| Library / Tipiṭaka / တိပိဋက • Tipiṭaka / မဇ္ဈိမနိကာယ (အဋ္ဌကထာ) • Majjhimanikāya (aṭṭhakathā) |
၈. နဂရဝိန္ဒေယ္ယသုတ္တဝဏ္ဏနာ
8. Nagaravindeyyasuttavaṇṇanā
၄၃၅. ဧဝံ မေ သုတန္တိ နဂရဝိန္ဒေယ္ယသုတ္တံ။ တတ္ထ သမဝိသမံ စရန္တီတိ ကာလေန သမံ စရန္တိ, ကာလေန ဝိသမံ။ သမစရိယမ္ပိ ဟေတန္တိ သမစရိယမ္ပိ ဟိ ဧတံ။
435.Evaṃme sutanti nagaravindeyyasuttaṃ. Tattha samavisamaṃ carantīti kālena samaṃ caranti, kālena visamaṃ. Samacariyampi hetanti samacariyampi hi etaṃ.
၄၃၇. ကေ အာကာရာတိ ကာနိ ကာရဏာနိ? ကေ အန္ဝယာတိ ကာ အနုဗုဒ္ဓိယော? နတ္ထိ ခော ပန တတ္ထာတိ ကသ္မာ အာဟ, နနု အရညေ ဟရိတတိဏစမ္ပကဝနာဒိဝသေန အတိမနုညာ ရူပာဒယော ပဉ္စ ကာမဂုဏာ အတ္ထီတိ? နော နတ္ထိ။ န ပနေတံ ဝနသဏ္ဍေန ကထိတံ, ဣတ္ထိရူပာဒီနိ ပန သန္ဓာယေတံ ကထိတံ။ တာနိ ဟိ ပုရိသသ္သ စိတ္တံ ပရိယာဒာယ တိဋ္ဌန္တိ။ ယထာဟ – ‘‘နာဟံ, ဘိက္ခဝေ, အညံ ဧကရူပမ္ပိ သမနုပသ္သာမိ, ယံ ဧဝံ ပုရိသသ္သ စိတ္တံ ပရိယာဒာယ တိဋ္ဌတိ, ယထယိဒံ, ဘိက္ခဝေ, ဣတ္ထိရူပံ။ ဣတ္ထိရူပံ, ဘိက္ခဝေ, ပုရိသသ္သ စိတ္တံ ပရိယာဒာယ တိဋ္ဌတီ’’တိ (အ. နိ. ၁.၁) ဝိတ္ထာရေတဗ္ဗံ။ သေသံ သဗ္ဗတ္ထ ဥတ္တာနမေဝာတိ။
437.Ke ākārāti kāni kāraṇāni? Ke anvayāti kā anubuddhiyo? Natthi kho pana tatthāti kasmā āha, nanu araññe haritatiṇacampakavanādivasena atimanuññā rūpādayo pañca kāmaguṇā atthīti? No natthi. Na panetaṃ vanasaṇḍena kathitaṃ, itthirūpādīni pana sandhāyetaṃ kathitaṃ. Tāni hi purisassa cittaṃ pariyādāya tiṭṭhanti. Yathāha – ‘‘nāhaṃ, bhikkhave, aññaṃ ekarūpampi samanupassāmi, yaṃ evaṃ purisassa cittaṃ pariyādāya tiṭṭhati, yathayidaṃ, bhikkhave, itthirūpaṃ. Itthirūpaṃ, bhikkhave, purisassa cittaṃ pariyādāya tiṭṭhatī’’ti (a. ni. 1.1) vitthāretabbaṃ. Sesaṃ sabbattha uttānamevāti.
ပပဉ္စသူဒနိယာ မဇ္ဈိမနိကာယဋ္ဌကထာယ
Papañcasūdaniyā majjhimanikāyaṭṭhakathāya
နဂရဝိန္ဒေယ္ယသုတ္တဝဏ္ဏနာ နိဋ္ဌိတာ။
Nagaravindeyyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / မဇ္ဈိမနိကာယ • Majjhimanikāya / ၈. နဂရဝိန္ဒေယ္ယသုတ္တံ • 8. Nagaravindeyyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / မဇ္ဈိမနိကာယ (ဋီကာ) • Majjhimanikāya (ṭīkā) / ၈. နဂရဝိန္ဒေယ္ယသုတ္တဝဏ္ဏနာ • 8. Nagaravindeyyasuttavaṇṇanā
