਮੇਯ੍ਯੁਂ, ਨਤ੍ਥਿ ਖੋ ਪਨ ਤਤ੍ਥ ਤਥਾਰੂਪਾ ਘਾਨવਿਞ੍ਞੇਯ੍ਯਾ ਗਨ੍ਧਾ ਯੇ ਘਾਯਿਤ੍વਾ ਘਾਯਿਤ੍વਾ ਅਭਿਰਮੇਯ੍ਯੁਂ , ਨਤ੍ਥਿ ਖੋ ਪਨ ਤਤ੍ਥ ਤਥਾਰੂਪਾ ਜਿવ੍ਹਾવਿਞ੍ਞੇਯ੍ਯਾ ਰਸਾ ਯੇ ਸਾਯਿਤ੍વਾ ਸਾਯਿਤ੍વਾ ਅਭਿਰਮੇਯ੍ਯੁਂ, ਨਤ੍ਥਿ ਖੋ ਪਨ ਤਤ੍ਥ ਤਥਾਰੂਪਾ ਕਾਯવਿਞ੍ਞੇਯ੍ਯਾ ਫੋਟ੍ਠਬ੍ਬਾ ਯੇ ਫੁਸਿਤ੍વਾ ਫੁਸਿਤ੍વਾ ਅਭਿਰਮੇਯ੍ਯੁਂ। ਇਮੇ ਖੋ ਨੋ, ਆવੁਸੋ, ਆਕਾਰਾ, ਇਮੇ ਅਨ੍વਯਾ, ਯੇਨ ਮਯਂ 6 ਏવਂ વਦੇਮ – ਅਦ੍ਧਾ ਤੇ ਆਯਸ੍ਮਨ੍ਤੋ વੀਤਰਾਗਾ વਾ ਰਾਗવਿਨਯਾਯ વਾ ਪਟਿਪਨ੍ਨਾ, વੀਤਦੋਸਾ વਾ ਦੋਸવਿਨਯਾਯ વਾ ਪਟਿਪਨ੍ਨਾ, વੀਤਮੋਹਾ વਾ ਮੋਹવਿਨਯਾਯ વਾ ਪਟਿਪਨ੍ਨਾ’ਤਿ। ਏવਂ ਪੁਟ੍ਠਾ ਤੁਮ੍ਹੇ, ਗਹਪਤਯੋ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥਾ’’ਤਿ।
437. ‘‘Sace pana vo 7, gahapatayo, aññatitthiyā paribbājakā evaṃ puccheyyuṃ – ‘ke panāyasmantānaṃ ākārā, ke anvayā, yena tumhe āyasmanto evaṃ vadetha? Addhā te āyasmanto vītarāgā vā rāgavinayāya vā paṭipannā, vītadosā vā dosavinayāya vā paṭipannā, vītamohā vā mohavinayāya vā paṭipannā’ti? Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyātha – ‘tathā hi te āyasmanto araññavanapatthāni pantāni senāsanāni paṭisevanti. Natthi kho pana tattha tathārūpā cakkhuviññeyyā rūpā ye disvā disvā abhirameyyuṃ, natthi kho pana tattha tathārūpā sotaviññeyyā saddā ye sutvā sutvā abhirameyyuṃ, natthi kho pana tattha tathārūpā ghānaviññeyyā gandhā ye ghāyitvā ghāyitvā abhirameyyuṃ , natthi kho pana tattha tathārūpā jivhāviññeyyā rasā ye sāyitvā sāyitvā abhirameyyuṃ, natthi kho pana tattha tathārūpā kāyaviññeyyā phoṭṭhabbā ye phusitvā phusitvā abhirameyyuṃ. Ime kho no, āvuso, ākārā, ime anvayā, yena mayaṃ 8 evaṃ vadema – addhā te āyasmanto vītarāgā vā rāgavinayāya vā paṭipannā, vītadosā vā dosavinayāya vā paṭipannā, vītamohā vā mohavinayāya vā paṭipannā’ti. Evaṃ puṭṭhā tumhe, gahapatayo, tesaṃ aññatitthiyānaṃ paribbājakānaṃ evaṃ byākareyyāthā’’ti.
ਏવਂ વੁਤ੍ਤੇ, ਨਗਰવਿਨ੍ਦੇਯ੍ਯਕਾ ਬ੍ਰਾਹ੍ਮਣਗਹਪਤਿਕਾ ਭਗવਨ੍ਤਂ ਏਤਦવੋਚੁਂ – ‘‘ਅਭਿਕ੍ਕਨ੍ਤਂ, ਭੋ ਗੋਤਮ, ਅਭਿਕ੍ਕਨ੍ਤਂ, ਭੋ ਗੋਤਮ! ਸੇਯ੍ਯਥਾਪਿ, ਭੋ ਗੋਤਮ, ਨਿਕ੍ਕੁਜ੍ਜਿਤਂ વਾ ਉਕ੍ਕੁਜ੍ਜੇਯ੍ਯ, ਪਟਿਚ੍ਛਨ੍ਨਂ વਾ વਿવਰੇਯ੍ਯ, ਮੂਲ਼੍ਹਸ੍ਸ વਾ ਮਗ੍ਗਂ ਆਚਿਕ੍ਖੇਯ੍ਯ, ਅਨ੍ਧਕਾਰੇ વਾ ਤੇਲਪਜ੍ਜੋਤਂ ਧਾਰੇਯ੍ਯ – ‘ਚਕ੍ਖੁਮਨ੍ਤੋ ਰੂਪਾਨਿ ਦਕ੍ਖਨ੍ਤੀ’ਤਿ; ਏવਮੇવਂ ਭੋਤਾ ਗੋਤਮੇਨ ਅਨੇਕਪਰਿਯਾਯੇਨ ਧਮ੍ਮੋ ਪਕਾਸਿਤੋ। ਏਤੇ ਮਯਂ ਭવਨ੍ਤਂ ਗੋਤਮਂ ਸਰਣਂ ਗਚ੍ਛਾਮ ਧਮ੍ਮਞ੍ਚ ਭਿਕ੍ਖੁਸਙ੍ਘਞ੍ਚ। ਉਪਾਸਕੇ ਨੋ ਭવਂ ਗੋਤਮੋ ਧਾਰੇਤੁ ਅਜ੍ਜਤਗ੍ਗੇ ਪਾਣੁਪੇਤੇ ਸਰਣਂ ਗਤੇ’’ਤਿ।
Evaṃ vutte, nagaravindeyyakā brāhmaṇagahapatikā bhagavantaṃ etadavocuṃ – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Ete mayaṃ bhavantaṃ gotamaṃ saraṇaṃ gacchāma dhammañca bhikkhusaṅghañca. Upāsake no bhavaṃ gotamo dhāretu ajjatagge pāṇupete saraṇaṃ gate’’ti.
ਨਗਰવਿਨ੍ਦੇਯ੍ਯਸੁਤ੍ਤਂ ਨਿਟ੍ਠਿਤਂ ਅਟ੍ਠਮਂ।
Nagaravindeyyasuttaṃ niṭṭhitaṃ aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੮. ਨਗਰવਿਨ੍ਦੇਯ੍ਯਸੁਤ੍ਤવਣ੍ਣਨਾ • 8. Nagaravindeyyasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੮. ਨਗਰવਿਨ੍ਦੇਯ੍ਯਸੁਤ੍ਤવਣ੍ਣਨਾ • 8. Nagaravindeyyasuttavaṇṇanā
