| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. наг̇аробамасуд̇д̇ам̣
3. Nagaropamasuttaṃ
67. ‘‘яад̇о ко, бхигкавз, ран̃н̃о бажжанд̇имам̣ наг̇арам̣ сад̇д̇ахи наг̇арабаригкаарзхи субаригкад̇ам̣ 1 ход̇и, жад̇уннан̃жа аахаараанам̣ нигаамалаабхий ход̇и агижчалаабхий агасиралаабхий. ид̣̇ам̣ вужжад̇и, бхигкавз, ран̃н̃о бажжанд̇имам̣ наг̇арам̣ агаран̣ийяам̣ б̣аахирзхи бажжад̇т̇игзхи бажжаамид̇д̇зхи.
67. ‘‘Yato kho, bhikkhave, rañño paccantimaṃ nagaraṃ sattahi nagaraparikkhārehi suparikkhataṃ 2 hoti, catunnañca āhārānaṃ nikāmalābhī hoti akicchalābhī akasiralābhī. Idaṃ vuccati, bhikkhave, rañño paccantimaṃ nagaraṃ akaraṇīyaṃ bāhirehi paccatthikehi paccāmittehi.
‘‘гад̇амзхи сад̇д̇ахи наг̇арабаригкаарзхи субаригкад̇ам̣ ход̇и? ид̇ха, бхигкавз, ран̃н̃о бажжанд̇имз наг̇арз зсигаа ход̇и г̇амбхийранзмаа 3 суникаад̇аа ажалаа асамбавзд̇хий 4. иминаа батамзна наг̇арабаригкаарзна субаригкад̇ам̣ ход̇и ран̃н̃о бажжанд̇имам̣ наг̇арам̣ аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа.
‘‘буна жабарам̣, бхигкавз, ран̃н̃о бажжанд̇имз наг̇арз барикаа ход̇и г̇амбхийраа жзва вид̇т̇ад̇аа жа. иминаа д̣̇уд̇иязна наг̇арабаригкаарзна субаригкад̇ам̣ ход̇и ран̃н̃о бажжанд̇имам̣ наг̇арам̣ аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа.
‘‘Puna caparaṃ, bhikkhave, rañño paccantime nagare parikhā hoti gambhīrā ceva vitthatā ca. Iminā dutiyena nagaraparikkhārena suparikkhataṃ hoti rañño paccantimaṃ nagaraṃ abbhantarānaṃ guttiyā bāhirānaṃ paṭighātāya.
‘‘буна жабарам̣, бхигкавз, ран̃н̃о бажжанд̇имз наг̇арз анубарияааяабат̇о ход̇и ужжо жзва вид̇т̇ад̇о жа. иминаа д̇ад̇иязна наг̇арабаригкаарзна субаригкад̇ам̣ ход̇и ран̃н̃о бажжанд̇имам̣ наг̇арам̣ аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа.
‘‘Puna caparaṃ, bhikkhave, rañño paccantime nagare anupariyāyapatho hoti ucco ceva vitthato ca. Iminā tatiyena nagaraparikkhārena suparikkhataṃ hoti rañño paccantimaṃ nagaraṃ abbhantarānaṃ guttiyā bāhirānaṃ paṭighātāya.
‘‘буна жабарам̣, бхигкавз, ран̃н̃о бажжанд̇имз наг̇арз б̣ахум̣ аавуд̇хам̣ саннижид̇ам̣ ход̇и салааган̃жзва ж̇званиган̃жа 7. иминаа жад̇уд̇т̇зна наг̇арабаригкаарзна субаригкад̇ам̣ ход̇и ран̃н̃о бажжанд̇имам̣ наг̇арам̣ аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа.
‘‘Puna caparaṃ, bhikkhave, rañño paccantime nagare bahuṃ āvudhaṃ sannicitaṃ hoti salākañceva jevanikañca 8. Iminā catutthena nagaraparikkhārena suparikkhataṃ hoti rañño paccantimaṃ nagaraṃ abbhantarānaṃ guttiyā bāhirānaṃ paṭighātāya.
‘‘буна жабарам̣, бхигкавз, ран̃н̃о бажжанд̇имз наг̇арз б̣ахуб̣алагааяо бадивасад̇и, сзяяат̇ид̣̇ам̣ – хад̇т̇аарохаа ассаарохаа рат̇игаа д̇хануг̇г̇ахаа жзлагаа жалагаа бин̣д̣ад̣̇ааяагаа уг̇г̇аа рааж̇абуд̇д̇аа багканд̣̇ино махаанааг̇аа суураа жаммаяод̇хино д̣̇аасагабуд̇д̇аа. иминаа бан̃жамзна наг̇арабаригкаарзна субаригкад̇ам̣ ход̇и ран̃н̃о бажжанд̇имам̣ наг̇арам̣ аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа.
‘‘Puna caparaṃ, bhikkhave, rañño paccantime nagare bahubalakāyo paṭivasati, seyyathidaṃ – hatthārohā assārohā rathikā dhanuggahā celakā calakā piṇḍadāyakā uggā rājaputtā pakkhandino mahānāgā sūrā cammayodhino dāsakaputtā. Iminā pañcamena nagaraparikkhārena suparikkhataṃ hoti rañño paccantimaṃ nagaraṃ abbhantarānaṃ guttiyā bāhirānaṃ paṭighātāya.
‘‘буна жабарам̣, бхигкавз, ран̃н̃о бажжанд̇имз наг̇арз д̣̇оваариго ход̇и бан̣д̣ид̇о б̣яад̇д̇о мзд̇хаавий ан̃н̃аад̇аанам̣ ниваарзд̇аа н̃аад̇аанам̣ бавзсзд̇аа. иминаа чадтзна наг̇арабаригкаарзна субаригкад̇ам̣ ход̇и ран̃н̃о бажжанд̇имам̣ наг̇арам̣ аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа.
‘‘Puna caparaṃ, bhikkhave, rañño paccantime nagare dovāriko hoti paṇḍito byatto medhāvī aññātānaṃ nivāretā ñātānaṃ pavesetā. Iminā chaṭṭhena nagaraparikkhārena suparikkhataṃ hoti rañño paccantimaṃ nagaraṃ abbhantarānaṃ guttiyā bāhirānaṃ paṭighātāya.
‘‘буна жабарам̣, бхигкавз, ран̃н̃о бажжанд̇имз наг̇арз баагааро ход̇и ужжо жзва вид̇т̇ад̇о жа ваасаналзбанасамбанно жа. иминаа сад̇д̇амзна наг̇арабаригкаарзна субаригкад̇ам̣ ход̇и ран̃н̃о бажжанд̇имам̣ наг̇арам̣ аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа. имзхи сад̇д̇ахи наг̇арабаригкаарзхи субаригкад̇ам̣ ход̇и.
‘‘Puna caparaṃ, bhikkhave, rañño paccantime nagare pākāro hoti ucco ceva vitthato ca vāsanalepanasampanno ca. Iminā sattamena nagaraparikkhārena suparikkhataṃ hoti rañño paccantimaṃ nagaraṃ abbhantarānaṃ guttiyā bāhirānaṃ paṭighātāya. Imehi sattahi nagaraparikkhārehi suparikkhataṃ hoti.
‘‘гад̇амзсам̣ жад̇уннам̣ аахаараанам̣ нигаамалаабхий ход̇и агижчалаабхий агасиралаабхий? ид̇ха, бхигкавз, ран̃н̃о бажжанд̇имз наг̇арз б̣ахум̣ д̇ин̣агадтод̣̇агам̣ саннижид̇ам̣ ход̇и аб̣бханд̇араанам̣ рад̇ияаа абарид̇ассааяа паасувихаарааяа б̣аахираанам̣ бадигхаад̇ааяа.
‘‘Katamesaṃ catunnaṃ āhārānaṃ nikāmalābhī hoti akicchalābhī akasiralābhī? Idha, bhikkhave, rañño paccantime nagare bahuṃ tiṇakaṭṭhodakaṃ sannicitaṃ hoti abbhantarānaṃ ratiyā aparitassāya phāsuvihārāya bāhirānaṃ paṭighātāya.
‘‘буна жабарам̣, бхигкавз, ран̃н̃о бажжанд̇имз наг̇арз б̣ахум̣ саалияавагам̣ саннижид̇ам̣ ход̇и аб̣бханд̇араанам̣ рад̇ияаа абарид̇ассааяа паасувихаарааяа б̣аахираанам̣ бадигхаад̇ааяа.
‘‘Puna caparaṃ, bhikkhave, rañño paccantime nagare bahuṃ sāliyavakaṃ sannicitaṃ hoti abbhantarānaṃ ratiyā aparitassāya phāsuvihārāya bāhirānaṃ paṭighātāya.
‘‘буна жабарам̣, бхигкавз, ран̃н̃о бажжанд̇имз наг̇арз б̣ахум̣ д̇иламуг̇г̇амаасаабаран̣н̣ам̣ саннижид̇ам̣ ход̇и аб̣бханд̇араанам̣ рад̇ияаа абарид̇ассааяа паасувихаарааяа б̣аахираанам̣ бадигхаад̇ааяа.
‘‘Puna caparaṃ, bhikkhave, rañño paccantime nagare bahuṃ tilamuggamāsāparaṇṇaṃ sannicitaṃ hoti abbhantarānaṃ ratiyā aparitassāya phāsuvihārāya bāhirānaṃ paṭighātāya.
‘‘буна жабарам̣, бхигкавз, ран̃н̃о бажжанд̇имз наг̇арз б̣ахум̣ бхзсаж̇ж̇ам̣ саннижид̇ам̣ ход̇и, сзяяат̇ид̣̇ам̣ – сабби наванийд̇ам̣ д̇злам̣ мад̇ху паан̣ид̇ам̣ лон̣ам̣ аб̣бханд̇араанам̣ рад̇ияаа абарид̇ассааяа паасувихаарааяа б̣аахираанам̣ бадигхаад̇ааяа. имзсам̣ ко, бхигкавз, жад̇уннам̣ аахаараанам̣ нигаамалаабхий ход̇и агижчалаабхий агасиралаабхий.
‘‘Puna caparaṃ, bhikkhave, rañño paccantime nagare bahuṃ bhesajjaṃ sannicitaṃ hoti, seyyathidaṃ – sappi navanītaṃ telaṃ madhu phāṇitaṃ loṇaṃ abbhantarānaṃ ratiyā aparitassāya phāsuvihārāya bāhirānaṃ paṭighātāya. Imesaṃ kho, bhikkhave, catunnaṃ āhārānaṃ nikāmalābhī hoti akicchalābhī akasiralābhī.
‘‘яад̇о ко, бхигкавз, ран̃н̃о бажжанд̇имам̣ наг̇арам̣ имзхи сад̇д̇ахи наг̇арабаригкаарзхи субаригкад̇ам̣ ход̇и, имзсан̃жа жад̇уннам̣ аахаараанам̣ нигаамалаабхий ход̇и агижчалаабхий агасиралаабхий. ид̣̇ам̣ вужжад̇и, бхигкавз, ран̃н̃о бажжанд̇имам̣ наг̇арам̣ агаран̣ийяам̣ б̣аахирзхи бажжад̇т̇игзхи бажжаамид̇д̇зхи. звамзвам̣ ко, бхигкавз, яад̇о арияасааваго сад̇д̇ахи сад̣̇д̇хаммзхи саманнааг̇ад̇о ход̇и, жад̇уннан̃жа жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий. аяам̣ вужжад̇и, бхигкавз, арияасааваго агаран̣ийяо маарасса агаран̣ийяо баабимад̇о. гад̇амзхи сад̇д̇ахи сад̣̇д̇хаммзхи саманнааг̇ад̇о ход̇и?
‘‘Yato kho, bhikkhave, rañño paccantimaṃ nagaraṃ imehi sattahi nagaraparikkhārehi suparikkhataṃ hoti, imesañca catunnaṃ āhārānaṃ nikāmalābhī hoti akicchalābhī akasiralābhī. Idaṃ vuccati, bhikkhave, rañño paccantimaṃ nagaraṃ akaraṇīyaṃ bāhirehi paccatthikehi paccāmittehi. Evamevaṃ kho, bhikkhave, yato ariyasāvako sattahi saddhammehi samannāgato hoti, catunnañca jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī. Ayaṃ vuccati, bhikkhave, ariyasāvako akaraṇīyo mārassa akaraṇīyo pāpimato. Katamehi sattahi saddhammehi samannāgato hoti?
‘‘сзяяат̇ааби, бхигкавз, ран̃н̃о бажжанд̇имз наг̇арз зсигаа ход̇и г̇амбхийранзмаа суникаад̇аа ажалаа асамбавзд̇хий аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа. звамзвам̣ ко, бхигкавз, арияасааваго сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ ‘ид̇иби со…бз… б̣уд̣̇д̇хо бхаг̇аваа’д̇и. сад̣̇д̇хзсиго, бхигкавз, арияасааваго агусалам̣ баж̇ахад̇и, гусалам̣ бхаавзд̇и; сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и; суд̣̇д̇хам̣ ад̇д̇аанам̣ барихарад̇и. иминаа батамзна сад̣̇д̇хаммзна саманнааг̇ад̇о ход̇и.
‘‘Seyyathāpi, bhikkhave, rañño paccantime nagare esikā hoti gambhīranemā sunikhātā acalā asampavedhī abbhantarānaṃ guttiyā bāhirānaṃ paṭighātāya. Evamevaṃ kho, bhikkhave, ariyasāvako saddho hoti, saddahati tathāgatassa bodhiṃ ‘itipi so…pe… buddho bhagavā’ti. Saddhesiko, bhikkhave, ariyasāvako akusalaṃ pajahati, kusalaṃ bhāveti; sāvajjaṃ pajahati, anavajjaṃ bhāveti; suddhaṃ attānaṃ pariharati. Iminā paṭhamena saddhammena samannāgato hoti.
‘‘сзяяат̇ааби, бхигкавз, ран̃н̃о бажжанд̇имз наг̇арз баригкаа ход̇и г̇амбхийраа жзва вид̇т̇ад̇аа жа аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа. звамзвам̣ ко, бхигкавз, арияасааваго хириймаа ход̇и, хирийяад̇и гааяад̣̇ужжарид̇зна важийд̣̇ужжарид̇зна манод̣̇ужжарид̇зна, хирийяад̇и баабагаанам̣ агусалаанам̣ д̇хаммаанам̣ самаабад̇д̇ияаа. хирийбаригко ко, бхигкавз, арияасааваго агусалам̣ баж̇ахад̇и, гусалам̣ бхаавзд̇и; сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и; суд̣̇д̇хам̣ ад̇д̇аанам̣ барихарад̇и. иминаа д̣̇уд̇иязна сад̣̇д̇хаммзна саманнааг̇ад̇о ход̇и.
‘‘Seyyathāpi, bhikkhave, rañño paccantime nagare parikkhā hoti gambhīrā ceva vitthatā ca abbhantarānaṃ guttiyā bāhirānaṃ paṭighātāya. Evamevaṃ kho, bhikkhave, ariyasāvako hirīmā hoti, hirīyati kāyaduccaritena vacīduccaritena manoduccaritena, hirīyati pāpakānaṃ akusalānaṃ dhammānaṃ samāpattiyā. Hirīparikkho kho, bhikkhave, ariyasāvako akusalaṃ pajahati, kusalaṃ bhāveti; sāvajjaṃ pajahati, anavajjaṃ bhāveti; suddhaṃ attānaṃ pariharati. Iminā dutiyena saddhammena samannāgato hoti.
‘‘сзяяат̇ааби, бхигкавз, ран̃н̃о бажжанд̇имз наг̇арз анубарияааяабат̇о ход̇и ужжо жзва вид̇т̇ад̇о жа аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа. звамзвам̣ ко, бхигкавз, арияасааваго од̇д̇аббий ход̇и, од̇д̇аббад̇и гааяад̣̇ужжарид̇зна важийд̣̇ужжарид̇зна манод̣̇ужжарид̇зна, од̇д̇аббад̇и баабагаанам̣ агусалаанам̣ д̇хаммаанам̣ самаабад̇д̇ияаа. од̇д̇аббабарияааяабат̇о , бхигкавз, арияасааваго агусалам̣ баж̇ахад̇и, гусалам̣ бхаавзд̇и ; сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и; суд̣̇д̇хам̣ ад̇д̇аанам̣ барихарад̇и. иминаа д̇ад̇иязна сад̣̇д̇хаммзна саманнааг̇ад̇о ход̇и.
‘‘Seyyathāpi, bhikkhave, rañño paccantime nagare anupariyāyapatho hoti ucco ceva vitthato ca abbhantarānaṃ guttiyā bāhirānaṃ paṭighātāya. Evamevaṃ kho, bhikkhave, ariyasāvako ottappī hoti, ottappati kāyaduccaritena vacīduccaritena manoduccaritena, ottappati pāpakānaṃ akusalānaṃ dhammānaṃ samāpattiyā. Ottappapariyāyapatho , bhikkhave, ariyasāvako akusalaṃ pajahati, kusalaṃ bhāveti ; sāvajjaṃ pajahati, anavajjaṃ bhāveti; suddhaṃ attānaṃ pariharati. Iminā tatiyena saddhammena samannāgato hoti.
‘‘сзяяат̇ааби, бхигкавз, ран̃н̃о бажжанд̇имз наг̇арз б̣ахум̣ аавуд̇хам̣ саннижид̇ам̣ ход̇и салааган̃жзва ж̇званиган̃жа аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа. звамзвам̣ ко, бхигкавз, арияасааваго б̣ахуссуд̇о ход̇и…бз… д̣̇идтияаа суббадивид̣̇д̇хаа. суд̇аавуд̇хо, бхигкавз, арияасааваго агусалам̣ баж̇ахад̇и, гусалам̣ бхаавзд̇и; сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и; суд̣̇д̇хам̣ ад̇д̇аанам̣ барихарад̇и. иминаа жад̇уд̇т̇зна сад̣̇д̇хаммзна саманнааг̇ад̇о ход̇и.
‘‘Seyyathāpi, bhikkhave, rañño paccantime nagare bahuṃ āvudhaṃ sannicitaṃ hoti salākañceva jevanikañca abbhantarānaṃ guttiyā bāhirānaṃ paṭighātāya. Evamevaṃ kho, bhikkhave, ariyasāvako bahussuto hoti…pe… diṭṭhiyā suppaṭividdhā. Sutāvudho, bhikkhave, ariyasāvako akusalaṃ pajahati, kusalaṃ bhāveti; sāvajjaṃ pajahati, anavajjaṃ bhāveti; suddhaṃ attānaṃ pariharati. Iminā catutthena saddhammena samannāgato hoti.
‘‘сзяяат̇ааби, бхигкавз, ран̃н̃о бажжанд̇имз наг̇арз б̣ахуб̣алагааяо бадивасад̇и, сзяяат̇ид̣̇ам̣ – хад̇т̇аарохаа ассаарохаа рат̇игаа д̇хануг̇г̇ахаа жзлагаа жалагаа бин̣д̣ад̣̇ааяагаа уг̇г̇аа рааж̇абуд̇д̇аа багканд̣̇ино махаанааг̇аа суураа жаммаяод̇хино д̣̇аасагабуд̇д̇аа аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа. звамзвам̣ ко, бхигкавз, арияасааваго аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. вийрияаб̣алагааяо, бхигкавз, арияасааваго агусалам̣ баж̇ахад̇и, гусалам̣ бхаавзд̇и; сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и; суд̣̇д̇хам̣ ад̇д̇аанам̣ барихарад̇и. иминаа бан̃жамзна сад̣̇д̇хаммзна саманнааг̇ад̇о ход̇и.
‘‘Seyyathāpi, bhikkhave, rañño paccantime nagare bahubalakāyo paṭivasati, seyyathidaṃ – hatthārohā assārohā rathikā dhanuggahā celakā calakā piṇḍadāyakā uggā rājaputtā pakkhandino mahānāgā sūrā cammayodhino dāsakaputtā abbhantarānaṃ guttiyā bāhirānaṃ paṭighātāya. Evamevaṃ kho, bhikkhave, ariyasāvako āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Vīriyabalakāyo, bhikkhave, ariyasāvako akusalaṃ pajahati, kusalaṃ bhāveti; sāvajjaṃ pajahati, anavajjaṃ bhāveti; suddhaṃ attānaṃ pariharati. Iminā pañcamena saddhammena samannāgato hoti.
‘‘сзяяат̇ааби, бхигкавз, ран̃н̃о бажжанд̇имз наг̇арз д̣̇оваариго ход̇и бан̣д̣ид̇о б̣яад̇д̇о мзд̇хаавий ан̃н̃аад̇аанам̣ ниваарзд̇аа н̃аад̇аанам̣ бавзсзд̇аа аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа . звамзвам̣ ко, бхигкавз, арияасааваго сад̇имаа ход̇и барамзна сад̇инзбаггзна саманнааг̇ад̇о жирагад̇амби жирабхаасид̇амби сарид̇аа ануссарид̇аа. сад̇ид̣̇оваариго, бхигкавз, арияасааваго агусалам̣ баж̇ахад̇и, гусалам̣ бхаавзд̇и; сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и; суд̣̇д̇хам̣ ад̇д̇аанам̣ барихарад̇и. иминаа чадтзна сад̣̇д̇хаммзна саманнааг̇ад̇о ход̇и.
‘‘Seyyathāpi, bhikkhave, rañño paccantime nagare dovāriko hoti paṇḍito byatto medhāvī aññātānaṃ nivāretā ñātānaṃ pavesetā abbhantarānaṃ guttiyā bāhirānaṃ paṭighātāya . Evamevaṃ kho, bhikkhave, ariyasāvako satimā hoti paramena satinepakkena samannāgato cirakatampi cirabhāsitampi saritā anussaritā. Satidovāriko, bhikkhave, ariyasāvako akusalaṃ pajahati, kusalaṃ bhāveti; sāvajjaṃ pajahati, anavajjaṃ bhāveti; suddhaṃ attānaṃ pariharati. Iminā chaṭṭhena saddhammena samannāgato hoti.
‘‘сзяяат̇ааби, бхигкавз, ран̃н̃о бажжанд̇имз наг̇арз баагааро ход̇и ужжо жзва вид̇т̇ад̇о жа ваасаналзбанасамбанно жа аб̣бханд̇араанам̣ г̇уд̇д̇ияаа б̣аахираанам̣ бадигхаад̇ааяа. звамзвам̣ ко, бхигкавз, арияасааваго бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. бан̃н̃ааваасаналзбанасамбанно, бхигкавз, арияасааваго агусалам̣ баж̇ахад̇и, гусалам̣ бхаавзд̇и; сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и; суд̣̇д̇хам̣ ад̇д̇аанам̣ барихарад̇и. иминаа сад̇д̇амзна сад̣̇д̇хаммзна саманнааг̇ад̇о ход̇и. имзхи сад̇д̇ахи сад̣̇д̇хаммзхи саманнааг̇ад̇о ход̇и.
‘‘Seyyathāpi, bhikkhave, rañño paccantime nagare pākāro hoti ucco ceva vitthato ca vāsanalepanasampanno ca abbhantarānaṃ guttiyā bāhirānaṃ paṭighātāya. Evamevaṃ kho, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Paññāvāsanalepanasampanno, bhikkhave, ariyasāvako akusalaṃ pajahati, kusalaṃ bhāveti; sāvajjaṃ pajahati, anavajjaṃ bhāveti; suddhaṃ attānaṃ pariharati. Iminā sattamena saddhammena samannāgato hoti. Imehi sattahi saddhammehi samannāgato hoti.
‘‘гад̇амзсам̣ жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий? сзяяат̇ааби, бхигкавз, ран̃н̃о бажжанд̇имз наг̇арз б̣ахум̣ д̇ин̣агадтод̣̇агам̣ саннижид̇ам̣ ход̇и аб̣бханд̇араанам̣ рад̇ияаа абарид̇ассааяа паасувихаарааяа б̣аахираанам̣ бадигхаад̇ааяа. звамзвам̣ ко, бхигкавз, арияасааваго вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и ад̇д̇ано рад̇ияаа абарид̇ассааяа паасувихаарааяа оггаманааяа ниб̣б̣аанасса.
‘‘Katamesaṃ catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī? Seyyathāpi, bhikkhave, rañño paccantime nagare bahuṃ tiṇakaṭṭhodakaṃ sannicitaṃ hoti abbhantarānaṃ ratiyā aparitassāya phāsuvihārāya bāhirānaṃ paṭighātāya. Evamevaṃ kho, bhikkhave, ariyasāvako vivicceva kāmehi…pe… paṭhamaṃ jhānaṃ upasampajja viharati attano ratiyā aparitassāya phāsuvihārāya okkamanāya nibbānassa.
‘‘сзяяат̇ааби, бхигкавз, ран̃н̃о бажжанд̇имз наг̇арз б̣ахум̣ саалияавагам̣ саннижид̇ам̣ ход̇и аб̣бханд̇араанам̣ рад̇ияаа абарид̇ассааяа паасувихаарааяа б̣аахираанам̣ бадигхаад̇ааяа. звамзвам̣ ко, бхигкавз, арияасааваго вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и ад̇д̇ано рад̇ияаа абарид̇ассааяа паасувихаарааяа оггаманааяа ниб̣б̣аанасса.
‘‘Seyyathāpi, bhikkhave, rañño paccantime nagare bahuṃ sāliyavakaṃ sannicitaṃ hoti abbhantarānaṃ ratiyā aparitassāya phāsuvihārāya bāhirānaṃ paṭighātāya. Evamevaṃ kho, bhikkhave, ariyasāvako vitakkavicārānaṃ vūpasamā…pe… dutiyaṃ jhānaṃ upasampajja viharati attano ratiyā aparitassāya phāsuvihārāya okkamanāya nibbānassa.
‘‘сзяяат̇ааби, бхигкавз, ран̃н̃о бажжанд̇имз наг̇арз б̣ахум̣ д̇иламуг̇г̇амаасаабаран̣н̣ам̣ саннижид̇ам̣ ход̇и аб̣бханд̇араанам̣ рад̇ияаа абарид̇ассааяа паасувихаарааяа б̣аахираанам̣ бадигхаад̇ааяа. звамзвам̣ ко, бхигкавз, арияасааваго бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и ад̇д̇ано рад̇ияаа абарид̇ассааяа паасувихаарааяа оггаманааяа ниб̣б̣аанасса.
‘‘Seyyathāpi, bhikkhave, rañño paccantime nagare bahuṃ tilamuggamāsāparaṇṇaṃ sannicitaṃ hoti abbhantarānaṃ ratiyā aparitassāya phāsuvihārāya bāhirānaṃ paṭighātāya. Evamevaṃ kho, bhikkhave, ariyasāvako pītiyā ca virāgā…pe… tatiyaṃ jhānaṃ upasampajja viharati attano ratiyā aparitassāya phāsuvihārāya okkamanāya nibbānassa.
‘‘сзяяат̇ааби, бхигкавз, ран̃н̃о бажжанд̇имз наг̇арз б̣ахум̣ бхзсаж̇ж̇ам̣ саннижид̇ам̣ ход̇и, сзяяат̇ид̣̇ам̣ – сабби наванийд̇ам̣ д̇злам̣ мад̇ху паан̣ид̇ам̣ лон̣ам̣ аб̣бханд̇араанам̣ рад̇ияаа абарид̇ассааяа паасувихаарааяа б̣аахираанам̣ бадигхаад̇ааяа. звамзвам̣ ко бхигкавз, арияасааваго сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и ад̇д̇ано рад̇ияаа абарид̇ассааяа паасувихаарааяа оггаманааяа ниб̣б̣аанасса. имзсам̣ жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий.
‘‘Seyyathāpi, bhikkhave, rañño paccantime nagare bahuṃ bhesajjaṃ sannicitaṃ hoti, seyyathidaṃ – sappi navanītaṃ telaṃ madhu phāṇitaṃ loṇaṃ abbhantarānaṃ ratiyā aparitassāya phāsuvihārāya bāhirānaṃ paṭighātāya. Evamevaṃ kho bhikkhave, ariyasāvako sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati attano ratiyā aparitassāya phāsuvihārāya okkamanāya nibbānassa. Imesaṃ catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī.
‘‘яад̇о ко, бхигкавз, арияасааваго имзхи сад̇д̇ахи сад̣̇д̇хаммзхи саманнааг̇ад̇о ход̇и, имзсан̃жа жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий. аяам̣ вужжад̇и, бхигкавз, арияасааваго агаран̣ийяо маарасса агаран̣ийяо баабимад̇о’’д̇и. д̇ад̇ияам̣.
‘‘Yato kho, bhikkhave, ariyasāvako imehi sattahi saddhammehi samannāgato hoti, imesañca catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī. Ayaṃ vuccati, bhikkhave, ariyasāvako akaraṇīyo mārassa akaraṇīyo pāpimato’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. наг̇аробамасуд̇д̇аван̣н̣анаа • 3. Nagaropamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. наг̇аробамасуд̇д̇аван̣н̣анаа • 3. Nagaropamasuttavaṇṇanā
